قالو لنا مانبي حريم العيال

السلام عليكم يا بنوتات
عندي سالفه وابي رايكم
اهل زوجي عندهم شوية عنصريه بين بعض ودايم يحطون يوم مفتوح للاجتماع نجتمع
كلنا مع بعض ويوم لهم لحالهم وانا عمري ما زعلت او شلت بخاطري احس ان من حقهم يحظون بشوية خصوصيه ومو كل اجتماع لازم نجي حنا حريم عيالهم
بس مره بي اجتماع لهم اجتمعو بي مخيم وقالو مانبي حريم العيال وارسلو واحد من عيالهم يبلغ زوجته وزوجته قالت لي
بصراحه انا شلتها بخاطري مو علشان الاجتماع ولا علشان المخيم الحمد لله شبعانين من الطلعات بس شلت بخاطري على كلمتهم حسيت اننا حريم غير مرغوب فينا وكاننا جالسين على قلوبهم واحس كلامهم يزرع بيننا العنصريه وتفرقه مع العلم ان عيالنا هم عيالهم وبنات بناتهم عيالهم عيال الناس
تمنيت انهم ما قالو لنا انهم طالعين احسن وافضل و ما يقطون الكلام بوجيهنا كذا احس انهم جرحونا
بي البدايه قلت بكلمهم مو معقوله التجريح هذا يعني يوم ما يبون حنا من العائله ويوم ما يبون نصير اوت نطلع نصير من الشارع بعدين قلت خلاص بمشيها زي العاده وابلها واسكت
علشان زوجي وعيالي