...OoOo... تجمع حوامل مايو العاشر ...OoOo...

هلا بنات شخباركم ؟؟ :029:

مبروك يا مرمر وبنت الذيب :074::074:جنة فديتج اخيرا ربيتي :027:

بنت الذيب الله يعينج على ولادتج ، انا بعد والله ولادتي مب هينة كانت ،، بس صراحة كان وايد اهتمام علي وكان حولي فريق اطباء كبير يمكن لأني دشيت وعندي مثل نزيف وخايفين ونبض البيبي بدأ يضعف عقب ، ترى النيرس المرافقة في غرفة الولادة هي اهم وحدة تكون حنونة عليج ،، انا كانت معاي فلبينية وايد حنونة وزينة ووقت الطلقة وانا اتألم تقعد اتدلك وتمسد ظهري تخفف عني الألم بس للأسف انتهى دوامها قبل اربي وجات وحدة تونسية كانت وايد ناشفة معاي ومالها خلق شي بطت جبدي بس عقب ساعة والا ساعتين من دوامها اختي جات وجابت معها مسؤولة توصيها علي ومن عقبها اعتدلت ،، وقلت حق اختي تحط بيدها فلوس بعد ،، وتمت معاي لين ربيت وهي زينة وخلص دوامها لما ربيت وخيطوني ورقدت ،، والعناية المركزة بحمد لا تقارن بالمستشفيات الثانية صراحة ،، انا ما ندمت اني ربيت بحمد لأن وضع ولدي مثل ولدج شرب من الماي الخضرا واهتموا فيه وايد فديته لين طلع بالسلامة

كلي احساس ،، انا كنت اشوف الشاش وايد ييبس على جسمه واحسه يصيح منه امي قالت لي حطي قطرتين زيت زيتون على الشاش مرة باليوم عشان يتم الشاش لين وما يعوره هو يطيح ،، وبالفعل هدأ وما قام يصيح وايد وعقبها بيومين طاح الشاش ،، اول يوم كان احمر شوي بعدين صار اوكي الحين

دهن العود ،، متى بشوف جنتي لوووووووووووووول صار عندي ولد وجنة ،، على فكرة انا ربيت قبلج ،، انا ربيت يوم الاثنين 10/5 الساعة 1 و42 دقيقة الظهر ،، انا افتكرتج ربيتي معاي بتاريخ 10 ،، عيل محد صاد التاريخ غيري خخخخخخخخخخ :045: :041:


كتكوتة شخبارج ،، شخبار العنود فديتها ،، انا والله ما علي من حد ارقد ليل نهار مغرب عصر :019: اللي يبي يزعل ويتملل هو حر انا اللي فيني مكفيني خخخخخخخخخخ ،، وعلى قولتج اللمة حلوة بس النوم احلى وما في نوم اهئ اهئ


حصوص الله يعينج على الخياط ليش جذي مسوينلج ،، مين اللي شقج نيرس والا دكتور ؟؟

بنت الأصايل شخبارج ؟؟؟ وحشتنا سوالفج ،، شخبار حمودي فديته ؟؟ انا ولدي صفر شوي خفيف بس الحمدلله راح منه

نوريين مبروك طهور الولد عقبال عرسه :015:

ام التواتي شخبار الجوري ما شاء الله الله يحفظها تجنن :087:

شمووخ ،، كلنا في الهوا سوا حبيبتي ،، رديتي الديرة والا ليحين بلندن ؟؟

اثرت اسمحيلي شفت الرسالة متأخر مب وايد افتح الرسائل الخاصة ولا انتبه لها وايد اغلبها يكون زيارة مواضيع ،، شخبار بشووورة ؟؟

هلا امهات شخباركم

غاده اني بعد ولدت تاريخ 10_5 الساعه 6:18 المغرب بس انتي قبلي بساعات يعني ثنتينه صدنا التاريخ مع ان تاريخ 9 رقدوني عشان طلق صناعي بس مافاد اله كاتب اولد بها التاريخ

الله يصبرج يا حبيبتي وجدان ويطمن قلبج .. ويخلي لج زينب .. حكمة الله فوق كل شي ..

السلام عليكم

لا حول ولا قوة الا بالله العلى العظيم

حبيبتى وجدان الله يصبر قلبك حبيبتى ويربط على قلبك ويباركلك فى زنوب يارب

ويعوضك خير عن على ان شاء الله

وجدان (علي وزينب)
زينب ( فطومة )
حلوة مووت ( بنت )
روكا ( بنت)
فرح الهوى (هيا)
انسبكتور (فاطمة)
Rajawi (وتين)
ام التواتي ( جوري)
النايمة ( دعاء )
آثرت الرحيل ( بشاير )
دهن العود(الجازي)
بحرينية .com (سارة)
لؤلؤة بحرينية (نوراء)
أم حمودي القمر (وفـــــــــاء)
كتكوتة نايمة (العنود)
كل الحياهـ انت (العنود)





قلب علي ( محمد )
طيف الأحبة ( ولد )
نيهال (بدر)
شـ م ــوخ ( محمد )
بنت الأصايل(محمد)
نوريين(حسين)
غادة (حمد)
البحرانية(باسل)
غزة رمز(أحمد)
جالكسي(عمر)
البحرانيه(محمود)
فديت قلبه (ولد)
صدى2009 (ولد)
بنت أمي و أبوي(منصور)
حصوص (ابراهيم)
زهرة الجبل(محمد)
مرمر حبيبة جوزها أحمد (عمر)
بنت الذيب(ولد)

مباااااااارك لمرمر وحمدا لله على سلامتك وسلامة عمر يتربى بعزكم يارب

ام التواتي شخبار الجوري ما شاء الله الله يحفظها تجنن :087:

الله يسلمك طيبة الجوري الحمد لله بس ما ادري ينفع تخطبوا وهي اكبر
والا كنت اعتبرتها خطوبة
خخخخخخخ

وجدااااااان لا حول ولا قوه الا بالله
ربنا يصبرك حبيبتى وده قضاء ربنا ارضى بيه وربنا يعوضك بولد مثله ويخلى لك زينب
والله دموووعى نزلت ... اانا لله وانا اليه راجعون

صباح الخيررر


بنات بسالكم تعرفوون متى ابداء اتبرخ ..؟ باللي يسمونه كبو مري هو اسمه كذا او لا ..

وبس كيفكم وكيف الحلوييييين .؟


:L:

wjdan;12182147:
ان شاء الله ياربي

ادعو لي بالصبر والسلوان

الله يصبرني على فراقه

والله يخلي لي زينب ولا يحرمني منها يااااارب

نسألكم الدعاء

الله يعظم اجرج ياوجدان
ويصبر قلبج
ويكون شفيع لج والى ابوه يوم القيامه
ويخلي زينب اليكم ويبارك فيهاااا

مراحب امهات
اخباركم اليوم؟
كان نفسي ادخل من زمان بس الكمبيوتر اللي في بيت اهلي عطلان ومدري وش فيه اليوم ظبط معي
بس والله انفجعت بخبر وجدان عن ولدهااا الله يرحمه
بالنسبه لي ولادتي كانت قبل 5 ايام من موعد الولاده المتوقع
يعني المفروض اليوم توني والده لاكن تساهيل من رب العالمين
كان فيني افرازات حمراء والم مو منتظم وكنت متوقعه اروح ويرجعوني لكن طلع الرحم فاتح 3 سم
دخلت المستشفى الساعه 1 وشوي الظهر وعلى الساعه 5 وشوووي ولدت
بنتي مستعجله ولدت قبل مااروح غرفة الولاده والحمدلله رب العالمين ماشقوني ولا خيطوني
الحمدلله رب العالمين لحد الان مو مصدقه اني ولدت لاني كنت احاتي وايد

الحمدلله التجمع بعده ماتسكر
بنتي سميتها (لجيـــــــــن)

:'( عظم الله اجرج يا وجدان ويعوضج خير في زينب ويجعلج علي شفيع يوم القيامة والله دموعي ما وقفت من قريت الخبر ،،لا اعتراض على قضاء الله وقدره ،، اللهم انا لا نسألك رد القضاء ولكنا نسألك اللطف فيه ،، ربي يصبرج ويمسح على قلبج :'(

هلا بيكم يالغالين وحشتونا وينكم ياللله فتحوا لينا تجمع ثاني عشان نكون مع بعض مره ثانيه

جمعتكم ماتنمل والله الله يخليكم ويخلي عيالكم يارب

الف مبروك جنه...

تتربى بعزك يارب...

بنات ليه ماتفتحون تجمع في شات عروس...

مستحيل اتخيل المنتدى بدون هالتجمع...اصلا اذا ماتجمعنا مره ثانيه بطلع من المنتدى....

مالي سالفه فيه ...

قررت اني اتكرم وافتح تجمع بـ شات عروس يالله برب برووح اضبط لكم الجلسه هناااك ..


:p

بنات نزلت الموضوع بس مالقيته


:(