سؤال .. فديتكم (بالذات الى بنات البحرين)

c

co0o0o0ol

عروس جديدة

19-04-2010 | 04:37 AM

السلام عليكم
عروساتنا الحلوات :025: احتاج مساعدتكم في الاجابة على هذا السؤال البسيط
السؤال موجه الى كل الحلوات اللي يجهزون للزواج واللي تزوجو وخلصو

كل وحده فيكم تجاوبني على الاقل بـ نعم او لا .. واللي حابة تشرح وتفصل تاخد راحتها

اثناء التجهيز الى الحفلة تحتاجين طرف اخر (مساعدة ) يقوم بالبحث عن الصالات والصالونات وباقي التجهيزات واسعارها وجيب لش كل شي جاهز على الورق وبالصور بمقابل مالي.. والله تحسين انش انتي تدورين احسن؟

مثال: تبين اسعار الصالات .. وتعرفين انش تبين الى 300 شخص.. وتحتاجين تمرين على يمكن 5 صالات عشان تعرفين الاسعار وتقارنين .. بس في شخص تقدرين تحددين له الميزانية مالتش وعدد الاشخاص ومستوى الحفل ويقدر يجيب لش اسعار الصالات وصورهم الى عندش عشان تقارنينهم

وهل تحسون ان دفع 20دينار (200 ريال) يسوى والله واجد على الموضوع

ولكم مني زيل الشكر والامتنان :065:

م

مها البحرين

مشرفة سابقة

19-04-2010 | 04:50 AM

انا من رايي انتي تروحين وتسوين كل ذي بنفسج ..
لان الحفلة حفلتج ..

لو انا مكانج ما انام الليل ومستحيل اثق في احد
لان ذوقي وايد صعب ومافي شيء يعجبني ...؟؟
والهالغريب اللي بتعطينه 20 دينار مايعرف اللي في بالج
ولا حتى ذوقج واحتياجاتج ...

مافيها شيء لو انتي قعدتي تفترين على الصالات
يعني ترى مايأخذ وقت وايد خصصي يوم في نص
الاسبوع ويكون الصبح عن الزحمة وخلصي امورج
في يوم واحد ...

c

co0o0o0ol

عروس جديدة

19-04-2010 | 04:56 AM

شكرا اختي مها على الرد
انا انخطبت والحمدلله كملت كل اموري بروحي .. واتعلمت اشياء واجد من ايام الدوارة .. واهم شي شلون اسوي اللي في بالي بسعر معقول

بس اشوف ان في ناس واجد عندهم مشاكل في المواصلات و عدم القدرة على الاختيار .. والبعض عنده واجد شغل ايام التجهيز للحفلة

مثلا لما كنت اشوف الى بطاقات الدعوة .. رحت الى الاماكن اللي عادة الناس يتعاملون وياها .. وشفت ان الاسعار وااجد على ورق دعوة بينقط في النهاية .. بس لاني عندي خبرة في هالمجال تعاملت ويا مكان وسويت لي بطاقة مبتكرة مستحيييل تنقط وبنص التكلفة

فحابة ابتدي مشروع بسيط
بس الحين قاعدة اشوف تقبل الناس الى الموضوع وحاجتهم له

ح

حلمـ .,

مشرفة سابقة

19-04-2010 | 09:35 AM

عزيزتي .,

الله يخلي المنتديات + مواقع النت .,

الوحدة لو تجي هني في المنتدى تطرح 100 سؤال

تلقى منها الإجابة كاملة , مكملة , وبدون أي مقابل سواء دعوة صادقة من القلب

ولله الحمد عرايس وايد جهزوا وكملوا كل أمورهم عبر منتدانا هني ومن خلال موضوع واحد فقط

ربي يسعدهم ويوفقهم جميعاً

فأكيد دام تتلقى المساعدات بدون مقابل ما بتروح تطلبها بـ مقابل ؟!!..

يعني تجهيزات الحفلات حالياً

باتت من أسهل وأبسط الأمور

لأن الكل قاعد يكتسب الخبرات فيها

والآراء قاعدة تتنوع وتنتشر

لذلك ,

أكيد كل عروس تحب تجهز نفسها بـ نفسها

بدون أي مساعدة من شخص ما تعرفه

ولو أحتاجت مساعدة بتلجآ للأهل من خوات , خالات , عمات .. إلخ

أو الصديقات & الزميلات

هذا رآيي الشخصي ,

وهذا إلي قاعدة أشوفه حواليني :08:

ح

حصاصي

عروس ماسية

19-04-2010 | 09:58 AM

انا من رايي تجوفين بعينج احسن لج واريح لج

b

banoota_7elwa

عروس نشيطة

22-04-2010 | 02:23 AM

مافي احلا من تعب التجهيزات
صج لوية وعوار راس وتعبببب
بس بالنهاية اذا جفتي عرسج شلون كان مستواه وحسيتي بالرضا عنه بتعرفين قيمة جهدج وتعبج وبتذكرين كل لحظة قضيتيها وانتي تجهزين : )
استعيني بالمنتدى لتوفير الاقتراحات بس لازم تجوفين بعينج وتختارين كل شي بعرسج ونصيحة لاتعتمدين على اي احد حتى لو كانو اهلج او صديقاتج لان اذا صار شي بالنهاية انتي بتوهقين : )