ساعدوني بنتي عمرها 10 شهور وجدا نحيفة

تعبت يا امهات مالي غير الله ثم انتو تعبت نفسيا وما عندي طاقة اكثر بنتي ضعييييييييفة كلما طالعت اللي في عمرها وطالعتها يضيق صدري والله ما ني عارفة شنو اعطيها والا كيف اتصرف مشكلتها ما ترضى تاكل كل شي واللحين هي تسنن وانة خايفة انها تضعف اكثر لما وديتها موعدها اخر مرة ما اتغير وزنها يعني تخيلو من عمرها ست شهور للحين وهذا هو وزنها ثابت ما تغير الا نص كيلو وبالغصب وللحين تحت المعدل
والله يا بنات اكتب لكم ودموعي على خدي تعبت الكل يشوفها يعلق وهذا غير اللي يطالعني من غير ما يتكلم بس انة افهم الكل يحسسني اني ام مو زينه واللي يقول لي حضنش ما يربي واللي يقول لي حليبش ما يرويها لحد ما عطيتها حليب صناعي مع اني كنت ابي ارضعها بس من صدري قلت يمكن صدق حليبي ما يرويها وما تغير وزنها الا شوي بس انة ما يهمني كلام احد بس ابي بنتي يصير وزنها زين والله ما ابيها منفوخة ابيه بس في المعدل الطبيعي
بنات قلت بوديها حق اخصائي التغذية اللي في ابن النفيس اسمه علي الظن شرايكم؟ هو اخصائي تغذية ونحافة هذا اللي احس انه ممكن يساعدها بس والله خايفة بدال ما اساعدها واسوي شي في صالحها اكون ضريتها
انتون كلكم امهات واكيد كلكم تعرفون شعوري لما يكون في ولدكم او بنتكم شي وتحسون بالعجز ساعدوني لو بدعوة تراني حدي تعبانة لابعد حد خلاص