طالبة الحق;12000440:
الله يسلمك ازيك يا كتكوتة وازي جوجو
انا كويسة الحمدلله، وكنت عايزه اسالكوا سؤال
انا بدات الرابع الحمدلله بقالي 3 ايام تقريبا، اعراض الشهور التلاتة الاولي بدات تهدى الحمدلله، بس في حاجات مستمرة زي ماهيه، اولها ان طعم بقي بحسه مش حلو خالص ومبقدرش استغنى عن اللبان خالص عشان يضيع طعم اى حاجة اكلتها سواء كانت حلوة او حادقة، تاني حاجة اني لما اكل لازم اقعد بعدها ييجي ربع ساعة كل شوية تجيلي تكريعة بسيطة كده عارفينها اللي هيه بتيجي للواحد لما بيكون اكل لحد ما شبع، بس دي باه بتقعد تتكر ر لدرجة تخنقني ولو نايمة عالسرير لازم اقعد لحد ما تيجي وتروح، وكتير اوي بحس ان معدتي هضمها بطيييء كده، المفروض ان الدكتورة قالتلي ان دي اعراض اول تلات شهور، بس انا سؤالي ليكوا الحاجات دي حصلتلكوا اصلا وهل استمرت لما بعد التلات شهور الاولي ولو استمرت يباه استمرت لحد امتي
عذرا للاطالة يا بنات بس ده من عشمي فيكوا، ربنا يكرمكوا جميعا
اسارير قولى ياجميله ، احنا معاكي
حبيبتى انا متهيالى ان الاعراض دى اعراض سوء هضم ودا بدا معايا من نص الرابع وكنت بحس الاكل واقف على صدرى وبتكره زى ما يكون هوا كدا كذا مره ورا بعض ومش برتاح برضه لحد ما الدكتوره كتبتالى دوا حلو هو اللى ماشيت عليه ولحد دلوقتى لما بيجيالى الحاله دى من فتره للتانيه باخده اسمه نيو كربون هو كل اللى فيه حجات طبيعيه ينسون وصويا وكربون عشان يمتص الغازات وفعلا حلو اوى