نرجس الشرق;12046842:
ما ادقيقش انا و راجلي نفس برنامجكم الذوق مختلف في الاوكال والبس و كل حاجة و ان كان انقولك شن دايرلي من كارتة في الشقة تنفجعي مزوقها ليا الوان الوان وانا قتله خليني ع الابيض بس المطبخ زرعي و عقابه ابيض مشي دار الي يخطر علي بالك من الوان و التريات خداهن بدون ما يشورني
ههههه ,, حتي انا شكله بيدرلي نفس الشيء
يقولي الحوش بيديره ديكور مغربي ! يا اني انديرهوله ديكور مغربي او هو المهم مغربي !
وانا ماابي مغربي
هو يحب ياكل سمك .. لازم سمك .. وانا حتي ريحت السمك مااحبها
والاسامي كله مختلفين فيها .. يقول مستحيل يسمي اسم زي مثلا ماريا .. مي .. حاجة هكي لازم خديجة فاطمة اسامي قدم يعني
ننس
يا حتي انا قلت ممكن هكي .. المهم الاساسيات بس ربي يستر ههه
ياخوفي يمشيني ع هو اللي يبيه :(
وحتي لبسي ههه مايحب البس كعب وانا ماقدر امشي بدون كعب .. واقفلي الا لازم بدون كعب
يقولي في ليبيا لما اتجي بروحك مش حتلبسي كعب لان الطرق كلها حفر وبتشقلبي ف من توا ادربي ونحيه :(
وانا ماقدر امشي بي كندرا واطية !!
وتوا طالعلي بي شيء جديد ههه وريته قفاطين شاريتهم كلهم يعني مش عاريات بكل بس زي اي قفطان حفلة يعني .. من فوق مثلا مافيه يدين او شيء يقولي لا مايصير تلبسي هكي انقوله يا بن الحلال بنلبسه قدام انسواين مش ماشية بالشارع بيه يقولي لا .. يقولي لا محد يلبس هكي .. اذا هو مش شايف انا شعلاقتي .. يقولي البسي مستور
في احد يلبس مستور في عرس او حفلة ؟؟؟؟
ام شور ان خواته يلبسو بس هو شكله مايشوف فيهم بس لما بيوصلهم يلقاهم بعبياتهم مايشوف اش لابسين تحته .. ويقولي انا لا البسي مستور !!!! ماعرفتش اصلا شن هو المستور اللي يبيني البسه في حفلة !
====