...OoOo... تجمع حوامل مايو العاشر ...OoOo...

اللي بكررر ولا جربت الم الطلق ...لاحظي بطنك اثناء الالم اذا ينشششد ويصير مثل الحجررر وتحسين الالم تحت بعنق الرحم معناها طلللق والالم يمتتتد للرجووووووووول

[/COLOR]

الله يسهل عليكم أخواتي و يقومكم بالسلامه

هلا آثرت الرحيل..
شخبارج؟

انا توني رادة من المستشفى الحين كنت مودية حمود حق نشوف نسبة بوصفار.. اليوم 12.5 بس تقول الدكتورة بالنسبة لعمره ووزنه ما يحتاج رقاد الحمدلله.. ادعوا له بالشفاء السريع ابغي اختنه بسرعة قبل لا يكبر ويفهم ع الألم بعديييين!!

فرح الهوى..
ما شاء الله عليها الحلوة.. الله يخليها ويحفظها من العين..

مدام الولد نايم راح أكتب لكم باختصار قصة ولادتي هالمرة..

كان عندي موعد مراجعة تاريخ 5/5 الصبح.. واول ما وعيت من الرقاد وتكرمون دخلت الحمام شفت افراز مخاطي مايل للوردي.. بس ما حطيت بالي عليه عدل قلت يمكن أتهيأ الموضوع!

ورحت المستشفى وانا الآلام مالت الطلق كانت مبدية عليّ قبلها بليلة كنت اسولف ويا دهن العود وغادة وبطني يشد ويرد كل بين ساعة او اقل.. بس ما كان منتظم من جذي ما حطيت بالي وياه وايد.. وتعودت على الآلام هذي.. صج كان هالمرة طريقته مختلفة شوي.. لأن يجيني الالم بالحوض ويمتد لرجلي.. بس بعد ما خليت ببالي..

المهم.. رحت بعدين حق تحليل أبوال بحمام المستشفى ورديت شفت الافرازت بس اللون على زهري أكثر.. اتصلت في امي وخبرتها قالت لي هذي أكيد ولادة..
طرشت لزوجي مسج اقول له.. "تهقى أولد اليوم واصيد التاريخ مال عقدنا"؟ هو ما صدق خبر وكل شوي يتصل فيني يقول لي شفيج؟؟ عندج ألم؟ وأسئلة من هالنوع!

قلت حق الدكتورة عن الموضوع قالت بتفحصني قلت لها مابي.. بس حولتني على الطوارئ حق تخطيط وانا اقول في نفسي تو الناس.. لين اشتد الوجع اكثر بروح..

رجعت البيت والألم يروح ويجي وانا بالطريق شريت أناناس طارزج وأكلته وما طقت أتغدى من الألم بس أكلت تمر.. وسويت لي حليب مع زعفران..
ونظفت الشقة ورحت تسبحت بماي حار.. على أمل يزيد الوجع.. واروح العصر ولا المغرب اولد!

لكن بس غفيت شوي واوتعيت الالم بدال ما يزيد خف.. وانحبطت..

المهم على المغرب انتظم الألم واستبشرت وزوجي يقول لي باقي 5 ساعات على تاريخ بكرا.. يمديج تولدين؟ هههههههه والله متفرغين..

وداني السلمانية حق تخطيط.. وكان في طلق والرحم فاتح 2سم بس.. وشوي شوي.. راااااح الالم وما رجعنا الا الصبح ويا الصلاة صلينا ونمنا..

على الساعة 1 الظهر جاني الم قوي ونزل مني افرازات وايد مخلوطة بدم.. رحت سويت الغدى وتغدينا لأني تعودت على هالألم من غير نتيجة.. وعلى الغدى الوجع يزيد ويزيد!!

مشينا على 3.30 والطريق زحمة وانا موقادرة أتحمل خلاص.. شاف زوجي سيارة اسعاف قال له يشغل الصفارة حق يوسعون الطريق ومشى وراه..

رحت مستشفى جدحفص وفي غرفة الفحص جيكتني كان موصل الرحم 3سم.. وخلتني أبدل ودخلتني جناح المخاض.. وهناك فحصتني الدكتورة الا الرحم وصل 5سم.. انا انصعقت.. من 10 دقايق كان بس 3سم.. قلت في قلبي كلها يا ربي ساعتين واولد بالكثير.. وقالت ما راح نستعجل ونفتح كيس الماي من الحين خل نعطيها فرصة..

