شات بنات مصر لشهر جمادى الاول

ههههههههههههه
حلوه قوي الشغلانه دي
لما ترجعي ان شاء الله تشتغلي تاني
بس المشكله البيبي بقي انا بوديه عند بيبي سيتر في بيتها ولما يكبر شويه هوديه ان شاء الله حضانه

يا عم يا عم علي الصحفين
يعني ناخد من عندك الاخبار الطازه هههههههههههه

هى البيبى ستر دى بتاخد منك كام ممكن لوسمحتى اعرف بس عشان يكون عندى فكرة

انتي بقي عامله ايه في الانجليزي يا سالي
هنا البلد كلها انجليزي
اهو الشغل برده بينمي اللغه

انا كنت بوديه عند واحده قبل كده ب 700 ودلوقتي واحده تانيه ب 500
كتير صح
بس الحضانات بقي غاليه قوي

انتى عارفة كمان انا فكرت اشتغل الشغله دى بس بعد ماارجع
عارفة ازى قلت ابنى لما ارجع هيكون عنده شهرين او تلاتة هيكون لسه مش معتمد على الاكل الخارجى معتمد على الرضاعه بس فقلت لو فى بيبى فى العمارة ممكن اخده مع ابنى لحد مثلا الساعه 2 واهو يبقى زى ابنى وفى نفس الوقت اكون براعى ابنى وبيتى وفى نفس الوقت بشتغل

عادي يا سالي اسألي برحتك اي سؤال

انتى عارفة انا معايا شهاده ايه لغات وترجمة فورية شفتى بقى انا متفوقة ازى

والله شغلانه حلو يا سالي انا برده كنت فكرت اني اسيب الشغل علشان حمزه كان عنده شهرين واسبوع لما كنت بدأت الشغل
وقولت لو لقيت بيبي برده يقعد معاه واعمل كده اهو منها دخل بره لان العيشه هنا غاليه
بس الحمدلله لقيت واحده صحبتي ابنها اكبر من ابني بشهر واخدته مع ابنها ومكنش عندها حد غرهم فرحت الشغل بقي
وكنت بشفط حليب من صدري واديله وكمان لبن صناعي معاه

ماشاء الله طيب كده تلاقي شغل علطول ان شاء الله
انا بقي محاسبه

بس انا بقي شغلي لحد 5

بس على فكرة اوعى تتخمى فيا انا معايا لغات وترجمة فورية بس الانجليزى بتاعى بتاع 3 اعدادى ههههههههه
كله بيتخم فيا اول مابقولة كده

:029::029::029::029::029:

هههههههههههههه
ايوه معاكي الانجليزي المصري زي حلاتي
بس انا بقيت افضل الحمد لله دلوقتي بس برده مش ميه ميه يعني

عارفة انا عملت اعلان فى الجرنال ولما كنت بكتب الصيغه مكتبتش انا معايا ايه فى الراجل بيقولى انتى خريجه ايه فقلتله فقالى ده حلو قالى فقلت ليه لا اصل مش زى ماانتى فاهم انا مش حلوة فيه فقالى اكتبية وخلاص المهم سمعت كلامه وكتبت
عارفة اول مااالاعلان نزل من الساعه 7 البح لحد تانى يوم تليفون جوزى مبطلشى رن ههههههههههه ىبقولوا كلهم داخلين على طمع اصلى الحمدا لله بعرف كمبيوتر فكتبت كمبيوتر وكمان الاسم لغات وترجمة فورية يطمع هههههههه فقلته بتوع الشغل فهمونى هما كمان غلط

مهوا انتى ان شاء الله هتبقى احسن لانك بتتعملى مع ناس وبتكلمى معاهم انما ان كل اللى اعرفهم مصرين ومبخرجشى غير وجوزى معايا فهو اللى بيكلم لما يكون حد هندى او فلبينى او اى جنسية تانية مش عربية فعشان كده مش بتعلم انما لو بشتغل ومعايا حد فى الشغل بيكلم انجليزى هتعلم منه وكده يعنى فاانتى حاولى فى شغلك انك تخطلطى باللى بيكلموا انجليزى عشان تتعلمى منهم

هههههههههههههههههههههه
اصل هنا فعلا اللغه والكومبيوتر اهم حاجه
فاتخمو بقي قالوا دي اجنبيه اصلا هههههههههههه

صباح الخير

مهو انا كمان اللي برد علي التليفونات
في الاول والله كنت بحاول القط الاسم بس علشان احول الخط
اصل انتي عارفه كمان النطق بتاع الانجليزي هنا مختلف
في انجليزي هندي وده المشكله وفي انجليزي امريكي برده نطقهم صعب شويه

مساء الخير قصدق يا ماهي
هههههههههه

ازيك عامله ايه

رووفه اخبارك ايه واخبار المذكره انتي في سنه كام