نشره اخبار محلات الملابس للاطفال ( امهات مصر )

وده لينك لموضوع قديم فى معلومات ممكن تفيد حد

http://forums.3roos.com/showthread.php?t=518208

انووووسة انا جيت اهو هيييييييييييييه


بصوا بقي يا بنات انا نزلت كارفور الأسبوع اللي فات ده عشان اشوف العروض اللي كان منزلها بس ملقتش اللي انا عايزاه تقريبا كانوا خلصوا المهم جبت بقي لجوجو لبس خروج للصيف بس بره العروض، لأني لقيت تقريبا معظم او كل اللبس اللي نازل في العرض ماركة الصياد وانا بحبها اوي والحاجات كمان جميلة بجد سواء اللي في العرض او براه بس قلت طيب وليه اجيب الصياد من هناك وهو له محله لوحده وكنت كده كده ناوية اورحه بردو ان شاء الله وخصوثا خفت يكون كارفور منزل الاسعار اغلي من الصياد نفسه.

المهم جبت دول بقي بس ماركات تانية وهما كل قطعة لوحدها بس انا طقمتهم مع بعض.

http://www.3roos.com/files/ups/2010/299757/41271191621.jpg

السالوبيت اللي بره الكت ب 34 والسالوبيت اللي تحتيه النص ب 14

http://www.3roos.com/files/ups/2010/299757/21271191621.jpg
http://www.3roos.com/files/ups/2010/299757/31271191621.jpg

ودول السويت شيرت ب 43 والبنطلونات الاسترتش دي اتنين مع بعض ب35

http://www.3roos.com/files/ups/2010/299757/11271191621.jpg

ودول الشورت الجينز ده ب 45 والتيشرت ب 25


و ان شاء الله لما انزل تاني هقولكم علي باقي التفاصيل

موضوع حلو

موضوعه حلو يا انوس اول ما اجيب حاجة حموودى هنزلكم الصور بإذن الله

بس ادعيله يخف ويقوم بالسلامة علشان اعرف انزل اشترى حاجته وحاجة النونة

]ده طقم من بيبى شوب فى مول جولف سيتى العبور ب 95 جنيه

اانا كنت نزلتها قبل كده فى التجهيزات بس تانى مره عشان اناناسه
دى بقى شويه حاجات جبتها من اوركيدز فرع الدقى

ده 40 جنيه من سن 6 شهور الى 9 شهور




ده بقى عسوله اوى فى البس وسعره 74 جنيه ده للخروج الشراب 10 جنيه



ده ب .44.50جنيه وشكه حلو بردوا اوى ومعاه توكه



ده ماركه الصياد 40 جنيه ومعاه برنطه


ده 29.25 جنيه ده للبيت



دى بقى بافته للاكل ماركه الصياد 12.50



دول فانلات كت بكابسين ماركه بيبى كلاب وسعرهم 33جنيه الباكيت فيه اتنين ابيض ولون تانى انا جبيت باكتين



دول كنت جايبهم فى الشتاء بس مالبستهمش ماركه بيبى كلاب وكانوا 43 جنيه اتنين مع بعض وبردوا اشتريت باكتين




دى عاجبتنى جبتها وكانت 12.50جنيه ماركه ماما كير



للبيت وسعره 42 جنيه



للبيت وسعره 37 ماركه باندا بس مش عاجبنى اوى

ودول اللى لحقت اصورهم يالله بقى قولوا رائيكم
نصيحه منى خدوا بالكم من المقاسات كويس والكابسين اللى فى الهدوم واسالوا على نوعيه القماش بتكش ولا لا علشان لو بتكش يبقى تجيبى مقاس اكبر شويه
وماركه بيبى كلاب دى تحفه جدا هى غاليه بس تستاهل واخر حاجه السن بتاع اولادنا احسن حاجه لهم لبس السالوبتتات عماليه جدا عن اى حاجه تانيه
يارب اكون افدتكم واى سؤال انا فى الخدمه :016::016::016:

الشورت ده جميييييييل اوى يا كتكوته ماشااءالله
من كارفور؟

انا فعلا عايزه اشترى لياسين صيفى ومش عارفه اجيب منين مفيش فى دماغى اى حاجه نسيت كل حاجه خالص
وايه احسن حاجه اجبهاله وتفضل معاه اطول فتره ولبس البيت ايه الاحسن اجبله ايه ؟

تسلمى يا قمر وربنا يباركلك فى ياسو
الشورت مش من كارفور من جولف سيتى اللى فى العبور محل بيبى شوب بس بردوا كارفور فى المول وفى سالوبيتات صيفى للاولاد جميله وفى بنطلون وتى شيرت والبيت فى سالوبيتتات وبيجامات ماتنسيش الملابس الداخليه

موضوع حلو يا نوسه هبقي انزل هدوم ندي

ما شاء الله يا ايمى ويا ميرفى الحاجات جميلة قوى بجد .. هم دايما البنات كده بتوع دلع :) ربنا يحمى اولادنا كلهم يا رب :)

هو انا ممكن البس اوجى امتى نص كم ؟؟؟ الجو بقى حر مووووووووووت هى فاضلها كام يوم وتتم شهر ان شاء الله :)

امبارح كنت فى سيتى مول فى الهرم وشوفت الفستان ده وماقدرتش اقاوم واشتريته لأوجى .. كان بـ59 جنيه



ايه رأيكم؟؟؟

عسول يا بيبو
روحى زيرو تو فايف
فيه حاجات عسووووووووووولة اوى
انا جبت لجنى فستان وطقم شورت وتيشرت من كارفور
و3 بانتيهات من هناك برضه ب10خ جنيه التلاتة

جزاكى الله خيرًا يا ندى
ومبروك لجوجو على حاجتها تدوبهم فى عرق العافية :)

CuTie KaTkOoTa;11837202:
انووووسة انا جيت اهو هيييييييييييييه
و ان شاء الله لما انزل تاني هقولكم علي باقي التفاصيل

منوره يا كتكت بجد ايوه كدا خالينا نتبادل الخبرات هههههههههه
ماشاء الله زوقك حلو وربنا يهنى جوجو بيها يارب
ومستنين تقاريرك الجامده :087:

أم حموودى القمر;11837977:
موضوعه حلو يا انوس اول ما اجيب حاجة حموودى هنزلكم الصور بإذن الله

بس ادعيله يخف ويقوم بالسلامة علشان اعرف انزل اشترى حاجته وحاجة النونة

منوره يا ام حمودى ومستنين تقريرك الجامد
وربنا يشفيه ويعفى عنه يارب

ميرفى50;11838007:

اانا كنت نزلتها قبل كده فى التجهيزات بس تانى مره عشان اناناسه
واخر حاجه السن بتاع اولادنا احسن حاجه لهم لبس السالوبتتات عماليه جدا عن اى حاجه تانيه
يارب اكون افدتكم واى سؤال انا فى الخدمه :016::016::016:

ربنا يكرمك يا ميرفى معلش تعبناكى ونزلتيهم تانى بس اهو عشان نجمع حاجاتنا هنا ونستفيد من بعض لان مش كل الامهات بتدخل هناك :083:
انا رائ فموضوع السالوبيتات هى فعلا حلو وبتلم الجسم بس هى حلوه للبيت لكن لما البيبهات تكمل 6 شهور فى بئا حاجات فالخروج حلوه ودلع كدا زى الفساتين والبناطيل وتيشرتات وحاجات كدا احلى فالخروج لكن فعلا السالوبيتات حلو فالبيت واحسن من البيجامات عشان متترفعش منهم
وربنا يخليلك جوجو وتجيبلها كل حاجه حلوه

mashimaro16;11838043:
الشورت ده جميييييييل اوى يا كتكوته ماشااءالله
من كارفور؟

انا فعلا عايزه اشترى لياسين صيفى ومش عارفه اجيب منين مفيش فى دماغى اى حاجه نسيت كل حاجه خالص
وايه احسن حاجه اجبهاله وتفضل معاه اطول فتره ولبس البيت ايه الاحسن اجبله ايه ؟

سن ياسو مفيش احسن من السالوبيتات سواء خروج او بيت وفى حاجات بنص وكات حلوين قوى وعلى فكره فى حاجات فالتوحيد والنور حلو
وعندك محلات فى روكسى وفى فمدينه نصر شوفى انتى وعوزه تروحى فين واحنا نقولك
وعندك حاجات زى كدا

hoba555;11842553:
موضوع حلو يا نوسه هبقي انزل هدوم ندي

منوره يا هوبه ومستنين التقرير بتاعك :083:

Eng. BoB;11859677:
ما شاء الله يا ايمى ويا ميرفى الحاجات جميلة قوى بجد .. هم دايما البنات كده بتوع دلع :) ربنا يحمى اولادنا كلهم يا رب :)
هو انا ممكن البس اوجى امتى نص كم ؟؟؟ الجو بقى حر مووووووووووت هى فاضلها كام يوم وتتم شهر ان شاء الله :)

امبارح كنت فى سيتى مول فى الهرم وشوفت الفستان ده وماقدرتش اقاوم واشتريته لأوجى .. كان بـ59 جنيه



ايه رأيكم؟؟؟

منوره يا بيبو
وماشاء الله حلو قوى الفستان تتهنا اوجى بيه يارب
بصى انا النهارده قررت اصيف لنور هى اصلا دلوقتى لابسه نص وكم فهغيرلها والبسها كات ونص كفايه قوى كدا
انتى لسه اوجى شهر استنى شويه ممكن تلبسيها نص وكم وقطن طبعا ولما تقفل الشهرين لبسيها نص وكات بئا
وربنا يحفظهالك يارب

lifedrop;11859859:
عسول يا بيبو
روحى زيرو تو فايف
فيه حاجات عسووووووووووولة اوى
انا جبت لجنى فستان وطقم شورت وتيشرت من كارفور
و3 بانتيهات من هناك برضه ب10خ جنيه التلاتة

مبروك عليها يا ندى وفعلا كارفور ساعات بيكون فى حاجات لاقت كدا للاطفال
مينفعش تنزليلنا الصور :083:
وتتهنى جوجو بيهم يارب

بيبو ماشاء الله غستان اوجى زى العسل

تهنى بيه يارب

انا بس مستنية ماما تيجى من العمرة الاسبوع الجاى هتجيب حاجات لحمودى وللنونة

وان شاء الله هصورها وانزهالكم

ماشاء الله يا بنات كل لبس ولادكو زي العسل
يتهنو بيهم يارب
بس كلو بنااااااااااااااات ما شاء الله جبتو لي عقدة خصوصا فستان اوجي يا بوب ما شاء الله عسل اخر حاجة
تدوبه بالعافية يارب

طبعا لو نزلنا هدوم ولادي بقى هتبقى حاجات معفنة طبعا بالنسبة للفساتين والاغراءات دي ههههههههههههههههههههههههه

موضوع جميل يااناناسة ولسة كاتبة مشاركة هناك بالتجمع فيها جزء خاص بمحل شوفتة قلت اجيبة لكم هنا يمكن يفيد حد

دعواتكم بقى

وفعلا معاكى حق ياام معاز ماماهات البنات بيغيظونا لان لبس البناتى بيعقد ويجنن مش الولاد الغلابة الى الواحد مش عارف يبص للبسهم اصلا هههههههه

المهم ادى المشاركة يا قطط

كنت بركب مرة من موقف الف مسكن ولقيت محل هناك كبير بتاع بواقى تصدير لهدوم البيبيهات

