بنات البحرين اللي يتابعون في الفاتح

السلام عليكم ورحمة الله وبركاته


أني من حللت الحمل في المركز دخلوني موعد سريع على الدكتورة بعد اسبوع من النتيجة وحولتني الفاتح

من اسبوع ترقدت في السلمانية كم يوم ويوم اللي رخصوني قالت الدكتورة باقي دكتورة ثانية تجي لي تبيني انتظر

ولا جت هالدكتورة الثانية وقالت الممرضة اوراقي مو مكملة ومو مكتوب لي متى اروح موعد مرة ثانية

عطتني الكارت وقالت روحي المركز شيكي وياهم يعطونش موعد؟

قلت اليها يعني بتودون فايلي المركز؟ لاني اني من البداية محولة على الفاتح

الا تقول لا لا عجل في الفاتح


انزين ماعطوني موعد؟
ولو رحت الفاتح عادي سيدة يسجلون لي موعد واني ماعندي ورقة مكتوب فيها بعد كم يسجلوني؟
والممرضة تقول مو مكتوب لي شيء في الفايل اني متى اروح اتابع


متحيرة على اي اساس الكاتبة بتسجل لي موعد اذا ماعندي ورقة من الدكتورة مكتوب فيها بعد كم الموعد

اللي ترقدت تخبرني هلى عادي بس تودي الكرت ويعطونها موعد؟ او يش السالفة