تقرير عيد ميلادي يوم 5/5/2010
:celebrate::celebrate:
طبعا مشيت للخدمة الصبح زي كل يوم الساعة 11:30 كلمني عزو حبيبي قالي هذي تدريسة شبحت من الروشن لقيته واقف جنب سيارتي قعدنا نهدرزو في الموبايل و هو قدامي نشوف فيه و بعدها حطلي وردة في مساحة السيارة و مشي الساعة 2 طلعت من الخدمة جري على المزين درت حواجبي و شناباتي و سشورت شعراتي و روحت اتغديت و رقدت الساعة 7 جي عزو حبيبي و ما جابش معاه هدية :o:thumbs_down:قعدت ندور في ايديه ما لقيت شي شفت جيوبه يبانو فاضيات قعمزنا و هدرزنا و اني على اعصابي جابو خواتي و ماما التورتة و غنولي و طفيت شمعتي و كلينا التورتة
و عطوني خواتي هدايهم تهبببببببببل :G::G::thumbs_up::G::G:
هذي هدية امونة الحلوة
و هذي هدية راجل اماني
فلاش مموري عجبني مرة و حكيت قدام راجل اماني عليه جابهولي قداش نعزة الانسان هذا ربي يحفظه انشاء الله
و هذي هدية اختي التانية سلمها ليا انشاء الله
و هذي هدية اختي جاجة حبيبتي
عطر عربي و مسك يهبلوووووووووو عزو مات فيهم قالي ديري منه يوم العرس:086:
و هذي علبة المسك و هي مفتوحة
و هذا كله و عمك عزو مرزرز تماما :031:و بعدها نايض بيروح قالي سيارتك يومها ماشي وراك نسمع فيها دير في صوت مش مزبوط تره اعطيني المفتاح نشوفهالك خيرها و اني طبعا بنتفجر:mad: سمعته معلي صوت المسجل على الاخير طلعت لقيته واخدلي مسجل سي دي للسيارة لان سيارتي اشرطة بس كانت و كنت مضايقة منها و نبي نغيرها سي دي شرالي واحد يهبببببببببببل و معلقلي فيه كرت كاتبلي كلام حلو :G::032:
و هذا الريموت متاعه
و طبعا اكتشفت ان اختي جاجة لما جتني الظهر و قتلي اعطيني مفاتيح سيارتك السواق بيمشي بيها مشوار و سيارة الحوش ما بتش تولع كانت خطة شريرة و عزو هو اللي خدي السيارة بش يركبلي المسجل و طبعا غسل السيارة و عبالي بنزينة فل و السيارة صنتها عزو مش عارفة كيف اكتشفت بعدها ان هذي عباها بصنته
نحبه يا نااااااااااااااااس :093::013::L:ربي ما يحرمني منه:L:
و ختامها مسك بهدية اقرب انسان لقلبي بابا حبيبي عطاني شيك ب500 و قالي خودي بيهم شن تبي ربي يخليهونا و يحفظه لينا يا رب
و اخيرا شكرا ليكم يا بنات على هدايكم و كلامك الحلو و امنياتكم ليا يا وخياتي :087::087::087::087::087::087: