نشره اخبار محلات الملابس للاطفال ( امهات مصر )

ما انا معاكي يا سيمو بس انا جيباه عشان بس الفترة الاولي مخففش عالطول يعني مرة واحدة، عشان هي دلوقتي بتلبس سالوبيت برجل وتحتيه بنطلون، فهمشيها تدريجي وكمان عشان هي صغيرة مش كبيرة بردو وهمشيها حسب الجو وممكن اخليه لبليل وبس او في الاماكن المفتوحة زي النادي لأنه بيبقي برد اوي بجد حتي لينا احنا الكبار

http://forums.3roos.com/showthread.php?t=530965

ادخلوا باركوا لتوتا يا عياااااااااااااال.. وبلاش استندال

:thumbs_up:ربنا يكرمكم يا بنات عالمشاركات الحلوه ديه وكل حاجات بناتكم حلوه قوى وزوقها حلو ربنا يهنيهم بيهم يارب ويخليكوا ليهم وتجبلهم كل حاجه حلوه يارب

بس عوزه الفت نظركم لحاجه متنسوش تكتبوا اسامى المحلات وعناونها والاسعار عشان الكل يستفيد F:

CuTie KaTkOoTa;11912153:

محل مستورة في روكسي لو دخلتي في الشارع اللي قصاد بنك القاهرة باين ولا ايه نسيت انهي بنك اللي هناك اللي جنب ابو حيدر بتاع الشاورما روحي بقي عند البنك ده وعدي الشارع وادخلي الشارع الجانبي اللي في وشك وامشي شوية كده هتلاقي مستورة ده وفيه منه في جنينة مول بردو بس مكنتش اعرف انه عنده حاجات اطفال إلا من فرع روكسي ده بالصدفة، معرفش اللي في جنينة نفس النظام ولا كبار بس.

قصدك الشارع اللى على نصيته جويا اللى فى روكسى صح
انتى عارفه يا كتكت انا كنت بخرج نانو بالكوون تحت الفستان وتحته بنطالون والنهارده خرجتها من غير بنطالون بس انا خلاص قررت اصيف لها جوه البيت وبره خلاص كفايه كدا
بس انا معاكى انك تخالى جوجو بالكولون خصوصا بليل لانها لسه صغننه وان شاء الله لما توصل الشهر الرابع ممكن تلبسها من غير كولون
000000000000000000000000000000000

وترقبوا قريبا نانو فاشون :077:

ازيكم ازيكم :)
ده اخر تقريري

ده بنطلون من اكتيف اللي في السراج مول كان عليه خصم من 98 ل 50 من6 ل 9 شهور انا لاقيته صدفه كنت بشتري سبدرينه ليا ولاقيته بالصدفه


وده سالوبيت من محل اسمه هابي كيدز في الحي العاشر مدينة نصر ب 31 جنيه


وده كمان من هناك ب25


والفستان الجينز ده من محل اسمه ستوك زون بواقي تصدير في الحي العاشر برضه ب45 ماركة levi's

وده من ورا

وده برمودا ب 10 ج من ستوك زون

وده فستان من عنده برضه ب 35 ج


وده بلوزه من هناك برضه ب15

وده سالوبيت له جيباه النهارده من لفلي ماركة نيلي ب 43

وده فستان من لفلي ب 45

وجبت طبق للومي ماركة نوبي من لفلي برضه ب 65 ;) مقدرتش اقاوم شكل الطبق بصراحة وفي اوبشن انه يدخل المايكرو يف

وكمان كوباية تقريبا زي بتعة نانو يا انووس اللي هي مبتقعش دي وب35


وبس كدددددده :adore::adore:

ماشاء الله يا سيمووووو حاجات لومى حلوه اخر حاجه ربنا يهنيها بيهم يارب

عجبنى قوى الفستان الجينز ماشاء الله

وفعلا محل ستوك زون حلو قوى انا جبت لنانو منه بنطالون جينز حلو قوى ب 20ج

وربنا يكرمها سوسى هى اللى قالتلى عليه

بس انا عوزه اقولك حاجه هو مش خلاص السالوبيتات كبرت عليها لومى بئى هى دلوقتى ماشاء الله قربت على 6 شهور والسن ده بيكون حلو عليه البيجامات والشورتات والحاجات ديه يعنى انا بقولك كدا عشان السالوبيتات بتصغر لكن البيجامات والحاجات ديه عمليه اكتر فالبيت

وفعلا الكوبايه زى بتاعت نانو بس بتعتها لونها فيروزى

crazy ananas;11941351:
ماشاء الله يا سيمووووو حاجات لومى حلوه اخر حاجه ربنا يهنيها بيهم يارب

عجبنى قوى الفستان الجينز ماشاء الله

وفعلا محل ستوك زون حلو قوى انا جبت لنانو منه بنطالون جينز حلو قوى ب 20ج

وربنا يكرمها سوسى هى اللى قالتلى عليه

بس انا عوزه اقولك حاجه هو مش خلاص السالوبيتات كبرت عليها لومى بئى هى دلوقتى ماشاء الله قربت على 6 شهور والسن ده بيكون حلو عليه البيجامات والشورتات والحاجات ديه يعنى انا بقولك كدا عشان السالوبيتات بتصغر لكن البيجامات والحاجات ديه عمليه اكتر فالبيت

وفعلا الكوبايه زى بتاعت نانو بس بتعتها لونها فيروزى

ميرسي يا انوس
وفعلا محل ستوك زون فيه حجات كويسه
وبالنسبه للسالوبتات بحبها اكتر من البيجامة ع لومي :D وكمان بحس انها احسن لانها قطعة واحدة وفي الحر تاخد راحتها فيها وطبعا دي وجهات نظر وانا جبت مقاس من 6 ل9 شهور يعني هيقعدوا معها الصيف كله :087:وميرسي ياانوس ع النصيحة ويباركلك في نانو

crazy ananas;11937199:
قصدك الشارع اللى على نصيته جويا اللى فى روكسى صح
انتى عارفه يا كتكت انا كنت بخرج نانو بالكوون تحت الفستان وتحته بنطالون والنهارده خرجتها من غير بنطالون بس انا خلاص قررت اصيف لها جوه البيت وبره خلاص كفايه كدا
بس انا معاكى انك تخالى جوجو بالكولون خصوصا بليل لانها لسه صغننه وان شاء الله لما توصل الشهر الرابع ممكن تلبسها من غير كولون
000000000000000000000000000000000

وترقبوا قريبا نانو فاشون :077:

:lol::lol::lol::lol: حلوة نانو فاشون دي، تقريبا هو الشارع اه يا انوس اصلي رحت مرة واحدة ومن فترة فمتلخبطة بس يومها علمته بالبنك عشان لما حد يسألني يبقي سهل لأني لو وصفته من ورا بقي زي ما دخلته انا هتوه الناس معايا، اصلي دخلته من شارع الاهرام مش من روكسي الناحية التانية.

Sim0;11938212:
والفستان الجينز ده من محل اسمه ستوك زون بواقي تصدير في الحي العاشر برضه ب45 ماركة levi's

كميلة اوي يا سيمو ما شاء الله مبروك عليها.









بنات بصوا دول جبتهم امبارح من محل في النعام كده او عين شمس هو زي بواقي تصدير بردو



ده ب 17.5



وده ب 25

ماشاء الله يا كتكت حلوين قوى تتهنى بيهم جوجو يارب ويخليكى ليها وتدلعيها دايما

المحل اللى انتى جبتى منه ده اسمه سوق العصر ياترى :)

وعندى ليكى محل حلو كل حاجاته قطن حلوه قوى واسعاره حلوه اسمه نيو ستار جمب كليه الهندسه اللى فى شارع ابراهيم عبد الرازق يعنى لو انتى جيه من ناحيه شارع ابراهيم وهتوصلى لحد كليه الهندسه ادخلى الشارع اللى جمبها بحيث تكون هى على شمالك والشارع ده اسمه تقريبا مصطفى حافظ وهو تانى محل
وللبنات اللى فى مدينه نصر نفس المحل ليه فرع فالتامن قدام مركز التيسير الطبى واسمه نيو ستار وهما عندهم مصنع بيعملهم الهدوم وبرضو عندهم ماركات تانيه وهو فيه حاجات قطن للاطفال داخلى وخارجى وكوفرتات وبافتتات وكلهم حلوين قوى وخامتهم حلوه وعندهم كمان حاجات للكبار قطن

انا جبت منه فستان وبيجامه و2 سالوبيت كات من غير رجلين للبيت حلوين قوى ومكسله اصورهم بس هنزله قريب ان شاء الله

اخيرا لقيتكم
كنت بدور عليكم مكنتش اعرف ان الموضوع التانى اتقفل بس جبتكم مش مشاركات انوسة

وحشتينى يا انوسة على فكرة

ميرفى50;11838007:


]ده طقم من بيبى شوب فى مول جولف سيتى العبور ب 95 جنيه

:016::016::016:

حد راح لافلى قريب يقول ايه الاخبار

[/QUOTE]

انا بئة جبت الطقم بتاع جومانة دة بالظبط لمايا :D بنفس اللون بس فرع بيبي شوب اسكندرية
وجبت اطقم تانية حلوة اوى بس مايا لبستهم مش هيطلعو حلوين في التصوير :(
المهم الازواق هناك تحفة بجد والاسعار حلوة اغلى طقم كان ب 100 وشوية


روحت لافلى و اوركيدز وسيف ستورز
لافلى واور كيدز نفس الموديلات تقريبا فيهم حاجات حلوة جبت لمايا فستان من هناك حلو كان ب حاجة وسبعين

جبت بورنس لمايا عملى جدا جدا جدا بجد كان ب 100 وحاجة وقماشتة تحفة ومكتوب علية انة هندى جبتة من بيبي شوب

جبت مجموعة شوزات لمايا من لافلى واوركيدز وبيبي شوب هصورهم وانزلهم المشاركة الجاية

الشوز دة من لفلى

ودى كمان

ودى بردو


دى من اوركيدز

كل اللى فاتو اسعارهم من 68 ل 80 تقريبا

والجاية دى من بيبي شوب ودى سعرها 115

والشراب دة بالمرة بئة من بيبي شوب

CuTie KaTkOoTa;11955045:









بنات بصوا دول جبتهم امبارح من محل في النعام كده او عين شمس هو زي بواقي تصدير بردو



ده ب 17.5



وده ب 25

ماشاء الله جمال اوي ياكتكوته

toty858;11961995:
الشوز دة من لفلى

ودى كمان

ودى بردو


دى من اوركيدز

كل اللى فاتو اسعارهم من 68 ل 80 تقريبا

والجاية دى من بيبي شوب ودى سعرها 115

ماشاء الله ياتوتي يجننوا بجد

ربنا يخليكم يا بنات.


لا يا انوسة سوق العصر انا عارفاه بس عمري ما دخلته ده في شارع عين شمس نفسه لكن اللي جبت منه دول مبصتش علي اسمه اصلا ومحل صغنن كده في شارع جانبي قبل ما اوصل لشارع عين شمس هركز اكتر المرة الجاية واقولك بندخله منين بالظبط عشان مش عارفة اجمع مع اننا بنعدي عليه كتير جدا واحنا راجعين من اي مشوار، بس عشان تخريمة فمش بعرف اوصفها.

toty858;11961881:
اخيرا لقيتكم
كنت بدور عليكم مكنتش اعرف ان الموضوع التانى اتقفل بس جبتكم مش مشاركات انوسة

وحشتينى يا انوسة على فكرة

منوره ياتوتى وانتى اكتر والله كنت فكراكى امبارح بقالى كتير مشفتكيش يارب تكونى بخير انتى ومايا :L:
وحاجات مايا عسوله قوى ربنا يهنيها بيهم ويخليكى ليها وتجبلها علطول
ومستنين تقاريرك الجامده ;)

CuTie KaTkOoTa;11967691:
ربنا يخليكم يا بنات.


لا يا انوسة سوق العصر انا عارفاه بس عمري ما دخلته ده في شارع عين شمس نفسه لكن اللي جبت منه دول مبصتش علي اسمه اصلا ومحل صغنن كده في شارع جانبي قبل ما اوصل لشارع عين شمس هركز اكتر المرة الجاية واقولك بندخله منين بالظبط عشان مش عارفة اجمع مع اننا بنعدي عليه كتير جدا واحنا راجعين من اي مشوار، بس عشان تخريمة فمش بعرف اوصفها.

على فكره يا كتكت سوق العصر احسن وقت تروحيه اول الموسم يعنى انا روحت اول ما حط الصيفى كان عنده حاجات حلوه قوى وجبت من عنده طقم شورت كان ب 10 ونص وجبت فستان جينز25 لقيت نفسه فى ريموندس ب 35ج

ده الطقم اللى جبته وهو ماركه ديزنى على فكره

وهصورلكم الباقى ان شاء الله

كميلة اوي ما شاء الله يا انوسة ولونه كمان حلو اوي، مش عارفة ليه بنساه دايما مع اني كل ما اعدي عليه اقول عايزة ابقي ادخله وادخل كمان 2.5 اللي جنبه ده بس بنساه يمكن عشان ببقي في العربية ومستعجلين راحين مشوار ومتأخرين دايما وكمان البا مش بيبقي فيه ركنة قدامه.

دى حجات جبتها لدودو

قميص تومى و كوتشي عسولة


سالوبت من سنتر بويت بيبي شوب
عاملين تنزيلات





تيشرت و بنطلون



ودول ممكن يلبسهم على بعض شغال يعنى:)



كوتشى من ماكس و اللى فوق برضة من هناك



شنطة لحجات دودو و احنا خارجين حونيورز من بيبي شوب



كوفرتة

هو بيبي شوب فين في اسكندرية وله في فرع في القاهرة

CuTie KaTkOoTa;11976326:
كميلة اوي ما شاء الله يا انوسة ولونه كمان حلو اوي، مش عارفة ليه بنساه دايما مع اني كل ما اعدي عليه اقول عايزة ابقي ادخله وادخل كمان 2.5 اللي جنبه ده بس بنساه يمكن عشان ببقي في العربية ومستعجلين راحين مشوار ومتأخرين دايما وكمان البا مش بيبقي فيه ركنة قدامه.

بصى يا كتكت هو سوق العصر فى حاجات حلوه
لكن محل 2 ونص اللى جمبه عادى يعنى مفهوش حاجه جديده
وفعلا مشكله ركنت العربيه ديه :|

البرج اليسر;11991282:
هو بيبي شوب فين في اسكندرية وله في فرع في القاهرة

تقريبا يا ام يارا فى فرع عند كارفور اللى فالعبور وبرضو اللى يعرف ياكد ليك ياريت

ماهى ماشاء الله حاجات دودى حلو قوى ربنا يهنيه بيهم يارب ويخليكى ليه وتجبيله كل الحلو دايما المهم المقاسات تكون كبيره شويه عشان تكفيه فتره اصل الواحد بيتقهر لما الحاجه تصغر وتكون متلبستش :)

http://forums.3roos.com/showthread.php?t=532541

ايه فينكم مفيش جديد وله ايه

انا قولت اصحصحكم شويه واخيرا انزلكم شويه نانو فاشون ;)

بسم الله

:thumbs_up:


ده البنطالون اللى جبته من ستوك زون اللى فالعاشر ب 20ج





وده فستان من شعبان مش هتصدقوا بكام هو قطن وعسول خالص وشفت زيه فى كارفور وسبينس ب 15 لكن ده بئا هقولكم سعره بعد الصوره :)


وده من قريب

ها ايه رايكم تديلو كام بئا هههههههههههههههه
:lol:

وده فستان جبته من سوق العصر اللى فالنعام ب 25ج وشفته زيه فى ريموندس ب 35 وهو هو



وده طقم جبته من كارفور من فتره كان ب 20



وده بنطالون جينز من ماركاتو لسه جيباه من يومين كدا مش هتصدقوا بكام ب13ونص ايه رايكم



وكفايه علكيم كدا وتابعونا لزم اشوقكم برضو ههههههههههههه

وعلى فكره الفستان اللى من شعبان كان ب 5 ج وجبت اتنين منه :thumbs_up:

ما شاء الله يا انوس
الفستان اللى ب 5 دة انا جايبة اخوه لجنى من كارفور ب 10 وجوزى كان فرحان اوى بالسعر فراح جاب 2 كمان
هههههههههههه
جبت اورانج وبينك وكحلى