تجمع حوامل مصر لشهر جماد الاول

ده ليه بقي تفتكروا يمكن عشان انا كنت عمالة افكر من كام يوم اني بجد نفسي اقابلكم اوي واشوفكم زي ما انتوا شفتوا بعض كده وحاسة اني حباكم اوي اوي وان قعدتكم هاتبقي لذيذة جدا :(:(:(

ربنا يباركلكم يارب وتفضلوا كده عالطول انا مش بقر عليكم ولا حاجة :o:o:o

ازيكم يا حلوين

القراقيش اهو سيبت العجينه تريح شويه وهقوم اشكلها كمان 5 دقايق ولا حاجه

بس ادعولى يس يفضل نايم لغاية لما اخلص

لحسن لسه ورايا شوية حاجات

جوجو عندها زغطة وانا كنت حطلها التيتنة من قبلها المهم الصوتين مع بعض لما بيجوا في نفس الثانية المصمصة مع الزغطة عملوا صوت كانها بتطرقع لبانة :lol::lol::lol::lol:

ان شاء الله يفضل نايم يا بسبس بس مش انتي كنتي هتعمليها امبارح ولا دي واحدة تانية؟

يارب يسمع منك يا كوتى

لا مانا امبارح تعبت وزورى وجعنى اوى وجسمى وجعنى مكنتش قادره فا اخدت مضاد حيوي وقولت اعملها بكره

فا فعلا انهارده اهو عجنتها

وعملت لوزى المندى طلع حلو اوى اوى والرز طعمه وهممممممممى

CuTie KaTkOoTa;11979288:
مش انا حلمت اني طقت في دماغي انا وجوزي وقمنا مسافرين المنصورة وروحنا لقرايبنا هناك نسلم عليهم بس كنا ناويين علي يوم واحد يعني وعشان يشوفوا جوجو بقي اول مرة ليهم، وكلمت بابا من هناك قلتله انا بكلمك من هناك علي فكرة وبابا تنح واتخض وبعدين قعد زعقلي جامد وهب فيا اوي وانا اتضايقة واتخنقت وقعدت اعيط كالعادة واقوله فيها ايه وكده ويقولي وازاي متقوليش وازاي تسافري بالبنت وازاي وازاي ولسه صغيرة ولكام كتير بقي :lol::lol::lol::lol:

ياحبيبتى يا ايمى للدرجة بتفكرى فى بنات المنصورة ونفسى تيجى

طب محلمتيش انك قابلتينا ولا حاجة :D

بجد لو جيتى لازون نشوفك كلنا ونشوف البت جوجو

قوليلى هو عمو قاعد فى المنصورة ولا معاكو فى القاهرة

يعنى هو اصلا من المنصورة بس مقيمين فى القاهرة صح كده ولا ايه؟؟

الف سلامة عليكي

الحمدلله انه طلع حلو وعجب جوزك كمان يارب دايما

يس بقى يا كوتى جننى خالص

رفض نهااااااائى التتينه والببرونه و طالعلى اليومين دول فى صوابعه بيحطها فى بوقه ويفضل يمصمصلى فيها واقول جعان اجى ارضعه ميرضاش

ولو لسه مرضعاه بردو الاقيه يحط صوبايعه ففى بوقه ويقعد يعمل كدا ويضحك

تقريبا والله اعلم بيلعب هههههههههههههههه

بسبس لما تخلصي ممكن تبقي تبعتيلي شوية بالعجوة لو هتحشيها يعني



سلسول اه بابا هنا من زمان اوي من ساعة ما ابتدي شغله وهو شاب ومن دراسته كمان اعتقد بس نسيت الحتة دي.

بس لسه لهجته فيها حاجات كتيرة مش عايزة تروح وبيروح دايما كان كل عيد لازم او منسبات او حاجات كتير بس دلوقتي مبقاش يقدر بقي السفر بيتعبه وكمان تغيير الاماكن والنوم وكده بردو بيجيبله ارق ، فكل فين وفين بقي يسافر في الضروريات وبس.