وصلوا اهلي برى على اساس اني ما راح أطول في الولادة ان شاء الله مدام وصلت 5سم..
وتميت من 4 العصر الى 11 الليل وهذا هو مايزيد عن 5سم..مع ان عطوني ابرة للتوسيع!!

جت الدكتورة فتحت كيس الماي وعقب 10 دقايق زاد الألم بصورة فظيعة.. ولما فحصوني صار 7سم.. وانا كنت في بالي ماني والدة اليوم بهالطريقة وايد طولت احس نفسي..

عقب ربع ساعة حسيت بدفع وجت القابلة تشوف كان 8سم.. وبس تركتني اقول لها بيطلع البيبي ما تصدقني كنت اصرخ من قلب الصراحة ماتحملت.. تقول لي ما يصير توني فاحصتج.. حلفت لها ان في شي بيطلع الا فعلاً مبين راس حمووودي..

قالت لي يلا سووي بوووووش..

وانا هني مابي آخذ نفس بس اسوي بوش حق يطلع وافتك..

3 مرات يمكن او 4 وطلع محمد ولدي على الساعة 11:52.. تاريخ 6/5/2010

وانا ماسمعه يصيح.. بس عقب شوي صاح وارتحت.. وهذي كل القصة ..

الله يسهل على الباقيين ان شاء الله

دهن عود الحمد لله على سلامتك ومبروك ماجبتي واخيراااااااااااااااااا

الله يجعلها من الصالحين يارب

دهـن العـود;12045726:

مساكم معطر بريحة بخور وعود..

أو يمكن عطر أزكى من أحلى الورود..

فرحتي اليوم ياهلي أبد مالها حدود..

حبيت أبشركم ربي رزقني أول مولود..

معاكم أخت دهن العود.. :01:

بعد معاناة يومين.. :035:

الحمد الله دهن العود ربت وجابت الجازي .. :022: :056: :013:

الحمد الله على سلامتهم.. :087:

مبروووووووووووك الف الف مبرووووك :thumbs_up:

الحمد الله ع سلامتها وتتربى في عزكم الكتكوته ياااااااارب



اياااااا عليهااااا دهوننه مسكيييينه :(

وان شاااااا الله نسمع اخباااار حلوه عن باقي البنااااااااات

ياااااارب هوووون ع الجميييييع

أم التواتي;12040550:
جنة أخبارك؟؟

الحمدلله بخير:)

مملكة بلقيس;12040932:
اليوم من زوود الخررررعة

مشيت كيلووووين ههههههههههههه وصاايدني الم




ادعوووا لي اولد وافتك

يارب تولدين :)

نيهال66;12041150:
الله يهون عليكم ياااااااارب

ربي يسمع منج:)

^بنت الذيب^;12041522:
الله يسهل على الجمييع

ربي يسمع منج:)

فرح الهوى;12042988:

افا عليج ,,,

هذي صورتها ...

ما شاء الله

ماشاء الله
تبارك الرحمن
ربي يحفظها ويبلغج فيهااا ان شاء الله

لحن الحيا;12043851:

هااااااي شلوووونكم

الله يسهل عليكم ويسهل علي

عنديييييييييييي خبر طااااااااااااااااااااازج المفروض اقولة من المغرب بس مشاغل الدنيا وايد

اتعرفوووووون نوررررريين ولدت يابت حسين

يعني حققت التاريخ المميز 10_5_2010 مـــ

يالله خدااافس

الحمدلله بخير
ربي يسمع منج
الف مبروك
والحمدلله على سلامتهااا

بنت الاصايل;12045504:
هلا آثرت الرحيل..
شخبارج؟

انا توني رادة من المستشفى الحين كنت مودية حمود حق نشوف نسبة بوصفار.. اليوم 12.5 بس تقول الدكتورة بالنسبة لعمره ووزنه ما يحتاج رقاد الحمدلله.. ادعوا له بالشفاء السريع ابغي اختنه بسرعة قبل لا يكبر ويفهم ع الألم بعديييين!!

سلامات
مايشوف شر محمد
ربي يشافيه ويعافيه