لحقوا شوفوا شنو لقيت عند خدامتي ربي يستر ....

الله يكفيكم اياها بما شاء
الله يكفيكم اياها بما شاء
الله يكفيكم اياها بما شاء

لازم اختى ماتهملى الموضوع دة

اختى الكريمى انا من رائى انك ماتخليها تسافر قبل ماتتاكدى ان مش عاملتكم سحر او اى شى لا قدر الله
وربى يحفظك انتى وعائلتك

لا حول ولا قوه الا بالله خلي بالك ولازم الحاجات دي تروح لشيخ

هلا ام سعود ها بشري وشسويتي

الله يستر ..
فتشيها كل يوم انا والله اني اقول واحساسي ان ذي طلاسسسسسم
مال السحره


تحيآإتي

شنى هذا هذا واضح السحر الله يكفيك السحر . تعرفى انى مش مقتنعة بالخدمات. تعرف انصحك سفريها سفريها وبعدها جيب خدامة تنظفلك البيت مرة فى الاسبوع وانتى تكونى واقفة عليها . واحسنلك تعملى كل شى بنفسك

الخدمات ايخفوا ارجوكى سفريها وارتاحى وارفعى الحاجات للشيخ

السلام عليكم ورحمة الله وبركاته
بنات انا محتاره ناس قالولي سحر
وناس قالولي .. انه مثل التحصين حق الهنود البوذ تلبسه ويحصنها
ياربي محتاره ..
انا القرآن ليل ونهار شغال وتحصين الحمدلله مع صلاة الفجر وقبل صلاة المغرب الحمدلله والله خير حافظ ان شاءالله

وخايفه الصراحه امسك هالشي بيدي اخاف يضرنا والله خير حافظ


ولحد الحين انا ماقلت لها انها راح تسافر وسفرتها في تاريخ 4-5 هذا اللي لقيناه مالقينا حجز غيره

وهي تقولي ابي اسافر اخر شهر خمسه قلت لها ان شاءالله احجز لج اخر شهر خمسه تبي اغراض من السوق ومن السوبرماركت

وديتها شرت اغراض بس ماشريت لها جنطه قلت بشتريها يوم السفر وبوقف على راسها واهي تحط الاغراض ... واقول لها مالقينا حجز الا هاليوم مالقينا اخر شهر مايو والله يسهل ويحفظنا يارب

عايشه على اعصابي ولا شي ناكل من البيت كل يوم مطعم من يوم شفت هالشي وانا ماحب اكل المطاعم بس مايمديني اطبخ لما ارجع من الدوام قلت لما تسافر ازهب اكلي من الليل بعد شسوي والله نفسيتي وايد وايد وايد تعبانه


واخاف على العيال انومهم بالليل عندي بغرفتي ونقفل على نفسنا الباب والصبح نروح الدوامات واليهال المدارس والحضانه وارجع اخذهم واقعد معاهم بالبيت طول الوقت وانا اسوي الفطور والعشاء واحط اكل اليهال في جنطهم للمدارس كل شي في ايدي ...

انا ما ابيها تحس ان في شي تغير ناحيتها اخاف صج صج تسوي فينا شي ...


وبسأل بخصوص شيخ عن هالشغلات .. والله خير حافظ الله خير حافظ



مشكورين يا اغلى بنات على اهتمامكم ونصايحكم والله كريم




دمتم سالمين
اختكم شريفة

بنات على فكره الانبوب الحديد الموجود بالصوره وفيه حبل اشوفه بالافلام الهنديه وايد يلبسوووونه
اذا عندكم احد من الخدم من الجنسية الهنديه سالوهم عليكم الله

الله يحفظكم


حبيبتي لا تردينه وديه حق حدى هالمشايخ اذا في شي يقرا عليكم


لا تسكتين

والله الخدم يخوفون

اووووووه محد قالي الاشيا هاذي لماناخذهم تضر ولا لا ولا وحده قالتلي

الي عندها علم تعلمني لان امي قد لقت اشيا واخذتهم لااا معها بودره بعد

الله يكفيك شرها

هلا أم سعود ،،

بالنسبة للحديدة اللي ذكرتيها والخيوط ،، أنا أشوف بعض الشغالات يلبسونه فعلا في أياديهم أو حوالين رقابهم ،، حتى رجالهم وأعتقد إذا ما خاب ظني الأمر له علاقة بتحصينهم هم من الشر .. شفتي كيف !!

والحديدة صدق مو غريبة علي ،،

وأمس جالسة أفكر في سالفة الأغراض اللي خاشتهم تحت سريرها ،، أقول يمكن سارفتنهم عشان عيالها ،، هم هاذي حركاتهم تلاقينهم قبل لا يسافرون يمدون يدهم ويشيلون أغراض من البيت أو حاجات خاصة للعيال مثل الملابس أو ما شابه ، ياخذونها لعيالهم كهدايا ،،

أذكر مرة شغالة وحدة من خواتي قبل لا تسافر شغالتها كانت تشتغل تاخذ أي شي تشوفه بطريقها في البيت ، ما بقت شي حتى الشباصات مال بناتها شايلتهم ، وأيضا بعض الملابس الخفيفة وألعابهم ،، أعتقد عشان توزعهم كهدايا لأهلها ..

