بنات ساعدوني.......عيد ميلاد زوجي قرب

عسى ايامكم كلها سعادة وربي يهون عليج حبيبتي

جم ميزانيتج عشان نقدر نقولج شنو تاخذين
ممكن عطر يكون حلو او كم قميص وبنطلون
حذاء تكرمين

عدلي غرفتج حطي مفرش حلو وزاهي وزعي نفافيخ ملونة
ممكن تسوين عشا او تطلبين عشا من برى
اذا ودج تعطينه كذا هدية افضل تحطين هدية وحدة على السرير مثلا
والهدية الثانية تحطينها في سيارته عشان يتفاجيء فيها
او اي فكرة تخطر في بالج احس احلى من انج تعطينهم اياه مرة وحدة
حطيله في بوكس الهدية شوكليت يحبه وانا دوم افضل الهدايا اللي اطووول
وتفيد الزوج عشان يتذكرج

ممكن اطرشينله باقة ورد على شغله

هاي في بالي الحين وموفقة

بسم الله الرحمن الرحيم
انا شايفة ان انت ادري واحدة ابه ممكن يسعد زوجك
لانك اقرب لافكاره
وكل سنة وانتم طيبين

ودي اعرف ميزانيتك وانا راح ان شاء الله اساعدك

* الهدية طبعا انا دايما اختارها على
اساس ان هالشئ يحبة زوجي + ان محتاجه هالفتره
يعني مثلا عيد ميدلادة الاول كان عنده نقص بساعات وماعنده الا نظاره شمية
وهو يموووت فيهم
فا شريت ساعه وشريت نظارة

وكانت طريقتي بدون تغليف ولا حاجة رحت حطيت النظاره مكان نظارته القديمة بسياره << مكانها المعتاد
والسساعه حطيتهآ في ثوب من ثيابه الى راح يلبسهم يوم ثاني
وبجدددد انبسسسسسسسسسط :) يعني انا اهتم بطريقة التقديم اكثر من تغليفها
لأني شايفه لما مااغلف الشئ واسوي له حركة تبسطة اكثر


ولي عودة علشان اعرف ميزانيتك علشان اعطيك افكار طريقة الحفله :)

عسا كل ايامكم هنا
خيو بما انش حامل يعني ما بتقدرين اتسوين وتروحين
خلي احد اجهز وياش المكان واشتري الهديه وطلبي الكيكة واطلبي عشا من المطعم بحيث اكون جاهز قبل ابمده
جهزي نفسش سوي سشوار ومكياج خفيف ولبسي شي بسيط واذا الدبه طالعه اهني ما الش الا الخفيف وبس