هذيــان;11869425:
اختي احتمال قبل زواجها تسوي جلوة وغدا في يوم واحد او بس جلوة ويوم ثاني غدا
المهم \ يوم الجلوة اي احلى البس فستان قصير او تنورة قصيرة وبدي او جلابية؟
رآيي مثل باقي البنات
انج تلبسين جلابية .. في الجلوة الجلابية وايد تطلع حللوة
واذا انتي مثلي من النوع اللي يتوهق مع الجلابيات .. دوري لج شي ناااعم يناسب البنوتات
او تكون مزيج بين الجلابية والفستان .. بتطلع حلوة :ok:
انج تلبسين جلابية .. في الجلوة الجلابية وايد تطلع حللوة
واذا انتي مثلي من النوع اللي يتوهق مع الجلابيات .. دوري لج شي ناااعم يناسب البنوتات
او تكون مزيج بين الجلابية والفستان .. بتطلع حلوة :ok:
ع ـذبة المشاعر;11870276:
بنات ممكن تدلوني مركز صابرين للتجميل و صالون اللي فيه صفيه شويطر اذا كنت جايه من دوار الساعه ..
تقريري لليوم
الحمد لله كملت جولتي على محلات الفساتين . رحت اول شي احلى الوصايف اللي في بوكواره احس ما عنده شي عدل للايجار واذا ابي بيسوي لي تفصيل لبسة اولى وبياخذ وقت فطلعت من عنده ورحت رومان ديزاين . طبعا اقل فستان للايجار عنده على 300 ووبعدين حسيت فساتينه كلهم موديل واحد مادري شلون :057: ومو زاهيين اغلبهم فيهم دانتيل بيج مايل على رصاصي فاتح مادري شلون , بس شغله نظيف ومرتب من قلب ..
طلعت من بو كواره ورحت احلى العرائس في الرفاع حسيت فساتينهم جيب :01: وكلهم مثل نوعيه الخلق هذا التور اللي يلمع واجد ويطيح منه زري مال تغليف التوزيعات :041: بس اسعارهم رخيصه حق ايجار ويسون تفصيل لبسه اولى
وعقبها رحت لولو هايبر ماركت اللي في الرفاع اشوف الساريات اللي عنده وبعد طلع مخلصين ومافيه الا جم قطعه ما دشوا مخي ذاك الزود
مشيت ورحت سوق واقف اول شي دخلت ليالي الفرح .. عندها فستانين اوف وايت جدد وتفصيلهم مظبوط وشغلهم مرتب بس المشكله شنو اي فستان يعجبني من فوق ما يعجبني من تحت وقالت لي تقدر تسوي لي فستان لبسه اولى خلال اسبوعين وهم نفس الشي اقمشتهم كلها تور يلمع او اغلبها خل نقول
واخر شي رحت نجمة العرائس جان انسحر على فساتينهم :047: الموديلات المعروضه مو ذاك الزود بس اللي نزلتهم لي من فوق جدد وللحين يشتغلون فيهم روعه موديلات غريبه وحلوة وقماشهم متنوع وفوق جذي انهم جدد مو ملبوسين فقلت خلاص بتوكل على الله وبستقر على هالمحل ومابي اروح محلت ثانية لا اغير راييي :085:
**
وخلاص الحين ببدأ في جولاتي على الصالونات لميك اب وشعر
الخيار الاول وحيده وفردوس .. بس بخلي لي خيارات ثانية في حال اذا ما لقيت حجوزات عندهم
وادعوا لي بالتوفيق
الله ييسر لج امورج
خلاص دام عاجبينج الفساتين اللي عندهم .. لاتروحين مكان ثاني لا تتشوش افكارج وتتخزبقين بعدين ما تدرين وين تختارين
موفقه حبيبتي :025:
خلاص دام عاجبينج الفساتين اللي عندهم .. لاتروحين مكان ثاني لا تتشوش افكارج وتتخزبقين بعدين ما تدرين وين تختارين
موفقه حبيبتي :025:
برائة عروسة;11870279:
بقولكم تقرير عرسي اللي صار تاريخ 18 /3 /2010
طبعا احنا ماكنا محددين موعد من قبل كان حدي التجهيز حق العرس اقل من شهر حتى فستاني اخذته قبل اسبوع من الحفلة والبروبات قبل ثلاثة ايام قبل حفلتي ماكان في وقت عدل بسرعة صارت التجهيزات طبعا فستاني اخذته من سوق واقف نسيت شنو اسم المحل بس يصير مقابل البليارد وله محل يسون فلاورز بعد يعني فستاني ويالباقة من عندهم ب180
وصراحة تعاملهم واجد زين خصوصا صاحبة المحل جدا محترمة وطيبة وحبوبة
ندش في التفاصيل فستاني كان اوف وايت وباقتي كان لونه وردي وسكري صايرة وطبعا كل شي من عندهم الطقم والجوتي عزكم الله واكسسورات الشعر
ماكنت ابي افصل لي فستان واخليه في الكبت تجهيزاتي كانت عن الملابس الطلعة مال البيت مجهزتنها من قبل فماتعبت واجد كنت مبرزة كل شي من شنط وجواتي عزكم الله ونعلة وثياب قبل قبلين بس العطور والوشنات اخذتهم ويافترة الحفلة
اني كنت حاطة في بالي مابي اتحنى لانه زوجي مايحب الحنة فقلت مابي اتحنى بس الكل عارضني وخصوصا الوالدة الله يخليها يارب قالت لي ماعلي منج وبتحنن اصرت اني اتحنى فقلت لها اوكي خلاص بتحنى قبل يومين من حفلتي رحت احف عند وحدة من مدينة حمد دوار 19 حفافه واجد يعجبني ما اروح الا عندها تصيد حواجبي وحفاف جدا حلو ونظيف
جربت وحدة غيرها ماتصيد حواجبي فرجعت لها وان شاء الله على طول احف عندها وطلعت رحت اشيل شيرة واسوي بدكير ومنكير وتنظيف كامل ورجعت البيت علشان بتحنى واني كنت دايخة حدي لانه الليلة الي طافت مانمت
طبعا ماسويت حفلة حنة لاني اوردي ماكنت ابي اتحنى بس علشان خاطر الوالدة وعلشان اني عروس بس فبس خالاتي وبنات خالاتي اللي جاوا وغنوا علية واستانست واجد وياهم لبست جلابية واجد حلوة مالت الوالدة خخ وعدلت شعري ولبست اكسسوار وحطيت لي كحل ومسكرة وقلوس الحنة عجبني واجد وصبغ لي اول مرة لانه اني مايحبني الحنة واجد والي حنتني اسمها فاطمة الموالي حناها واجد فظيع وحلو وروعة وصورت فيديو بعد اختي صورتني
ثاني ليلة مافي شي راحة بس لي وحق الوالدة عن يازعم بس الوالدة الله يخليها لي صراحة ما ارتاحت ابد وكانت مستانسة واجد لاني اول بنت عندها واكبر وحدة في البيت فرحتها ماتنوصف وكله تصيح علية الله يحفظها من كل شر يارب ادعوا لها ان شاء الله
الله يحقق لها اللي تتمناه ويشافيها المهم يوم الحفلة كنت قاعدة من الصبح سبحت وجهزت روحي لكن مافي احد يوديني الصالون خخ كنت محتسبة على خالتي بس خالتي صارت في بيت خالها ماتقدر تجي لي والمعرس ماكنت ابيه يجوفني فصارت الوالدة تتصل من واحد الى واحد ابوي طبعا الله يخليه بعد ماقصر هو مشاوري كلها هو اللي قام ابها في الشغل كان وماعنده اجازة فاخرشي حصلنا خالي جاء وخذاني ورحت الصالون يمكن يوم اوصل الساعة 11 او 11 وشي طبعا صالون العفراء اقرب لي واني ما اتعامل اللي وياهم اللي عدلتني سهام الشعر وكان صدق عجيب فخمة التسريحة كانت ومكياجي عند نرجس كان ناعم وحلو بس رجلي يقول مكياج خطوبتي احلى رغم انها هي نفسها اللي حاطت لي في خطوبتي
جهزت على الساعة 8 طبعا زوجي تاخر علية كان متوهق على الغترة مو عارف يلبسها قلت تعال نجوف لك اي احد يعدلها طبعا اني مارحت استديو لانه لاسكوب ولاصحارى عاجبيني صورهم طلبت مصورة تجيني طبعا الحفلة تقريبا عائلية اهلي واهلي والفريق بس والناس القريبين وكان في ماتم في بيتنا وطبعا وصلت البيت الساعة 9 او 9 وشي وعدلت روحي وناديت على خالي علشان يجي يعدل غترة زوجي وجاء عدلها المصورة صراحة حلوة وطيبة وتعاملها جدا حلو وحبوبة عن جد محترمة هالبنية حتى اهي اللي