تجمع حوامل مصر لشهر جماد الاول

اه يا شيماء الحمد لله

جوزى قبل ما يسافر كنت بقوله لو حصلنا اى حاجة واحنا لوحدنا اعمل ايه ؟؟

عارفة قالى ايه؟

قالى ادخلى صلى ركعتين ةأسألى ربنا قبل ما تلجأى لاى حد من البشر

وفعلا عملت كده الحمد لله وقلتله يارب ماليش غيرك وانتى عالم بحالى يارب اشفى ابنى وساعدنى فى محنتى

فربنا الهمى لروشتة الدكتور والدوا كمان كان عندى الحمد لله ماعدا المضاد الحيوى والحقن

فبعت جبته وربنا يتم شفاه على خير

تسلمى يا ايمان

امين يارب

شكرا يا مها على دعواتك

ونعم بالله يا سالي

وربنا يحفظك انتى وابنك والنونو ويرجعلك زوجك بالف سلامه يارب

سالي شربي محمود شوربة بقى واعصري عليها نقطة لمون كده

عملتي الفراخ ازاي كنت شايفاكي بتسالي امبارح
بس اسلقي منها جزء عشان شوربة لمحمود

لو عنده كحه بلاش اللمون

عشان اللمون بيهيج الصدر ويزود الكحه

ازيك يا مهاااااااااا
توتو نامت ولا هتواصل للصبح

بنات انا هقوم اصلي العصر وانيم معاذ وارجع لكو

*Om Mo3az*;11838148:
سالي شربي محمود شوربة بقى واعصري عليها نقطة لمون كده

عملتي الفراخ ازاي كنت شايفاكي بتسالي امبارح
بس اسلقي منها جزء عشان شوربة لمحمود

للاسف يا ايمان نفسه مسدودة خالص ياحبيبى ومش راضى ياكل يادوب شرب شورية لبن صغننين دلوقتى

الفراخ بقه عملتها بطريقة جديدة بتعملها مرات خالى

بصى ياستى

جبت طبق وحطيت فيه زبادى وتوم وملح وفلفل وبهارات وزعتر وخل وقلبتهم كويس خالص وبعدين بيت

فيهم الفراخ ولسه بقه هرصهم فى بايركس بالتتبيلة برده واحطها فى الفرن

وبالنسبة لمحمود مش عارفة اعمل ايه؟؟ اشيل كام واحدة اسلقهم طب واللتتبيلة اغسيلها من

عليها ولا ايه؟؟

وانا كمان هاقوم اصلى واحط الفراخ فى الفرن

واعمل صلصة المكرونة

لا ماتغسلهاش

اسلقيها بالتتبيله فى شوية مايه مش كتير

يدوب تغطيها وكل شوية تابعيها لحد ماتستوي

انا كنت بعمل لحسن كدة بس ماكنتش بحط زبادى

وانا هروح اصلي واريح جنب حسن شوية قبل ما يصحي

حاسه انى جسمي مكسر ومجهدة اوى

ماشى يا شوشو خلاص هاعملها كده ان شاء الله والشوربة مش مشكلة

هى اصلا كده مش هطلع شوربة كتير

بس انا اول مرة اعرف ان الليمةن بيزود الكحة

دا انا الصبح شربته يانسون عليه ليمون وعسل بس عموما هو شرب بقين بس وخلاص

ازيكم
سالي الف سلامه علي حمودي ربنا يشفيه ويقويكي يارب

بنات معاذ دلوقتي لقيته هيعمل بي بي فلحقته وقعدته بس قعد يعيط جامد اوي يعني بيحزق بس بصويت وفي الاخر ماعملش ونام من غير ما يعمل
انا خايفة يكون جاله امساك اعمل ايه
ادي له ايه طيب عشان يلين شوية
هو ماعملش من اول امبارح

اديله خوخ او عنب العنب ملين كويس يا ايمان ..او حتى اعصريله طماطم وشوية سكر عليها ويشربها

سالي الف سلامه على حمودي ربنا يشفيه ويعافيه ياحبيبتي والافضل لو تقدري توديه للدكتور احتياطي تلحقي الدور من اوله

العنب والبرتقان يا ايمان الف سلامه عليه

هبه وهبه جزاكم الله خيرا
انا مش عندي ولا خوخ ولا عنب للاسف
عندي موز وتفاح ينفعوو ؟

هو بيحب عصير الاوطة اوي لمايصحى هعمل له ان شاء الله وربنا يستر

هبة وهبة الله يسلمكم ياحبايبى

ايمان ادي لمعاذ برتقال او شراب لاكتيلوز ملين اسمه دوفلاك هيعمل على طول انا بديه

لمحمود لما يبقى عنده امساك والدكتور اللى كان قال عليه

انا نفسى باخده عادى فى الحمل

طالما كان بيصرخ كده يبقى عنده امساك ياحبيب قلبى

لالا يا ايمان بلاش موز وتفاح التفاح بيعمل امساك طبعا بلاش دلوقتى خالص

يتصفح الموضوع حالياً: 1 (1 من الأعضاء و 0 من الزوار)
‏أم حموودى القمر

جزاكي الله خيرا يا سالي
بس الدوا ده مش عندي
لما يصحى هجرب عصير الاوطة ولو ماعملش هبقى اتصل بالطرشوبي لان جوزي مش هيرجع غير بالليل وهيكون معاذ نام