لمة الليبيات لشهر جمادي الاول 1431 ه ....

عطك الهنا يا ايمي
و انقووووووووووول هذه مني قهوة الصباح

أول اسم سميته كان
اسميكو
و ما اتقولوليش ليش لاني
:o:o:o:o:o:o

اللمهم ما امين

اني وانتم يا ديمو


يسلمووو حبيبتي


هوا طبعا تصير تغيرات بعد الزواج طبيعي مهما كان الحب والحماس

خلاص الراجل يحس انها متاعه وملكه ويحس بالاشباع العاطفي


وربي خلق المره محتاجه اكتر منه لي الكلام والحوارات اهيا


بس المرا الوعايه لازن تقدر انو رجاله نفسيا وجسديا وروحيا ربي خلقهم صلابه وفيهم الجمود


ولا مكانش الاسلام دارهم قوامون علينا

وهم الي عليهم حمل البيت والعمل والاكل والشرب وووميه هم ف راسه الراجل مرات

بس ما يمنعش انو وسط اهو كله يقطع الجو بكلمات حلوة ولحظات حب

بس اكيد مش زي قبل الزواج

لكن مش معني هالكلام انه معاش يحبها

اكيد لا


ماهو حتي جريه علا خاطرها ويحاول يوفر ليها الامان والراحه ووكل ماتحب حسب جهده

كله حب ووالله لو تمرض المرا ولا تتعرض لموقف مضايقه ولا اطيح ولا تصيرلها اى حاجه طارئه

تلاقيهم يرعشو زي الصغار

ويفرفشو


ربي يهدينا ليهم ويهديهم لينا بالحلال وطاعه ربي

عصباااااااااااااانة يا عروسة ههههههه حرام عليه ..
المفروض يسميك اسم فاكهة فيه هلللبة فواكه شكلهم مكركب زي العصبان
لانك انتي عسولة وامورة وقلبك حليب

سلللللللللللمك ووربي ينولك ما تتمني يارب

تعرفي هوااااااااااااا يمووووووت ف العصباااااان هههههههه عيونه


وسماني لما سمنت ودبشي يجي عليا محشي حشي هه واني بطه يعني مش بعيد عليا الاسم

ههههههه

:thumbs_up:

انا مسميته روحي وهو نفس الشئ امسميني روحي
:adore:

بلة هونيدة كيف حالك وشن اخبارك وشن اخبار الدكتور والصغار

أهو أني نبي نشارك معاكم
أني مسمياته المستر هههههههههههههههههههه والشاطره تقول علاش من يوم ماعرفته من ايام العلاقه لعند ماقعد زوجي وعمري ماغيرته
وهو مسميني في ليبيانا دلوعتي وفي المدار عمري شفوتو الحركات

في عشي

ربي ينوسكم ببعض ويحفظكم لي بيتكم وصغركم



وكلكم يا بنات ربي يحفظ كل وحده راجلها وزوجها


وتسعده في ما يرضي الله


الزوج جنة الزوجه ونارها


ولازم تراعي فيه الجانب الديييييييييني


اني مرات هلبا نتبنل ف حاجه ومش خاطري ولا معنديش خلوق نكوي ولا نحدد ولا نديرله حاجه يبيها


انفكر ف ربي نتراجع مرات اكتر من لما نفكر ف حبه


هو الزواج يبي الصبر وتعايش مره سكر ومره ملح

لو كان كله سكر بنملو منه


مرات حتي الكلمه الحلوة لو تولي يومي يومي وف كل وقت

الصراحه تفقد قيمتها


وكلمه انحبك محلاها لما تجي علا شوق وف وقتها وبصدق تطلع

هيا واى كلام تاني نقولكم حااااااااااجه والله ماهي تباهي

ولا شي بكل صدق

راجلي ديما ينادي فيا بيبي ولا حبيبتي نحسهم ولو عاديااااااااااات مش زي حلاوتهم اوا ما قالهم زمان


وهظا شي نورمل لانه تعودت عليه الاذن والوجدان بيكون مش نفس اثره الكلام زي وهو زمان


متلا توة احلا شي توة نحبه منه لما يبدا يهدرز مرات ولا زعلان

ويقولي يا......................فلانه ويناديني ب اسميييييييييييييي


نذوب طول هههههههه سبحان الله لاني مش متعوده علا اسمي منه ولا شي حلو وله سحره ووقعه ف قلبي وكياني


ومش راح نقولها له بش ما يكثرش

منه ويكون حلو كل ما نداني ب اسمي حتي لو هوا زعلان



الي نبي نوصله للمخطوبات والبنوتات انه طبيعي التغير يصير بعد الزواج

بحكم تعايشنا اليومي وتكويني النفسي و الفيسلوجي بيقل مش زي ونحنا بعاد ومشتاقين نلتمو ف حوش واحد


لكن اكيد المحبه ف القلب وووبيكون ف اوقات هلبا حلوة تبان فيه وتطلع



ربي ينول كل بنوته معنا ولد الحلال ونفرحو بيها والدبله في يديها

بلة هونيدة كيف حالك وشن اخبارك وشن اخبار الدكتور والصغار
تمام الحمد لله يابنغازية شنو اخبارك انتي وين امغطسة
وكيف حال الاهل

في عشي

ربي ينوسكم ببعض ويحفظكم لي بيتكم وصغركم


ويحفظك انتي وزوجك يااحلى عروسة
وان شاء الله تنقصي من عصبانة ويقولك يامصرنة
ياعسل انتي