شخباركم عروسات؟
موضوعي اليديد بعد مفاجأه بس هالمره مفاجئتي حق صديقتي وطبجتي وتوأمتي
يمكن بعضكم فيهم فضول ويدور في بالهم ويقولون هذي شفيها مع المفاجآت
ترى انا احب اسوي سبرايس حق اي احد بمناسبه ومن غير مناسبه
واحب اهدي الناس
المهم ندش فالموضوع
يوم ميلاد رفيجتي كان قبل جم يوم 13-4 وحبيت بالهمناسبه اسويلها سبرايس
اتفقت مع اختها على كل شي وبديت اجهز حق الهديه وسوينا الحفله امس 15-4
اغراض التغليف:
سله
شرايط باللون البني
ورود باللون البيج
ورق تغليف
مسدس الشمع
قش
وهذي الهدايا قبل التغليف:
شاور جل + بدي لوشن
برواز
عطر
ستيكر لاب توب
دبدوب
كوب
غلوس صغيرون ميداليه للفون
سي دي حطيت فيه اناشيد عن الصداقه
شنطه (نسيت اصورها قبل التغليف)
البطاقه مادري شتبي وياهم
الترتيب الاخير
نسيت اقول اني حطيت بوكس بني حشيته بالقش وصفيت داخلها كاكاو جالكسي وباونتي
التغليف النهائي
وهذي الكيكه اللي شريتها
صغيرونه قد ميزانيتي
الحين بقولكم قصة المفاجأه
رحت بيت اخوها لان السبرايس هناك
صديقتي تعرف اني يوم الخميس اروح بيت يدتي
فما بتوقع اني بكون موجوده هني
اختها قالت لها ان زوجة اخوها عازمتهم على العشى
ورحت انا وقعدت مع زوجة اخوها ننطر اشاره من اختها عشان انا اروح انخش في حجره بنت اخوها الصغيره
وهذي اللي صار انخشيت في حجره بنت اخوها وقفلت علي الباب
وعقب مافصخت دفتها وعدلت روحها راحت قعدت مع خوات زوجة اخوها
ويات اختها عطتني الضوء الاخضر اني اطلع
قبل لا ادخل من الباب كانت جدامي اختها ميوده الكيكه الصغيرونه مالتي ومشغله الشمعه
وراي زوجة اخوها ميوده الكيكه العوده اللي اهم ماخذينها
ودخلنا مسكينه ماكانت مستوعبه الوضع
على طول صاحت خصوصا اني صارلي فتره ما جفتها
لكن عقب استانست وايد
فالنهايه اقولكم ما احلل اي وحده تاخذ الصور وتستخدمها بأي شكل من الاشكال
انا ماحطيت حقوق عليها لان برنامج الفوتوشوب مايفتح عندي