دخلوا بسرعه فيها حياة وممات تكفون

لولاتي الحلوه;11917550:
مشورين خواتي والله انكم تحرجوني بكرمك الزاي علي ومادري شلون ارد جميلكم اللي على عيني وراسي من فوق
اختي سيده القوم اهو استقال لانه موعاجبته وزاره الاخليه ولانه يكمل دراسته الجامعيه وعلى وشك التخرج قال استقيل وارجع اقدم على الديوان يمكن احصل وظيفه افضل من السابقه ولانها فيها خطوره على حياته وخصوصا ان قام عينه صار3 حوادث متفرقه وماتوا اصدقائه فيهم والمفروض اهوه اللي يروح حق البلاغات هذي بس القضاء والقدر خلاهم يروحون قبله ويتوفون بالحادث
اما عن مساله خيره لاهله وتقصيره معاي هذي هي المشكله ليش يسوي جذي والله مادري حتي الحين المفوض عندي موعد طبيب عشان شاكين انه فيني ورم بالرحم طنشني وفضل يروح عشا نسيب اخوه حرص على مشاعر اخوه على حساب صحتي مع الاسف

أريج الأقحوان;11878380:
هلا بك يالغالية..
اسمحيلي بتكلم وياك بكل صراحة!!لأني أبي مصلحتك.

أول شي:
نبدأ بجذور المشكلة,وهي اتخاذك لوظيفة ماهي وظيفتك!!
كان المفروض ما تسوي شي ما كلفك الله به,الله خلا مكانك البيت ومن حقك النفقة وإنتِ قلبتِ الوضع وصرتِ إنت الأم والأب بنفس الوقت,عشان كذا صارت المشاكل.
كونك تشتغلين مافي مشكلة الإسلام أباح العمل بشروط وضوابط,لكن كونك توصلين عيالك المدرسة وتقضين مقاضي البيت وتودينهم المستوصف لا وألف لا إلا إذا كان هو مريض أو سافر أو جدا مشغوووووووووول!
حبيبتي هذي هي بداية المشكلة.
الحين اللي عليك تسوينه:

تكلمينه يتراجع عن تقديم استقالته,أو يقدم مباشرة في أي عمل ثاني.
أعمال البيت الخارجية لا تسوينها أبداً,لأنها ماهي من مسؤولياتك,عليك بأعمال البيت,وإذا ماعنك وقت تشتغلين تقدرين تدفعين من راتبك حق الشغالة عوضاً عن عملك؛لأن هذا من مسؤوليتك.
مقاضي البيت أبداً ما تقضينها على حسابك!!لأن لنفقة الإسلام ما كلفك بها!
الأطفال وحاجاتهم ما تسوينها أبداً,وخليهم يتعودون يطلبون أبوهم مباشرة بدون مايطلبونك.
بالنسبة للفواتير يمكن تتحملين فاتورة تلفونك وجزء بسيط من راتبك لباقي الفواتير.
حاجة سيارتك تسوينها على حسابك.
ملابسك الخاصة مرة على حسابك ومرة عليه.

أما باقي مسؤوليات البيت عليه.

بالنسبة للأولاد وش ذنبهم المساكين إذا كان أبوهم كذا وللأسف إنتِ اللي عودتيه على كذا؟

خذيهم عندك لحد ما الحال يتعدل,وتتفقون على اللي لك واللي عليك على حسب قوانين الإسلام مو القوانين الوضعية.
لازم بهذي المشكلة يتدخلون الرجال إما من أهلك أو من أهله,ويكتبونه عهد على القيام بواجباته المنزلية,ويوقع عليه,وإذا خالف تخبرينهم على طول.

وإن شاء الله يتصلح الحال.
بس حرام عليكم الأطفال يتشتتون ويظلون بهذي النفسيات المدمرة,والله هذا الشي يأثر عليهم إذا كبروا ويأثر على شخصياتهم,ويمكن لا قدر الله لو ما اهتميتوا فيهم يصابوا بأمراض نفسية,وتكونوا إنتم السبب!!
اخذيهم عندك ومشيهم وعوضيهم عن الأيام اللي جلستي بدونهم,وأي نقاش بيصير لا تخلينهم يسمعون ولا يشوفون شي,حتى الصغير اللي بو سنتين.

الله ييسر أمرك
بس أهم شي بشرينا شنو اللي بيصير معك.
أسأل الله لك التوفيق.