بنت الاصايل;11914448:
مساء الخير يا طيبين..
أشكركم كلكم من الأعماق على مشاعركم الحلوة اخواتي..
والله اناااا بعد هاللي صادني.. صرت مطنشة مسألة الولادة لين ربي يكتبها بروحه.. بنات لا تحنون على الولادة.. كله من الله يجي وقته زين صدقووووني..
انا بدأت سالفتي من دشيت التاسع احس بتعب مو طبيعي وثقل زاااايد.. حتى اقول يا ربي مليت من هالحال ابي اولد وارتاح من هالمعاناة..
الييين يوم السبت سويت الغداء وعقب ما تغديت ويا البيت كنت احس بضيق تنفس.. حتى المواعين ما غسلتهم ولا شي.. تركت كل شي ورحت انسدحت اريح جسمي..
وعيت على صلاة المغرب والتعب زاااايد، ومبدي معاي صداع وألم بكل جسمي وخاصة خاصرتي اليمين شابة عليّ ضوّ.. اقول لزوجي وايد تعبانة مو قادرة.. بس الأمر ما كان جديد عليه.. يقول لي ما عليه ريحي لا تسوين شي.. رحت بيت عمي قعدت شوي واحس اللوعة ضاربة الف ومو قادرة حتى أتعشى.. بعد اقول هذا تعب التاسع أكيييييد!!
رجعت البيت حسيت خلاص مخنوقة ماقدر اتنفس ناديت بو الشباب وانا اصييييح.. اقوله نفسي مكتوم بمووووت.. جاب لي ماي بارد وقست ضغطي الا مرتفع.. 150/90.. طبعاً جهازي كان مخرف..
انا من شفت الضغط فوق اخترعت وقلت له ودني الطوارئ خايفة يصيدني شي.. رحنا الا بالعكس الضغط ناااااااااازل حده.. وكنت في البيت شاربة حبتين بندول لما قاسوا الحرارة كانت طبيعية.. بس حللوا لي تكرمون الابوال وطلع عندي التهاب مرتفع وسووا تخطيط لي الا مبين عندهم ان فيني طلق.. فحصتني الدكتورة من تحت والرحم مفتوح 1سم.. على طول قالت لي لازم نخليج تحت الملاحظة مني لبكرا لأن عندج بوادر ولادة وانتي ببداية التاسع تعتبر ولادة مبكرة..!!
قلت لها عندي ياهلة بالبيت لازم اروح اجهز لها اغراض وجذي.. قالت لي ما عليه بس لازم تجين لا يفتح الرحم زود وانتي بالبيت.. رجعت البيت واخذت شاور ساخن وتميت بالحمام مدة لأني ارتحت على الماي الحار.. وطلعت من الحمام فيني رقاد.. رقدت وكانت الساعة 2 بالليل.. وعيت الساعة 4 الفجر على ألم غير محتمل وحرارتي مرتفعة قعدت زوجي وقلت له قوم خلاص مو قادرة اتحمل اكثر.. والله العظيم حتى رجلي ماقدر اشيلها ولا اقدر امشي من زود فظاعة الألم..
وداني سريع المستشفى حتى اقول له ماقدر امشي جيب لي ويل جير.!!
دخلوني غرفة الفحص مازال عندي الرحم مفتوح 1سم والطلق حمى اكثر.. عطتني الممرضة جيس وقالت لي بدلي بنوديج الولادة عندج طلق قوي!!!!
لما دخلوني الولادة حالتي اندمرت زوووود وقعدت اتلوع من اللي فيني.. لين جات الدكتورة وشافت حالتي قالت لهم البنت عندها التهاب ابوال احتمال الألم مو الم طلق.. هذا من الكلى..
طلعوني للجناح حق الملاحظة وحرارتي وصلت وقتها 39 وقعدت ارجع تكرمون من زود الوجع.. خلوا علي مغذي وركبوا علي مضاد حيوي ونزلت الحرارة.. بس تمت ترتفع وتنزل وانا حالتي ما يعلم بها الا رب العالمين!!!
عموماً كان اللي صادني كله التهاب حاد في الكلى ورفع لي الصخونة عطوني مضاد حيوي في الوريد على شكل كورسين.. واحد مدته 5 ايام.. والثاني 3 ايام..
8 ايام وانا في يدي المغذي ينقلونه من مكان لثاني لأن الأوردة ما تتحمل كله نفس المكان.. والحمدلله طلعت من هالمرض بفضل من الله سبحانه وتعالى ودعوات الناس اللي حواليّ..
