...OoOo... تجمع حوامل مايو العاشر ...OoOo...

بنات .. انا اكتب قصة ولادتي .. سوري رحت عنكم شوي ..

بخلصها وبحطها لكم .. :)

والله هالسالفه معوره قلبي ...

بس وش اسوي ...

انا احس كل السبب من المستشفى...

لاني قعدت هناك يومين...ودايم يعطوه صناعي...ولما يجيبوه لي يكون شبعان

ويرفض صدري...

تدرون قلت انا مااعرف له يمكن...قلت لاختي تجرب معاه لانها هي ترضع الحين بنتها ...

قلت لها بس جربي ...

تخيلوا حتى مايرضى يمسك الحلمه...حاولت فيه ساعه كامله لين ماكسر ظهرها

قالت لي خلاااااااااص هذا ولدج يعاند...

وكل ماحاولت يرفض...اخ ياقلبي والله السالفه من جد تاثر فيني

ما شاء الله تبارك الله فديت صديق ولدي الله يحفظه ويحميه

حمودي فديته قام من النوم ورحت رضعته ،، الحين ببدله وانيمه عن اذنكم امهات

غاده فديت قلبج

اذنج معج..

بوسي حمود عني

قلب علي ختنتي حمودي

واو فروحة قصتك تبكي الله يرزقك برها

أم التواتي;12093804:
واو فروحة قصتك تبكي الله يرزقك برها

وااااااي فرووووحه والله اني صحت يوم تنادين امج من ورا الباب =(

اجر وعااااافيه حبيبتي
ويبلغج في هيا عرووس يارب

غاده ميبو هو مال الحروق وااااااااااااايد يمدحونه

صج شسويتي في الولاده ؟ حصلتي غرفه او لا ؟

قلـب علـي;12093665:
والله هالسالفه معوره قلبي ...

بس وش اسوي ...

انا احس كل السبب من المستشفى...

لاني قعدت هناك يومين...ودايم يعطوه صناعي...ولما يجيبوه لي يكون شبعان

ويرفض صدري...

تدرون قلت انا مااعرف له يمكن...قلت لاختي تجرب معاه لانها هي ترضع الحين بنتها ...

قلت لها بس جربي ...

تخيلوا حتى مايرضى يمسك الحلمه...حاولت فيه ساعه كامله لين ماكسر ظهرها

قالت لي خلاااااااااص هذا ولدج يعاند...

وكل ماحاولت يرفض...اخ ياقلبي والله السالفه من جد تاثر فيني

ياااااربي

انا اخاف يصير لي جي

انا ناويه ان شا الله ارضع طبيعي وصناعي
بس شلون ابدا
ابيه يعتمد ع حليبي وبعد ابيه ياخذ صناعي

بنات الي عندها خبره تفيدنا اله يجزيكم خير

فرح الهوى;12093626:

ليش ياستي بسرعه .. ؟؟

انا تميت اسبوع احاول واحاول ونزل ... خذ اسبوع .. حرام تخلين الحليب ينشف .. انا كنت افعص الحلمة واخليه يقطر في حلجها بالغصب كل ساعه ... وبعدين اول الايام غلط تعطين البيبي صناعي .. يعني تخلينه يجوع ولا تعطينه صناعي .. لان الصناعي طعمه حلو يعني فيه سكر .. بالنسبه لحليب الام الي طعمه عادي .. فاذا اعجبه الحليب الصناعي اول الايام طبيعي بيرفض مالج ...

وي احس بيعور قلبي اذا خليته يوعاااااان :'( زين ما كان يصير تشفطين الحليب ؟

حصووص;12093925:
وي احس بيعور قلبي اذا خليته يوعاااااان :'( زين ما كان يصير تشفطين الحليب ؟

أجر وعافية فرووحة

وإن شاء الله تفرحين بيهم وهم عرايس يارب

كلي احساس ...

اي حبيبتي ختنته يوم خامس له...

وانتي؟؟؟

فرح الهوى;12093932:

طبعا اذا عندج شفاط خير وبركه :)

ناووووووويه اخذ ان شا الله

قلـب علـي;12093992:
كلي احساس ...

اي حبيبتي ختنته يوم خامس له...

وانتي؟؟؟

احنا عندنا يختنونهم ثاني يوم من الولاده :thumbs_up:

حصوص ...

لان ولدي كان فيه بو صفار ...

عشان كذا تأخر شوي

حبيت استفسر على سالفة الختان...

سبحان الله انا واخت مرت اخوي ولدنا بنفس اليوم...

انا يوم خامس طهروه ...ولما سألتها عن ولدها ..

قالت لي ماراح يطهروه الا بعد 4 شهور ...

استغربت وقلت لها ليش؟؟؟

قالت لي ان الفتحه مالت البول اكرمكم الله نازله شوي عن موقعها الاصلي...

يعني المفروض انها تصير بالنص...بس ولدها صايره فتحة البول شوي تحت ...

استغربت اول مره اسمع فيها...

سمعتوا فيها بنات ؟؟؟؟؟

الله يخلي لنا ولادنا وبناتنا ويبعد عنهم كل شر يارب

دهـن العـود;12091723:

ما شاء الله تبارك الرحمن

ألف مبروك للي ولدوا وانا معاهم

:p

والفال للبااااااقي

يالله يا رب يا رب يا رب يا كريم يسهل عليكم ويجيكم الطلق طبيعي بدون طلق صناعي
ولا خرابيط

وتولدون كلكم طبيعي
يااااااااااارب

ويفرح نظرتكم بعيالكم

قصة ولادتي

كروشات كلكم تعرفون اني رحت مستانسه ومنعنشة

والصراحة كنت وااااايد حاطة في بالي اني راح اولد طبيعي

دخلت المستشفى

طبعا عطوني لبس الخبلان خخخخ:worn_out:خخخخ
فصخت كل ثيابي ولبسته

شوي الا تقولي النرس

اول شي الحقنه عشان ينظف اللي ببطني

انا على بالي يقصدون ابرة

طلع دواء نفس الجل

وفيه انبوب ضعيف

والصراحة مفعوله عجيب ياليته كان عندي ايام المعاناه مع الأمساك

:worn_out:

بعدها ركبوا لي السيلان وعلى الساعة 5 العصر حطوا لي

اول تحميله لطلق صناعي

انتظر الألم انتظر ماااافي شي ^o)

يجي لي ألم خفيف كلش كل فترة :clock:

طول هالفترة وانا اضحك واسولف مع اهلي وعادي عندي الوضع

بعد ساعتين خلوني عادي اقوم من مكاني

وبعد 8 ساعات رجعوا حطوا لي تحميله ثانيه

ونفس الشي ما في ألم لي ذاك الزود يعني

نفس الألم اللي كنت احس فيه قبل بالبيت او لما امشي

:!!:

طول الليل على نفس الحاله

والصبح لما فحصتني الدكتورة الا تقولي

ولا سانتي توسعتي :-o

واحتمال اذا استمر هالوضع بسوي لج قيصريه
لأن البيبي راح يتعب واصلا البيبي مو كلش
نازله بالحوض

وشكلها ارتفعت بعد وانتي تدرين انا قلت لج انج قصيرة و احتمال كبير من البداية قيصرية

:|

طبعا امي قالت لها لا نبي نصبر عليها احسن لها طبيعي
انا واخواتي وبنتي كلنا قصار و ولدنا طبيعي

ما نبي قيصريه

عصبت الدكتورة8o| وقالت اوكي نصبر عليها
بس توقعون ان كل شي يصير في مسؤوليتكم

قالت امي اوكي

خلاص بنوقع

وانا :-#

ما اقدر اقول شي

بس كنت وايد خايفة على تيتوني بس ما اقدر اعاند امي

:(

والظهر رجعوا حطوا لي تحميله الثالثه

ومع التحميله الثالثة

ذقت الويل

كنت كل 10 دقايق تجيني طلقة قويه

واخذ نفس واكسجين من الكمام اللي حطوه عندي
ولا في فايدة

وطبعا كل هالوقت وانا بالغرفة وحواليني اهلي

دشت علينا الدكتورة الا تشوف وضعي
8o|
وعصبت الا تقول خذوها غرفة الولادة
عشان تاخذ راحتها هناك احسن

طبعا لأن ما تقدر تطرد اهلي

خخخخخخخخخ

و طبعا في غرفة الولادة بس مصرح لشخص واحد بس من اهلي يدخل معاي

طبعا اختي قعدت معاي

شوي الا تشوف التخطيط

الا تقولي ان نبض البيبي شوي تعبان

قلت لها بس خلاص سوي لي قيصريه

الا تقول لا تخافين بصبر شوي وبشوف وضع النبض بعد شوي رجعت الا تقولي لا الحمد الله

قلت لها بس انا خايفة على البيبي اذا احسن بسوي قيصريه خلاص

قالت لي أول افحصج بعدين بقرر

فحصتني

الا تقولي :thumbs_up: توسعتي 2 سانتي بصبر عليج شوي

ان شاء الله تتوسعين زيادة

ماله داعي القيصريه اللحين

وقعدت طول الليل

كل شوي تجي تطل علي

وانا الطلق صار عندي حاااااااامي

صار كل 5 دقايق تجيني طلقة قويه تقعد معاي نص دقيقة

وانا في عذاب وساكته

:badly:

طبعا ما قدرت انام طول الليل من الألم

لحد الساعة 3 الفجر

صار الطلق لا يحتمل كل 3 دقايق

وانا انتظر الدكتورة عشان تجي وتفحصني

لحد ما اذن الفجر

قمت من مكاني وانا اون من الألم حاولت اصلي الفجر

ما قدرت الا وانا قاعدة على كرسي

:badly:

بعدها رجعت السرير وقعدت ادعي لكم ولكل اللي في اللسته عندي

على الساعة 7 ونص صار الألم كل دقيقة وانا اون من الألم
قمت ابي اعدل قعدتي وانا بالسرير شوي الا احس بشي دافي نازل علي
:woo: قلت للممرضة اللي قاعدة يمي

في شي نزل علي

على طول كشفت علي الا تقولي هذا الماي

هني انا صرت في حاله هستيريه من الألم والممرضة اللي كانت قاعدة معاي صارت في ربشه

لأن الألم صار قووووي ومتواصل على طول

وما اقدر ارتاح حتى لو شوي :thumbs_down:

كنت ما احس بروحي الا ودموعي تنزل من عيني

وانا ساكته والممرضة على راسي وتهدي فيني
مسكينه

طبعا من نزل الماي على طول طرشوا على الدكتورة تجي لي

ولما وصلت على طول فحصتني

وهني الصدمه القويه

انا توقعت اني وصلت 5 سانتي
والا أزيد من الألم اللي كنت احس فيه

قلت خلاص انا على وشك ولادة

الا تقولي الدكتورة
:!!:

1 ونص سانتي يعني اقل حتى من أمس

:-o:-o:-o

على طول صرخت الدكتورة جهزوها قيصريه

قلت لها اي بس خلاص دكتورة ابي قيصريه ما اقدر استحمل

الألم زيادة الا تقولي اكيد

لأن اصلا البيبي بيتعب اذا قعدتي على هالحاله

وعلى طول جهزوني للعمليه وانا واصييح بدون شعور

من الألم المتواصل :'(

وطول الطريق والنرسات يركضون فيني بممرات المستشفى

وانا اقول لا حول ولا قوة الا بالله ودموعي تهطل والألم متوااااصل

:'(

واول ما وصلت الا اقول للدكتورة ابي بنج نصفي عشان اشوف بنتي الا تقولي ما يصير اللحين خطر ما في وقت

قلت لها زين ابي دكتورة تخدير

تقولي معليه بشوف

شوي الا اشوف واحد على راسي يقولي انا الدكتور فواز
:-o
قلت له ابي دكتورة بليز

يقولي معليه اختي انا اللحين حسبه اخوج بحط لج المخدر وبطلع

ما عليج مني
قلت له ابي دكتورة وانا اصيح قالي انتي اسمج على اسم اختي سمي بسم الرحمن وقولي لي شنو راح تسمين البيبي

قلت له الجازي قالي ام الجازي

قولي يا رب

وهذا آآآآآخر شي اتذكرة لأني يوم فتحت عيوني

كنت مخلصة العمليه
من فتحت عيوني احن عليهم ابي اشوف بنتي

وانا اصلا مو قادرة افتح عيوني عدل من البنج

:confused:

قالوا لي في الغرفة
فوق ولما رحت الغرفة شفت اهلي وطبعا امي مسكينه يومها

شبعت من صياااااااااااااح

:hysterical:

طول وقت العمليه واهي تصيح

وبعد شوي جابوا لي الجازي فديتها

:adore:

بس ما قدرت حتى اني امسكها :(

والا اشيلها
والعمليه عذاااااااب عذاب عذاب
ودوخة راس
وأكرة شي القومه من السرير والكحة
أأأأووووووووف

ادري طولت عليكم وايد وما تم شي ما كتبته

يعني هذرت هذرة عالميه:D

مبرووووك دهن العود وحمد لله على السلامه
انا برضه زيك قيصريه الحمد لله على كل شئ
بس انا نزل على ميه ولما روحت المستشفى الدكتور شاف البيبى بالجهاز لاقى الميه نقصت 4 سم مره واحده فاتخد :confused: ولقيته بيقول لجوزى جهزوا نفسكم وهات حاجتها هنديلها طلق صناعى وهنشوف لو منفعش هتكون قيصرى وفعلا
روحنا جبنا الشنط واخدت اول تحميله والرحم مرتفع ولا فتح سانتى واحد
فلاقيت الدكتور بيقول لنا انا شايف قيصريه عشان ننقذ البيبى والام كمان لان لو فضلنا ناخد طلق صناعى هنجهد البيبى على الفاضى ونعذب الام كمان وسابنا شويه بس قالنا انا مش متحمل المسئوليه بعد كده
وعلطول وافق جوزى على العمليه واخدت بنج نصفى وطول العمليه وانا ادعى واستغفر
المهم خلصت العمليه وطلعت الحمد لله بس الالم عذااااب ولا قادره حتى اقوم اشوف ابنى ولا اشيله ولا ارضعه وكان نفسى اولد طبيعى بس الحمد لله فى كل الاحوال اهم حاجه صحه ابنى وانى شفته على خير ... وبعد كده قصه الصفرا اللى جتله بعدها بيومين واللى انا لسه فيها لحد دلوقتى ادعيله يا دهن العود
على فكره تاريخ ولادتى كان 6/5 يوم الخميس