لمة الليبيات لشهر جمادي الاول 1431 ه ....

*ام احمد *;11984402:
امس الليل قضيته مع بنوته حلوه من اللمه هي عسوووووووووووووووووووووله وحبوبه بس لما تعرفيها اكتر ماشاء الله عليها و ان شاء الله ربي يجمعها مع السرتاوي في عش الجوزيه * قولو امين*

اخجلنا تواضعكم والله الا انتى اللى تهبلى بارك الله فيك على هالشهادة الحلوة ياعسوله:L::L::L::L:

ايمي حبيتى انا رايئ من رائ عروسه فى اللغه ضرررررررررروي والله عندي ولد خالتى عمره 16 سنه كان عايش فى بريطانيا روح السنه هذه بس هو فى الاول كان رافض فكرة ليبيا نهائي ومايعرفش ينطق كامة عربي المهم صارتلنا مناسبه فى العيله وشافهم كيف يدبحو فى الجمل الولد صارتله حاله نفسيه بدي يبكي ديما ويرعش ورفعوه لاكثر من دكتور قالولو سليييييييييم بس تعود على عادات برا لادم لا خشونه لاشئ كل شئ اسمله اسمله يعنى سحنوووووووون من الاخير تربيه اجانب بالرغم عنده خوت وخوته غيره تخيلى حتى المدرسه كرهها توا يقول لامه الصغار مش نظييفين :mad:انا قلت هذا تزعبين زايد مش هو اول واحد يعيش برا بس قالولى اماليا صح اللى ياخد على التعسيل ومايعلموشي اماليه انه يكون راجل يتحمل من الاول يصيرله هكي فنصيححححححححه وليدك علميه عربي وخليه يحتكك بالليبيين ويتعلم عاداتنا وافتحيله برامج على ليبيا ديما خلى جو بلادك ديما فى حوشك لانك انتى اللى تعانى لاسمح الله والله توا خالتى ناااااااااادمه وربي يحفظلنا وليداتنا هادم سند للبلاد :cool:

عروسه كلامك كله جا عالجررررررررررررح تعرفي رغم انه صغير لكن والله يفهم وحسااااس بكل وهو من النوعيه الي متعلق هلبه بليبيا وبصغا ر عمه وخواله ولما مشينا لامريكيا صارله زي الي قتلي عليه تخلط عليه الرياف مع الاستغراب لا عرف يتكلم عربي لا انجليزي تعرفي قعد (يوتوت) تء تء بالكلام يعني مايقدرش ينطق الكلمه بسرعه وفعلا ليناه لطبيب نفسي وهو اقرح علينا ندخلوه لمدرسه خاصه تحت رعايه الطبيب هذا وبعدها تحسن وتعرفي الدكتور بروحه وابلته قالوللنا ضروري تكلموه عربي وتعلموه العربي مادابيكم يبدا يعرف الزوز
انا في الاول كنت نفرح لما يقولي كلمه بالانجليزي ونبدا نرد عليه انجليزي لكن لقيتا مايصلح بيا توا في الحوش عربي بس
وهاليام نعلم فيه الصلاه وحفضته كل الصور الصغار متاع القران قولوا مشاء الله خخخخ
وبادن الله العام الجاي بندخله في مدرسه ليبيه ويستر الله
تعرفي المده اللي فاتت شن قالي جا يخبر فيا عل سيدنا عيسي عليه السلام كيف صلبوه طبعا الابله قايلتلهم والله الا صعب قداش بنشرح وبنفهم :o:o

حياه حلوه عندك الحق والله وفعلا البرنامج هوا درناه في الجهاز انه اي صوره او موقع كدا والاكدا مايفتحش لكن اهوا مش عارفه كيف زرق

طرابلسيه كلامك حق حتا انا روحت شهرين ليليبيا حسيت ولدي سحنون ومش زي الصغار لكن عاد قعد يومين وولا زيهم والا احرف نوعيته فيسع ايتاقلم  

صور قصة شعري و صبغتي الجديدة ........















