بعد الفطام...نام ياحبيبي نام

ماعندي فكرة حبيبتي بنتي لها بس سنة وبعدها ع الفطام وبنشوف البنات شنو بيقولو

louts;11897103:
ماعندي فكرة حبيبتي بنتي لها بس سنة وبعدها ع الفطام وبنشوف البنات شنو بيقولو

الله يخلي لك البنوتة و تزفيها عروسة

وننتظر باقي الامهات

انا بنتي من نفسها فطمت نفسها
وماتنام الا باللهايه الحين

سندريلا الكون....زين فطمت حالها و ريحتك

بس والله البنات يزعلوا فوق ال30 مشاهدة و الردود ثنين بس :( :(
توقعت يكون فيه تفاعل اكثر

اني ولدي سنه وخمسة اشهر فطمته لانه في الليل مايستقر بنومته واااجد كان يقعد يبي يرضع
في البدايه كان الامر متعب بعدين تعود عليه
في الليل اطفي اليتات واخلي الحجره ظلام وابطحه على رجلي واهود عليه وينام
والظهر على الساعه ثلاث بعد لاازم انيمه عشان يقدر يقاوم الى وقت متاخر

انا بنتي عمرها 9 شهور وترضع صناعي ودي على عمر السنه افطمها عن رضعه اللليل
ياريت الامهات يفيدونا كيف ابدا معها وهل عمرها مناسب للفطام

اني اول ماأفطمهم أحملهم وامشي بهم ،وبعد فترة من الفطام أخليهم على رجلي وهات ياهز خخخ ليما ينامون،وبنتي الصغيرة ساعات تنزل من على رجلي بروحها وتنام عالارض واشيلها عالسرير:075:

أنا بعد فطمت ولدي من الرضاعه الصناعيه
وعذاب ×عذاب
لدرجة انو صياح مب صاحي

بس امسك نفسي واحاول بقدر الامكان اني ما أصرخ عليه
والشي الثاني انو بالليل لازم اعشيه زين عشان مايجلس وهالحين لي يومين من بداية المشوار الصعب
وإذا جلس بالليل
أعطيه شي يأكله لآنه مستحيل ينام من دون ما ياكل شي

والاخت ام علاوي
نصحتني بـ ان أشرب مويه بس انا ماأقدر أشربه مويه وهو جائع
أحسه بيمغصه ببطنه

اعطيه بسكوت ناشف ولا اي شي يحب ياكل
بس بعيد كل البعد عن الكاكاو الحلويات والشبس

وبعدها أشربه مويه
وأهدهده على صدري بس من دون وقوف مب ناقصه بعد
فيني نومه وأقوم اتمشى به

وصح شي ثاني وهو الاهم
أنه إذا حسيتي به شوية نومه على طول حطيه بالسرير ولا تستجيبي له
إذا بدا يصيح شوي او على خفيف
وانا الشي الي مساعدني بالسرير أنو مايقدر ينزل منه لآنه الشبك الي يقدر ينزل منه اقدر ارفعه
وخليته شوي بعيد عن سرير عشان ماينط عليه

وهذا نظامي معه

والله يستر من الليله
مدري شنو بيطرئ عليه ..

إن شالله أحاول من يوكون وقت فطامها أسوي مثلكم:)

العيون الحائرة طريقتك تمام ومو متعبة يعني الطفل بيحس بحنان وشوي شوي بينام بس بنتي الله يهديها ماترضى أبداً أنيمها على رجولي

سارة الله يحفظ لك البنوتة ما ادري عمر سنة احسها صغيرة شوي جربي قللي عدد الرضعات باليل كل اسبوع وحدة و شوفي شو ردة فعلها و إن شاء الله خير

ميثاق نفس حالتي صار أبوها يمشي معاها بالإسبوع الاول وتنام بس هالإسبوع قلت خلاص ما أريد هالإسلوب لأن بصراحة متعب اجلس معاها بالصالة لحد ما تنعس عدل اروح معاها عالسرير تزن لحالها وتنام

خاطري في بنوتة تصدقي الفطام عذاب في عذاب زي البارحة ماصدقت نامت بسرعة فرحت تاليها ساعتين وشوي جلست عطيتها ماي بس ما استكفت تريد تقوم و أني نعساااانة قمت معاها تريد نام نم عطيتها برتقالة وجبن و كأس ماي تشرب كل شوي و بعد ساعة ونص نامت
ادعو بس الله يهديها هلى السرير لأنها مسوية اضراب ماترضى تجي تنام عليه من فطمناها بس بالبارحة بالغصب

انا بنتي من الحين قااعده اعودها ان تشرب ماء
وتنااام
واهي من قبل ما تنااام الا على اللهاااية

انا ما الي شهر فاطمة بنتي و عمرها سنة و اربع شهور

هي حاليا بتصحى على الساعة 6 او 7 و تبقى صاحية وما احكيلها نامي الا لما هي تنعس لحالها بس اكيد لما اشوفها بلشت تنعس اشربها حليب لانو بساعد على النوم و اتركها لحتى تنام و هي بتابع على التلفزيون و في الليل نفس الشي و اوقات بس تغلبني احكيلها قصص في دانها بصوت واطي او انام جنبها لحتى تتطمن و تنام بعدين اقوم من جنبها

و صحيح نومة العصر ضرورية بس الطفل متل ما هو ما بياكل الا اذا جاع كمان ما رح ينام الا اذا نعس و حتى لو قاومت ما رح تقدر تقاوم اكتر من نص ساعة و حتى لو ما نامت العصر بتنام في الليل بدري و لحالها و رح تتفاجئي متل ما انا تفاجئت مع بنتي اهم شي لا تغصبيها على شي و خليها تتعب من اللعب و هيك شغلات

اتمنى اكون ساعدتك

انا فطمت ملاك عمرها تسع شهور وتعبتني صياح وجع راس بس صناعي انا عطيتها انا وضعي غير عن وضعك الله يعينك

كلمة الحياة الماء افضل شئ وقت النوم عشان اسنانهم والله يوفقك حبوبة

CATS_ANGEL تسلمي عزيزتي كلامك ريحني بس نوم بنتي تغير وااايد مو زي اول بس عندي امل تعتاد على الفطام و ترجع زي اول يعني قبل لو ما نامت العصر س10 تنام بس الحين توصل حتى لوحدة بالليل..بس هاليومين احسها افضل

أم ملوك الله يخليها إن شاء الله ومشكورة على المرور والرد

والله انا تعبت جدا بعد فطامهم لان اصلا نومهم متعبني الى الان يضللو يعاندوا ولهم جلااادة على السهر ماشالله
بس بالبداية زمان اقصد ضليت وراهم حتى عودتهم النومة بسريرهم كنت ابقى جنب السرير حتى يناموا يوم اغنيلهم يوم احكي قصة يوم
ابقى ساكتة بس اتثائب بوجههم حتى ينعسوا خخخخخ يعني يطفشوني حتى يناموا بصراحة .... بس اهم شي اني اكون ماكلتهم كويس
وكمان نوم بالنهار مافي فيعني قد ماتعبت وبقيت جنبهم اخرتها يناموا بسلام
والله يخلي اطفالك واطفالنا يارب

الدمشقسية يسلموا على المشاركة
بس الصراحة الأم مسكينة عالطوووول تعب حمل....ولادة....رضاعة....فطام....تعليم الحمام...ألخ فعشان كذا المفروض يكون فيه ترتيب نسل حتى يمدي ترتاح لها شوي
والله يساعد الجميع

الله يساعدك خيو حاسة فيك و كثير اطفال عندهم هالحركة يناموا وايدهم بصدر الماما ما أدري حتى يطمنوا انها جنبهم أو ياخدوا حنان
أني بنوتتي هاليومين صايرة عادي تجي على سريرنا بس تصيح لها شوي وتنام والله حتى اخاف اعدلها وتجلس وتصيح احيانا تصيح الدا الدا وهي نايمة مسكينة
بس لازال نومه متخربط إن شاء ترجع زي أول

132 والردود ماتعدت 18 :( الصراحة الواحد ابداً ما يتحمس يضيف مواضيع:(