انا بردو حلمت باني شفتكم فعلا بس زي ما تقولي كده حلم يقظة وحضنتكم جامد اوي وقال ايه مسكت نفسي من الكسوف بقي وقلت لأ لازم اقعد واتكلم معاكم براحتي وكده ومش اتكسف ووشي يحمر وافضل ساكتة زي عادتي مع حد جديد :o:o:o

:lol::lol::lol::lol:

CuTie KaTkOoTa;11979301:
ده ليه بقي تفتكروا يمكن عشان انا كنت عمالة افكر من كام يوم اني بجد نفسي اقابلكم اوي واشوفكم زي ما انتوا شفتوا بعض كده وحاسة اني حباكم اوي اوي وان قعدتكم هاتبقي لذيذة جدا :(:(:(

ربنا يباركلكم يارب وتفضلوا كده عالطول انا مش بقر عليكم ولا حاجة :o:o:o

ايمااااااااااان انا كتبت المشاركة اللى فاتت من قبل ما اشوف دى والله وخمنت انك بتفكرى فينا القلوب عند بعضها يا حبيبتى

احنا كمان نفسنا نشوف كل البنات هنا والله وانا بحبكم كلكم فى الله والله العظيم

CuTie KaTkOoTa;11979171:
:D:D:D معلش حصل سوء تفاهم بسيط ، ايوة انا من القاهرة بس الاول كنت فعلا بسألهم علي المستشفي اللي عندهم وبعدين كنت بقول علي اللي عندنا احنا كمان كنت فاكرة انها تبارك وبس ومش فاكرة فيه ايه تاني غيرها، تسلموا يا بنات، هي رعشة قلب اسمها ايه بقي؟

شيماء تقريبا صح كده؟

هههههههههههههههههههههه

ازيك كيوتى

ايوة انا شيماء

وانتى ؟؟

هههههههههههههههه والله زهقانه ياايمى ماشاء الله جوجو سكر ربنا يحميهالك

عيال مييييييييين ولد بطلق صناعي انا مرعووووووووبه

معلش دخلت عليكم من غير ماسلم بس من الخوف والقلق وحشتونى كلكم

أم حموودى القمر;11979258:
اه ياشوشو هى من القاهرة بس باباها من المنصورة فكانت بتسال على المستشفيات هنا لو قريتى المشاركة اللى قبلها هتفهمى

ياسالي ايوة مانا واخدة بالي

ههههههههههههههههههههههههه

هلوسه الحمل هتشتغل معانا ولا ايه

يابنتى واخدة بااالي بس هي فى الاخر دخلت على مستشفيات القاهرة وانا ردي كان على الجزئيه دي

مشمش ام محمد;11979442:
عيال مييييييييين ولد بطلق صناعي انا مرعووووووووبه

مشمش يخرب عقلك انتى لسه مولدتيش يابنتى

انتى خايفة ليه بس كده

هى الدكتورة قالتلك الوضع عامل ايه

وطالما ناوية تديكى طلق صناعى يبقى شابفه ان عندك استعداد للولادة الطبيعى ان شاء الله

وعموما يا ستى لو جالك طلق طبيعى مش بيبقى كافى برضه انك تولدى بيه لوحده لازم بيدوكى صناعى برضه وانا جربت الاتنين وهو مش فارق عن الطلق الطبيعى كتير الاتنين صعبين طبعا

كتكت انا نازله ف 7 ايه رايك تنزلى بجوجو وسالى وندى وعلياء وايمى وابتهال تيجو عندى ف البيت ونشوف بعض وتقعدوا معايا وجوجو تلعب مع جوجو ويتخانقو ههههههههههه

CuTie KaTkOoTa;11979288:
مش انا حلمت اني طقت في دماغي انا وجوزي وقمنا مسافرين المنصورة وروحنا لقرايبنا هناك نسلم عليهم بس كنا ناويين علي يوم واحد يعني وعشان يشوفوا جوجو بقي اول مرة ليهم، وكلمت بابا من هناك قلتله انا بكلمك من هناك علي فكرة وبابا تنح واتخض وبعدين قعد زعقلي جامد وهب فيا اوي وانا اتضايقة واتخنقت وقعدت اعيط كالعادة واقوله فيها ايه وكده ويقولي وازاي متقوليش وازاي تسافري بالبنت وازاي وازاي ولسه صغيرة ولكام كتير بقي :lol::lol::lol::lol:

هههههههههههههههههههههههههههههههه

دي بقى بقايا من هلوسة الحمل ههههههههههههههههههههه

طب الحمد لله انه حلم

صعبين ايه بس ياسالى
والله يابنتى الم وهتولدى وهيروح ربنا معاكى ماتخافيش يانودى وادعى كتير وابقى طمنينا