شات بنات مصر لشهر جمادى الاول

فطرتى ايه ليه انتى مش من اليكس الزوجه مكانها محل الزوج مش الاب :041::041::041:

انتى جمبك علامة بلس ليه ياهوبا

مش عارف يا معنمى .بس مش ظاهر عندى العلامه.

بقولك ايه يا رورو فكريلى فى اسامى بنوتات مفتكسه كده ؟

انا من زماااااان من ايام الخطوبه كنت متفقه مع جوزى نسميها لين .. دلوقتى لما جينا فالجد عمال يتريق ومحبطنى كده :( (شكله كان واخدنى على اد عقلى :D )
فمش عارفه بقا عايزه اسم حلو و جديد .. غير مطروق يعنى :D

جمانا حلو اوي يا سيلين

هههههههه ماشاء الله انتى خلاص بنوته مش تقوليلى يافتكات ولا انا طور ف الزفه :02::02::039:
اقولك على اسم والله حلو وانا بحبه اوى بجد

ههههههههههههههههه والله فرحانه فيكى اه طبعا كان بيدحك عليكى :041:
جومانه حلو يادندن بس مش مستكبراه ليه على بنوته

اه يا دندون جمانه جميل.. بس هو مش جديد على فكره انا ايام ما كنت فالمدرسه فالامارات كان معايا واحده اسمها جمانه.. بس المشكله انا مش بحب جمانه مراد ولا فيلم كباريه ولا الفرح :D

رورو قول يا معنمى اشجينى ؟؟؟

حاسه وربنا هاتقوليلى ست الحته فالاخر :D

هههههههههههههههههههه
سيلين والله اسم جميل اوى وبحب صحبته كمان
عندك بقى لجين واسيل وليان وراويه وفتكات :041::041:

ساره على فكره اول مره اسمعه تحفه من ست هنا سوريه بتقولها ساره بترقيق السين مش زينا نقول السين صاد :039::094:

عارفه يا رورو انا من ايام الخطوبه كنت متفقه مع جوزى على لين وعمر ..وكانوا عاجبينه واشطه جدا مفيش اى مانع .

جه بقا لما بقيت حامل قالى لو ولد انا هاسميه احمد لو بنت براحتك.. وانا بقا قعدت اتنطط واقوله ده كان اتفاق عيال ولا ايه .
بس لما عرفنا انها بنوته الحمد لله قعدت اغيظ فيه وطلعت لسانى من النهارده لبكره الصبح :D
وقولتله هاسميها براحتى . فاهو سايبلى حريه اختيار اسم البنت علشان لما ربنا يكرمنا بالولد باذن الله اوافق انه يسميه احمد لانى كنت معترضه جدا عليه.


ونستنتج ايه من الموضوع العريض ده كله :D ان الرجاله دول سوسه :D

هههههههههههههههههههههههههههههههههههههههههههه مش مشكله ياام احمد سمى البنت بقى انتى والواد على فكره اسمه حلو مش وحش
وانتى لسه عارفه ان الرجاله سوسه دى دوده كمان هههههههههه

تصدقى يا رورو اسميها سيلين... لكن انه اسم افرنجى :D

ولوجين انتشر واسيل مش بحبه وكان اسم واحده معايا فالمدرسه بردك . وليان يونانى صح؟

وفتكات وراويه يع يع يع :D

راويه يع يع :039::039:
سيلين حلو اوى اوى بس انا معرفش الاصول ايه وبعدين ياهوبا كل الاسامى تعتبر انتشرت بشكل كبير اهم حاجه انك تسميها اسم اما تكبر تحبه ويبقى رقيق ويبقى برده مش اسم ناس مش مسلمين عشان تحب امها انها سمتها اسم كويس بدل ماتدعى عليها هههههههههه
وفيه تاليا وفيه برده لارا بنت ميكو وفيه دان

بت يا رورو قعدى فكرى معايا فى اسم بنت بجد بقا .. متستندليييييييييييييييييييش احسن اغزك والنعمه :039:

وبسنت وبانسيه ولوجينا وجاسمن اسم بنتى التانيه ان شاء الله او جاسمينا ورغد ورهف
وطبعا جنى

سيلين لما تقراى المشاركه او تخلصى مشاركتك اعملى ريفريش على طول لان واضح ان الكلام بيوصلك بطئ وروحى الرسايل الخاصه شيكى عليها كده
منا قلت اسماء كتيره اهى ومتحلفيش بالنعمه يادزمه اصل اقول لاخوكى هع هع هع

ما هو سيلين اسم مش مسلمين يا رورو .. سيلين ديون عندك اهى

وبعديييييييييييييييييييييييين انا قولتلك الياهووووووووووووو لقيت اخويا مسحه من الجهااااااااااااز

بت ما جاسمن افرنجى ايضا :D

كنا اخدينه ايام الكليه زهره الجاسمن اللى هيا الياسمين بالعربى

بانسيه بردو اسم زهره بالانجلش اللى هيا زهره الثالوث بالعربى