شن رأيكم ؟؟

روح انا نستعمل في اهوا حسيته كويس يغطي في الهالات بس مازال ماشفتش نتائج انه يعالج وهدا وين رديت عليك معليش :p:p

كل عاام ووليدك بخير وعقبال ماتشوفيه عريس يارب



:L::L::L::L::L::L::L::L::L::L::L::L::L::L::L::L::L::L::L::L::L::L::L::L::L::L::L::L::L::L::L::L::L:



دكتورتنا نعيما مشاء الله تبارك الله تهبل الصبغه والقصه سفهتيني انا راجلي محرم عليا القص:mad::mad:

انا شعري اقل بشووووي من هده

غير ملقيتش صوره زيه بالزبط يعني بعدجيب السروال بشووي وخاطري نقصه لكن الراجل مصكر راسه يابنات كيف نقنعه؟؟والله بنمووت خاطري في قصه حلوه

نعيما دكتورتنا
القلب الملهوف نفس طول شعري بس انا مانبيش نقصه قلت ندير بيه تسريحه حلوة بعدها لين نعيا من القصان

دكتوره اماني
نعيما عروسه مشاء الله الله اكبر
قصتك حلوووووووووه هذي قصتي من فتره كل مايطول نص ظهر نقصه هكي
لكن من تحت نخلي في خصلتين طوال
:-#بعد تلبيس دبله قصيته كاريه:-#

وواللون شعر روعه مشاء الله عليك


قلب ملهوف
بنسبه بوندس ماما تستعمل في غسول الوجه بس وهي بشرتها دهنيه وحساسه ووكويس معها


ايمي عندنا بنت من العائليه شعرها مشاء الله عليه ممكن اطول حتي من صوره لي حطتيها وكانت تهبل تقصه وامها تقول لا بعد تتزوجي قصيه وقت تتزوجت راجلها قال لا هههههههه
بس يومها تلقيت معها كان مقصوص لي وذنيها لو تلقيت معها مره تانيها نسالها كيف صار

بصارحه مابعدكم هو شعر قصير وصعب ماله طويل
لكن لو كثيف وناعم مشاء الله مش مشكله يكون طويل

القلب الملهوف;11987034:

ماشاء الله حتي كاني مانعرفكش ايمي تقصيه اني الي بنوريك ترا اعقلي وشدي مكانك

باهي لي امتا بنقعد هكي والله مايجيش تسريحات غير مطلوق وخلاص ومع الصغار ماهو عملي بكل
الشعر الطويل يبي وحده فاضيه ماعندها خدمه لا قدمه غير الشعيرات تمشط وتصلح وخلاص لكن انا
ديما مشغوله وهاملاته مسيكين:thumbs_down::thumbs_down:كيف الراي يابنات ليا سنين نقنع فيه
وهو مايبيش يخليني :mad:

ايمي الشعر الطويل جذااااااااااااااااااااااااب و روعة .........

تسلمي على التعليق

سلمهم حياة حلوة - طرابلسية لسرتاوي - القلب الملهوف ..........

-------------------------

حياه فعلا حتا انا هكي صارلي زمان امي تقولي بعد تجوزي قصيه وبعد اجوزت هو قالي لا والف لا

وهو الي مهون عليا انه مش خفيف ويعتبر ناعم غير فيه تموجات شوي نبي اي طريقه نقنعه بيها بالله اسلي بنت عمتك

تعرفي ياايمي كانت وحده قريبتنا شعرها قسما بالله لفوق الركبه بشويييييييه اول ماتزوجت قاللها لا والف لالا بعدها بدت تنق تنق تنق تخيلى مرة قالتله بنمشي نقصه قال هاتى نقصهولك مسكين عيي من النكد ههههههههه قصهولها مشرول لنص الظهر قالت عادي مهم نقصه بس كلنا عركناها تى كان تبارك الرحمان عليك غلظ ونعومه زي الحرير قالت ايتعب فيا فى التمشيط والدوش لاكن انا بصراحه وجعنى والله ماينهان فى القص وتوا تدير فيه كري ومدرج وكيف ماتبي وهو معاش ايعدل واصلا شعرتها جرايه تخليها شهرين او تلاته ترجع زي قبل سعدوووودها لاكن الحمد لله انا شعري ناعم بس خفيف ياخساره

ايمي2009;11987634:
حياه فعلا حتا انا هكي صارلي زمان امي تقولي بعد تجوزي قصيه وبعد اجوزت هو قالي لا والف لا

وهو الي مهون عليا انه مش خفيف ويعتبر ناعم غير فيه تموجات شوي نبي اي طريقه نقنعه بيها بالله اسلي بنت عمتك

اوكي اول نشوفها نسألها بس هي اكثر من 10 سنوات متتزوجه مرات يكون هو مل من شعر طويل طلب تغير لوك

واني نقولك معاش تكثري عليه وتقولي بنقصه ..مرات عناد بس لهذا يقول لا

F: