لمة الليبيات لشهر جمادي الاول 1431 ه ....

غولة;11965164:
النور نورك يادكتورة يامغولة شج اليوم انننننننااااااااااااااااهاهاهاهاها

كنت نقرا فلي فاتني لقيت النصايح والدنيا خطر عليا موضوع قريبتي ياناري متزوجة ليها 4 اشهور وبس ماشافتش اراحة بكل مع ان راجلها علاقة معاه 5 سنين حب وغرام والعيلة يعرفوها وكله من تاني يوم بعد العرس بدولها في في التحريف والنهارات السود ياناري

وكان شرالها حاجة تنوض امه تغبر وتسود وعلاش ولاش شاريلها واونه عندها وتقوله اللي بتجيبه فوق بتجيبه لوطة ولازم انشوف الشكاير اللي جايبهم شن فيهم ولما قريبتي بتمشي لحوش اماليها اتقوللها خاطري انشوف هالصاكو اللي تكركري فيه لما تمشي لحوش اماليك شن فيه

وطول النهار حماتها تعزر فيها وتقولها في كلام هكي كبره وهي ياناري ولا كلمة امها وصتها قتلها خلي يقولو اللي بيقولوه ماتدرديش عليهم وهي فيها الروف راجلها كويس معاها غير امه واخته حرف منكدين عليها حياتها يبوها ديمة لوطا معاهم وتعول وخلاص وماتدير شي لروحها وكان ركبت العصر وعطلت تبدا امه اتنادي وتقوللها هوا مروح تعبان وراقد وانتي شن اديري بحداه ....؟؟؟؟؟؟؟ وتو والنبي هادا كلام

والله كبدي محروقة عليها وهى من النوعية الهادية قتلها كان اني والله انشيط فيهم النار سحيقة ومسحت عرجون

الواحد متزوج باش يرتاح ويتهنى مش يقعد ياكل في روحه العفو
تعرفو وصلت بيهم الدرجة لما هو طلع للعمل حبسوها في الدار يوم كامل لاماكلة لاشراب وسكرو عليها الضي
ويقولولها هادا ولدمنا والحوش حوشنا كان عندك كرامة تروحي لحوش اماليك لكن انتي اماليك ماصدقو افتكو منك

باله عليكم كلكم ردو تعليقات في هالموضوع والله حكيته حرفية وزي مانقوللكم

لاحول ولاقوة الا بالله وخلاص
المفروض يفرحو مدام امهنيتهم على ولدهم علاش التنكيد
وحي حي كان سمعتهم امه يهدرزو مع بعض في الدار ويضحكو تنوض تنادي فيها وتقوللها علاش مادرتيش هاديكا وعلاش مش مدورتني وهكي وووووه مابعدها وخلاص

لا حول ولا قوة الا بالله

حسبي الله ونعم الوكيل في هالناس واللي زيهم..

الاغلبية مننا تكون السنة الاولى صعبة شوية باش تتأقلم مع اهل الزوج وتعرف طبعهم ويعرفو طبعها ..واني وحدة من اللي مريت بظروف صعبة شوية السنة الاولى مع عزوزتي وحماتي الكبيرة

لكن اني ننصح الاخت هادي انها تتحمل وتفوت ..و اي شي يصير تقول لزوجها باش يبدا عنده علم بكل شي.. و هيا تحط في راسها انه تدير الواجب معاهم وخاصة مع عزوزتهابالذات انها ماتردش عليها مهما قالت ومهما دارت وتسمعها غير كلمة حاضر لما تطلب منها حاجة في حدود المستطاع..لكن الحماة عادي لو ناقشتها وردت عليها في الحق وببرودة اعصاب عالاخر وباسلوب تخليها تهزا فيه على نفسها..واللي تفوتها تحمدها راهو.. وديما تضحك وتوسع بالها..لكن ماترخيش روحها لين يتمادو عليها
وزي ماتدير الواجب معاهم ماتنساش انه ليها حقوق وماتتنازلش عليهم.
.. وهيا السنة هادي لازم تفرض روحها وشخصيتها و تفهمهم بتصرفاتها معاهم واسلوبها انها مش حاتكون كيف ماهما يبو.. السنة الثانية وخاصة اذا فيه صغار تبدا تستقل شوية ...وحتى هما حايملو ويعرفو انه اللي يديرو فيه مش حايستفيدو منه ومايحصلو الا حرقة اعصابهم ..

وكيف تكسب زوجها في صفها انها تكون صادقة معاه وتفهمه باسلوب اللي يصير وتخليه يعطف عليها وتحسسه انها قداش تتحمل علي خاطره ..وتطيعه .

ومافيش مشكلة ماليهاش حل بشوية صبر وحكمة وتفكير ذكي توصل لحل يرضي جميع الاطراف..

عليكي بالدعاء والاستغفار "وخاصة الاستغفار " ماتتصورش قداش يؤثر في الامور وتشوفيها النتيجة بعينك ..اسألوني اني عن الاستغفار ونتئجه في تسخير الامور وكشف الهم والغم وتفريج الكرب..وكل شي في هالدنيا مع الاستغفار يمشي زي مانت تبي واحسن .الحمدلله على هالنعمة..

كل وحدة تستغفر بدون كلل ولا ملل امتا ماتلقى روحها فاضية في اي وقت ويكون اكثر كلامها الاستغفار بنية التسخير او التفريج .. وجربو وشوفو.

ربي يهنيكم بنيات بلادي ...بصراحة احبكم في الله كلكم كلكم بدون استثناء .

هنو الدلوعه;11967061:

حنونه كيف حالك وشنو اخبارك

الحمدلله ياغالية كيف حالك انتي وكيف حال خلودة ..F:

)))))))))))))))))))))))))))))))ààààààààààààààààààààà=)))))))))))))))))))))))))))))

هلا حنونة كيف حالك يا الغالية ؟

))))))))))))))))))))))))))))

هلا سنو كيف حالك انت ..سامحيني عطلت بالرد كنت في التجهيزات ..

ام ناني كيف حالك ياغالية ان شاء الله نفسيتك توا باهي ..

نقولك اوخيتي وسعي بالك وهيا ايام وتفوت والواحد شن رافع منها الدنيا .المهم صحتك وصغارك وراجلك..

تعرفي ياغولتنا ...... اني شبه مريت بنفس الوضع ....

زوجي راس ولد هو و خوه و امهم شايفتهم بالدنيا و ما فيها ...

بعد اتزوجت بدت الغيرة و المشاكل ............ الحق ام زوجي صعببببببببببببببببببببببببة ... لما بدت في جو التحكم في طلعتي و خشتي و جو عياط و صوت عالي ..... سيبت الحوش و قعدت في مزرعة اهلي فيها حوش و كل شي ................. لأن اني بنت عيلة و مستحيل نرضى بالصياح و العياط و التهزيب قدام الجيران و الناس ................. بوي وقف لراجلي و طلب يوفر لي حوش ..................... لما ام زوجي لقيت ان ولدها بيطلع من الحوش و يسيبهم ............ قالها انتي امي على راسي و عيني نجيك و نشوفك و نوفرلك كل احتياجاتك لكن بنسكن بروحي لان بنت الناس اتبهدلت معاك ...............

هكي خافت امه انه بيطلع منها نهائي ............ بدت ترخي و مشت الامور تمام ............... توه بعد 4 سنين الحمد لله ساكنة فوقها بس مستقلة بذاتي و ما تقدر تدخل في طلعتي و خشتي .................. بس مرة مرة تدير نكد من تحت لتحت ............ ندير روحي عميه و طرشه لا شفت لا سمعت ......

لا عادى يا حنونة صحيتى

لازم دير موقف لان لو الامور استمرت هكي مش راح يتغيروا و يبدوا ديما يتعبوا فيها

عروستنا الغالية كل عام ورويجلك بصحة وسلامة ربي يخليكم لبعض ويفرحكم بالذرية الصالحة

شن اخبارك ..ان شاء الله تمام

____________________________________

في عشي;11967485:

ماشاء الله على زوجك ياامونة خذى موقف

ولازم الراجل اللي يبي راحته ايدير هك
ويراضي الطرفين لأن كل حد ومكانتة

وانتي سلم ربيتك...والعقل زينة

سلم فمك و كلامك ..........عسل يقطر :o...

بالله عليك شن دراستك ..........

هنو ................

نبي نغير لوك يابنات .............

dr_amani;11967738:
هنو ................

dr_amani;11967744:
نبي نغير لوك يابنات .............

امونة حتى اني زيك نبي نغير اللوك عندي اعراس في 6و7 وبنصبغ وبنميش لكن مش عارفة نقص والا لا

كنت صابغة عسلي وخصلات ميش ..

وتوا بنصبغ لون افتح من العسلي وبندير خصلات بلاتين ..زعما يمشي الحال