تجمع بنات الجزائر لشهر جمادى الاول 2010/1431

Marseille;11980396:
الشرف لينا كامل أنا هي لكبيرة فيكم أخلاص ملا أنا لنعطيكم النصائح و الإرشادات ههههههههههه نتمسخر بصح متخموش ديروني ختكم لكبيرة واش تسحقو قولو برك متخموش ok

آه حتى أنا مولودة في المدية و كابرة شوية هههه في البليدة....رانا صح توام الهاشمية ههههه
مارساي،،،، الحاجة للي جمعتنا مافيها لالكبير و لالصغير، كلنا أخوات و في الهوا سوا هههه

و أخيـرا حلمي تحـقق،،، لقيت أخت توأم و أخت أكب مني(لأني أنا الكبيرة في خاوتي و ماعنديش توأم ههه) شفتو الواحد مالازمش يفقد الأمل، ربي يطول في عمارنا و يهنينا

hachemia;11980419:
و يهنيك انتي ثان
و ما ننساوش حلم و امل ربي يهنيها و يعوضها خير يا رب

ربي يخليك أختي و يهنيك حتى أنتي

امييين

انشاء الله ربي يسهل لكل واحدة فينا انا كنت نقرا في الجرنان ذركا وعرفت بلي راه جاي موفي temps برد وريح و مطر وانا راجلي جاي غدوا في الباتو والله راني متحيرة عليه ادعيو معايا انشاء الله ربي يسهل ويلحق بخير وعلى خير يا رب

ان شاء الله يلحق بخير يا رب و هادا باتو يعني اكيد مجهز مليح لعواصف كيما هادو بصح اكيد هذا الغالي ربي يخليهولك يا رب و لازم تخافي عليه , انا راجلي في الطوموبيل نقولو يسوق مشي اكثر من 60 كيلو في الساعة تقول نخدم مع لا بوليس هههه

Marseille;11980484:
انشاء الله ربي يسهل لكل واحدة فينا انا كنت نقرا في الجرنان ذركا وعرفت بلي راه جاي موفي temps برد وريح و مطر وانا راجلي جاي غدوا في الباتو والله راني متحيرة عليه ادعيو معايا انشاء الله ربي يسهل ويلحق بخير وعلى خير يا رب

سوسو انتي معانا عل الخط

أنا قتلو نجي نستناك بويسك هو جاي على alger وعندو 20 سنة مجاش على طريق alger و أنا نعرفها مليح بويسك نروحو ديما لدزاير و نعرف الطريق مليح و en meme temps نسوق بيه على بالي يجي عيان بصح هو رفض وعيط عليا قالي علابالك في ولد صغير راني كبير وندبر راسي و قالي منحبكش اجي وحدك لدزاير وتستناي وحدك في البور مهما كان بلاك ندير روتار لقيت عندو الحق مع راجلي غيار بزاف منتحركش معاه بصح منكذبش عليك أنا نحب الراجل الغيار ودايرتلو رايو نحب نهنيه منحبش نزعفو.

Marseille;11980603:
أنا قتلو نجي نستناك بويسك هو جاي على alger وعندو 20 سنة مجاش على طريق alger و أنا نعرفها مليح بويسك نروحو ديما لدزاير و نعرف الطريق مليح و en meme temps نسوق بيه على بالي يجي عيان بصح هو رفض وعيط عليا قالي علابالك في ولد صغير راني كبير وندبر راسي و قالي منحبكش اجي وحدك لدزاير وتستناي وحدك في البور مهما كان بلاك ندير روتار لقيت عندو الحق مع راجلي غيار بزاف منتحركش معاه بصح منكذبش عليك أنا نحب الراجل الغيار ودايرتلو رايو نحب نهنيه منحبش نزعفو.

عندك الحـق هذا وش ينفـع، ولازم يغير عليك،،،، راهو عارفك شاطرة كي الساروخ تروحي و تجي،،، بصح مع الراجل لازم خطرات الوحدة تدير روحها ماتعرفوالو باش يحـس بتواجدو هههه مساكن

عندو الحق اختي سورتو انت بلوندا و حطة و تروحي للبور هههه تصرى مظاهرة

هههههه مظاهرة ضحكتيني،،، و الله عندك الحق، مع الشباب الجزائري ماشي ناقص،،، ربي يستر عليكم

ما شاء الله عليك كي يغير عندو الف حق و صح كيما قالت حلم و امل الواحدة تبين روحها ما تعرفش مرات باه الراجل ينفخ ريشو ههههه سورتو الدزيريين يحبوك راجل مع الرجال و قطة قدامو

الله يكـثر من ريشهم ههههه يكونو راضييـن برك

والله غير بدلت كل حاجة على جالو غير باش انحيلو الغيرة من غيرة الخدمة منروح حتى بلاصة من الخدمة لدار و من الدار للخدة هاذي عامين و منخرج نقضي حوايجي غير اذا كانت معايا ماما ولا خويا و مام كي رحت لدزاير للسفارة الفرنسية رحت مع ماما وخويا هذا كامل باش نهنيه غيرت رقم الهاتف واحد معندو غير خواتاتي يما هو يماه وختو و غير وغير وغير وهذا كامل باش نهنيه والحق نتاع ربي انا ثاني غيارة بزاف وهو مهنيني كيفاه كنت وكيفاه وليت ربي يخليهولي انشاء الله قسيت بزاف قبل الزواج ما يعلم بيا غير ربي ومعرفتش الهنا غير معاه أنا الحسد والعين هلكوني بزاف حتى الأن واحد معلبالو بلي تزوجت في الخدمة ولا من صحباتي حتان نبقى الروح خطرك كل مرة متصلحليش املا هاذ المرة بقيت الستر على روحي غير باش ربي يكمل و يهنيني ونتهنى.

بنات، راني نشوف في هذا الموضوع و بانلي مفيد،،، إن شاء الله نطبعها و نديرلها البلاستيك قبل مانعلقها، و الله المرات الوحدة تخرج تقضي و تنسا شحال من الحاجة ضرورية
http://forums.3roos.com/showthread.php?t=493716

الرجل نضن سهل الارضاء عكس المراة . لبسة حلوة و تزغليل عينين و هوا رضا . مشي كامل اكيد بصح المراة هية اللي تعييي الراجل سورتو ادا كان غالط في حقها يقولو المراة تسامح و ما تنساش

Marseille;11980733:
والله غير بدلت كل حاجة على جالو غير باش انحيلو الغيرة من غيرة الخدمة منروح حتى بلاصة من الخدمة لدار و من الدار للخدة هاذي عامين و منخرج نقضي حوايجي غير اذا كانت معايا ماما ولا خويا و مام كي رحت لدزاير للسفارة الفرنسية رحت مع ماما وخويا هذا كامل باش نهنيه غيرت رقم الهاتف واحد معندو غير خواتاتي يما هو يماه وختو و غير وغير وغير وهذا كامل باش نهنيه والحق نتاع ربي انا ثاني غيارة بزاف وهو مهنيني كيفاه كنت وكيفاه وليت ربي يخليهولي انشاء الله قسيت بزاف قبل الزواج ما يعلم بيا غير ربي ومعرفتش الهنا غير معاه أنا الحسد والعين هلكوني بزاف حتى الأن واحد معلبالو بلي تزوجت في الخدمة ولا من صحباتي حتان نبقى الروح خطرك كل مرة متصلحليش املا هاذ المرة بقيت الستر على روحي غير باش ربي يكمل و يهنيني ونتهنى.

هذا أهم شيئ، الواحدة تبقي الستر على روحها، الناس تسمع تسمع، حب من قبل و لا منبعد، حتى أنا ماكايـن حتى واحد للي سمـع، من غير دارنا، وصيتهم مايهدرش حتى يبقال أسبوع أو أسبوعيـن باش نروح إن شاء الله
كيما قال الرسول -صلى الله عليه وآله وسلم- : {استعينوا على قضاء حوائجكم بالكتمان}

و الله العكس يا أختي الراجل هو لي مينساش المراة نية بزاف كلمة تديها و كلمة جيبها و فمفم تنسى بصح الراجل عمرو ما ينسى حاجة قولتيهالو ولا درتيهالو مهما كان الزمن يقدر يسمحلك بصح عمرو ما ينسى هاذي ديريها مليح في بالك

صح الواحد ينسى انا كي نروح نتقضى ندور على السوبر مارشي كامل باه كي نشوف الحاجة نتفكرها بصح بلا ليست خير

حلم و أمل;11980796:
هذا أهم شيئ، الواحدة تبقي الستر على روحها، الناس تسمع تسمع، حب من قبل و لا منبعد، حتى أنا ماكايـن حتى واحد للي سمـع، من غير دارنا، وصيتهم مايهدرش حتى يبقال أسبوع أو أسبوعيـن باش نروح إن شاء الله
كيما قال الرسول -صلى الله عليه وآله وسلم- : {استعينوا على قضاء حوائجكم بالكتمان}

مام انا درت هكدا في الخطبة الفاتحة و العقد درت كلش العام لي فات في الصيف و ما قلت لحتى واحد حتى كان باقي يومين على الفاتحة و النتيجة كانت غضب عائلي جماعي و واحد ما حب يحضر بصح الحمد لله جازت حطة حلوة و خفيفة ومن غير منغصات و لا اراء زيادة مالها لزوووم :D