وخلال تواجدي بالمستشفى بعد توفت بنت عمي شباب الله يرحمها وانا مادري محد خبرني الا امس.. رجعت وكلش متضايقة حيل من الخبر ومقهورة.. وزوجي الله يحفظه مسوي الشقة تكرمووون زبالة ما في مكان حتى الواحد يمشي وكل شي حالته لله.. الحين يبي لي اسبوع ارجع الحال لطبيعته الاولية بعد رقاد 8 ايام بالمستشفى.. ومابي افكر بالولادة بأي شكل من الاشكال.. وقت ما تجي من الله حياها الله..
طولت عليكم بس هذي تفاصيلي تقريباً..
الف الف سلامة عليج والله كسرتي خاطري اجر وثواب انشاءالله
وعظم الله اجركم في بنت عمج :(
wjdan;11914648:
بنت الاصايل الله يكون بعونش صدق هالحاله متعبه مريت فيها الله كريم
ادعو لي محتاجه دعواتكم علاوي مريض صار له سبوع مخدر وبطنه منتفخ احتمال فيه جرثومه واني خايفه عليه حدي ماني عارفه شسوي من اروح عنده انهار واجد اضعف واني ما ابي اضعف ابي اصير قويه واصبر لين الله يعطيني الفرج ويرد لي اولادي بالسلامه والحمدلله على كل حال ربي ماقصر ويايي والي رزقني اياهم يحفضهم لي يااااااااااااااااااارب
ادعو لي بنات محتاجه لدعواتكم
لا تحاتين الله كريم وكبير وانشاءالله يردهم لج سالمين غانمين يا رب واحنا اكيد ندعيلج
انسبكتور;11915002:
سلااااااااااام بنااااااااااااات
انا عندي ألم من الصبح في ظهري وبطني من تحت وأحس بضغط على تحت
هو تقريبا منتظم بس ما يطول شوي ويروح .. وأهل زوجي يقولون لي شكله بداية طلق وانا للحين مو مستوعبة ومصدقة !!
ادعوا لي يا بنات بالخير والصحة والعافية لي وللبيبي
الله ييسر لج انشاءالله ربي يسهل ولادتج يا رب :thumbs_up:
نوريين;11915515:
هلا حبوبات شخباركم شخبار النونووووووووووووووووو
امس اتوقعت بولد خلاص جاني طلق كل ربع ساعه من 11الى اربع الفجر بس مازاد وقمت من 11ونص قلت باخذ حمام دافي يمكن يزيد وشربت حلبه منقوعه وقريت لي سورة مريم وبعض اليات ومشيت في الشقه شوي لاكن مازاد واللم الظهر وصل حده ومن جت اربع الفجر اختفى الالم ودخت ونمت
لاكن صادني احباط اتوقعت حالة ولاده خلاص
يالله الله يسهل علي وعليكم يارب
لا تحبطين انشاءالله المرة الجاية طلق صجي وتقومين بالسلامة وتجيبين احلى بيبي :L:
آثرت الرحيل;11916232:
السلام عليكم و رحمة الله شخباركم جميعا ؟؟؟؟
أما انى و لا احس بالم ولادة و لا حتى خفايف ابداااااااااااااااا سايلنت على الاخر و لا اشوف شي و اقول ابي اسوي لي حليب و اخلي فيه دارسين بس اخاااف اذا شربته اولد هههههههههههههههه ما كانه هي الي ابيه يعني خاطري اولد بس خايفة و الحين تشجعت و شربت لي حليب و خليت فيه دارسين عادي صح بنات ؟؟؟
مثلي ولا كأنه حامل خخخخخخخ:rolleyes: ما حسيت بشي ومب مستعجلة ليش اتألم عالفاضي وما يكون طلق خلني مرتاحة لين ساعة الصج :thumbs_up:
بعدين انتي ليش تشربين قرفة على شنو مستعجلة 8o|
النايمة;11917516:
F:
باركوا لي :) ..،
الله رزقني مولودة جميلة كالبدر في ليلة تمامه
يوم السبت الموافق 24/4/2010 الساعة 2:50 العصر
أسميتها " دعاء " .. الله يخليها لنا ان شاء الله
F:
:027::027::027::027::074::074::074:
الف مبروووووووووووووك رقم 6 ولدت وجابت دعاء الله يخليها لج وتتربى بعزكم انشاءالله :adore: