التجمع الخامس لكروووشتااات اكتووبر ( 10 )

يلا نشوفكم باجر

يالله الله يوفقك
ونشوفك ع خير يارب

عروسه يا هلا فيك ..

صحيح التجمع مره مره باارد مو عوايده ..

تمام بتتأكدي من جنس النونو ..وسنتر بوينت عندنا بدت تخفيضاته من اسبوع يمكن ..بس ما عندي فكره عن البحرين ..

صباح الخير مامات شخباركم شو عاملين

ما قرأت غير الصفحة الأخيرة عندي 3 مذكرات بكملهم أول

شكراً عروسة ونور على السؤال وعروسة تخفيض سنتر بونت عندنا يبدأ إذا قرب يكمل في السعودية أو بعد ما يكمل بجم يوم بس يعني ما باقي عليه شيء

وأمس كلش ما دخلت لأن رحت السعودية من الصبح وما رجعت إلا المغرب ... بس بعد هالروحة نصيحة جهزوا من وقت

ما تخيلت اتعب هالدرجة أنا في بالي كان أروح بروحي أنا وزوجي بس عشان اشتري المستلزمات الرئيسية واركز على محلات معينة وآخذ راحتي فيها وبعدها نروح روحة للأشياء الخفيفة أو مع الأهل وحتى لو أكون أثقل وقتها أكون كملت المهم

بس تعبت أمس تعب ما توقعته ومن أول محل دخلته " السنتر بونت " وصار همي أكمل وأطلع بس بعدها ارتحت شوي وصرت أركز بس هم ما حسيت أني اشتري بالمزاج المطلوب وبالتدقيق اللي تمنيته ... في أشياء ما لقيت اللون المطلوب قلت عساني لو آخذ اللون المغاير تماما " لون الجنس الثاني " مو مشكلة أهم شيء أكمل خخخخ

بس القهر أن ع النهاية وإحنا راجعين حسيت جزء كبير من التعب راح ... بس يلا المهم أن ألحين أقدر أقول أني كملت 90 % من التجهيزات وما باقي شيء تقريباً ... وارتحت نفسياً من همهم

صباح الخير ياكروشات شو صحتكن اليوم

انا البارحه موووول ماقدرة انام كنت وايد خايفه اول

من انام على ظهري يتحرك فديته والبارحه ماتحرك غيرة وضعيتي

كل اشوي انام غير بس مول ماتحرك خبرت ريلي كنت بصيح

تحرك بعد كم ساعة مثل اول مرة كيف يتحرك مثل العرق البسيط

تروعت قلت يمكن اتخيل والبيبي مايتحرك لين الساعة وحده او ثنتين والله مدري

وريلي عليه دوام وانا موووووول مافيني ارقاد حاطه ايدي على بطني وادعي يارب

طمني عليه والحمدلله تحرك فرحة وعيت ريلي من ارقاده تميت احمد لله واشكره

بس ماقدر ريلي اليوم ايداوم ماخليته ينام

بس حمدلله الالم خف بس بطني مشدود وان شاء الله خير

شكراااااااااااا لك من رد علي وربي يطمنكن على عيالكن ويفرحكن بشوفتهم

يسلموووووووووووووو نور يزاج الله الف خير

هو صدق وايد بديت اخاف عليه واحاتيه اعرف ان صحة البيبي من حركتة

والمشكله ماعندي حد يخبرني ولا عندي خبره اول مره احمل

وام ريلي كبيره وخوات ماعندي عشان جذيه انا اسألكن انتن لانكن خواتي


ربي يفرحج بنونو ويكون بصحة وسلامه

صباح الخير نور وشيؤؤؤخة شخباركم

شيؤؤخية لا تخافين في هالفترة للحين هذا وارد جداً ... أنا مرات ما أحس بالحركة ولما ابدأ أوسوس شوي يتحرك كأنه يطمني عن حاله

نور قاعدة أكتب مذكرة هامة بس صار شيء ذكرني في شيء كل مرة اقول بكتبه لش وانسى ودخلت اكتبه مباشرة ... أنا من الملل من المذكرات قاعدة اكتب بيد واحدة والثانية نصها ع بطني والبيبي قاعد يتحرك واحس حركته على يدي بقووووووة ... أنتِ اللي سألتي متى ممكن ينحس في حركة البيبي باليد صح ؟؟

أنا من فترة احس فيها ... وحتى زوجي لما يحط يده يتواصل معاه البيبي أكثر فيتحرك كثير تحت يده ... اتوقع بتحسي بهاي الشعور قريب جداً

صباح الخير كروشات كيفكم اليوم

وكيف الحلوين الصغار

اللؤلؤه السوداء;12123117:
بسم الله الرحمن الرحيم
اللهم صلي على محمد وال محمد
اخواتي انا اليوم ترخصت من المستشفى
والحمد لله على كل حال انا اجهضت طفلي
نسألكم الدعاء

لوليتااااا شلونك كيف صحتك وكيف النونو أنتي وين