// مو قادرة أصدق إن هذي آنا !! مشكلتي في الشغل //

أنا اللي أشوفه ان انتي الحين توج داخله على العالم

الانسان بين أهله وفي محيطه تصرفه غير ولين طلع لمحيط ثاني ومكان ثاني يتغير تصرفه تماما
صج انج درستي في الجامعه واحتكيتي بالناس هناك،، بس ترى هاذي ولا شي بالنسبه للعالم الخارجي

أغلب الناس والبنات خصوصا يحسون في فترة المراهقه او الجامعه انهم خلاص مافوقهم فوق بس بعدين ينصدمون بالواقع ولين صار الصج مايعرفون يتصرفون

أنا احس ان هالشي انتي تعرضتي له الحين
وبروحج قلتيها انج بعد الدراسه تميتي سنه وبعدين اشتغلتي،، والتريننغ بعد مب مقياس كلها شهرين وطلعتي

المهم، الحين انتي لازم تغيرين تفكيرج ونظرتج للحياه
يعني لا تجوفين ان هالشي صار لأنج متواضعه ولا جذي بس هو بكل بساطه اختلاف شخصيات،، يمكن انتي مب من ربعهم على قولتهم

يمكن هم محترين منج بما انج توج يديده

ويمكن يبون يبينون لج من البدايه ان احنا مب من مستواج

انا طبعا مادري شنو تفكيرهم، بس ترى في ناس جذي،، لين ياتهم وحده يديده مايعطونها ويه عشان يازعم يصيرون هم شخصيه

نصيحتي لج

ماعليج منهم وخلهم يولون
انتي ركزي على شغلج
وان احتجتي تسألين احد لا تسألينهم

وبعدين كسري عينهم لين صرتي أحسن منهم بالشغل
ولو حاولت وحده منهم بعدين تتقرب منج،، لا تردينها بس كوني معاها كلش سطحيه
ترى أخس بيئه في الشغل لما تكونين مع بنات،، الحسد منتشر بينهم بشكل مو طبيعي والغيره على أشيا تافهه جدا جدا


و Welcome to the Real World

بالعكس الزواج يعزز الثقة في النفس << من رايي الشخصي طبعا

ومااعتقد قلت ثقش وماشاء الله عليش وعندش كل الثقة قبل لا تتزوجين

بس اللي صار المجتمع الجديد اللي دخلتينه خلاش تتوقعين ان ثقش نقصت

وهيه بالعكس لا نقصت ولا شي ،، بس مجرد عدم راحة نفسية من مجمموعة البشر اللي وياش في الشغل

عزززي ثقش في نفسش وخلش قوية وبتتغلبين عليهم ان شاء الله