شات حوامل مصر لشهر جمادي الاول يارب قومنا بالسلامه

ازيك يا ندى
بس موقف غريب بجد طب لو فرضنا حسن النية فعلا طب ليه خليتها تيجي ؟

انا مش بخوفك يا شيماء والله بس مستغربة بس

فكي التكشيره بقى يام ميزو :)

ما انا بقولك يا ايمى دى عندها اطفال كتير فممكن حد وصلها انه رجع فهيا قالت تلحق الموقف وتقول لمامته وهيا ملهاش دعوة

ويا شيماء اصلا انتى بتقولى ان حسن من النوع اللى ممكن يرجع لو كل كتير شوية مش كدة؟؟؟

يا عيال انا عندى كيلو لبن رايب اعمل بيه ايه؟؟

ممكن برضو يا ندى الله اعلم

بس شيماء صلي استخارة برضو وربنا ييسر الخير ان شاء الله



يوميزو انا ماكشرتش اصلا عشان افكها:p
ده حتى صورة ميزو بتضحك اهي

اعملي قرررررررررررررررص يا ندى

بس عاوزة شغلانة جامدة اخر حاجة ههههههههههههههههه

يا ندي بس انا مش حاسه انه رجع ابدا

حتى لو رجع يا ندي ماخلاص طالما حاجه بسيطه يبقى خلاص

ايه داعى تقولى انه غرق نفسه وتعالى غيري

واصلا المفروض حتى لو غرق نفسه يبقى الدادة اللى هناك تغيرله

والشنطه فيها غيار كامل

زبعدها مثلا تصل تقولى تعالى واحنا اتصرفنا وكدة

والمدرسه استغربت انى جيت اصلا وقالتلى دة كان قاعد وبيلعب بس رجع بسيط وخلاص

هو تعبان او حاجه؟

حسيت انها بتدارى الموقف خصوصا ان المديرة شكلها كان وحش اوى وحسن واقف مافهوش حاجه

الله اعلم بقي

انا قلت يمكن حد تانى اللى رجع هى اتلخبطت او يمكن ماعرفش

ههههههههههههههههههههههههههههههه

والله ماعرف

حتى يا جماعه لو حطيت سوء النيه برضو مش عارفه الاقى سبب فيه سوء نيه

موقف غريب اوى

شيماء انتي بس صلي استخارة قبل ما توديه بكرة
ومالكيش دعوة باي حاجة تانية
واكييييييييييييد لو مافيش نصيب ف الحضانة دي هيحصل اي حاجة ومش هيروح تاني ولو عادي يبقى خير برضو وكملي ف الحضانة

على فكرة يا جماعة صلاة الاستخارة دي عن تجربة والله ليها مفعول السحر

يعني انا مرة كنت بره مع اختي بشتري شوز وعجبني واحد ب 130 وقعدت تقول لي غالي وتعالي نكمل لف يمكن نلاقي حاجة احلى وارخص وانا قلت لها لا هو دخل مزاجي وقلت دعاء الاستخارة ودخلنا المحل مش لقيت مقاسي هههههههههههههههههه


ولما كنت هروح للدكتورة سامية يا ندى برضو قلت الدعاء بقوله من غير صلاة طبعا
ورحت للدكتورة مع اني اول مرة اروح لها ولا اعرف حد جربها غيرك ورحت والحمدلله عجبتني وارتاحت لها

فانتي اعملي كده يا شوشو بجد وان شاء الله ربنا ييسر لك كل خييييييييير

بنات انا هقوم احضر العشا للاسف مش جاي لي مزاج اكل ولا جعانة بس لازم اكل عشان اخد الدوا


صحيح يا ندى انا اخدت الدوا وفعلا بحس اني مش جاي لي مزاج اكل بس بيعمل اعراض جانبية بقى دوخة واحساس بالقيء واوقات صداع :(

ههههههههههه
بيحسسك انك حامل يا ايمان
بجد انا نفسى اخده بس خايفة على الرضاعة

بصي يا ايمان

انا اصلا من قبل ماوديه وانا استخرت قبلها بليل

وقمت الصبح حسيت انى مرتاحه انى اوديه وتوكلت على الله

وكل يوم بستودعه فى الله

هو مبسوط اوى لاعيال وبالجوو وفرحان جدااا وسعيد وبيجري ويتنطتت

بس اللى مضايقه عدم وجودى

وطبعا دة طبيعي فى الاول خصوصا انها اول مرة يتعرض للموقف انى اسيبه وامشي وفى مكان غريب عليه


انا كل يوم قبل مانزل بيه بتوكل على الله

وفعلا انا هخلى تعاملى مع المدرسه الخاصه بيه لانها شكلها كدة فاهمه وواعيه وعندها ذوق

امبارح ماكنش شرب مايه لحد مارحت اخده

فقلتلها النهاردة وانا بوديه انها تبقي تشربه وكدة وهى اضايقت اوى انه مشربش امبارح وصعب عليها

النهاردة بقى وانا رايحه اخدة لقيتها حطاه على رجلها وقاعده تشربه عصير وكوبايه المايه بتاعته قدامه وشارب منها

وبتقولى انا شربته مايه ومتقلقيش وحتى شربته عصير عشان برضو افيد من انه كل شويه يشرب مايه بس

ربنا يكرمها بصراحه ويصلح لها كل احوالها

يا ترى هتحطونى فى المامهات امتا

[COLOR=#696969]


[/COLOR][/COLOR]

ازيكم يا قمرات؟

وحشتونى جدا

يارب نتجمع دايما عالخير ويبعد عنا كل شر

ايوة كده خلينا نتجمع هنا لحد ما ربنا يسهل وتفرج



شيمو

الف سلامة على حسن
الموضوع طبعا مش ظريف خالص
انا حاسه ان المديره حد نقلها الكلام واتصرفت بناءا عليه من غير ما تتاكد او تعرف التفاصيل
عموما انتى لما تيجى تسيبيه في الحضانه قولى دعاء الحفظ الدعاء ده سبحان الله رهييييييييييب والله
الدعاء اللى لما كان بيقوله ابو الدرداء لم يحرق بيته مع ان البيوت اللى حواليه احرقت

ثوانى اجبلك نصه

جاء رجل إلى أبى الدرداء فقال يا أبى الدرداء لقد احترق بيتك فقال ما احترق ولم يكن الله ليفعل ذلك ، بكلمات سمعتها من رسول الله صلى الله عليه وسلم من قالها فى أول نهاره لم تصبه مصيبة حتى يمسى ومن قالها آخر النهار لم تصبه مصيبة حتى يصبح . وقد قلتها اليوم .
( اللهم أنت ربى ، لا إله إلا أنت عليك توكلت وأنت رب العرش العظيم ، ما شاء الله كان وما لم يشأ لم يكن ولا حول ولا قوة إلا بالله العلى العظيم أعلم أن الله على كل شىء قدير و أن الله قد أحاط بكل شىء علما ، اللهم إنى أعوذ بك من شر نفسى ومن شر كل دابة أنت آخذ بناصيتها إن ربى على صراط مستقيم ) ثم قال انهضوا بنا ، فقام وقاموا معه فانتهوا إلى داره وقد احترق ما حولها ، ولم يصبها شىء .
انظر الوابل الصيب لابن القيم ، الأذكار للنووى .

http://forums.3roos.com/showthread.php?p=12009528#post12009528

جزااااك الله كل خير شهيدة

ان شاء الله احفظ الدعاء واقوله كل ماوديه الحضانه

والنهاردة الصبح فتشت تانى فى لبس حسن اللى كان لابسه امبارح

ولقيت على الشوز بتاعه كدة زى فتافيت بقايا ترجيع بس مش كتير خفيفه اوى لدرجه انى قعد اركز كتير لحد ماشوفتها

واضح انه زى مالميس بتاعته قالت رجع بسيط واللى نقل للمديره نقلها بصورة غلط

حتى هى اتكسفت اوى لما جات ولقيته مافهوش حاجه

يلا الحمد لله

وان شاء الله ربنا يحفظه ياااارب لانى عايزة اكمله الشهر وبدعى ربنا انه الشهر دة يفيده عشان مش هقدر انزله لما الجو يحرر اوووى

شوفى النهاردة الجو حر والشمس حاميه اوى بره

ازيكم يا حوامل مصر
ممكن انضم ليكم ولا ايييييييييه

طبعا ممكن

وربنا يكملك على خير ياااارب