تجمع حوامل مصر لشهر جماد الاول

اهلا ام وفاء ازيك عاملة ايه
وفوفو ايه اخبارها
مش هتبداي تعلميها الحمام وتدخلي معانا المعركة
ههههههههههه

انتوووووووووووووووووووو فييييييييييييييييييييييييييين

انا زهقت اوى وعاوزة اروح لماااااااااااماااااااااااااا

السلام عليكم ورحمته وبركاته
مبرووووووك التجمع الجديد

ملحقتش ادخل اكلمكم جوزي جاااه

انا جيييييييييييييييييييييييت عند ماما نورت البييييييييييييييييييييت

*Om Mo3az*;11828227:
شيماء سلامة حسن
ابقي طمنينا عليه
شكلك هتضيعي كل اللي بنعمله
حاولي ماتخرجيش الا للضرورة اوي يعني زي مشوار الدكتورة لو غير كده اجلي كل حاجة بجد
حسن طالما عمل كتير كده في البامبرز ممكن ينسى كل اللي عملتيه في اليومين اللي فاتو دول وهتبداي معاه من الاول
انا بفكر مالبسش معاذ بامبرز وقت النوم كمان مالوش لازمة كل يوم يصحى مش فيه ولا نقطة

الله يسلمك ايمان

انتى فعلا معاك حق

موضوع الخروج دة بوظلى الدنيا

بس والله كلها خروجات ضروريه مش فسح والله

يعنى مرة لمتابعه الحمل وامبارح كان مع ماما كانت بتعمل تحاليل

بس انهاردة بقي حسن ملخبط كدة ومجننى على الاخر

ان شاء الله انا ناويه الاسبوع الجاي ماخرجش خاااالص وربنا يسترها ياااااااااااااااااارب

بس حسن عنده معاد مع الدكتور يوم الحد الصبح هو دة الخروجة الضروري

وربنا يسترها والاسبوع الجاى يمر على خير بدون ماضطر اخرج

hoobie;11828816:
لا ياقمر انا عاوزة تمليك ..ومش عاوزة الحدايق لان سمعت عنها كلام مقلق يعني مش هيدخلها غاز طبيعي يعني هتفضلي طول عمرك تجيبي انابيب وكمان موضوع الضغط العالي ده

ايه موضوع الضغط دة يا هوبي

انا برضو ماحبتش حداسق الاهرام

حسيت انها هاديه اوى وتخوف بليل

بس ماعرفش حكايه انه كمان الغاز مش هيدخلها وكمان موضوع الضغط دة انا مش فهماه

بنات فينكم

انا من الصبح كنت مشغوله فى الشقه وعملت حاجات كتير

ولما صدقت ادخل شوية

*Om Mo3az*;11829384:
اهلا ام وفاء ازيك عاملة ايه
وفوفو ايه اخبارها
مش هتبداي تعلميها الحمام وتدخلي معانا المعركة
ههههههههههه

ان بحاول من يومين
بس مش عايزه تضبط برضه انتى بدخليه الحمام كل اد اه تقريبا
وتوقفى شرب المياه والسوائل قبل النوم بد اد

أجمل ايام العمر;11830576:
انا جيييييييييييييييييييييييت عند ماما نورت البييييييييييييييييييييت

ازيك يا هدى عاملة ايه وازي بلبلة
كل مرة تيجي تقولي انا جيت وشم بنشوفك تاني ههههههههههههههه

رعشة قلب;11830735:
الله يسلمك ايمان

انتى فعلا معاك حق

موضوع الخروج دة بوظلى الدنيا

بس والله كلها خروجات ضروريه مش فسح والله

يعنى مرة لمتابعه الحمل وامبارح كان مع ماما كانت بتعمل تحاليل

بس انهاردة بقي حسن ملخبط كدة ومجننى على الاخر

ان شاء الله انا ناويه الاسبوع الجاي ماخرجش خاااالص وربنا يسترها ياااااااااااااااااارب

بس حسن عنده معاد مع الدكتور يوم الحد الصبح هو دة الخروجة الضروري

وربنا يسترها والاسبوع الجاى يمر على خير بدون ماضطر اخرج

ربنا معاكي يا شيماء بس بجد انا بقول لك كده عشان مصلحتك مش تفضلي تتعبي نفسك وتيجي تخرجي تبوظي كل اللي عملتيه
معاذ انهرده الحمدلله الحمدلله ماعملش في الشورت ولا مرة وانا متابعاه لما بقول له بي بي ويقول لي لا ويبقى مصمم انه مايدخلش الحمام فعلا مش بيعمل في الشورت لما يكون عاوز يعمل وبقول له يلا نعمل بي بي بييجي معايا الحمام
انهرده احسن يوم بفضل الله
وربنا يهديه هو وحسن يارب ويتعلمو بقى
انا قررت اني مش هلبسه بامبرز انهرده ان شاء الله لما ينام ولما اقوم الفجر هصحيه يدخل الحمام
والله المتسعان

رعشة قلب;11830849:
بنات فينكم

انا من الصبح كنت مشغوله فى الشقه وعملت حاجات كتير

ولما صدقت ادخل شوية

انا جيت اهو ومحدش هنا
ماما كانت عندي جاية جايبة حاجة حلوة لمعاذ بتقول له عشان بتعمل بي بي في الحمام هههههههههههههههههه
بس طبعا وهي ماشية قعد يعيط وكان عاوز يروح معاها ماسكتش غير لما جبت له موز هههههههههههه

cat2006;11830964:
ان بحاول من يومين
بس مش عايزه تضبط برضه انتى بدخليه الحمام كل اد اه تقريبا
وتوقفى شرب المياه والسوائل قبل النوم بد اد

ربنا معاكي ويهديها يارب
انا الاول كنت بدخل معاذ كل 10 دقايق او ربع ساعة بالكتير وهو كان بيعمل كتير الاول بس واحدة واحدة بقى يعرف يتحكم في نفسه ومش بقى بعمل غير كل ساعتين
خليكي كل شوية اعرضي عليها وكده ولو عملت في البنطلون اقعدي قولي لها كده كخ عشان تقرف وهتحب انها تعمل في الحمام بعد كده
انتي بتعوديها ع البوتي ولا التواليت

ايماااان

انتى فين

انا كل ماجي مش الاقي حد

السلام عليكم ورحمه الله وبركاته


ازيكم

انا زهققققققققت
كل شوية اتكلم مع معاذ واقول له لما تيجي تعمل بي بي نروح الحمام ونعمل هناك
كل شوية ييجي يزقني ع الحمام ومش بيعمل
ههههههههههههههههههه
بيشتغلني بس انا زهقت بقى اوي

انا هنا من الصبح يا شيماء ومحدش بييجي هههههههههههههههه
ايه الاخبار انهرده طمنيني

وعليكم السلام ازيك يا صوت العيون وازي سندس

انا جيت ازيك يا ايمى وازيك ياشوشو

محمود شغال زن ومزهقنى خالص عمال يشاور على كل حاجة وانا مش فاهمة عاوز ايه وبيعيط

وقاعد يلطشلى ويشد فى شعرى خنقنى خالص لما بيكوت تعبان بيبقى مزاجه زفت

الحمدلله يا سالي
مش انتي كنتي عند اختك انهرده
ايه اللي رجعك بدري

سلامة محمود مش هتوديه لدكتور

انا جيت تانى كنت بشوف الماتش سلامة محمود يا سالى و ربنا معاكى يا ايمان انتى و شوشو وكات فى التويلت دى حاجة متعبة قوووووووى بصراحة



بس الدكتور كان بيقولتقعدوا البيبى كل نص ساعة 10 دقايق و تقولوا براااااااافو حتى لو معملش و بعد كدة هو هيتعود واوعوووووا تزعقوا لوعمل فى الهدوم و ربنا معاكم و يقوينا كلنا

انا بشد فى شعرى من لولى زن زن زن و عايزة بس انى اشيلها و خلااااااااااااااااااااااااص و اقف بيها كمان

انا عايزة افصلها فى اوضتها دلوقتى كدة بدرى ولا ايه ..؟؟

يارب يا هدى
احنا فعلا متبعين نظام التشجيع انا وباباه وماما بالتليفون ههههههههههههههههههههههههههههه
ربنا يعينا يارب وعقبال ما لولي تكبر وتتعود هي كمان

انا بدات انيم معاذ في اوضته وهو سنة بس دكتر ياسر نصر قال من ست شهور بس انا ماكنش بييجي لي قلب بصراحة وكمان لما معاذ كان ست شهور كنا في الشتا فكنا بندفى مع بعض في السرير وكان هيبقى صعب عليا اني اقوم كل شوية في البرد كده
نيمته وهو سنة واتعود انه يبقى نايم لواحده الحمدلله
بس دلوقتي احنا في الصيف اهو ممكن فعلا تنيميها في اوضتها
ومش صغيرة ولا حاجة بالعكس كل لما تكون صغيرة كل ما تكون مش فاهمه وهتكبر وهتبقى اتعودت انها نايمة لواحدها

*Om Mo3az*;11831557:
انا هنا من الصبح يا شيماء ومحدش بييجي هههههههههههههههه
ايه الاخبار انهرده طمنيني

النهاردة حسن قام الصبح اول ماصحي عمل فى البامبرز الاتنين

وبعد الفطار قعدته على البوتي تلت ساعه وماعملش استنيت ربع ساعه ورجعت تاني قعده تلت ساعه وماعملش برضو

وانا بلبسه الاندر ولسه ماكملتش لبس لقيته بيعمل وهو واقف وطبعا نزلت فى الهدوم

راح مسكها وبسرعه قعدته على البوتي كملها

بعدين انشغلت انا فى شويه حاجات فى الشقه وبصراحه غفلت عنه

لقيته عمل تانى فى الاندر كان بعد العصر

واخر مرة بقي بعد المغرب عمل فى الاندر كنت مقعداه على البوتي وعمل فيها وبعد 10 دقايق لقيته عمل تانى فى الهدوم

واهو كل تلت ساعه بقعده عشان مادهوش فرصه يعمل تانى فى الاندر

انا تعبت اووووى والحمل تااااعبني جداااااااا وظهرى مش قادرة اتحرك منه

الفقرات القطنيه مموتانى

ربنا يهونها يااااارب

موضوع تدريب التواليت دة تاعبني اوى ونفسي اخلص منه بقي

طيب يا ايمان فى الشتا برضو كان بينام لوحده ؟؟

طيب وكل شوية تغطيه ازاى

حسن طول اليل بيرفع الغطا من عليه ولازم كل شوية اغطيه