شات بنات مصر لشهر جمادى الاول

احنا الحمد لله كويسين

واخبار يويو ايه زمانه بقى شقى ربنا يباركلك فيه يارب

لولا انتى بتشتغلى ايه وانتى ساكنه فين وهو فين

لولا شوفى حاجه فرى لانسر

ضرسى هيموتنى حشيتة امبارح حشو عصب وخلاص من امبارح هموت

sweetylolla85;11856967:
طيب فايدتها ايه وانتي مش حاسه بالدنيا
عارفه يعني ايه ياهند تصحي الساعه 7 وترجعي بيتك الساعه 6 وبتغيري 3 مواصلات رايح و3 راجع
غير حرقه دم الشغل
بترجعي جعانه ومفيش اكل محتاج يتعمل ويسخن ومعرفش ايه
عارفه ان السرير مايترتبش بالاسبوع دي قد ايه مهينه ليكي خصوصا لو طبعك مهندم
عارفه يعني ايه تحضري الاكل وترمي المواعين في الحوض اسبوع وااقل حاجه 4 ايام
عارفه تنشري الغسيل الابيض يوم السبت ويوم ماربنا يديكي الصحه تلميه التلات ومابيطبقش
بيفضل يتلبس كده
انا تعبت اوي ياهند تعبت بجد
كل ده كوم وتقصيري مع جوزي كوم تاني
نفسيتي في الارض مش عارفه اخد قرار

كل ده ومش عارفة تاخدى قرار ؟؟؟

بصراحة مش حياة دى وخصوصا لما ييجى البيبى ضميرك هيأنبك اكتر على تقصيرك معاه

يعنى تحبى ان واحدة غيرك تربيهولك ولا يرتبط بالمس بتاعه الحضانة اكتر منك

دودوى مع احترامى لرأيك ازاى هتودى ابنك حضانة لما يكمل 6 شهور ؟؟

دا انا ابنى سنة و5 شهور وعاوزة اوديه حضانة بعد الولادة كده بشوية يعنى هيكون قرب على سنتين ومع ذلك مترددة وقلبى واجعنى كل ما افتكر انى هوديه وكمان مش عشان شغل لا علشان يلعب ويتعلم ويتكلم وعلشان نومه يتظبط وكمان علشان فى بيبى تانى جه عليه وهو صغير ياحبيبى وكمان عشان اقدر اقوم بواجبات البيت ومحسش انى مقصرة مع جوزى او ولادى

miramiro;11856984:
ازيك يا سالى
وازاى حمودى عامل ايه دلوقتى يارب يكون احسن

و هو انتى بتسمعى ابو الليف و لا ايه؟
ده انا مسمعتوووووووش هههههههههههههههههههه

الحمد لله يا اميرة احسن شوية بفضل الله ياحبيبتى

تسلمى على ذوقك وسؤالك

sweetylolla85;11857001:
برجع مهدوده يابسبس 3 ساعات مواصلات في اليوم
وهده شغل
و6 ساعات نوم في اليوم مابقدرش والله
حاولت كتير اوي اوي بس خلاص نفسيتي متحطمه
والله حاولت وحياه ربنا مابقدرش ياناس اقطع نفسي

انتى بتغنى وبتردى على نفسك

كلامك كله اسباب مقنعه وبرضه هقولك ربنا يكتبلك اللى فيه الخير

وانا كمان شيفها مياله لكدة خلاص ياستى انتى كدة كدة شغلك مش نافع لانه فعلا كتير قوى عليكى يبقا الحل انك تخدى فترة كدة من غير شغل وبعد الولادة ولما ابنك يشد حيلة فكرى وشوفى انت عاوزة ايه

لولا
خلصي الشهرين جمعيه الي فاضلين لك
وقولي ببخ للشغل ده مش جاااااااااااااايب همه يانااااس بتتسلى اه بس تسليه بمرمطه فايدتها ايه التسليه من النوع ده
سيبيه واولدي وقومي بالسلامه وخلي ابنك يشد حيله كده وشوفي شغلك تاني اقربلك لو الشغل انتي حاباه اوووي مش حاباه وهترتاحي في قعدتك يف البيت خلاص
اصل موضوع الشغل والخروج ده يا جماعه اذواق الي ينفعني ممكن مينفعش غيري فمينفعش نعمم ان الشغل تسليه وكده دي مسؤليه بردوو



ههههههههههههههههههه اناناسه بتتريئي عليا عاااااااااااااا انا بئا هيجيلي ديناصوووري حبيبي يقولي مش عصفوورتى مبتعاملش انا مع الحاجات الرقيقه دي ههههههههههههه

ميراااا ماما هتيجي بالليل باذن الله ادعولها توصل بالسلامه يااارب وهو احنا بنجيب العيال من البؤ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حد يشيل البت دي من قدامي

ازيكم يابنات وحشتونى اوى
مرمورة عاملة اية ياقمر؟؟؟؟؟؟؟؟؟؟؟؟؟؟؟؟ وحشانى اوى انا دعتلك وانا بولد والله بجد ربنا يكرمك ياقمر
مشمش الدكتورة بتقلك ازا كان طبيعى ولا قيصرى

لولا قدمى فى هنداوى عايزين ناس وفى ترنسبورتيشن ومواعيده من 9 ل 4
سالى فى حضانات اسمها بيبى هوم نضيفه جدا ومش رخيصه
من 750 ل 1500 فى الشهر من شكلها اى حد بيتمنى يودى ولاده فيها

crazy ananas;11857095:
احنا الحمد لله كويسين

واخبار يويو ايه زمانه بقى شقى ربنا يباركلك فيه يارب

لولا انتى بتشتغلى ايه وانتى ساكنه فين وهو فين

انا ياستي system developer وشغلي تبع الامم المتحده بس مكانها في وزاره الاتصالات في المهندسين وساعات ببقي في السمارت علي طريق مصر اسكندريه الصحراوي
وبيتي في زهراء عين شمس

DodyCat;11857101:
لولا شوفى حاجه فرى لانسر

أم حموودى القمر;11857112:
كل ده ومش عارفة تاخدى قرار ؟؟؟

بصراحة مش حياة دى وخصوصا لما ييجى البيبى ضميرك هيأنبك اكتر على تقصيرك معاه

يعنى تحبى ان واحدة غيرك تربيهولك ولا يرتبط بالمس بتاعه الحضانة اكتر منك

دودوى مع احترامى لرأيك ازاى هتودى ابنك حضانة لما يكمل 6 شهور ؟؟

دا انا ابنى سنة و5 شهور وعاوزة اوديه حضانة بعد الولادة كده بشوية يعنى هيكون قرب على سنتين ومع ذلك مترددة وقلبى واجعنى كل ما افتكر انى هوديه وكمان مش عشان شغل لا علشان يلعب ويتعلم ويتكلم وعلشان نومه يتظبط وكمان علشان فى بيبى تانى جه عليه وهو صغير ياحبيبى وكمان عشان اقدر اقوم بواجبات البيت ومحسش انى مقصرة مع جوزى او ولادى



الحمد لله يا اميرة احسن شوية بفضل الله ياحبيبتى

تسلمى على ذوقك وسؤالك



انتى بتغنى وبتردى على نفسك

كلامك كله اسباب مقنعه وبرضه هقولك ربنا يكتبلك اللى فيه الخير

خايفه من الملل اتعب او مايبقاش عندي حد افكر فيه غير جوزي وهو يزهق مني انا جامعتي كانت في الزقازيق يعني كنت بسافر مسافه كبيره اوي كل يوم ماعدا الامتحانات
والصيف بيبقي عندي تدريب في الزقازيق برضه
واول ماتخرجت اشتغلت وبعدين عملت دبلومه وبعدين اشتغلت يعني بقالي 7 سنين مخدتش شهر اجازه اكيد همل من القعده صح

لولا انا معرفش الموضوع كله بس شكلك تعبانه مالشغل

بصى انا مش بشتغل وتقريبا مشتغلتش قبل كدا كنت بتدرب ومش بكمل

منكرش دلوقتى نفسى اعمل حاجه بس مش بفكر فى شغل وكدا لان الموصلات هنا اخر ايهانه للست لو الشغل مش قريب من بيتها بجد لا راجل فالشارع بيقدر وله اى حاجه بجد الستات بتتبهدل فالشارع خصوصا وقت الشغل الصبح او المرواح

فانتى لو ينفع تشوفى شغل جمبك يبئا كويس هتوفرى وقت وصحتك لو مش قادره ومفيش متفتكريش ان القعده فالبيت معناه انك لغيتى نفسك ودورك انتهى لا طبعا انتى عندك دور كبير قوى انك تحافظى على بيتك وجوزك وكلها كام شهر وابنك كمان

وانتى بى ايدك تكونى ست بيت شاطره ومثقفه ومش مانتخه يعنى فمتحسيش بان الشغل بره هو اللى بيخالى الواحده ذو قيمه والكلام الكبير ده

انتى لو خاليتى جوزك سعيد ومرتاح وبيتك حلو ونظيف وابنك مرتاح ومبسوط يبئا كدا حلو قوى لانك لما تشوفى ان التلات حاجات ديه معتمده عليكى هتحسى بى امتك بردو

ويا سلام لو فى نادى ممكن تستغليه فى وقت الزياده عندك وممكن كمان تشوفى اى حاجه وانتى فالبيت تشغلك

انتو عارفين انا نفسى استغل معرفتى بالنت فى اى حاجه اعمل مشروع اى حاجه وانا قعده فالبيت وكدا ابئا بشتغل وانا فالبيت وواخده بالى مالبيت

DodyCat;11857153:
لولا قدمى فى هنداوى عايزين ناس وفى ترنسبورتيشن ومواعيده من 9 ل 4
سالى فى حضانات اسمها بيبى هوم نضيفه جدا ومش رخيصه
من 750 ل 1500 فى الشهر من شكلها اى حد بيتمنى يودى ولاده فيها

ايه هنداوي ده يادودي معلش معرفهوش وطالبين ايه؟

شفتوا بقا انا قولت هتحن

sweetylolla85;11857174:
ايه هنداوي ده يادودي معلش معرفهوش وطالبين ايه؟

فى المنطقه الحره
ديفولبر
بصى اى حاجه فى المنطقه الحره بالنسبه ليكى هتبقى كويسه

بنات يوسف وزنو قل عن الولادة الناس بتقلى طبيعى بس انا قلقانة هل ادخلو لبن صناعى؟

sweetylolla85;11857157:
انا ياستي system developer وشغلي تبع الامم المتحده بس مكانها في وزاره الاتصالات في المهندسين وساعات ببقي في السمارت علي طريق مصر اسكندريه الصحراوي
وبيتي في زهراء عين شمس

يا نهار ابيض انا لو مش هيدونى 100000ج وطياره اقل من كدا مشش هواقف على كدا ابدا
ده كفايه المهندسين ديه رخمه وزحمه اصلا
انتى بتروحى ازاى ده لزم عربيه
دانا جوزى اللى اسمه راجل شغله عند بوابات مصر اسكندريه واحنا فالعاشر كل يوم الصبح مش بيكون عاوز يروح عشان المشوار ومعاه عربيه الحمد لله والا مكنش راح الشغل اصلا ههههههههههههه
لا الله يكون فى عونك
هو انا مفهمتش انتى بتشتغلى ايه بس شكله جامد يعنى مدام مع الامم المتحده
طب مفيش ليهم اى حاجه قريبه منك خالص حتى فالعباسيه او كدا
وانتى متخرجه من ايه

هانا اوبا;11857201:
بنات يوسف وزنو قل عن الولادة الناس بتقلى طبيعى بس انا قلقانة هل ادخلو لبن صناعى؟

هو قد ايه دلوقتى؟؟؟

وكان وزنه كام وبقى كام؟؟

هانا اوبا;11857201:
بنات يوسف وزنو قل عن الولادة الناس بتقلى طبيعى بس انا قلقانة هل ادخلو لبن صناعى؟

اول شهر ممكن يقل لغاية 30%

لسة يابسبس تلت اسابيع وكان 3 ونص بقى تلاتة ومتين

هانا متديلوش حاجه غير لما الدكتور يقولك مش من نفسك

هو الطبيعى انه ينزل ربع الوزن بتاعه اول 10 ايام

crazy ananas;11857217:
يا نهار ابيض انا لو مش هيدونى 100000ج وطياره اقل من كدا مشش هواقف على كدا ابدا
ده كفايه المهندسين ديه رخمه وزحمه اصلا
انتى بتروحى ازاى ده لزم عربيه
دانا جوزى اللى اسمه راجل شغله عند بوابات مصر اسكندريه واحنا فالعاشر كل يوم الصبح مش بيكون عاوز يروح عشان المشوار ومعاه عربيه الحمد لله والا مكنش راح الشغل اصلا ههههههههههههه
لا الله يكون فى عونك
هو انا مفهمتش انتى بتشتغلى ايه بس شكله جامد يعنى مدام مع الامم المتحده
طب مفيش ليهم اى حاجه قريبه منك خالص حتى فالعباسيه او كدا
وانتى متخرجه من ايه

معاييش عربيه لا بغير 3 مواصلات
وااقرب فرع في المهندسين غير كده في السمارت انا حزينه اوي عشان كده