شات بنات مصر لشهر جمادى الاول

صباح الخير يا بنات حد هنا

انا هنااااااااااااااااااااااا

في حد منكم هنااااااااااا

ازيك يا دندونه عامله ايه

انا تمام يا ماليبو الحمدلله انتي عاملة ايه في الحمل ان شاء الله كله تمام يارب

انا بقيت بحس بتقل كده و بقيت بحس ان البيبي لو مثلا قاعد في جنب بطني و لا حاجة بحس و كده ده عادي و لا ايه

اه يا حبيبتى عادى جدا كل ما تدخلى فى الحمل هيزيد ده انا دلوقتى حاسه انى تقيله اوى اوى
ادعيلى انا مخنوقه اوى ومرعوبه الدكتوره قالتلى عندك التهابات جامده ودى ممكن لا قدر الله تأثر على البيبى لو ولدت طبيعى ومتعالجتش غير التعب اللى بيحصلى اليومين دول وقالتلى ان دى بدايه طلق انا خايفه اوى

الف سلامة عليكي يااااااااااااارب يا ماليبو وان شاء الله الالتهابات تروح و تبقي زي الفل

ماليبو بقولك لو انتي مسلفة جوزي فلوس و انتي عايزاها هتقوليله ازاي

صباح الفل ازيكم

هو بصى بصراحه مفيش سلف بين الرجل ومراته الاتنين واحد يعنى بس لو انتى بقى محتاجها فهميه براحه انتى محتاجها او ان مثلا حد مزنوق وانتى عايزه تساعديه المهم الاسلوب اوعى تحسسيه ان انا عايزه فلوسى الرجاله بتجرح جدا من الاحساس ده فخللى بالك يا قمرايه

صباح النور ازيك انتى

بس يا ماليبو انا لما اديته الفلوس على سبيل السلف فاهماني و دلوقتي انا محتاجاهم عشان عايزة يكون في فلوس كويسة لما ابني يجي ان شاء الله و ينور الدنيا

صباح الورد يا ام حمودي عاملة ايه يا حبيبتي

خلاص فهميه براحه كده انك عايزه تشيلهم لابنكم لانك خايفه من اللى جاى وعايزه تطمنى عليه وقوليله اهى موجوده بردو امان لينا ولابننا بس متشاله

dandona we bas;11881965:
صباح الورد يا ام حمودي عاملة ايه يا حبيبتي

الحمد لله يا دندونة انتى عاملة ايه وازى البيبى

الواد حمودى مطلع عينى ونايم الساعه 3وصاحى من 7 انا خلاااص تعبت من الولد ده ربنا يهديه

ربنا يحميهولك يااااااااااااارب يا ام حمودي

طيب ايه رأيك في موضوع الفلوس ده يا ام حمودي

انا عايزاكو تقولولي انتو بتقسمو الحياة بينكو ازاي و بين اجوازكو في موضوع الفلوس و الصرف و كده

انا عن نفسى يا دندونه بما انى زيك بشتغل فانا مفيش فرق بينى وبين جوزى فى موضوع الفلوس دى بس انا مش بديله المرتب فى ايده ولا هو لما بيقبض بيدنى فى ايدى فلوس بس بشترى حاجات للبيت او للبيبى بمعنى ان الفلوس بتصرف فى البيت وبصراحه هو كل ما يجى مسافر ولا حاجه بيسبلى فلوس بزياده ومش بيحاسبنى على الفلوس اتصرفت فين ابدا بصراحه سواء اللى سبهالى او فلوسى بس انا من نفسى بساهم ساعات فلوسه بتخلص وبطلع فلوسى وبدهاله وبحطهم فى البيت فى علبه لا معايا ولا معاه وكنا اتفقنا ان اول ما اقبض احط مرتبى على مرتبه ونشيله فى البيت وناخد على اد احتياجاتنا بس بس نفذنا ده مره واحده وحصلت ظروف بس هنرجع نعمل كده ان شاء الله الحياه ابسط من كده بكتير

dandona we bas;11882010:
ربنا يحميهولك يااااااااااااارب يا ام حمودي

طيب ايه رأيك في موضوع الفلوس ده يا ام حمودي

انا عايزاكو تقولولي انتو بتقسمو الحياة بينكو ازاي و بين اجوازكو في موضوع الفلوس و الصرف و كده

انا بصراحة مش بشتغل ومش هقدر افيدك اوى فى الموضوع ده بصراحة

لمن مفيش فرق بين الزوج وزوجته انتى ممكن تقوليله انا محتاجة فلوس علشان عاوزة اجيب كذا بس طبعا مش تقوليله عاوزة فلوسى اللى عندك

لا بطريقة ظريفة كده علشان ما يتحرجش وربنا يهديكو لبعض يارب

طيب يا جماعة

طيب انتو في اي حاجة مكتوبة بين و بين جوزك بالنص

اصل انا بجد خايفة من اهل جوزي لأنهم مش حقانين

يعنى ايه؟