CuTie KaTkOoTa;13591732:
بصوا يا بنات انا كنت في العامرية الفرع اللي بروحه ده وسألته فروعه فين اللي تبع نفس الفرع ده، قاللي احنا اصلا شركة من اليكس بتاعة مفروشات والحفة وكوفرتات وكده وقلنا نجيب من ح\كل حاجة احسن حاجة بردو يبقي عندنا يعني كل الاصناف كمان المتدوالة، المهم هو فرع المريلاند ومساكن شيراتون والنادي الاهلي ومكرم عبيد بس مش اللي عند عمر افندي لأ ده شارع جانبي من مكرن اسمه احمد او محمد الصاوي قصاد السلاب عالطول ، بس هما الاربعة دول تبع بعض والباقي مختلفين عنهم.
وعلي فكرة لقيت فيه كولونات كزاروني بردو ب 24
رحت ريموندس معجبنيش اوي هناك، هو فيه كام حاجة كويسة بس يعني مشدنيش حاجة اوي اوي
ورحت فرج الله بتاع بواقي التصدير لقيته وحش ومفهوش حاجة حلوة ده حسب كلام جوزي يعني انا مدخلتش.
انا فعلا اعرف اللى عند النادى الاهلى يا كتكت بس مدخلتوش وياريت لو تعرفى بالظبط فين الفرع اللى قريب من السلاب ابقى قوليلى
وريموندس فعلا روحته الاسبوع اللى فات كنت بغير فستان كان خالى نانو جبهولها فى عيد ميلادها بس كان كبير وملاقتش حاجه كويسه بس الحمد لله لاقيت الفستان اللى كان عجبنى كان منه اتنين بس هبقى اصورهلكم
كتكت ممكن اعرف فين فرج الله ببتاع بواقى التصدير
lifedrop;13591784:
انا نزلت النهاردة على السريع روحت كايرو مول كنت عايزة اشترى بوت لجوجو
وكان ب 75 وجوزى شايفه فى وسط البلد ب 65 ومكتوب على العلبة 60 احنا بقى جبناه ب70 :D
ركزو عشان متهوش
اه صحيح
لقيت تيشيرتات زى بتاعة نانو بنت انوس اللى عليها دادى ومامى عند كارفور ب 10 جنيه بحالهم
مبروك على جوجو البوت وعقبال شوز الفرح يارب
انا فهمت اللغبطه ديه بس ليه مدام مكتوب عالعلبه انه ب 60 جبتيه ب 70
انا كنت جيبه التيشرتات ب 7ونص :rolleyes:
OM SIMO;13596398:ازيكم يا بنانيت
رجعتلكم بحاجتين لسما لسه جايين طازه
على زوق باباها
مبروك على سيمو وربنا يخليلها باباها ويجبلها كل حاجه دايما
واحلى حاجه انك كاتبه الاسعارررر
sosiii-cat;13597000:
بنات انا عايزة اجيب هاي كول بني مقاس نورين يكون خامته تدفي وضيق مش زي التيشيرتات الواسعة الاقيه فيييين ؟
حد يقوللي علشان عايزة اصور طقم العيد بقي
انا كنت جيبه لنانو من التوحيد اللى فالتامن هايكون حلو قوى وقطن وبكباسين من تحت واللاسف مش عارفه الاقيهم تانى كانت سيمو الله يكرمها كانت قلتلى عليه كان ب 24 تقريبا ماركه جونيور فاشون نفسى اعرف بتتباع فين تانى الماركه ديه غير فالتوحيد
على فكره انا قولت البس نانو الهايكولات عموما فالخروج لكن مش فالبيت
وماما بتقولى بلاش هايكول اصلا عشان رقبتها ماتدفاش ولما تغيرلها تبرد فاحتمال مكترش منها اساسا
ويارب تلاقى الهايكولات عشان نشوف الطقم وبلاش تلاكيك ههههههههههه
sosiii-cat;13597939:
لفلي اللي في مكرم عبيد ياتوتي ؟ انا كنت عنده ومشفتهومش طيب موجودين فين فوق ولا تحت ؟
انا اكتشفت اني عاوزة بني وبتنجاني الوان صعبة جدا وغير طفولية ههههههه
الحاجات ديه بتكون تحت يا سوسى فى لفلى
اما الالوان فحاولى تفكرى فى الوان تانيه احتياطى عشان لو ملاقتهاش
shimaaafifi;13599393:
بابا نزل النهارده جاب لميزو حاجات شتوى من روكسى
تعالو اوريهالكم بس هى مقاسها كبير نمره بكره هايروح يجيب الاصغر
مبروكين على ميزو وربنا يخليلو جدو ويجبلو كل حاجه حلوه دايما يارب
بس نسيتى تكتبى المحلات والاسعاااااااااااااااار
lifedrop;13599754:
جنى عندها سويت شيرت لونه اخضر تفاحى يلقيه عليه جيب او بنطلون او ايه من تحت؟؟
لونه ايه؟؟
بنى ولا بيج ولا جينز ولو جينز اى درجة من درجاته تصلح؟؟(ومثقفة)
بصراحه انا شيفه ان البنى هيكون حلو قوى
او حطى صورته ونشوف ايه ال احلى عليه
CuTie KaTkOoTa;13602590:
لا معندوش الصياد اصلا اصل ده محل تاني خالص غير اللي انوسة وسيمو راحوه، ده العامرية الاصلي الشركة بتاعة اليكس انا فهمت من الراجل وله 4 فروع ونظامه وحاجاته مختلفة عن التاني ومنظم اكتر كده وحاجات بجد حلوة اوي واسعارها كويسة بردو، جبت بيجامات خريفي وشتوي
لكن اللبن بقي بينقي ماركات معينة كويسة وخامتها حلوة من كل حاجة وزي واخد توزيع ليها كده.
كتكت ضحكت قوى من منظم اكتر حسيت اد ايه انتى مستائه من المحل اللى عند عمر افندى ههههههههههههه صحيح كنت قولتلنا يمكن كنا نشوفك هناك بالصدفه ههههههههه
ممكن تقوليلى الكلمه اللى بعد لكن ايه :rolleyes:
00000000000000000000000000000000000000000000000
واخيرا احب اقولكم يارغاين اسيبكم كام يوم الاقى 20 صفحه جديده ماشاء الله ربنا مايحرمكم من بعض ويخليلكم ولادكم وبناتكم يارب وتجبيلهم دايما كل حاجه حلوه
بس ماننسااااااااااااااش بلاش نخرج عن المضمون عشان محدش يقولنا مخالفين وكدا عوزين كل حاجه فى مكانها عشان منلغبطش الدنيا
وياريت نحاول نمسك نفسنا ومانرغيش هنا انا عارفه انه صعب بس بقدر االامكان عشان نحافظ عالموضوع لا اكثر وله اقل :thumbs_up:
انا رديت هنا لحد صفحه 65 هكمل واجيلكم تانى بس مترغوش تانى استنونى لما اخلص :L:
