:057:
السلام عليكم
بنات قــررت أسوي عرسي شهر 7 وتقريبا رسيت على تاريخ 16-7 بس المشكلة اني ما جهزت ولااااااا شي للحين ولا حجوزات ولا شي والسبب اني مو قادرة أقرر شي والمشكلة والطامة الأكبر اني في الجامعه ما بخلص الا 14-7 يعني قبل الموعد المقرر للعرس بـ يومين
:091: ومتحيرة في الحنة وفستان الحنه وتصوير الحنه
وبما اني سويت خطوبة في صالة الدانه ولبست اوف وايت وسويت كل الا خاطري فيه وقلت ما بسوي عرس بس بسوي جلوة في ماتم
بس الحين صار خاطري اسوي عرس وأرد البس فستان ابيض :039: ناس تقول لي اي لبسي وناس تقول لا ما يصير الخطوبة والعرس ابيض
والمشكلة الأكبر
ان ميزانيتي ليوم العرس بس 1000 دينار قلت بسوي في صالة عادية بس بعد يطلع عليي شوي غالي
وخاصة اهلي واهل زوجي واجد واذا بسوي بارسلات لازم اسوي على الاقل 900 :091: وآخر مرة سمعت حمواتي يتحلطمون على بارسلات عروس ان تفشل اخاف اسوي بارسلات رخيصة واتفشل وياهم
الحين ابيكم تساعدوني في هالألف دينار شسوي؟ اني قلت بسوي في صالة مصلى العيد بـ 300 وعقب قالو ليي لا تسوين سوي في صالة حجي حسن العالي ؟ ويش تشورون عليي ؟
ومن وين اسوي الاكل وجم صحن تقريبا؟
وقلت بروح اتعدل في الرونق .. او اجار الفستان :057:
وبشتري ليي شوية ثياب :057: ساعدوني بليييييييييييز ابي وحدة تخطط ويايي شكلي ما بفلح في ترتيبات العرس وكل ما تأخرت في التفكير مابحصل حجز وما بفلح في دراستي :(
المشكلة اني مو قادرة اخطو ولا خطوة على قولتهم فالة ايدي
نفسيتي صفر :091:
بالبركة ..
أنا بعد بتزوج شهر 7 .. بس بسوي حفلة لأني ما سويت في الخطوبة ..
أنا اقترح مدام انتي لبستي الابيض وسويتي حفلة عرس ماله داعي .. تردين تسوين حفلة وابيض .. والصور بتطلع متكررة .. انا اقترح تاخدين مثلا صالة وتسوين فيها جلوة .. بتصير فكره حلوة ..
مثلا شهرزاد ب 360 دينار ..
البسي هندي .. او تاجري من احد البنات الي مفصلين فساتين حلوة للجلوة وعلى مستوى .. وخليه فستان فخم ..
في بنات واجد مسوين فساتينهم مال الملجة أو الجلوة عند انمار وكبرى القصير ويأجرونهم على 80 .. او 100
لا تعزمين ناس واجد .. عشان تقدرين تسوين الأكل .. على مستوى ..
عندش رضوان الي في عالي يسوي وجبات حلوة وخفيفة ورخصية .. وأكله حلو
وترا ساعات يقدر يسوي لج أكثر البارسلات في صحون على الطاولات .. بدل لا كل وحده تشيل بارسلها وياها ..
بيصير كان بوفيه بس خفيف .. يعني بحدوود 300 دينار .. بيطلع ليش شي محترم ..
وحطي ليس ميزانية 70 للصالون .. على اساس انه جلوة .. وما بتتعدلين تعديل عروس ..
ابتسام كمال مكياجها ابو 30 واااايد حلو .. بنت خالي راحت بجلوتها هناك .. الكل يسالها بجم .. الكل استغرب يوم عرف انه مكياجها ب 30 بس ..
وانتين قولي ليها انها جلوة .. وهي ما بتقصر .. بتطلعش كأنش عروس
وبيبقى ليش 170 دينار .. هاي شوفي انتين وين بتحطينها ...
والله يطرح البركة حبيبتي
اي ونسيت اقول ليش ..
انه خلي طلعاتهش يوم الخميس والجمعة والسبت.. عشان لان الايام الثانية جامعة ..
اني قاعده اسوي جدي .. شوي شوي قاعده اخلص اغراضي ..
الموضوع جداً سهل .,
بس محتاج منج حسن تدبير !!.. :092:
تقدرين بدل ما تسوين عرس وخساير بلا فايدة
قلبيها جلوة , أنتي عرس مسويه وخالصة وبصالة وكل إلي بخاطرج صوووح ؟!..
فـ سوي جلوة , لأن جلوة العروس بعد شي ما يتفوت صراحةً :adore:
وما بتكلفج وتخسرج كثر خساير الحفلات
وسوي لج ستايل غير عن الفستان بما أنج أوردي لبستي الفستان الأوف وايت خلاص !!..
فـ حلو تطلعين بـ لوك جديد
سوي لج ستايل العروس الهندية وما بيكلفج أبداً مثل ستايل العروس
وفي نفس الوقت ستايل جداً راقي وفخم .. وأغلب عرايس البحرين يسونه بـ ليالي الجلوات والحنة والملجة
وبعضهم بعد حتى بـ ليالي الخطوبة :rolleyes:
ساري هندي فخم جداً ومشكوك من البحرين أو السعودية
أهو بـ الخياطة شي ما يتجاوز الـ 200 دينار ويمكن أقل , على حسب المكان إلي بتاخذين منه قطعتج
في أغلى أكيد
بس أخذي لج قطعة فخمة وراهية وبميزانيتج
والحلو بقطع الساري أن ألوان منوعة ومشكلة .. يعني بتختارين براااااااااحتج أي لون ودج فيه
والإكسسورات بتكون أرخص من طقم ذهب أكيد وأرخص حتى من أكسسورات عادية
+
الصالة .,
مب شرط مصلى العيد لأنها فوق الميزانية مب 300 إنما أكثر حد علمي أنها 400 وشوي ترى !!!..
ولا حجي حسن .. حدها صغيرة وعادية كأنها مآتم .. يعني ما تفرق عن المواتم بشي ؟!!!..
عندج الصالات الوسيعة الرخيصة .. إلي تشيل لج 300 و 400 شخص
وإيجارها ما يتجاوز 250 إلى 270 دينار فقط !!!!
مثلاً : البركة , الأحلام , الأنوار
وكلهم في خط شارع البديع
+
جيبي ملاية للجلوة .,
من 50 إلى 80 دينار
وأكو وايد ملايات بهـ السعر ..
+
التصوير خله داخلي فقط .. في الإستيديو إنتي والخطيب
وإذا تبغين خارجي ممكن تجيبين لج وحدة من هالمصورات تسوي لج تصوير مفتوح مثلاً
+
البارسلات
الرخيص والقوي ومعروف بعد ( التموين للجميع )
أكلهم جيد جداً .. وسعرهم وايد زين .. وأغلب الناس تاخذ من عنده
+
لو كل هـ الأشياءات ضبطتيها لج في جدول
بإذن الله ما بتتجاوز ميزانيتج
ولو تجاوزت الميزانية ما ببتجاوزها بوايد
بحدود 100 إلى 300 فقط
+
نقطة أخيرة .,
بخصوص دراستج .,
باقي لج وقت طويل جداً على العرس
يعني بحدود شهرين ونص
عندج من الحين إلى هـ الموعد وقت
إنج تنسقين طلعاتج وتجهيزات بكل سهولة
أقلها .. أقلها
أيام الإجازة تفضين نفسج
ومب معقولة كل أيام الأسبوع بتكونين بيزي .. لو يوم أو يومين تسوين لج كم شغلة
..*..
مجرد فكرة + أقتراح + رآي شخصي
تقدرين تستفدين منه
أو ما تنفذينه , براحتج
:009:
مشكووووورين بنات
بس بالنسبة للبنات الي قالو ان البس هندي :( اوردي كنت لابسة في ملجتي فستان هندي فخم مكلفني 300 دينار :'( وش الحل الحين ؟؟؟
اكو تهاوشت ويا امي وقلت ما بسوي ولااااااااا شي لأن اني اوردي بسافر احمل هالـ 1000 ويايي السفر ابرك ليي :( بس شكلة خطيبي يبي يسوي عرس عشان بيت ابوه
السلام عليكم
بس بغيت استفسر عن ابتسام كمال ابي رقمها اذا عندكم؟ وهي في اي صالون
وتتوقعون اكيد لو احط لي عندها بـ 30 واقول لها جلوة تحط لي شي جميل؟؟؟
بلييييييز بنات ردوو
واروح وين الى شعر؟
قمر فاضل;11919504:
السلام عليكم
بس بغيت استفسر عن ابتسام كمال ابي رقمها اذا عندكم؟ وهي في اي صالون
وتتوقعون اكيد لو احط لي عندها بـ 30 واقول لها جلوة تحط لي شي جميل؟؟؟
بلييييييز بنات ردوو
واروح وين الى شعر؟
هلاحبيبتي على البركه
انا بعد خطوبتي شهر 7 وحاجزه ابتسام حق حفلتي مكياجهاااا روعه صراحه اخذيها وانتي مطمنه:thumbs_up:
وهي تمكيج في بيتهم في لبسيتين
واللحين بطرش لج الرقم على الخاص
والشعر روحي الرونق عند وحيده بعد انا حجزتها حق خطوبتي وصراحه هم التوب حاليا في البحرين
وبالتوفيق خيوو
عن نفسي سويت ملجة وخطوبة في صالة ولبست فستان
بس مستحيل استغنى عن العرس :o عسا لو البس فستان ابيض واعزم الاهل في البيت او في ماتم :lol: اهم شي البسه :) > حلم كل فتاة
حطي ميزانية لكل شي
مثلا الباقة 40
الاستوديو اخذي بس تصوير داخلي 80
حنه - 40
الصالون ليوم الحفل والحفاف والشيرة والحمام المغربي 150
فستان 150
اكل 200
صالة او ماتم 300
طبعا عالاسعار تختلف من مكان لثاني .. بس حاطه لش اسعار تقديرية
حاولي من الحين تحددين .. هل بتسوينه في ماتم او صالة ..والتاريخ متى بالضبط وحجزي المكان .. علشان تبتدين تحجزين باقي الاشياء مثل ( استوديو - صالون -حناية ) اما ( الباقة - الفستان ) خليهم لشهر 6 عالاقل
وحاولي في هالفترة تتشرين لش عطورات وثياب وشنط ومكياج وهالسوالف :)
موفقة :o
مشكورييييين
المزيوونه ابتسام بجم تحط مكياج للعرايس
وهل تنصحوني احط ليي مكياج عروس لو مكياج عادي ابو 30 او اقول ليها جلوة ؟؟ يعني في فرق ؟؟؟
امممممم متحيرة ساعات اقول بلبس فستان ابيض بس ناااااااعم مال انجلينز
وساعات اقول لا بلبس لون لأن جلوة او اني اوردي لابسة ابيض تقريبا في الخطوبة ؟؟
تنصحيني اتمكيج للجلوة بـ 70 او 30 ؟؟؟؟؟؟؟؟
مرحبا اختي
الله يتمم امور زواجش على خير
اني من رايي اتسوين جلوة وماله داعي حفله زواج وخاصه انش لبستي ابيض او بيج