حاجات عسولة موووت ورخيصة اووووى من 3 ونص وانت طالعة

وحاجات البنات بتعقد جيبات وباديهات وكلهم ملابس نونو

وعندة كوفرتات قطن رخيصة وخامتها شكلها حلو

عندة كمان قمصان بيتى وبيجمات لينا شكلها عسل عسل وبحدود 25 جنية تقريبا

وسالوبيتات وبيجامات فى رينج العشرينات وال12 ونص

مروحتش الا مرة واحدة وكانت بصة سريعة قبل مااركب قلت اقولكم

يلا دعواتكم يا حلوات ربنا ييسر ايامى ويسهلها

يابنات انا لسة مخلصة قراية المووضوع القديم هو لية اتقفل؟؟

الحاجات جميلة اوى ماشاءا الله

كنت عايزة استفسر عن اماكن شعبان بتاع بواقى التصدير دة ومحل ليمون

انا بروح مدينة نصر عشان كليتى هناك بجامعة الازهر

يعنى فى السابع فممكن حد يوصفلى بالتفصيل الممل الممل الممل؟؟؟

وهل هناك حاجات بيبيهات صبيانى حلوة ولا ملوش لازمة المشوار؟؟

ومحلات الستوكات وبواقى التصدير والى رينجاتها هادية بردو فى ارجاء مدينة نصر كدة او حاجة لان ماليش خبرة كتير فى القاهر رغم ان بروحها ليا 8 سنين بس للسابع ودمتم

منتظراكم يا عسولات

أم حموودى القمر;11861511:
بيبو ماشاء الله غستان اوجى زى العسل

تهنى بيه يارب

انا بس مستنية ماما تيجى من العمرة الاسبوع الجاى هتجيب حاجات لحمودى وللنونة

وان شاء الله هصورها وانزهالكم

تيجى بالسلامه يا ام حمودى
ومستنين الصور :087:

*Om Mo3az*;11862365:
ماشاء الله يا بنات كل لبس ولادكو زي العسل
يتهنو بيهم يارب
بس كلو بنااااااااااااااات ما شاء الله جبتو لي عقدة خصوصا فستان اوجي يا بوب ما شاء الله عسل اخر حاجة
تدوبه بالعافية يارب

طبعا لو نزلنا هدوم ولادي بقى هتبقى حاجات معفنة طبعا بالنسبة للفساتين والاغراءات دي ههههههههههههههههههههههههه

ههههههههههههههه
بصراحه معاكى حق لبس الولاد مفهوش جديد وبعدين بحس انه لبس رجاله بس صغننه ههههههههههه مفهاش حاجه دلع زى البناويت :054:
وربنا يرزقك ببنوته اموره ان شاء الله ويباركلك فى معاذ وتفرحى بيه وهو يجبلك عروسه كمان :014:
وبرضو مستنين صور حاجات معاذ

Miss FaTi;11862784:
موضوع جميل يااناناسة ولسة كاتبة مشاركة هناك بالتجمع فيها جزء خاص بمحل شوفتة قلت اجيبة لكم هنا يمكن يفيد حد

دعواتكم بقى

وفعلا معاكى حق ياام معاز ماماهات البنات بيغيظونا لان لبس البناتى بيعقد ويجنن مش الولاد الغلابة الى الواحد مش عارف يبص للبسهم اصلا هههههههه

المهم ادى المشاركة يا قطط

كنت بركب مرة من موقف الف مسكن ولقيت محل هناك كبير بتاع بواقى تصدير لهدوم البيبيهات

حاجات عسولة موووت ورخيصة اووووى من 3 ونص وانت طالعة

وحاجات البنات بتعقد جيبات وباديهات وكلهم ملابس نونو

وعندة كوفرتات قطن رخيصة وخامتها شكلها حلو

عندة كمان قمصان بيتى وبيجمات لينا شكلها عسل عسل وبحدود 25 جنية تقريبا

وسالوبيتات وبيجامات فى رينج العشرينات وال12 ونص

مروحتش الا مرة واحدة وكانت بصة سريعة قبل مااركب قلت اقولكم

يلا دعواتكم يا حلوات ربنا ييسر ايامى ويسهلها

اكيد قصدك على محل كوليكشن انا دخلته مره وكويس
وقبل اى حاجه منوره طبعا بس هو انتى حامل وله معاكى نونو :083:

Miss FaTi;11863100:
يابنات انا لسة مخلصة قراية المووضوع القديم هو لية اتقفل؟؟

الحاجات جميلة اوى ماشاءا الله

كنت عايزة استفسر عن اماكن شعبان بتاع بواقى التصدير دة ومحل ليمون

انا بروح مدينة نصر عشان كليتى هناك بجامعة الازهر

يعنى فى السابع فممكن حد يوصفلى بالتفصيل الممل الممل الممل؟؟؟

وهل هناك حاجات بيبيهات صبيانى حلوة ولا ملوش لازمة المشوار؟؟

ومحلات الستوكات وبواقى التصدير والى رينجاتها هادية بردو فى ارجاء مدينة نصر كدة او حاجة لان ماليش خبرة كتير فى القاهر رغم ان بروحها ليا 8 سنين بس للسابع ودمتم

