نقاش:كم بتكلفج تجهيزات البيبي وتجهيزات النفاس؟

هاي اموره يسعدني اكون اول وحده ارد ع الموضوع

شكلش مستعجله ع التجهيز هههه ادري كلنا مستعجلين

و أني من النوع الي ما اشتغل وزوجي يجي وياي السوق كل ما رحت بس مو شراة اللزقه :039: ما عجبتني ههههه

بس اني متعوده نطلع نتسوق مع بعض دائماً احس اريح لي

المهم مو حاطه ميزانيه معينه بس مفكره كل شهر اشتري شوي علشان ما يصير ارهاق جسدي ولا مادي :095:

ويمكن انتي متحيره لأن أول بيبي بس انتي جهزي اللسته تبع الأغراض و خدي فره ع المحلات علشان تقدرين الأسعار و عقبها بتعرفين على اي اساس تحطين الميزانيه

و الله يوفقش و يبلغنا وياش نشوف بيبياتنا بخير وسلامه

:083:

لا مسز مب مستعيله بس اعرف:083:

عن نفسي من اول ماحملت قولت لزوجي عالاغراض عشان نشتريها
وفي اشياء اجلتها لبعد الولاده عشان الميزانيه ماتكفي لكل الاغراض
ابدأ >فقط بالضرورية<
والله يعيننا ويسهلنا يارب

انا ماشتغل وانا زوجي حاطين ميزانيه للتجهيز البيبي والولاده يعني الفلوس مني ومنه ..

ومشكوره على الموضوع

حابه اضيف شي

ان ماله داعي نشتري كل الأشياء من البدايه مثل

كرسي السياره

الجلاسه

العربه

المشايه

هي الأشياء و غيرها الي ما بتحتاجونها من بداية الولاده ممكن تجيكم هدايا فما انصح تشترونها و لو ما جتكم ممكن لما تخلصون نفاس و تشترونها اني عن نفسي شريت عربة ولدي بعمر الشهرين لأن شنو بتسوون فيها قبل هالوقت؟؟

أما الملابس فيعتمد ع المكان الي انتي حابه تشترين منه في المحلات الغاليه و في منها المعقوله فالميزانيه تعتمد على هذا الشي

و في نقطه بعد

الملابس احسن شي نشتري لأول 3 شهور بس ماله داعي تضغطون انفسكم علشان ملابس بتضل في الدرج لين يصيرون مقاس البيبي وبعد يمكن بيتغير الجو بعدها وخصوصاً احنا حوامل اكتوبر بعد ال 3 شهور ان شاء الله من الولاده الجو بيبتدي يبرد فالاحتياجات بتتغير فنخليها لوقتها احسن

تسلمون كروشات ع مروركم

والله ماعندي فكره جم الميزانية حق ولادتي لان كل شهر اخذ شي يعني مثلاا المفرش حق المستشفى خذته ب 100 دينار والتوزيعات طلبت من امريكا من النت طلع علي مع الشحن تقريبا 200 دينار وجوكلت التوزيع حق المستشفى خذت ب 90 دينار وغير الحلو والمالح من ليلو طلع الحلو والمالح ب 80 وتزيين الغرفة حق المستشفى اتفقت معاهم وطلع علي 150 دينار وصواني التقديم ب 60 طلعو علي والدلال امي ماخذه يداد وماشريت انه امممممممممم وبس

يعني تقريبا 600 لي 700 دينار حق المستشفى وثياب البيبي واغراضة ماطلع علي وايد يمكن 80 دينار والقعاده والجاري وهالسوالف ماخذت والحين ياووني هدايا اشكثر ومن كل شي اكثر من واحد وطاحو في جبدي هههههههههه

مسز عادل;11830044:
حابه اضيف شي

ان ماله داعي نشتري كل الأشياء من البدايه مثل

كرسي السياره

الجلاسه

العربه

المشايه

هي الأشياء و غيرها الي ما بتحتاجونها من بداية الولاده ممكن تجيكم هدايا فما انصح تشترونها و لو ما جتكم ممكن لما تخلصون نفاس و تشترونها اني عن نفسي شريت عربة ولدي بعمر الشهرين لأن شنو بتسوون فيها قبل هالوقت؟؟

أما الملابس فيعتمد ع المكان الي انتي حابه تشترين منه في المحلات الغاليه و في منها المعقوله فالميزانيه تعتمد على هذا الشي

و في نقطه بعد

الملابس احسن شي نشتري لأول 3 شهور بس ماله داعي تضغطون انفسكم علشان ملابس بتضل في الدرج لين يصيرون مقاس البيبي وبعد يمكن بيتغير الجو بعدها وخصوصاً احنا حوامل اكتوبر بعد ال 3 شهور ان شاء الله من الولاده الجو بيبتدي يبرد فالاحتياجات بتتغير فنخليها لوقتها احسن

لا في من اللي ذكرتي ضرووري جداً
مثلاُ كرسي السياره حنّا بأمريكا مايخلونا نطلع من المستشفى بدونها
اما العربه استحاله اطلع بدونها ولازم تكون موجوده من البدايه عشان حتى لو طلعه خفيفه
تكون معي << وهذا كنت اشوفه من يوم كنت بنت مااحب اطلع بدون عربة اختي
إلا بالله انتوا طول الشهرين ماتطلعون .!
ممكن المشايه والجلاسه ماابيهم الحين اصلاً امي قالت راح تعطيني ياهم هديه
هههههههه
طيب باقي السرير وهنا مره غالي بأمريكا يعني 200 دولار الى 250 او اكثر وفي الرخيس بس المعفن ..! هذا مفكره اخذه مع شحني مع اغراضي من المملكه اوفر بكثير

اما بالنسبه للنفاس ماني ناويه اجهز غير ملابس لي لاني بولد بعيد ولا عندي احد
وبالنسبه لملابس الببيبي طبعاً نوفر عشان نشتري وش نبي
ف، عشان هيك راح نشتري الاشياء اللي يحتاجها البيبي في الشهرين الاولى بس
وبعدها قالي راح نطلع السوق ثاني افضل لانو بسرعه يكبر :037:
<< وحبيت الفكره عشان كل مره ادخل السوق هههههه
وكمان عشان الجو زي ماقلتي راح يتغير من صيف وهنا ب، امريكا الى جو معتدل ممطر الى شتا
يعني لازم اراعي هالاجواء
يعني ماهي قضية كبيره بس الكبر في اللي يضخمونها من في المستشفى الى البيت الى الى وهاتك يامصاريف القناعه كنز

مشكوره على الموضوع ..

بس الحمد لله مدام عندنا خير من الله ليش نقصر على روحنا ...

بصراحه انا يمكن تجهيزاتي ونفاسي والمستشفى فوق الثلاثين الف...

بس لو كان زوجي مايشتغل اكيد اني بعذره بس الحمد لله ربي كريم ...

هلوو اميرة

شووفي انا من النوع اللي اطلع السووق مع زوجي
بس مو ناااوية اخذ كل الشغلات مرة وحدة

وعندي شغلات من ولادة بنتي فماراح احتاج اني اخذها
يعني عندي سرير صغير ينحط بجنبي
وعندي مغطس للاطفال
وعندي بعض الملابس اللي ما لبستها بنتي لاني جبتها طوويلة شووي وطلعت قصيرة حيل عليها
فراح اخليها للبيبي الجديد

ويظل باقي الاغراض

ام يارا
انا معاك حرام 30 الف على كم يوووم
انا بديت من الرابع والحين بالثامن خلصت المدسات واللفات والملابس والسرير والباقي مفرش للبيبي والتوزيعات واغراض الصيدليه كل شهر اشتري كم شغله

قال تعالى: {وَلا تُسْرِفُوا إِنَّهُ لا يُحِبُّ الْمُسْرِفِينَ}

وقال جل ذكره: {وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}

وقال سبحانه: {وَلا تَجْعَلْ يَدَكَ مَغْلُولَةً إِلَى عُنُقِكَ وَلا تَبْسُطْهَا كُلَّ الْبَسْطِ فَتَقْعُدَ مَلُوماً مَحْسُورا}.

بالنسبة لي مااحس تكلفني التجهيزات واجد!!

ملابس البيبي واغراضه حتى لو لـ 3أشهر ماتكلف واجد وفي بعض الاشياء تجي هدايا
لكن للأسف في ناس يبالغون واجد ياخذون المحل بكبره او ياخذون اشياء بسعر مبالغ
يمكن لو يلبسون البيبي كل يوم لبسه ويقطونها بعد مابيلحقون يستخدمونهم كامل
وبعد اللي طالع سالفة تزيين غرفة المستشفى والضيافة المبالغة .. والله حرااام !!

موضوع حلووووو
انا اشتغل الحمدلله واروح السوق واخذ الي ابيه واحسه انه ضروري ... بس زوجي يساعدني وهو الي اشترى السرير ... وعندي اغراض من ولاداتي السابقة مثل المفارش فما بحتاج اشتريهم هالمرة .

رد للي اعترضوا على 30 الف ...

والله 30 ولا شي بهالزمن...

ناس تمسك مية الف في شهرين ماتشوف منها شي...

اولا ...نقول بس ثياب البيبي اللي جهزتهم لفوق السنه مع التلبيسات والصدريات والجواتي القبعات الملاحف الفوط خصوصا اللي تشتري من ماركات

...يمكن نقول 9 الاف.. هذا غير الشنط المنام للبيبي ...

طيب الولاده بكم ؟؟؟ بخمسة الاف هذي اذا ليله وحده ...فما بالكم اذا جلست ليلتين...طيب

الادوات الباقيه نقول 2000..رضاعات لهايات معقم رضاعات ادوات السباحه جونسون وسيباميد ومذر كير وكرسي السباحه وحوض الاستحمام...

والاسفنج ومقياس الحراره ومقرض الاظافر وشفاط الحليب..الحين الشفاط بــ2000 ريال اخذته ................ والى اخره كل هذا بنظري لازمه للطفل...

نجي للعربه..العربات الحين تجي لك الوحده بـ2000 او 3000 من مذر كير <<هذا اذا تبين شي كويس واصلي...

الجلاسه بــ300 ..

السرير بــ1500

الكبت بــ2000

مفرش لسرير البيبي ومفرش لك لسريرك ...شوفي بكم يطلع لك ...

جهاز عشان تشوفين البيبي بكم هذا ؟؟؟

التزويعات بروحها كسرة ظهر ...

تتوقعون 30 الف تكفي ....مااتوقع والله ومع هالغلا اللي عندنا ...

وطبعا اتكلم عن وحده تجهز لمولودها كل شي وخصوصا انه يكون كويس مو اي كلام ...

وهذا اللي انا اشوفه في اهلي 30 الف يضحكون عليها ماتكفي شي ...