طمنينا عليك ..

ياختي ودي الاغراض عند شيخ قبل ماتسفرينها وخليها عند اهلك قولي بنروح يومين منا ولامناالين موعد سفرها والله يكفيكم شرها

اختي لا تعبين نفسيتج أكثر من جذي و لا تخافين ربج الحافظ ، بس سوي احتياطاتج من غير هي ما تحس بشي ، يمكن مثل ما قالو البنات هذه شغلات هم يسوونها عشان تقيهم من الشر يعني مو سحر و الله اعلم ، المهم انتي حافظي على الاذكار و شغلي سورة البقرة كل يوم و اذا لقيتي فرصة خذي الاغراض لي لقيتيهم عندها وديهم حق شيخ من غير ما هي تدري عشان تطمني اكثر
بالنسبة للبنات لي يسألون ان لي تشي السحر او تلمسه بيدها يضرها ، بقولكم شي صار وياي ، قبل لا اتزوج كنت اشتغل بمكتب محاسبة ، و ما كان فيه بالمكتب غيري انا و صاحب المكتب يعني ما كان فيه موظفين غيري ، فيوم جيت الدوام الصبم كان القى قطعة ثوب ابيض ملفوفة و محطوطة قدام المكتب و هي مبينة يعني اي واحد يمر ممكن يشوفها ، يم مكتبنا كان فيه عيادة دكتور و البنات لي يشتغلون فيها صديقاتي ، انا يوم شفت الحجاب على بالي البنات مسووين فيني مقلب اخذته و دشيت عندهم قلت لهم علينا هالحركات , هما استغربو شنو هذا و انا على بالي كله يمزحون بالاخير طلع هذا سحر اخذته قطيته بالحمام ، بعد اسبوع هم نفس الشي و مرة ثانية شيلت بيدي لاني لا اؤمن بالسحر و ما اخاف منه و الحمد لله ما صار فيني شي ، و قبل 6 اشهر تقريبا سافرت لاهلي و كنت مأجرة شقة مفروشة و مرات اروح بيت اهلي ، فيوم بس دشيت عند اهلي انا و زوجي بعد ربع ساعة فتحت امي الباب كان تلقى شي مثل الماي مرشوش على عتبة الباب و نادتني بسرعة قالت لي يمكن الاغراض لي جبتهم فيهم شي فيه ماي و طاح هنا ، قلت لها الاغراض لي جبت ما فيها ماي اصلا ، و عشان انا فضولية زيادة حطيت ايدي على الماي عشان اتأكد ، لقيت ان هذا مو ماي فيه ريحة زيت زيتون و الله اعلم شنو بعد ، بسرعة طلع زوجي شافه اخذ ماي قرا عليه قران و رشيناه عليه و كلهم قالو لي ليش تلمسينه بس الحمد لله ربي حافظني
و من يومها قمت اخاااااااااااااف من السحر و من بلاويه لان سفريتي كلها ما استانست فيها شفت فيها النجوم فعز الظهر ، زوجي كل ما يشوفني يبي يتهاوش وياي بسبب و من غير سبب
الله يحفظنا وياكم من السحر و السحرة ، و ما نقول غير حسبنا الله و نعم الوكيل فيهم ، و اسفة طولت عليكم

وديتها شرت اغراض بس ماشريت لها جنطه قلت بشتريها يوم السفر وبوقف على راسها واهي تحط الاغراض ...

أختي حتى لوقفتي فوق رأسها سبحان الله تسوي شيء يخليك ماتنتبهين ..

اخت شريفه


توني اقرا موضوعك ويارب اسأل الله العظيم رب العرش العظيم ان يكفيكم شرها وان يجعل من بين يديها سدا ومن خلفها سدا انه على كل شي قدير


وكرري دايما" ( وجعلنا من بين ايديهم سدا" ومن خلفهم سدا" فأغشيناهم فهم لا يبصرون )


وحصني نفسك وبيتك وزوجك وعيالك


وسفريها بأسرع وقت ممكن لكن لاااااااااااااااااااازم تسألين شيخ عن هالاشياْ لقيتيها لااااااااااازم


وانا متابعه موضوعك وانتبهي تعلمينها موعد الرحله لانها بتعمل حسابها على كل شي


طمنيني عنك والله قلقلت عليك


وهذا وضع الشغالات الله يكفينا شرهم ياااااااااااااااااارب

الله يكفينا ويكفيك الشر
لا ترجعيها بيتك تانى وخذى الأشياء أعرضيها على شيخ أنا كان سحر ليكى بيفكه بأذن الله
وأن كان مش سحر ترتاحى من الظنون وبرده مترجعيها

الله يحفظنا وإياكم

حسبي الله عليهم كان غاثينا بسحرهم