تجمع حوامل مصر لشهر جماد الاول

ازيكم يا بنات

اللة يخليكم
محدش فيكم عندو شغالة ليها اخت ولا قريبة ولا حاجة وعاوزة تشتغل

محتاجة شغالة ضرورى تكون صغيرة شوية
مش هتنضف في البيت بس اهي تكون ونس

toty858;11971029:
ازيكم يا بنات

اللة يخليكم
محدش فيكم عندو شغالة ليها اخت ولا قريبة ولا حاجة وعاوزة تشتغل

محتاجة شغالة ضرورى تكون صغيرة شوية
مش هتنضف في البيت بس اهي تكون ونس

فعلا يا توتي
انا مش هفيدك طبعا ف الموضوع ده
بس انتي مش قاعدة عند مامتك يا بنتي ولا نويتي ترجعي شقتك خلاص

ايوة يا ايمان
نويت ارجع شقتى
البيت هنا دوشة
ومايا فاهمى ان دة زعيق وبقت تزعق عي كمان
هههه
قلت لازم شوية هدوووووووء

السلام عليكم ورحمه الله وبركاته


ازيكم

يعني اخدتي قرار خلاص وجوزو وافق ومامتك وباباكي وكده يعني
عارفة هو قرار صعب بس حلو والله

وعليكم السلام
ازيك يا مورو عاملة ايه واخبار سندس ايه

انا حاسة انكو نايمين
انا هقوم انام
سلاااااااااااااااااااااااام

توتي خطوة جريئه بس تماااااااام

وبعدين انتى اصلا شقتك جانب مامتك

ودة احلى حاجه

ربنا يقويك على الخطوة دى

وعليكم السلام يا مورو ازيك

ازيك يا شيمو
عقبالك اما تاخديها
ههه
ايوة يا ايمى اخدت القرار ونشرتة كمان
ومحدش اعترض علشان انا فهمتهم وجهة نظري بالذات انى ليا اخت صغيرة عندها 10 سنين وشقية جدا وصوتها عالى ف مجننانى ومجننة مايا :)

ايمااااااااااااااااااان

استنيييييييي

الحمد لله
ازيكم انتم يا حلوين

فى حد هنااااااااااا

http://forums.3roos.com/showthread.php?t=532264

انوس اخبارك

أم يـاسـيـن العسل;11969050:
انا دور زورى رجعلى تانى عاااااااااااا

مش قادره ابلع ولا اعمل حاجه

ألف سلامة انا تقريبا مش بخف من أحتقان الزور والمضاد الحيوى بيقتلنى الدكتور بيدينى 1000

دودى احنا فشات البنات

أعلنت شركة "مكنيل كنسيومر هلثكير" لصناعة الأدوية التابعة لمجموعة "جونسون اند جونسون" الأمريكية سحب أدوية للأطفال استعمالها شائع، من الأسواق الأمريكية، مثل "تايلنول" بسبب خطأ فى التصنيع.

وأعلنت من جهتها إدارة الدواء والغذاء الأمريكية فتح تحقيق لمعرفة سبب هذه المشكلة ودعت المستهلكين إلى التوقف عن استخدام هذه الأدوية فورا.

وتوزع هذه الأدوية فى الولايات المتحدة وكندا وجمهورية الدومينيكان ودبى وفيدجى وجواتيمالا وجامايكا وبورتوريكو وباناما وترينيداد وتوباغو والكويت.

وتشمل هذه الأدوية "تايلنول" (باراسيتامول) و"مورتن" (ايبوبروفين) على شكل قطرة للأطفال والرضع منكهة بطعمات مختلفة كالعنب والفراولة، بالإضافة إلى أدوية مضادة للحساسية مثل "زيرتك" و"بينادريل" على شكل سائل أو علكة.

وأكدت المجموعة أنه لم تسجل أية حادثة بسبب هذه الأدوية وأنها ستسحب من الأسواق على سبيل الوقاية.

وورد فى البيان المشترك للمجموعة وإدارة الدواء والغذاء أن "بعض هذه الأدوية قد تحتوى على جرعة من المادة الفاعلة تفوق الجرعة الموصى بها، أما البعض الآخر فيحتوى على مواد غير فاعلة لا تتوافق ومعاييرنا، وأخيرا هناك بعض الأدوية التى تحتوى على جزيئات صغيرة".

وقامت إدارة الدواء والغذاء بإصدار بيان مستقل توصى فيه المستهلكين بالامتناع عن استهلاك هذه المنتجات فورا.

وورد فى البيان أيضا أنه "على الرغم من أن احتمال حصول مشاكل صحية خطرة ضئيل جدا، يستحق الأمريكيون أدوية آمنة وفعالة وذات جودة أعلى، نحن نقوم بالتحقيقات حول المنتجات وأماكن التصنيع وسنطلع الناس على سبب سحب هذه المنتجات حين تتوفر لدينا المعلومات".

ازيكم يا قطاقيط؟

وحشتووووووووووووونى جدا


امبارح الحمد لله رحت بعمر للدكتور
وقالى بناءا على حساسيه اللبن ممنوع من اللبن ومنتجاته واى حاجه يدخل فيها اللبن ومشتقاته لمده سنة كامله وبعد كده نعيد التحليل وبناءا عليه هنشوف نعمل ايه
المشكله طبعا ان البسكوتات والشيكولاته والحلويات الشرقيه والغربيه كل ده كمان ممنوع لانها بتتعمل من لبن او سمنة او زبده

الحاجه اللى اتاكدت منها كمان انه عنده نوع من انيميا البحر المتوسط هوا الحمد لله نوع بسيط بس هيفضل بيه طول عمره وملوش علاج
بالعكس كمان يتمنع من اخد الحديد

ادعوله ان ربنا يتم شفاه على خير وان البيبي الجديد ميعانيش من الحاجات دى
يارب

معقول الكلام ده
طيب انتي شوفتيه فين
دا حمزه كان بياخد زيرتاك لمده 3 اسابيع ولسه مخلصها
ربنا يعافي ولدنا يارب

ربنا يشفيه ياشوشو
بس سنه كامله ممنوع من منتجات الالبان
طيب هياخد الكالسيوم منين
ممكن لبن ماعز ولا برده لا