جابت لي الصور الى البيت ومارضت تطلع اللي تبي راي في الصور صراحة عجبوني واجد التصوير احلى من سكوب المهم ما نطلع عن الموضوع دخلت الحجرة علشان اصور مع زوجي الا منادين علينا يقولون لي لازم ادخل يبون يجلوني لاني تاخرت لانه جلوتي نفس الليلة طبعا جهزت نفسي علشان ادخل طبعا الملاية ماتقرا اذا المعرس يدخل عندنا استريو واني كنت مجهزة الاغاني اللي ابيهم طبعا اغاني اسلامية قبل لاادخل كنت مخلية شعر لي ووحدة تمشي عندها سلة ورد حاملتنه وكان الشعر عن يازعم المعرس يلقيه بس مو هي يلقيه بس يعني عبارة كانه هو يقول الشعر الى عروسته عقب ماخلص حطيت زفة ادخل عليها طبعا زفة اسلامية بعد دخلت وشوي الا يشير الاستريو صراحة عصبني ونرفزني ذيك الحزة بس الله يخليهم اهلي وربعي كانوا معاي وزوجي هدئوني شوي وبعدين صرت ريلاكس لانه خلاص وصلت الكوشة طبعا الكوشة من تصميم الوالدة الله يخليها خبيرة في هالاشياءات فما قصرت كلش ابد معاي طبعا كان الماتم كل شي مطفى مشغلين بس السبوت لايت بس والدائرة اللي تتفتر وطلع الوان ماعرف شسمها المهم وصلت الكوشة وطفقوا علينا الطفاقيات وحدة صارت صوب اذوني صمخت اذوني وبعدين زوجي رفع عن وجهي الطرحة واخذت لي المصورة جم صورة واني وياه بعدين طلع المعرس علشان يجلوني جلوني واهلي ماشاء الله عليهم ردحوا عليهم وكانوا مستانسين واجد واني كنت مستانسة واجد معاهم عقب ماخصلت من الجلوة دخلت داخل علشان اكمل تصويري دخلت وصورت ورديت رحت الماتم وغنوا علية وردحوا ورقصوا ورقصت معاهم واستانست واجد بعدين نادينا المعرس علشان يتوربونا طبعا امي ملاية تقرا فهي اللي توربتنا وكنت مستانسة واجد وقامت تردح ورجلي للحين يذكر عليها هالموقف بعدين عمتي شببتنا وقمت خلاص علشان بمشي لانه خلاص صارت الساعة وحدة دخلت داخل البيت علشان اغير فستاني لاني خلاص بروح بيت عمي مابي اتغربل بالفستان فلبست بدلتي وطلعنا ورحنا البيت ووصلت البيت توهقت في شيول تسريحتي قلت له يروح ينادي على اخته تجي تساعدني والمسكينة جات وماقصرت وساعدتني وبعدين شلت مكياجي وتعشينا ونمنا كان يوم طويل وحلو يوم ثاني صباح الصبحة قعدت الساعة 11 تسبحت وطلعت عدلت شعري استشورته وحطيت لي كحل ومسكرة وعدسات بس ماحطيت لي مكياج رجلي مايحبني بالمكياج ورحت بيتنا طبعا ماشاء الله اهلي كلهم كانوا هناك خالاتي وبنات خالاتي العائلة الكريمة ماشاء الله لانهم بيتوا هناك طبعا اني كنت لابسة تنور وفانيلة خضراء بس كشخة حزة الغذاء طبعا اني ماتغذيت بس اهم تغذوا دخلت داخل علشان البس فستاني من السعودية ماخذته ولونه احمر الكل عجبه الفستان وحطيت لي مكياج خفيف ورحت دخلت قعدت جاوا باركوا لي كلهم وكنت واجد فرحانة وطخينا صور لما قلنا بس
طبعا يوم ثاني بعد جلوني مثل ماقلت لكم امي ملاية وخالاتي بعد اني كنت ابي الوالدة تجليني مارضت ليلة الحفلة تقول مو عدلة قلت لها اوكي بس يوم ثاني علشان خاطري جلتني هي وخالاتي ولبست بعد سبع مشامير والكل رقص وفرح وردح واستانسوا كلهم وصورنا شقد صور كلهم بعدين صار على تعليقات صدق ايام حلوة ماتنسى عقة الجلوة حطوا القدوع اللي هو مال المبارك واهمشي الحلوى كانت حلوة ولذيذة اكلت منها اني وبعدين قعدنا الكل ياخذ صور معاي وطخينا صور شقد ووصرنا تراث نسيت اقولكم في الجلوة قبل القدوع اللي صارت الكل كان لابسة ثوب نشل وكانوا كلهم طالعين حلوين من جذي اقولكم صرنا ثراث صدق عجيب المهم طخينا صور لمن قلنا بس بعدين اذن والكل قاك يصلي بعد الصلاة قعدت اجوف فيديو الحفلة والجلوة وكان صدق فن وذكرى ماتنسى اكيد وليلة حلوة طبعا ليلة العمر بعدين قعدنا نسولف وحطوا العشاء وتعشينا بعدين اتصل لي رجلي علشان بياخذني ونطلع وجاء اخذني وطلعنا طبعا اني ماسافرت اجلنا السفر الى اسبوع الجاي ان شاء الله راح اسافر
وخلاص تعبت واني اهدر تعبت بناااااااااااااااات ادعوا لي الله يسخر لي زوجي ويسعدني ولله يرزقني الذرية الصالحة ان شاء الله
وعقبال كل البنات ان شاء الله كلهم يعرسون
تسلميييين على هالتقرير
والله يسعدكم ان شاء الله ويبارك لكم
عساها عشرة دآآيمة .. والله يرزقكم بالذريه الصالحه :025:
قلم الذكريات;11871060:عيزت واني ابي اوصل للنهاية مو ملحقة
مبروك عرايس الي تزوجو والي انخطبو
المهم بنات
شرايكم
في شغل صالون نجلاء
افكر اروحه للعرس ... بس مترددة
ومابي اروح سلوى كـ تغير عن الخطوبة
وبعد عندي استشارة
الحين اني كنت قايلة اني بسوي جلوة وعرس مرة وحدة
بس الوالدة مصرة الا اسوي جلوة في مسيد (نفس الشيخ عزيز او ابو رمانة يعني) على قولتها نذر
واني الصراحة ما ابي اسوي ليلتين
ساعات اقول بسوي جلوة
وليلة ثانية بلبس فستاني الابيض وبصور
وساعات اقول بسوي جلوة
وبسوي حلفة عرس
وساعات اقول بخلي الاثنين ويا بعض وفتك
ولا ادري محتارة في وروحي
شرايكم يعني انتو
تحياتي
من رآيي ان كل ليلة بروحها . . احلآآ
مادري ليش هههههههههههههه .. بس احسها وااايد حووسة اذا العرس والجلوة فليلة
يعني حلاة الجلوة العروس متغطية بالبوشية البيضآ .. وتلبس المشامر على راسها
بس في العرس العروس ما بتقدر تلبس بوشية وحتى المشامر بتحطهم شوي وبتشيلهم لا تعفس التسريحة
وانتي في النهاية اختاري اللي يريحج :037:
بنوتآآآآآآآآآآت .. وعرآآيس
انا ما قريت الا اخر 10 صفحات
سوووري ماقدرت اقرا الصفحات الباقية
وحشتوووووووني وآآيد وآآآيد
صار لي فترة مادش .. كان صايدني حادث وانعفست
بس الحمد لله صرت اللحين اوكي
وادعو لي بعد بكرة عندي interview حق شغل
لكل الليي انخطبو وتزوجو هالفترة
ألف ألف ألف مبرووووووك
واللي تجهز لعرسها او خطوبتها
الله يسر لكم اموركم ان شاء الله وتكمل تجهيزاتكم
وان شاء الله لي عودة للساحه الفنية :037:
:087:
مادري ليش هههههههههههههه .. بس احسها وااايد حووسة اذا العرس والجلوة فليلة
يعني حلاة الجلوة العروس متغطية بالبوشية البيضآ .. وتلبس المشامر على راسها
بس في العرس العروس ما بتقدر تلبس بوشية وحتى المشامر بتحطهم شوي وبتشيلهم لا تعفس التسريحة
وانتي في النهاية اختاري اللي يريحج :037:
بنوتآآآآآآآآآآت .. وعرآآيس
انا ما قريت الا اخر 10 صفحات
سوووري ماقدرت اقرا الصفحات الباقية
وحشتوووووووني وآآيد وآآآيد
صار لي فترة مادش .. كان صايدني حادث وانعفست
بس الحمد لله صرت اللحين اوكي
وادعو لي بعد بكرة عندي interview حق شغل
لكل الليي انخطبو وتزوجو هالفترة
ألف ألف ألف مبرووووووك
واللي تجهز لعرسها او خطوبتها
الله يسر لكم اموركم ان شاء الله وتكمل تجهيزاتكم
وان شاء الله لي عودة للساحه الفنية :037:
:087:
