{.ْ!●»«●.ْ!}

°ѕυѕнїfloωεя°;12069546:
شكرااااااااااا هذيااااااااااااااااااااااااااااان والله يخليلج زوجج واهلج ويرزقج بالذرية الصالحة يارب

تسلمين .. ها عرفتين؟ ;)

3sh8y;12069730:

عرآااايس ..,

صبـآاح الخييير والطآاعه

بسألكم سؤآل خآرج التجهيزآات
شسوي من لي أسأله غيركم :o

الحين لآ بغيت أجوف من اللي قيمني
يعني اللسته كآمله .. شلوون !

والله يسعدكم ويوفقكم يآرب

F:

بس طقي على كلمة " لوحة التحكم "
وبتشوفين الي قيموش ;)

هذيــان;12062444:
الستي من فتح للحين ماوقف هالتخفيضات
محل يكمل تخفيض ومحل يبدأ ;) ناوين يفلسونا
اخر مرة رحت يوم الجمعة وكان كذا مكان عندهم تخفيضات

خخخخخ اي والله .. بس اهمه يهبوون في التخفضيات وتجوفينهم مره وحده يصخوون عنهم :lol:

ثانكيوو حبوبه ..

zozo al7aboba;12062482:

هلااااا عرااايس

بقول ليييييكم تقريري لروحت السعودية :thumbs_down:

اول شي رحنا من الصبح وصلنا مجمع فينيسيا على ساعه 9 ونص وكان للحين مو كل المحلات فاتحه وقعدنا نتفرفر عقب ومااااااعجبني ولا شي من الفساتين مادري ليش يا يجون كلش ناعمين او كلش اوفر وبذات لون الاخضر ماحصلت حليوين حق الملجة

وهناك شميت مخمرية شعر بريحة قوتشي خليته في ايدي وقلت ليه عقب برجع ليك بس صدق صدق ريحتها مو طبيعية عجيبة عدل بس طبعا حظي فقر على الاخير كنا بنمشي ضربت في راسي ابيه وقعدت ادوره وماحصلته وطلعت من المجمع وخاطري فيه

عقب اذن رحنا صلينااا في المسجد وعقب رحنا مجمع جمعة سنتر بس كان مسكوكين المحلات وقال لينا السكورتي مايفتحون الا ساعه 4 قام راعي الباص ودانا الكرنيش وطبعا امي وخالتي لازم المرضعه وياهم قصدي القدو مايستغنون عنه بسطنا لوقت الغدا رحنا تغدينا في ملك المندي تغدينا وانسدحنا لانه غرفة مسكرة لساعه 3 ونص طلعنا رحنا جمعه سنتر وبعد كانو مو فاتحين للحين كل المحلات

دخلت محل عطور واخذت ليي عطر بربري قديم بس خاطري فيه من زمان

وشوي فتحو المحلات ومن محل لمحل ندور فساتين وصايرة سالفة بالعناد ويايي اي شي يعجبني يا يكون سعره واجد مرتفع او مافي مقاسي هههه وانقهررر حدي

وفي الاخير رسيت على فستان حليو بس بعد ترددت عليه وقلت يمكن نروح سوق الحريم واحصل احلى

امي واختي اخذو ليهم من جمعه سنتر فستان اختي كلش عجبني فوووشي وفيه شك وكان اخر قطعه ومو مقاسها كان واسع وسالفة على ماوداه وضبطوه وعطاها اياه ب 800 رياااال :biggrin: بما انه اخر قطعه

عقب رحنا طابا على السريع والحياة بلازا وكنا بنروح سوق الحريم بس راعي الباص قال لينا بوديكم في الخبر شارع سويكت وكان الوقت متاخر على 11 ونص رحنا معظم المحلات مسكره وكله قطع مافي فساتين جاهزة الا جم محل

وكان في محل عجييييييييييب من قلب بس اسعاااره نااااار كله فوق 500 دينار لفستان السهره

وبس قلبي عووورني لاني ماشتريت شي غير العطر وملابس داخليه وطول الطريق احس فيني الصيحة ومتضايقة لاني ماشتريت فستان

ادري عورت رااااسكم تقريري طووويل بس اذا ماعليكم امر عطوني محلات في البحرين فساتين سهره لاني مابقدر اروح السعودية مرة ثانية

تحيااااتي....

تسلمين على التقرير خويتي .. مثل ماقلتي فينيسيآ يآ نـآعم كلش ومآينآسب مثلآ

حق وحده بيملجون عليهآ والا اييج وايد اوفر وفيه شك وانا ذي اللي يبط جبدي فيهم مجمع

فينيسيـآ :thumbs_down:

مجمع الخبر يقولون احلى فساتينهم .. وانا صج جفت من 3 اسابيع صديقتي واهلها ماخذين

من هناك وايد عجووبيين ويصلحون حق ملجه .. :thumbs_up:

حلوة بمعانيها;12063379:
خولة عندها صالون خولة للتجميل في المحرق وإنتي نازلة من الجسر الجديد تروحين كله سيدة وتدخلين الشارع الصغير يم مذر كير واتروحين سيدة وعقب الدونت في لفه يمين بس وصلتي خير هذهوه الصالون وإحذاه محل إناره.

اللي سويته مثل هذي ناعم وراقي 25 دينار مع بودره الجسم واللمعه بس الآي لاينر بس فوق وتحت شدو، حبابه خوله واتسولف وتستخدم مكياج بن ناي وهي الوكيل




عذبة المشاعر

الغطاء المغربي هذي مو ساتر يعني يبان الشعر والرقبة بعد أقصد دور ما دور الويه والأيادي بعد تكون مكشوفه، هو صج شكله حلو لكن مو عملي للمتحجبات.
أفضل شي تلبسين قميص حرير وشيله بلون الفستان وأحسن الشيلات اللي على قطن اللي بدينارين وفيهم كراكيش ع الطرف.

بنت فاضل

ما يحتاي تسألين قعدي وأخذي علبة الشدو وحطي لج كل يوم لون لين تحسين إن هاللون طالع عليج أحلى وإختاريه.

زين عروسات عندي سؤال

لما أسوي منكير وبديكير تنشف يدي وريولي وأقعد أسوي خلطات وبلاوي بس عشان ترجع يدي ناعمه، عندكم نفس المشكلة وإذا لا قولو لي في أي صالون سويتوه؟؟؟؟

يمكن يصيدج الجفاف من الماركات اللي يستخدموونهآ في التنظيف ..

انـآ جذي جربت كذا صالون وطلع السبب ان ريلي تنشف من ادوات التنظيف تبعهم ..

غيري وجوفي صالون ثاني يمكن اوكي تصير ريلج بعد البدكير .. :thumbs_up:

سراب الأمنيات;12063563:
السلام عليكم ..


شخباااركم بناااات وحشتووني :L:

رجعت لكم بعد غيبه خبركم زواج ومسؤليه :lol: << صرت مره


والحمد لله عدى زواجي على خير بالرغم من بعض العراقيل لكن الحمد لله

وحبيت اشكر كل من حضرو زواجي شرفتووني والله واستانست بشوفتكم

وحابه احط لكم تقرير عن يوم الحنه & الزواج

**

طبعا تاريخ 14 /4 يوم الحنه وما كنت حاطه في بالي اخد جلسه لانه كنت بتحنى بروحي في البيت بس امي الله يحفضها خدت لي جلسه صغيروونه للحنه ولبست ثوب نشل اخضر و سويت شعري في البيت استشوار وستريتر وحطت ليي اختي مكياج وجت زينب ام محمود البيت بعد صلاه المغرب


وبعد ماتحنيت وعجبني الحنه طبعا ماقصرت ماضل شي ماخليته في هالايد بس علشان يغمق الحنه

ويوم ثاني قعدت من الصبح الا الحنه غمق واستااانست بس الطاامه الكبري :-o

جت المغرب قعدت الاحظ في الحنه احس صاير لونه مصوفر مادري شلون في جف الايد وفي الاصابع مثل اذا وحده من زماان متحنيه والحنه بدت تطير :(



استغرربت من ويييش جدي مادري بالرغم اني ماسويت شي وماقصرت واني احط فيها فازلين ليمون فكس :thumbs_down:

وفي الليل جت حميده ام محمد حنت خوواتي تصدقوون حنه خواتي اغمق مني صاير بالرغم انهم متحنين عقبي بيوم مادري شالسالفه هل حناها ما يغمق او الخلل مني مادري بس اني عادتا يغمق فيني الحنه بس هو الصراحه الحنه ماعليه كلااام حليوو وعجبني بس مثل ماقلت ليكم ماصبغ ماتهنيت فيه الصراحه :'( جم يوم وطار كله

**

ويوم ثاني يوم الزواج 16 /4 المكياج عند صابرين كمال والشعر العفراء

بس صابرين قبل العرس بجم يوم اتصلت قالت انها انتقلت صالون غير واني حاطه في بالي اركب اضافر في صالون ليلو وهي في صالونها الجديد لحين ماعندها

قلت خل اروح اول صالون ليلو وبعدها اروح صالون صابرين لان مو بعاد عن بعض

وصابرين قالت تفتح صالونها 12 ونص وتبدي توزع ارقام فطلعت من البيت من وقت اني واختي ورحت اول العفراء اخدت رقم ودفعت باقي الفلوس ورحت بعدين صالون ليلو سوينا شعرنا استشوار اني واختي وركبت لي اضافر ( فرنش منيكير )
سالتني الفلبينيه انتي عروس قلت اي ما اشوف يغنوون ومادري ويش يسوون :lol:
ووحده منهم تقول ليي ليش يعرس عرس مو حليو :worn_out:

بعد ماخلصت رحت صالون صابرين كمال على الساعه 12 وشوي على ما اعتقد المهم كان قبل 12 ونص بس من رحت الا الصالون مفتوح وفيه ناس يعني قبل 12 ونص مفتوح قصت عليي شكله :mad: المهم عطو اختي رقم واني ماعطتني العرايس ماتعطيهم ارقام

بس قعدت شوي الا جت نادتني ووياها وحده مادري شسمها المهم خلتها تحط لي الفونديشن وقالت ليي لين خلصت من الفنوديشن بحط لش المكياج بس العيون وبعدين بكمل الباقي حق اذا عندش شي بتسويه او بتاكلين

قلت اوكي بس يوم خلصت من الفنوديشن قالت ليي صابرين بحط لش مكياج الحين علشان لا تتاخرين ومادري شنو
وكانت تقريبا الساعه 2

قلت عجل بروح البس عدسات قبل بس المصيبه :confused:

ماعرفت البس العدسات من الاضافرالتركيب عاانيت احاول احاول ماعرفت والفونديشن الي خلوه اعتفس والحاله حاله وجت اختي ويايي ومافي فايده بعدين رحت هناك لصابرين وقلت ليها مو عارفه احط العدسات وخفت تزفني لو شي على الي عفسته بوجهي :lol: >>> ههههههه متعقدين منها بس ترى هي كلش كلش عاديه بحكم تعاملي وياها هو صح فيها شوي غرور ونزاره مثل ما قالت اختنا حلم اهني بس بالنسبه لتعاملها مع الكستمر كلش عادي المهم قلت ليها اخترب الفونديشن قالت ليي عادي وهي الي حطت ليي بعدين العدسات بعد عناء شوي بس في الاخير انحطو :D


وبدت تحط ليي مكياج واني ماقلت ليها شي مادري وين لستتة الحجي الي كنت امبرزتنه :!!: حق اقول ليها يازعم ملاحضاتي عن الحواجب والقلتر والبلاوي انبلع الساني :worn_out: هههههههه وقبل ماتبدي قالت برفع حواجبش شوي قلت ليها ماعليه بس مو واجد قالت لا مو واجد وهي تحط المكياج كنت اشوف روحي من المنظره الي قبالي صايره بعيده شوي
شكلي يخووف اشوف اسود واجد قلت الله يستر :-# وبعد ماخلصت اشوف روحي اقول في خاطري وييع ويش هذا وقالت ليي روحي نطري لما تناديش دي لي وياها حق تكمل باقي المكياج يعني صابرين بس حطت لي عيوني :rolleyes:
قعدت اطالع المكياج حسيته على صوب واجد طالع بره شوي ويوصل لاذوني :lol:

اقول ليها مو كنه واجد هني تقول لا عادي لان لحين ما اكتمل المكياج


وطلعت رحت لاختي وهناك الكل يطالعني كني جنيه بس عيوني فيها وباقي الوجه حالته حاله ^o)

اقول ليها ويش حليوو قعدت تتامل فيي تقول حليوونعومي مثل ماقلتين تبين واني مو مقتنعه اقول شكلها تقص عليي :lol:

بعدين اختي قالت بتطلب غدا من هارديز عاد تبي العنوان راحت للرسبشن قالت ليها الي هناك مايصير تطلبون اذا تبون اخدو من المطعم الي تحت مادري شسمه

بعدين راحت اختي تشتري

شوي ونادتني الي وياها وكملت باقي المكياج وعقب ماخلصت عجبت بروووحي :D:D

لان اكتمل المكيااج الصراحه حليووو لا كلش ناعم ولا دفش .. واجد عجبني كان مناسبني بالرغم اني ماقلت لها شي بس حطت لي شي مناسب وجهي :thumbs_up:

ويوم رحت هناك الكل يطالع فيي يقولون ليي حليو :adore:

و كانت الساعه 3 واني خلاص خلصت

بعدين الا اختي تقول طلع ممنوع الاكل في الصالون واختي مافهمت عليها عدل فكرت ان مايصير نطلب من اي مكان بس من المطعم الي تحت

طلع من الاسااس ممنوع الاكل :thumbs_down: بس اني اوردي مخلصه مكياج كامل مابقدر اكل قلت عادي مو لازم آكل .. واختي مسكينه جوعانه كانت

ويش النظام الفاشل عجل الناس يموتون من الجوع :|
خدو الاكل خلوه عندهم لما نطلع ناخده :worn_out:


وطلعنا من الصالون بعدين الساعه 5 ونص على ما خلصت اختي ..


بعدين رحنا العفراء حطيت اغراضي ونطرت شوي بعدين نادتني سهام وسالتي اول شي ويش في خاطرش ارتحت لمعاملتها عجبتني ;) قلت ليها ابي مرفوعه قالت تبين مرفوعه كامل لو من الرقبه تصير قلت ليها ابي من الرقبه بعدين بدت فيني وماضل شي ماحطته في هالراس صار كنه جبل ثقييل :lol: حتي هي تقول ليي ثقيل له :p

ويعد ماخلصت وكانت تسريحتي كششخه الصراحه وكان اكسسوراي تاج وحطته ليي وكملت لبست الفستان وكان حليو عليي ومرتب بس وسييع شويونه من صوب الصدر واني قايله ليها تضيقه ولا ضيقته :!!:

وبعدين جه ليي زوجي اول ماركبت السياااااره انصدمممممت :-o:-o
من الباااقه نتفه حدهااا وغير عن الي اخترها كلش كلش بس لون واحد وردي وصغيروونه واااجد والي اخترتها مفروض لونين فوشي ووردي وفيها اورود صغار بيضان ولولو كل هالاشياااء بح مافي انقهررررت عدل عن بدي اروح ليه انتفه :mad::mad:

وقلت لازم بروح ليه عقب العرس ازفه واطلع حرتي بس انشغلت ولا قدرت اروح :thumbs_down:

انزين وبعدين في طريقنا لسكوب احس رااسي يدور وشوي وبرجع <<< من الجوع :'( واني طبعي من اركب سياره ومو ماكله شي يدور راسي وماقدر قلت شكلي اليوم لا بروح العرس ولا شي :-o

وزوجي مسكين خاف :lol:
قال باخد ليش اكل مارضييت آكل بس علشان لا تخترب حمرتي :worn_out: بس شربت بندول وماي وعصير وحسيت روحي صرت شوي احسن :D


بعدين وصلنا سكوب وشوي وبدينا تصووير


واني يصوروني اتحلطم على الباقه كنت منقهره حدي :mad: وزجي يضحك عليي :lol:

وعلى ماطلعنا ووصلت الماتم جت 10 وعلى طول دشيت

وكنت ماخده الملايات ام ساره وام الخليل وكانو عجيبيين الصراحه :thumbs_up:
بس خساره محد شجعهم عايلتنا كلش ما يشجعون :thumbs_down:


وخلاااص عدت الليله على خير الحمد لله ,,



والحمد لله كنت راضيه عن روحي عجبت رووحي :D :thumbs_up:

بس الي خرب عليي البااقه :mad: والفستان شوي وسيع >> خب لازم تطلع اشياء مني مناك :worn_out:

بس الحمد لله عدى كل شي على خير ..

ودعواتكم لي بالتوفيق والله يتمم لينا على خير ..

وعقباال العزاابيه يااارب ..

وشكر خااص لكل من ساعدني واستفدت منكم واااااجد

**

وهذي مقتطفاات كلش بسيطه ..

ثوب النشل الي لبسته ليلة الحنه



وهذي جلسه الحنه صغيرونه وبسيطه



وهذوله اكسسوراتي مال الزواج

التراكي & السويره



التاج




الخاتم



الصور شوي صايرين مظلمين بس في الواقع يشرقون ويبرقون :p


وهذا حق الي بتقيمني :lol::lol:






واتمنى التقرير يعجبكم :D ..

هلا هلا سرااب .. الف مبرووك وعقبال الذريه الصالحه ان شاء الله ..

تقرير حلوو وعجيب .. وعن الباقه لازم هالدقااات تصير حق الكل مادري ليش ..؟

ماتلاحظون اكثرية البنات كله يتنرفزون من الباقات :lol:

يالله معلي اهم شي استانستي وطلعتي بالشكل اللي تبينه .. واكيد طلعتي قوومر .. :lol::D

الله يهنيج ان شاء الله وتم التقييم وثانكس على الجوكليت بتذبحينه من الشيره ههههه :lol:

أنا الشوق;12063710:
سرووبه

كلولولولووووووش

والله كان ودي أحضر لج وحق ورد
بس شسمه أم حمار شرفت وتميت منسدحه ومتحسره خخخخخخخ

حسيتج صرتي كشخه حدج :thumbs_up:
وعجبني تاجج


انزين عندي لكم تقرير صغيرون

أمس طلعت من الشغل ورحت صيدلية ناصر، خذت لي أظافر تركيب ومصاص بلاعيم :'( وشوية خرابيط
وبعدين رحت نايس نيلز الا كانوا في 3 وحدات قاعدين يسوون لهم
قالت لي عندج موعد قلت لها لا
فيازعم جيكت الدفتر خخخخ وقالت لي قعدي انتظري شوي
تميت انتظر يمكن خمس دقايق
ياتني الا تقول choose your colour قلت لها ابي بدون كلر
فقعدوني على الكرسي وجان يشغلون المساج امبيييه دخت حدي :lol:
في وحده مسويين لها فرنج وكان حلو ومرتب
والثانيه كانت راعية الصالون حاطين لها بولش

وانا سويت لي بدكير ومنكير
خليتها تقص أظافر يدي نفس الطول كلهم، لأن نصهم طوال ونصهم قصار :D وكان شغلهم حلو
وخذوا علي 7 دينار، يعني نفس أسعار المحلات الباقيه

وعندهم بعد كاتلوج حق لانجري،، نفس اللي يبيعونهم في المواقع والمنتديات جذي ومكتوب رقم تلفون راعية الكاتلوج وفيه جم غرض حلوين

وبس طلعت وشريت لي فتوش ورديت البيت والمغرب رديت طلعت حق جم مشوار وخذت لي عدسات زرقا حق الليله :cool:

عاد اليوم قعدت الصبح الا أصابع يدي يعوروني :confused: وظفر ريلي الصغير بعد يعورني :confused: أظن نتفوا الجوانب زياده عن اللزوم
:'(

وطبعا الليله عندنا الخطوبه
و للحين ماخططت برنامجي عدل

حماتي تقول لي تميرضي وحطي راسج على المكتب وطلعي من الشغل :lol:

ههههههههههه صادتج رضات شوقو


بنووته حلوه ..

لاتحاتين ابووي .. ابتسام شااااطره وابصم لج بالعشره بتطلعج روووعه ..

واهي تضبط لج كل الالوان .. :thumbs_up:

حكآية غرآم ..

عن الباقات .. اهم شي انج تودين صورة للباقه اللي تبينهآ .. بعضهم ترى غاليين المحلات

بس مايضبطوون لج نفس الستايل اللي تبينه .. انا عندي اهم شي يضبطون نفس الباقه

اللي تبينهآ .. ;)

حكاية غرام;12064238:
بنات شرايكم في سكوب
انا حجزته حق خطوبتي
عرض 200 دينار
بس سووه لي 150 لان من طرف شهرزاد ..
بصراحة شفت الالبوم ما عجبني
بس كنت مستعيلة وحجزته
وما ابي اندم !!

اهو وصحاري بنفس المستوى .. بس المشكله اذا مو حلوو تلاقين على حسب الفرع

وعلى حسب اليد اللي تشتغل على صوورج ..

تراجي ام الزين كله;12065335:
فتيات ابي اخذ رايكم بين هالمظلات ممكن تقولون اي احلى فيهم؟ للعلم انه ابيها مكس وردي وبرتقالي بس اقصد التشكيله فيهم







واحد عنده صوره لمسرح معتمد ع المظلات هههههه مادري شقاعده افكر فيه

تراجي ام الزين كله;12065515:
تسلمووون فديتكم

انه مبدئيا مفكره بالاولى حسيت طريقه الشك فيها مرتب وفنان

اممممم شاقولج
ابيها للزفه ان الله راد وتيسرت الامور باذن الله

وابي اسوي كذا وحده اخليهم للمسرح بس يعني شلون بسوي وحده برتقاليه ووحده ورديه وهلون كذا وحده

انا عجبتني اول وحده واايد عجييبه ..

اذا متحيره باالالوآن .. اقتراحي تحطين بدل الذهبي او الاصفر اللي بالمظله تخلينه برتقالي

واالاحمر تخلينه وردي بتطلع حدها واااااااو .. :adore:

ترجيوو احسج تحبين الوردي والاورنج واااااااايد .. :D

أنثى الـ نون;12066351:
بنات شرايكم في مكياج عائشة الريس

واي احلى مكياجها لو مكياج صالون صفـــاء !!

عايشه انعم من صفاء ..

انا جفت صفاء وحلوو ..

ويمدحون صفاء اكثر .. :)

آنسه عسل;12066934:

مرحباا ..

شخباركم ؟؟ وحشتووني F:

بنات بليزز ردوا عليي كلكم بدون استثناء واللي ما ترد بزعل عليها :sick:

اول شئ ..

ابي اشتري لي ميك اب .. شنو اشتري لي كعروس ؟؟ و من وين ؟؟

وابي اشياء رئيسية لان اوردي لما اطلع ما احط لي ميك اب بس قولوا لي شنو اشتري ؟؟

ثاني شئ ..

ابي احجز ابتسام كمال خاطري موت فيها :adore: بس مستصعبه السالفه وحدي

محتاره اروح لمين ..

برايكم لو اقولها تجيني تقدر تجيني صالون الرونق تمكيجني هناك ؟؟ :hysterical:

او اقدر اروح لها تمكيجني الساعة 1 ؟؟

وهل تتوقعوون ان لو رضضضضضضضت بعد عناء معنى ما اتوقع ان اروح

اتمكيج بعدين اروح الرونق عشان تسريحه ؟؟؟

وبعد لووو رضت ابتسام تجيني الرونق ..!! الرونق بيرضوون ؟؟

ثالث شئ ..

ابي افصل ليي عباايتين للخطوبه .. انه اقول بفصلهم نهاية شهر 5 ..

ع نص 6 جاهزين .. شرايكم ؟؟ حلو الوقت ؟؟ وبعدين شنو افصل ؟؟

شنو موضة اللي طالعه ؟؟

رابع شئ ..

التوزيعات وربي تعبت ابي شئ محتااره انه اوردي بحط التوزيعات لسفره العجم

بس ما راح اوزعهم الا ليلة الخطوبه شنوو اسوي توزيعات .. اللي عند حسين الشجار

كميه قليلة وغاااليه .. وابي شئ حلوو .. ع قولتهم رخيص وقوي وواجد :worn_out:

خامس شئ ..

انه فصلت لي فستان عند كبرى القصير .. وكلمن اسمع يقولون انه تفصيلها مو حلووو

وان اخر شئ يفكرون يسووونه ان يفصلون عندها .. انه من اسمع جدي .. انحبط !!

واقول ياااااااااااااا ربي ليكون الفستان يطلع دمار ^o) .. وانه خلاص فصلته وع نهاية

الشهر بنادوني اسوي برووفه !!

سادس شئ ..

بس :adore: اللي ما ترد علي بزعل منهااا :-o واللي تطنشي هم بزعل منها 8o|

تراني عروس وما يصير ازعل :rolleyes: هههههههههه .. امزح بس عن جد فيسووني وردوا علي ..

ولحد يقول لو تابعتي الردود فيه بعض استفساراتج ..

ادري بس اني ما اقدر القط 100 صفحه في اليوم :I: الصلاة ع النبي ..

ااحفظ شنو ولا شنووو :worn_out:

يلا يا حلوووين انتظر ردودكم :thumbs_up:

عن ابتسام كمال مادري والله اذا يصير تمكيج في صالون او يقبلون الصالون ان تمكيج عندهم

مع ان ماعتقد يصير ..

أنـآ اقول اذا خاطرج تمكيجج روحي حق الشعر من وقت وعقب روحي حق ابتسام علشان

تخلصين كل شي من وقت وتروحين شوي البيت تريحين عقب تسوين باقي شغلج ..

عن الميك آب ..

خذي لج مسكرا للحفلات والايام العاديه ..

خذي لج جم نوع من البلاشرات وخذي لج بالعلب احسن يعني يكونون كذا لوون في بووكس واحد

حتى الشدووهات ..

يعني خذي البلاشرات المخمليه والكريميه والماات اللي فيهم لمعه واللي مافيهم ..

وحتى الشدوهات خذي المائيه للحفلات مع المخمليه

والمات اللي فيهم جلتر والمات العاديين والكريميي ..

خذي لج روجات مات وفيهم لمعه وكريميين

خذي لج غلوسات فيهم جلتر وبدون والحين طالعين بالغلوسات المات وايد عجيبين للحفلات ..

خذي لج كذا لون من الكحل يعني اسود .. بني .. ازرق وهالسوالف ..

اتمنى افدتج :) ..

قمر فاضل;12067790:

سلام بنات اليوم رحت سكوب جفت ألبوم ديجيتل بـ 90 دينار على ما اظن فيه 40 صورة

وبما اني حاطة ميزانية للتصوير 170 دينار وخاطري في البوم ديجيتال وام يوسف قالت ليي البوم الديجيتل عندها بـ 170 بس A4 والالبوم العادي ب 80 قلت اضرب عصفورين بـ حجر

أخذ البوم سكوب ابو 90 ديجيتال < واصور داخل الاستيديو
واجيب المصورة ام يوسف تصورني في الماتم او ويا رجلي في البيت بـ 80

وبيصير كامل 170

وبيكون عندي البومين بدل البوم :o واحد عادي واحد ديجيتل

شرايكم بنات؟

ولو سمحتون احد يطرش لي رقم ابتسام كمال ضروري

بطرش لج رقم ابتسام كمال .. :thumbs_up:

قمر فاضل;12067986:

نسيت اكتب تقرير اليوم

اليوم طبعاً كملت امتحانات وكان يوم جداااااااااا مرهق لأن عندي امتحانين رحت الجامعه الساعه 9 الصبح وما طلعت الا 3 العصر وكانت حالتي حاااااااااالة لازم أحف < فواصلت التعب ودااااااايركت على صالون لطيفة مدينه حمد < وصلت على 3 وربع وقلت لهم ابي شايني للحفاف قالت لي 3 ونص تبدي تشتغل لأنها بريك وقبلش وحدة .. وقتها حسيت اني بنقع بس قلت يالله( الميت ما تهمة الطعنه )والحمدلله ان ما جت 3 ونص الا هي جاية والي المفروض قبلي ما جت فبدت فيي الصراحة الانسانة احب حفااااااااافها واااااااااجد حتى لو اروح ليها حواجبي مختربين تعدلهم واذا الله كتب يمكن اروح ليها لعرسي :o تحفني .. كملت حفاف او وييينك يالبيت < توني حاسة بقرحة آخر يوم اجازة وصلت البيت ودايركت دخلت اسبح ما طلعت الا خطيبي يقول يالله نروح الى بنت خالتش < بنت خالتي راجعه من امريكا ومن وقت طويييييل ما جفتها رحت ليها وقعدنا وسولفنا للمغرب وقال ليي يالله قمنا طلعنا ورحنا نشتري الى خدامتنا تلفون :cool: من هوم الكترونك واني كنت كل اطحن عليه ابي اروح محل في جد علي جفت اعلاناتة في النت اسمة _ ليدي سوفت _ جفت فيه صور لبجامات رخاص اممم رحته احس يعني الصور شكلهم غير احلى بس لأن ملبوسين في الصور وشريت ليي 4 بجامات جدا رخاص على 7ونص و6 وطلع التوتل 24 دينار دفعت ودخلت محل صوبة فيه عبايات عجبوني عباياته بس قلت خل اروح اول السعودية اجوف ميزانيتي .. واممممم وكنت حدي جوعااااانه لأني من الصبح مشاوط قلت ليه يالله عشاا وهو سامع عن بوفية في ام الحصم اسمة البوفية الملكي مادري شنو < رحنا ما عجبني اكلت بس سلطة يعني في اشياء واجد بس امممم مادري يمكن اني طبعي اذا اجوف اكل واجد ماعرف اكل :-# ورجلي يقول انتين مخسرة ما تنجابين بوفية واحنا طايفين جفنا محل بعد في ام الحصم مكتوب خصم 50% فيه فساتين بيضان وجلابيات قلنا طلعتنا بنمر عليه وطلعتنا سكر8o| بس بروحة وبخبركم ويش وضعه اييييييي صدق رحت بعد سكوب اسئلهم عن البوم الديجيتال عندهم بـ50 الا هو صغير فيه 30 صورة وندهم بـ 90 كبير فيه 40 صورة وعندهم ابو 100 نفس ابو 90 بس لأن الكفر غير او في ابو 280 واجد كبير واني ان شاء الله مثل ما قلت باخذ ابو 90 داخل الاستيديو لأن برة الاستيديو يصير بـ 110 وباخذ ام يوسف بكج بـ 80 ورحت عقب سوق واقف دخلت جم محل ادور فساتين جلوة للبيع او للأجار دخلت محلات تأجير فساتين بس مافي :( فيه فساتين بيضان على 150 اجارهم عجبوني ؛ ودخلت بويتيك فيصل اجوف عندة تخفيضات وفساتين بروه معروضين حليوين فيه وحدة صفرة عجبتني فستان على جلابية بس يوم جفتها من جريب ما عجبني خلقها وسعرها 58 دينار .. ايييي بنات طوفتنا على عالي طفنا على محل يبيع ويأجر فساتين دخلت وكانت راعية المحل جدااا طيوبة جفت فستان جلوة ساري اخضر للأجار بـ 40 دينار هو في شك بس بالنسبة لفستان ملجتي ولا شي < حتى اقول ليها ماحسة ثيل تقول هذا مو ثقيل :hysterical: قلت ليها اي اني لأن ما بسوي عرس او ابي شي جدا راقي قالت صح كلامش :adore:



وبسسسسسسسس حددددددددددددي متكسرة باجر ما بروح مكان بكون في بيت عمي

ويوم السبت السعوديييييييييييييييية وبوافيكم بآخر الاخبار


قيمونييييييييييي

ويالله تصبحون على ألف ألف خير

تسلمين حبيبتي على تقريرج المفصل .. ماقصرتي ..

ع ـذبة المشاعر;12069339:
اوكي :)



من عقب كلامكم عن ام يوسف تشجعت اكثر
انيي حاجزتنها لتصوير مفتوح في سي دي بس حاليا افكر اخذ عرضها كامل مرة وحده بالطباعه :D



:thumbs_up:



مادري لحد الحين متحيره بس اغلب احتمال اروح لفردوس واخذ رايها




ان شاء الله بجوف :)



فدييييتج انتي يا بنت المحرق :lol:
ردودج تريحني مادري ليش , واثق بكلامج
انزين عندج رقم فردوس ؟؟ لانه الصالون ما رضوا يعطوني رقمها مادري ليش
وشووكرا على موضوع الباقات اكا قاعده اطالعهم




ايه اني بعد اقوول مو ساتر , فاغلب الظن انه البس شيله دانتيل اذا حصلت
وبفصل او بشتري جاكيت



:thumbs_up:



هو صح مو لازم اتقيد بس اني مو لهناك في تناسق الالوان :lol: ,, بس كنت مفكره الباقه تكون بنفسجي واوف وايت والشدو سموكي بنفسجي والحمره ورديه




ايه اغلبهم قالوا لي حلوة
شكلي باحطها ;)



:lol::lol: ماقدر عليش زمنو على هالتعليقات ههههههههههههههه اسكريم ابو الذهب !!



ما عندي الرقم
بس سوي شعرش عند نوال




**


سراب

الف مبروك على الزواج وتعرفين ما قدرت اجي لانه كان عرس بنت خالتي نفس اليوم ,, وتستاهلين التقييم



بنات

عن كلامكم عن ام يوسف تشجعت اكثر وشكلي بخليها تصور الحفله كامل وتطبع الصور , اذا اتصلت فيها بترضى يعني اغير ؟

+

كل ما نتصل في حنايات عشان يحنون اهلي كله فل وماعندهم مجال لتاريخ 19-5 :-o شنسوووي نتصل لمنو ؟؟
اتصلنا لصغرى ام محمد - حميده ام محمد - زينب ام محمود - ام سجاد ما تحني عادي
وكلهم ما يقدرون , اتصلنا لمنى ام ابراهيم وقالت تقدر بس اليوم شفنا بنات عمتي متحنين عندها مجرد الكفوف بـ 8 دينار :confused: وايد غالي صراحه فشكلنا بنكنسلها وبندور وحده غيرها
شرايكم في ام عبدالله من مدينه عيسى ؟؟
ورشحوا لي حنايات ثانيين

ايه عليج عذبوووووه :o

اهم شي الراحه النفسيه ههههه ..

وعن رقمها انا بعد ماعطووني اياه مع ويهم خخخخخخ ..

مادري ليش ..!

بس عندي رقم الصالون .. واروح لهم بين فتره وفتره ااذا ابي شي منهم ..

انتي ترددي عليهم اذا تبين تأكدين على حجزج او شي ... لان رقمهآ ماعتقد يعطوونج اياه ..

وعن الحنايات .. في وحده وايد وايد عجيب نقشها اهيه مالت البسيتين ..

بس مادري اذا اتيي لي بيتكم .. مع ان مادري وين بيتكم :lol:

نقشها متروس ماشاء الله وماتاخذ وايد فلوووس ..

اسمها امممممم شريفه .. اذا تبينها خبريني علشان اخذ رقمها من صديقتي باجر ..:D

هذيــان;12069451:
قبل كنت اذم تصوي المصورات وعندي تصوير الاستديو افضل
وللحين عندي افضل لان اضمن وعالاقل شايفه الشغل وضمان :thumbs_up:
عاد امس دشيت فلكر ام عباس وعجبوني الصور كلهم عفوية
امس عباس تسوي ديزاينات في الصور؟ او بس صور وفلتر؟
وام يوسف مثل الشي .. هل تسوي ديزاينات؟

هلا هذوون .. ام عباس تسوي لج ديزاينات اذا تبين .. واذا ماتبين بأمكآنج تقولين لها مابي ..

بس حركاتها العفويه وايد احبهآ الصرآحه .. وتصور لج اشياء ماتكون على البال ..

انا اجووفهاا تاخذ اللقطه وتخليج عليها وتصورج واااايد من اللققطات .. انا عبالي نفس الحركه

ترى تاخذ كل لقطه من جسمج وكل حركه عفويه فيج .. من جذي حبيت شغلهآ .. :adore:


[MARK="#FF0066"]بنات عندي تقريرين بس متعيزه اكتبهم :lol:[/MARK]

[MARK="#CCFF99"]تقريري االاولي .. :D

باكتبه على السريع لاني مالي بارض :lol:

المهم الله يسلمكم استغليت هالفتره (( فترة تخفيضآت )) .. وبمآ ان ينووني الميك آب ..

واذا تقطووني محل مكياج عادي اخذ فراشي ومخدتي وارقد فيه سنه كامله :lol: خخخخخخ ..

المهم خذت لي ميك آب من HR..


هالماركـه حلووه الصرآحـه في الشدووهـآت والمسكرآت وخصوصا الغلوسـآت تسوي الشفايف

نجرآآل وويصلحوون للبنات اللي يشتغلوون .. يعني حق ميك آب صباحي حلووه هالماركه ..

حتى للجامعه عجوبي ..

خذت لي

3 غلوسآت ..
3روجآت ..
3 علب شدووهآت ..
وبلـآشـر ..
وخذت لي من نفس المحل اظآفر تركيب حدهم عجووبيين ..
وخذت لي بعد نفس التتوو على الاظافر كيووت حدهم ..
ومع 5 الوآن حنة اظآفـر لونهم رهيـب ..
وخذت قلمين كحل ملونين .. وآحد ازرق فيروزي والثاني برونزي على بني عجييبه الوآنهم ..
وخذت لي ترجيتين ..

ورحت رويـآن وخذت لي مسكرآ من ماركة نيفيـآ الفوشيـه .. وخذت لي روج من gosh

..

خذت لي بعد على الطريج نعالتين وحده فلـآت بس صايره نفس الجبليه وفيهآ سوارفسكي

حق طلعات حلوه .. :adore: وخذت لي جووتي الله يعزكم برونزي على بني فيه كعب شوي

عجووبي .. :adore: بس مو من نفس المحل هههه

..

والصور راح احطهم بعدين اذا قعدت من النوم :lol:.. بس باصغرهم .. وبارتبهم وباحطهم لكم .. :D[/MARK]

هلا بنات
صباح الخير

ابي اشتري لي سشوار للشعر
بس انا ما اعرف اسوي بروحي
تنصحوووني منوين اشتري وشنو اسم الماركة ودرجة الحرارة؟؟

انا صاحبة صالون قالت لي احسن شي براون الي فيه فرشة للاستعمال اليومي وتقول اهيا تاخذه لبنتها
لان السشوار الاحمر مال الصالون يحرق الشعر وخصوصا الخفيف وقالت انه يناسب الشعر الكثيف اكثر

اانا شعري كيرلي وخفيف وجاف بشنو تنصحوووني ..

انا فكرت اروح نزيه واشووف شنو عنده ..

وبشنو تنصحووني غير السشوار يعني بالنسبة الى التصفيف الحراري ..
الفرشة والستريتنر والفير وغيره ..

ع ـذبة المشاعر;12069339:


سراب

الف مبروك على الزواج وتعرفين ما قدرت اجي لانه كان عرس بنت خالتي نفس اليوم ,, وتستاهلين التقييم

الله يبارك فيش خيوو

اي ادري ..

وتسلمين على التقييم ياالعروس :L:

لؤلؤة المحرق;12069762:

هلا هلا سرااب .. الف مبرووك وعقبال الذريه الصالحه ان شاء الله ..

تقرير حلوو وعجيب .. وعن الباقه لازم هالدقااات تصير حق الكل مادري ليش ..؟

ماتلاحظون اكثرية البنات كله يتنرفزون من الباقات :lol:

يالله معلي اهم شي استانستي وطلعتي بالشكل اللي تبينه .. واكيد طلعتي قوومر .. :lol::D

الله يهنيج ان شاء الله وتم التقييم وثانكس على الجوكليت بتذبحينه من الشيره ههههه :lol:

هلا والله

الله يبارك فيش

وعن الباقه بعد شسوي مو غير قهرر وبطة جبد

تسلمين حبابه على التقييم وتستاهلين الجوكليت :lol:

ههههههههههه لولو
اللي يقولج انه الوردي مايحبه
بس شصار معاي انه دش مزاجي الساري الوردي المكس ويا البرتقالي حبيت درجته وقعدت اتخيله علي
واستقريت عليه ان ابي كل ثيم حفلتي بهاللونين @@
باذن الله
وحصوص اقترحت علي اخذ ساري ابيض لي رحت ان شاءلله وهالفكره عجبتني بس ان شاءلله القى ساري راهي ابيض
فالحين باخذ الصوره الاولى بسوي عليها القاعده ورديه والشك برتقالي
لان الساري البطانه ورديه والشك برتقالي
بس مبدئيا قاعده افكر بالمظلات اسوي حول 6 مظلات للمسرح عندج صوره لمسرح معتمد ع المظلات؟
وبسوي وحده صغيره كلش نتفه بوديها يحطون لي فيها يارازجي او ووورد بدرجات الساري
والله يسر ياربي


عليج بالعافيه الميكب
خاطري اروح اتشرى ميكب بس احسه بيتونغ بالغرفه ومحد بيستخدمه ههههههاي

بيوتيفل اي انتي
احب اسمع راييج دشي المسن يالدوبه

أمل ال;12070352:

ابي أفضل مكان(فرع) للايف ستايل في أكسسوارات واشياء حلوه تنفع

مارينا مول

أمل ال;12070287:

صباااحكم جوري يابنااات

ما قلتوا لي أشرايكم في في عايشه الريس وبدور

وهل تسريحات بدور في مستوى وحيده

وش رايكم في فردوس بما إنها في الزنج وفاطمه اللبنانيه بعد في الزنج

أني بصراحه عجبني شغل وحيده حق الشعر بس المشكله ما أبي أروح مكانين أبي مكان واحد شعر ومكياج

عايشة مكياجها للعرايس عجييب واكثر البنات يمدحونه

و بدور تسريحاتها حلوة بس وحيدة غيييير احلى واكشخ

فردوس شفت لها اكثر من عروس ورحت الصالون شفت العرايس عندها

مو كل عيون تصيدها جفت وحده من الاهل كلش كلش كان عادي حتى الكل انتقد المكياج بس في الصور كان الدمج يبين حلو

وجفت بنت حماي سوتها عجيييبه قمر قمر

وهي ستايلها سموكي


فاطمة اللبنانية ميكبها حلو وزاهي واستغرب من اللي يقول ميكبها ناعم بالعكس تختار الوان قوية بس عايشة وفردوس احلى منها

بناااااات يافتياااات

سؤال
الحين لي انخطبتوا يوم الحنه جي يعني اييون مال فريجكم واهلكم لو بروحكم انتوا وخواتكم وخالاتكم وعماتكم هلون؟
وتاخذون مصوره؟
وتفصلون جلابيه او فستان وجي؟
والا مره وحده تخلونها حق ليله الحنه قبل الزواج؟
وهل برايكم ان عادي عن الخاطر نسويها وانييب مصوره وهلون موعشان احد عشان العروس نفسها تعشق التصوير والتعدل؟
ابي اشوف رايكم لاتحرموني منه

تراجي ام الزين كله;12069386:
عذبه

جربي بثينه م ح

نهاد البديع

واذا تحبين اساعدج
عطيني التاريخ الفلاني اللي تبينه وبجيك لج

حلو حناهم ؟؟ او عندش صور لهم ؟
والحنه بيكون تاريخ 19-5 يوم الاربعاء
ومشكورة ما تقصرين :o

فوفو البحرين;12069519:
عذبه ترا فردوس لما مكيجتني قالت لي هي ماتهتم للون الباقه ولا شي هي تحط الي يناسب وجه العروس حتى حطت لي الوان مالها علاقه بالفستان او الباقه
حطت لي ازرق واني فستاني اوف وايت وبافتي بطيخي ووردي
يعني مادري لاتعتمدين على سالفه الباقه واجد او يعني اسأليها احسن

عجل باسوي الباقه اللي تعجبني وبخليها تتصرف ههههههه

لؤلؤة المحرق;12069840:

ايه عليج عذبوووووه :o

اهم شي الراحه النفسيه ههههه ..

وعن رقمها انا بعد ماعطووني اياه مع ويهم خخخخخخ ..

مادري ليش ..!

بس عندي رقم الصالون .. واروح لهم بين فتره وفتره ااذا ابي شي منهم ..

انتي ترددي عليهم اذا تبين تأكدين على حجزج او شي ... لان رقمهآ ماعتقد يعطوونج اياه ..

وعن الحنايات .. في وحده وايد وايد عجيب نقشها اهيه مالت البسيتين ..

بس مادري اذا اتيي لي بيتكم .. مع ان مادري وين بيتكم :lol:

نقشها متروس ماشاء الله وماتاخذ وايد فلوووس ..

اسمها امممممم شريفه .. اذا تبينها خبريني علشان اخذ رقمها من صديقتي باجر ..:D

اي اني بعد ما رضوا يعطوني اياه :lol: مشكل ههههه
انزين جيبي لي رقم شريفه بنجيك وياها لانه شكلنا شوي ونيأس ;) كل ما نتصل للحنايات يا مقفل تلفونهم او ما يشيلونه او ما عندهم مجال

تراجي ام الزين كله;12070669:
بناااااات يافتياااات

سؤال
الحين لي انخطبتوا يوم الحنه جي يعني اييون مال فريجكم واهلكم لو بروحكم انتوا وخواتكم وخالاتكم وعماتكم هلون؟
وتاخذون مصوره؟
وتفصلون جلابيه او فستان وجي؟
والا مره وحده تخلونها حق ليله الحنه قبل الزواج؟
وهل برايكم ان عادي عن الخاطر نسويها وانييب مصوره وهلون موعشان احد عشان العروس نفسها تعشق التصوير والتعدل؟
ابي اشوف رايكم لاتحرموني منه

اني حق يوم حنتي بتعدل وبلبس ثوب نشل وبخلي صديقتي تصورني , اهي مو مصورة بس تفهم في التصوير وعندها كاميرا بروفشنال فبخليها تاخذ لي جم لقطه حلوة وبعدين بطبعهم في استوديو

حلو يكون لكل خطوة ذكرى :adore:

عذووووب

اتصلت لهم مايردون بعدين بجييكم

بس اتصلت لج في ام ابراهيم منى

وقالت تقدر وعلى حظج مادري انتوا متصلين لها ومكنسلين تقول اليوم مكنسليني قروب من البلاد

فاذا هاي اتصلي لها وتفاهمي على نص العدد
تقول ماعندها مشكله
رقمها بالملف ام ابراهيم(منى)

لؤلؤة المحرق
انا انتظر تقرير حفل استقبالج
من زمان ما دشيت هني
فإذا حطيتيه قبل خبريني :D

تراجي ام الزين كله;12070738:
عذووووب

اتصلت لهم مايردون بعدين بجييكم

بس اتصلت لج في ام ابراهيم منى

وقالت تقدر وعلى حظج مادري انتوا متصلين لها ومكنسلين تقول اليوم مكنسليني قروب من البلاد

فاذا هاي اتصلي لها وتفاهمي على نص العدد
تقول ماعندها مشكله
رقمها بالملف ام ابراهيم(منى)

نفس حالتنا نتصل فيهم ما يردون
وام ابراهيم احنا مكنسلينها , لانه امس شفت بنات عماتي متحنين عندها مجرد الكفوف يعني الاصابع ونقشه خفيفه بدايه الكف بـ 8 دينار والثانية بـ 10

ما يسوى :|

واهلي كلهم يبون يتحنون للكوع يعني جم بيطلع عليهم 20 ؟ ما يبون هالسعر