مشاكل الدنيا فوق راسي !!!!!!!!!!!!!؟؟

ما شاء الله عليك رغم صغر سنك بس عاقلة وفاهمه .... شوفي يالغالية أبوك يمر مثل ما يقولون بمراهقة متأخرة واللي يصير مع امك غصب عنها هذي ردة فعلها لما خانها الوالد الله يهديه هدي بالك توك صغيرة على هالهم .. بس احيي فيك رجاحة عقلك يا أختي دامك تعرفين أنه هالشاب لعاب شيليه عن بالك وشيلي سوالف الحب كلها من بالك ركزي على الدراسة لانها مستقبلك أنتي تحاولين تهربين من الظروف اللي عايشة فيها وما الومك بس أختاري طريق الصح وهو التركيز على الدراسة والمستقبل ....... في هالسن اكيد محتاجة انه تكون امك جنبك بس هي تمر بظروف صعبه اتركيها لين ترجع لعقلها ... الله يحميك ويوفقك

اختي الغآليهٍ

الصرآحه هالمشكلهٍ مرت ع اقرب صديقهٍ لي ويمكن ادمر منجُ

بس الحمدلله على كل حال

بالنسبه لأبوج : الله يهديه ان شاء الله ويصلحهُ ويرجع مثل اول واحسنُ ان شاء الله ..

بالنسبه لأمج : هآي رده فعل طبيعيُه .. لأن تحس ان بتصرفآت ابوجً صغرت في عين الكلٌ وخصوصاً انتو عيآلهآ .. حطي نفسج مكانهآ بسم الله عليج !

بالنسبهٍ لج انتي : فديتج .. محد بينقذج إلا رب العآلمين .. والله اخذيها نصيحه من اختج .. دآمج قايمه لصلآتج بارك الله فيج الله يثبتج .. زيدي صلآتج بصلوآت ثانيه مثل صلآه الضحى .. قيـآم الليل .. صلآه بنيهٍ الحآجه
ادعي الله وتوسلي له انه يعدل الأوضاع في بيتكمٍ .. واكثري من الإستغفاار .. واكثري من الأدعيه .. واطلبي واطلبي من الله .. فإن الله لا يمل من الدعآء
وابد لا تفقدين الأمل .. وخلي إيمانج بالله قوي .. بمجرد ان اهلج يشوفونج متقربه من اللهٍ صدقيني بتكبرين بعينهم .. وكل واحد يمر بمشكله او ازمه الله لا يقول بيستشيرج .. تثقفي بالدين اكثر واكثر .. شغلي سورة البقره بالبيتٍ كل يوم عشآن تطردين الشيآطينٍ .. شغلي حتى بغرفتج .. بخري البيتُ .. اذا كان اليوم بالنسبه لج كريه بكره رب العالمين يسهل ويفرج همج ويصير يومج حلوٌ .. اكثري من قرآءه القرآن
ورب العآلمين مايبتلي أحد من عبآده إلا والله يحبه .. وصدقيني يمكن هآي اختبار من الله يشوف تصبرين ولا لا .. ودآمج ماشالله عليجُ صبورهً وعقلج كبير وانتي صغيره بالسن خلجُ مثل مانتي انسآنه مايهزج شي
عليج بالصبر .. ان الله مع الصابرين .. وخلي إيمانج بالله قويٍ

وبالنسبهٍ لموضوع الحب : فديتج اذا كنتي صج تحبينه ادعي في صلآتج ان الله يجمع بينج وبينه ويرزقج بالذريه الصآلحه .. بس تحملي تكلمينه او تتقربين منه بأي شكل من الأشكآل .. حاولي تنسينه .. لأن اذا كنتي تدعين ربج بدآفع صلآح وهدآيه بيتكم وانتي ترتكبين معصيه بعد الله مابيتقبل دعائج .. انتي صغيرة والحب ما ايي إلا بعد الزوآج

نصيحه : فكري بنفسج وبأهلج وبسمعتج وكرآمتج وكرآمه اهلجُ .. الصلآه + الدعاء + الإستغفار + الصدقة *لا تتركينهم* فديتج رب العآلمين يرزقج من خيرهُ والله

اخيراً

الله يهدي الجميع إلى صرآطه المستقيم ويصلح امور الكلٌ عاجلاً غير آجل .. ويرزق الجميعُ امنيآتهُ وكل شي جميل