منتظراكم يا عسولات

بصى يا ستى محل شعبان
عارفه طبعا مصطفى النحاس روحى عند تقاطع مع مكرم عبيد هتلاقى كنتاكى جمب محجوب بتاع السيراميك ادخلى فالشارع اللى على نصيته كنتاكى وهو اللى موازى مكرم عبيد امشى فيه دقيقتين وهتلاقى محل شعبان عالشمال

اما ليمون بعد ماتخلصى شعبان افضلى ماشيه فنفس الشارع لحد مايخلص هتلاقى شارع يمين وشمال امشى انتى يمين هتمشى مثلا 5 او 6 دقايق كدا وهتلاقى المحل عالشمال متقلقيش لو مشيتى كتير بس هتلاقيه فالاخر

وفى كمان محل فالحى العاشر اسمه استوك زون لو انتى فالسابع عند ابو رامى كدا هتركبى حاجه رايحه العاشر وهتنزلى ميدان العاشر نفسه هتلاقى محل هند بتاع كشرى المحل عالرصيف التانى وهو دورين

وكمان محل مارو تقريبا قدام العقاد مول اللى فى اول عباس بس الناحيه التانيه مش ناحيه البنزينه ادخلى الشارع اللى فيه مدخل ماركاتو هتلاقى المحل عاليمين فاول الشارع علطول

وكمان محل 9L فاول شارع البطراوى اللى فى جنينه مول عالشمال من شارع عباس العقاد

وكل المحلات ديه هتلاقى فيها للكبار والصغيرين وممكن جدا تلاقى فيها حاجات حلوه للصبيات متقلقيش هما مش مدلعين البنات بس هههههههههههههه

لو انتى من عين شمس قوليلى عشان فى محل هناك اسمه سوق العصر حلو برضو
ولو معرفتيش توصلى قوليلى :083:

اما الموضوع الاول اتقفل ليه معرفش :01:

تسلمى يا قمراية على الرد وانا حفظت العناوين ولو توهت ربنا يستر هههههههههه

انا لسة حامل بنص التامن ان شاء الله وطبعا اول بيبى لكدة تايهة

وانا اصلا ساكنةفى العاشر من رمضان يعنى منفية ومعرفش اى حد هنا ولا اى مكان هنا غير بيتى هههههه

بس زى ماقلت لك بنزل مدينة نصر عشان كليتى هناك تقريبا شبة يوميا رحلة الشتاء والصيف ومعاناة

هجرب اروح المحلات واتفرج وانا لسة خفيفة

وتسلمى مرة تانية يا جميلة

Miss FaTi;11863378:
تسلمى يا قمراية على الرد وانا حفظت العناوين ولو توهت ربنا يستر هههههههههه

انا لسة حامل بنص التامن ان شاء الله وطبعا اول بيبى لكدة تايهة

وانا اصلا ساكنةفى العاشر من رمضان يعنى منفية ومعرفش اى حد هنا ولا اى مكان هنا غير بيتى هههههه

بس زى ماقلت لك بنزل مدينة نصر عشان كليتى هناك تقريبا شبة يوميا رحلة الشتاء والصيف ومعاناة

هجرب اروح المحلات واتفرج وانا لسة خفيفة

وتسلمى مرة تانية يا جميلة

ربنا يقوم بالسلامه يا فاتى وان شاء الله مش هتوهى ولو قفلت معاكى خالص اوصلى اقرب مكان واسئلى على اسم المحل
وفعلا العاشر ده اخر الدنيا بس سمعت ان فى هناك مكان اسمه عرفه هو فيه ماركات هدوم للكبار وكان جوزى اشترى منه حاجات حلوه بس مش عارفه فيه اطفال وله لا واسعاره كويسه
وربنا يوقفك فالكليه انتى من المكافحين يا بنتى :083:
0000000000000000000000000

انتو نسين الشئ ده



:02: