{.ْ!●»«●.ْ!}

chocolate baby;12057345:

هلا اختي
شخبارج؟ ان شاء الله بخير
حبيت اذكر لج عن افضل العطور للعرائس وافضل الكريمات والبودرات

*بخصوص العطور*

1- اول عطر انصحج فيه هو اسمه Unforgiven Night

2- ثاني عطر انصحج فيه هو اسمه Versace Crystal Noir

3- ثالث عطر انصحج فيه هو اسمه Chopard Happy Spirit

4- رابع عطر انصحج فيه هو اسمه Hypnotic Poison Dior

5- خامس عطر انصحج فيه هو اسمه Flowerbomb

6- سادس عطر انصحج فيه هو اسمه Thierry Mugler Alien

7- سابع عطر انصحج فيه هو اسمه Narciso Rodriguez

8- ثامن عطر انصحج فيه هو اسمه Jlo Glow After Dark

9- تاسع عطر انصحج فيه هو اسمه Black XS

10- آخر عطر انصحج فيه هو اسمه Carolina Herrera 212 Sexy

وكل العطور اللي نصحتج فيهم يا الغلا هم افضل واحلى العطور
وكل متزوجة تشترين هالعطور وانا اقول هالشيء عن تجربة من بعض الناس
وصدقيني ما راح تخسرين اذا شريتي هالعطور
لانهم عطووووور اكثر من روووووووعة

*النكهات والكريمات والبودرات*

1- مجموعة التوت البري من بودي شوب

2- مرطب شفايف النكهات من بودي شوب ( فانيلا - شكولاتة )

3- بودي باودر من لاسنزا

4- زيت مساج ومرطب شفايف فروالة من لاسنزا

5- بودرة من نعومي

وان شاء الله قدرت اساعدج وافيدج لو بشيء بسيط
وسامحيني على القصور
والله يسهل عليج كل خطوة
والله يعطيج العافية

تسلمييييييييين حبيبتي على الطرح الرائعF:


وتستاهلين التقييييييييم (( قيمتج)):adore:

حكاية غرام;12056731:
بنات ابي اسالكم منو احلى للمكياج
ابتسام كمال او صفية شويطر او شريفة فولاذ او عايشة الريس
انا ابي حق خطوبة و حق ملجة
فما ادري منوو احجز وما عندي صور
بليز الي عندها صور تطرشلي اياهم..


وبالنسبة لصالون الرونق منو احلى وحيدة ولا بدرية ولا فتحية

ومشكوورين

بالنسبه ليي مكياج ابتساااااام روعه صراحه فنانه ومبدعه وانا حجزتها شهر 7 حق خطوبتي


والشعر انا كنت نفسج حاجزه وحيده ومتحيره معظمهم قالو ليي فتحيه تفوقت على وحيده وصج شفت البوم وحده تصير لي في الخطوبه وحيده كان حلو في العرس فتحيه واااااااااااااو خيال صراحه مبدعه


واليوم اتصلت الصالون وغيرت حجزي من وحيده وسويته فتحيه:adore:

[/COLOR]شغل بدور بمستوى وحيدة او شلووون احب وحيدة بس ما احب اتنقل من مكان لثاني اتعب
[/CENTER]
شغل بدور حلو و راقي و بنفس مستوى وحيدة بس كل وحده و لها لمساتها الخاصة
انا سويت شعري في خطوبتي عند وحيده و كان حلو بس نص اللي في الصالون مثل الشي اللهم تغيير بسييط يعني الشعر يبين انه في الرونق:badly: فالشي صار مما و متكرر ما احب جذي :thumbs_down:

[/QUOTE]

عسكريمة;12054840:
بدون لفرنج اعتقد بـ 7 او 4 شي جذي بس اسعارهم حلوة

انا كامل طلع علي مع لفرنج 9 دينار

بس ونااااسه يدلعونج وقعدونج على كرسي يدلكج ومساج عجيب انا حتى الرقده يتني ههههههههههههه :lol:

بس على شغلهم بصراحه واسعارهم جذي يستاهلون مساكين والمكان روعة ديكورهم يعني

وماجوفين شر شوقووووو انا شكلي بعد ببدي فيني المرض احس بلوعه اليوم :confused:

وعن الحنه عادي روحي تحني مكان الي طار هههههه << مسويتها من قبل :worn_out:

عسكريمة و باقي البنات حطو بالكم على كرسي المساج انا طلعت يوم ثاني ظهري متكسر و لاقدرت اقوم :| و تم وياي جم يوم

زخت مطر;12056350:
شكرا خواتي على التشجييع الي سألت متى عرسي انشاالله على بدايه شهر 7 والي عطتني فكره على رييش الطاووس ترى مايناسب انا حاطه في بالي الوان ماتتناسب معهم اممممم بعد ا

بنات قلت الفكره الى وحده انقلب وجهها اتقول مو حلوو انا ما امبي اسوي باقه امبي شي غيير اتمللت من تكرار الباقات وكفايه في الخطوبه سويتها بما ادري جم وقطيتها امبي شي يدوم ليي شجعوني

الحين وين يبيعون من المهفات غير هدا مال المنتجات الصينيه؟؟؟؟

انا مره حظرت عرس العروس حدها ناعممة و كانت حاملة شنطة صغنونة (clutch) كلها سوارفسكي صراحة وايد حلوه و كانت تبرق و اتوقع كانت من dune لاني رحت جفت مثلها :thumbs_up:

المزيووووونة;12057482:
تسلمييييييييين حبيبتي على الطرح الرائعF:


وتستاهلين التقييييييييم (( قيمتج)):adore:

[/CENTER]

هذيــان;12057446:


عذبه
والله زين بتسوين خطوبة عائليه
بس مابتسوين عقب زواج؟
وعن الغدا العائلي لبسي جلابية ومكياج خفيف واستشوار :)
وعن اللبس اختي سوت لها مال ليلى والذئب + جاكيت مال بدلات الفورمال
وكان حده ساتر ولا يبين منها شي :thumbs_up:
وعن التوزيعات خليهم للتصوير يوم الحنه وشيليهم وحطيهم عقب يوم الخطوبة :lol:
[/CENTER]

والله لحد الحين ما قررت بالنسبه للزواج بس اكيد بنشوف بعدين على الميزانية
وما فهمت حركة اختش يعني لبست جاكيت وفوقه لبست مال ليلى والذيب ؟

قمر فاضل;12056896:
بنااااااات انا حجزة عند فاطمة اللبنانية

مكياجها صراحة ماعليه كلام بس من شوي كنت اطالع فيديو الحفلة جفت ان في نهاية الحفلة وجهي دهن شوي

وهذا كان في صالة الدانه < الحين عرسي في ماتم وجلوة ويش بيصير فيني

فرديت خفت

ويش رايكم اغيرها وبما انها بعد طلعت من الرونق يعني اوردي ما بيكون مكياجي وشعري في مكان واني للحين ما دفعت عربون

فشنو بنات؟؟؟ احجز غيرها

قولو لي عايشة الريس شنو مستواها

وشريفة فولاذ شنو او في وين يمكيجون ؟

وهل يستخدمون ماركات

عايشه الريس وشريفه فولاذ يمدحونهم البنات

بس انه شخصيا عايشه الريس مايعجبني مكياجه حق عرووس احسه عادي حق العادي اووكي حلووو

أنتي بعد رووحي جوفي أحسن فديتج

حكاية غرام;12056908:
بناااااااااات

يالله ساعدووني في الاختيار
للحفلة احجز ابتسام كمال ولا عايشة الريس

أبتسام كمال :thumbs_up:

بنت فاضل;12056913:
بنات أبي أسألكم عن مكياج عرسي شنو الألوان اللي بتطلع حلوة .؟
يعني الصالون قالو على كيفي

بس اني مستبعدة لون الذهبي والاخضر لأن سويته في الملجة
والوردي كذلك لأن سويته في الخطوبة

فأي لون بيكون حلو في الشدو حق فستاااان أبيض

أحمر أو بنفسجي أو ...... (بشرتي حنطي)

البنفسجي اووكي الأحمر أبتعدي عنه صار مستهلك وايد

وعندج بعد تدرجات البرتقالي حلووووو بيطلع عليج :)

ع ـذبة المشاعر;12057730:
والله لحد الحين ما قررت بالنسبه للزواج بس اكيد بنشوف بعدين على الميزانية
وما فهمت حركة اختش يعني لبست جاكيت وفوقه لبست مال ليلى والذيب ؟

لبست الاثنين عااد من الاول مادري :o بسألها لش وبرد عليش :)

banoota_7elwa;12050226:
مرحبــــا بنــــوتات :D
تقريري الثاني مثل ما وعدتكم عن محلات الكوشات :biggrin:
مرينا عليهم في ثلاث أيام واهم
قرية الافراح ،،، دريم هوم ،،، مجيد للافراح،،، الانصاري ،،، المزيونة ،،، ودان
واتصلنا بمحمد بوكمال ومحمد الخان مجرد مكالمات تلفونية لاغير خخخخخخ
اليوم الاول : قرية الافراح ،،، :L:
طبعا هالمحل احبه وارتاح نفسياً لما اتعامل معاهم F:
صمم لي كوشة الملجة ووايد حبيتها وشغلهم كان بيرفكت ماشاءالله :o
احسن شي في المحل ان اسعاره تناسب الكل اصحاب الميزانية النازلة والمرتفعة
يعني لازم بتحصلين شي يناسبج و يناسب امكانياتج
المصمم ياسر يعطيج نصايح بالنسبة للون وحتى بالنسبة لمحلات البطاقات والحلويات !!!
رحنا له والتاريخ اللي نبيه كان للحين فاضي فحجزناه مبدئياّ واخترنا كوشة بسيطة تناسب الميزانية
كنت ابي لون الثيم وردي او فوشيا بس اللي معاي كان عاجبهم البنفسجي و حتى ياسر قال بيكون راقي فتوكلت على الله ،،، خلانا نشوف عنده نموذج حق البطاقة واقترح علينا اسم مطبعة وعطانا رقمها :thumbs_up:

اليوم الثاني ،،، كان يـوم طويـــــــــــــــــــــل وشـــــــــاق :confused:
طلعت من الدوام ومريت سيده على خطيبي
تغدينا ورحنا جد علي دايركت الى دريم هوم
ماحبيت المكان بصراحة وكان في بنات ثنتين عندهم الالبوم
اللي يشتغل طلب منا ننتظر شوي عشان اهي تكمل وناخذ الالبوم نطالعه
وقعدنا ننتظر وننتظر وننتظرررررررررررر :sick:
واهي حضرتها ولاكأنه في ناس غيرها:|
قلت لزوجي خل نطلع لان شكلها مابتخلص
واحنا طالعين شفناها حاطة الالبوم بحظنها وصاكته وبس جذي مخليته عندها !!!!!!!!!! :thumbs_down:
رحنا حق مجيد للافراح
مادري ليش ماكانو يراوونا الا مسرح من الزجاج المكسر وانا كلش ماحبيته بصراحة:study:
وكل ساعة يردون ويلفون عليه ويراوونه شكله باختلاف الالوان
ويوم حس وان مافي امل منه اقترح علينا مسرح من حديد !!!!! يعني قطع حديد تتركب على المسرح:-o
بصراحة بيكون شكله دفش ومادري شباسوي اذا طاح على راس وحدة او شي خخخخخ:-#
وتم يقول ان بيركب لنا ورد طبيعي بس على الطاولات والاماكن المرتفعة بيكون صناعي لانه ماراح يبين!!! الباقات اللي عنده بالاخص كانت وايد مبينة انها صناعية اصلا ;)
بعدها كلم زوجي محمد بوكمال ومحمد الخان
طبعا انا حذرته لان اسعارهم نار بس ماقتنع ،،، قلتله اوكي اتصل
اول شي اتصل حق محمد بوكمال وقاله اسعاري تبتدي من 10000 دينار بس خخخخ جان تصيده صدمة حياته هههههههههه :lol:
وبعدها اتصل حق محمد الخان
ويا سلام عليك يا الخااااااااااااااااان هههههههههههه
قال انا ماسوي الا في الريتز او مؤتمرات الخليج وبما انكم تبون في الكراون فبيكون شي صغير ومابيكلفكم وايد ،،، بس ببتدي معاكم بــ 25000 دينار !!!!!!!! :woo:
يعني الريال يقول مايسوي أي شي وكل اغراضه من فرنسا
اوكي بس لو عندنا هالمبلغ بنخليه مقدم بيت على الاقل او شقة : )
كملنا ورحنا الانصاري ،،،
احم احم
اول شي استغربت ان مكانه مأساة شوي يعني
جفت الكراسي حالتهم حالة وغرشة الكاتشب محذوفة وهلون :'(
يعني محل تصميم لازم يهتم بمكانه شويونة
جفنا المسارح وكانت اسعاره على 850 و اذا تغطية ب 1200 فالسعر ممتاز كلش بس ماحبيت اشياءه وايد بس طبعا ماقلت لان طول الوقت كنت خايفة لان حسيته من النوع اللي يزفوووون فكل مايقولي شي كنت اقوله أي و أي كأني في المدرسة :'(
رحنا المزيونة عقبها والبنت اللي هناك حبوبة وايد F:
شغلها كان حلو وراوتنا كذا مسرح وكان عندها اشيا حلوة ومرتبة
بس عقبها انهينا الرحلة في بيت خطيبي واتفقنا ناخذ من ياسر خلاص
اليوم الثالث ،،، كان عندي موعد مع مصممة دان:adore:
يعني موعد لازم اروح وقلت مابخسر شي وللحين ماأكدنا على ياسر
المصممة حدها وااااااو وتعطيكم نصايح عجوبية:L:
اول شي شرحت لي القاعة شلون صايرة ووين ممكن احط المسرح والكيك وعن اذا بييب فرقة رياييل لازم اخليهم ورى المسرح لان الشاشات بتبين عندهم وهلون وعن الكيكة بتكون مو حلوة لانها مجانية فتقول خلوها سادة واحنا بنزينها بالورد وهلون
شغلها وايد حبيته يعني شي مميز وجفت عندها اشيا ماجفتهم عند غيرها صراحة
يعني ماشالله ماشالله أي شي في بالج بتعطيج عليه صور وراي وهلون
عطتني كرتها وقالت لي افتري على المحلات كلهم واذا عندج أي استفسار وحتى لو مابتسوين عندي كلميني وبعطيج رايي وهلون
وخلاص ،،، في اليوم الثالث ومساءاً بالتحديد تم دفع العربون الى قرية الافراح لان ناس غير كانو يبون نفس التاريخ وطلب منا انأكد عليه بالعربوووون :thumbs_up:

مسامحة طولت عليكم بس حبيتا أفيد مثل ما استفدت منكم : )
يعطيكم العافية


F::L:F::L:

:) حلو تقريرج
سويتي كوشه للخطوبه ؟
وتستاهلين التقييم :)

الامورة شجن;12054420:

سلام بنات شخباركم ..

حبيت اخبركم باللي صار كامل ...

طبعاً كانت حفله صديقتي كانت تاريخ 8/05/2010

وطبعاً ما خليت مكان ما رحت علشان احصل لي فستان او شي البسه لان البنجابي ما حصلت اللي ابيه وما كان فيه سايز كبير وهذه السالفة كلها ..

بقوليكم السالفة ..(التقرير )

** طبعاً اهني السالفة آنا كاتبتها حق البنات فسويت عليها كوبي بيست لكم ...
امس كان خطوبة اللي كانت صديقتي لان من أمس خلاص قررت إني اقطع علاقتي فيها خير شر بسبب واااااااااجد مواقف وكل مرة كنت اطوف واقول ما عليه مردها بتصير أوكي واني على نياتي لاني طيبة وهذا اللي وداني ورى المهم

امس لان كان المفروض اني البس الفستان اللي فصلته حق ولد عمي بس شاءات الأقدار انه الفستان ما جهز ولما رحت للخياط قالي ما اقدر اجهزه الا عقب على الاقل اسبوع لان حدي مضغوط وآنا طبعاً صرت جذي

وبعدين قلت يلا ما في وقت ولازم اروح ادور حقي شي ثاني بسرعه وطبعاً ما خليت مكان ما رحته لحد ما حصلت جلابية بقصه فستان وطبعاً على وصلت الصالون حدي متأخرة وطبعاً اضطريت انتظر وما طلعت من الصالون الا على الساعه 10 وانص ورحت ملجه صديقتي بس أبارك لها وحتى ما قعدت على الباب لان كان قريب من الصالون وجافتني بالجلابية وبعدها دايركت اتوجهنا الى حفله ولد عمي في قاعه المرجان ومن الزحمه ما وصلنا الا الساعه 11 وانص وطبعاً اشوي واحصل لي زفة من عند امي وعماتي على التأخير

المهم عقبها عدى كلشي على خير الحمدالله

<B><FONT face="Comic Sans MS"><FONT size=5><FONT color=blue>وجى أمس وكان خطوبة البنية نفسها وقلت لازم اروح أخذ فستان الي لان ما يصير البس الجلابية نفسها ... وكان ما ابغي البس قصير حزتها لان الوضع ما يشجع <<<<<أكثر فساتينها قصار المهم وطبعاً من صباح الله خير قعدت ورحت ادور فستان وما خليت مكان ما رحته لحد ما وصلت لبكوارة عند سهرة الشرق وحصلت الي فستان وكان حده راقي المهم اخذته علشان اقيسيه وإذا يحتاج تضبيط اقول للبنية اللي اهناك علشان اتضبطه ورحت لبسته وكان بيرفكت ما يحتاج تعديل ولا تضبيط بس اللهم كان ايركبون فيه الفيونكه اهما شايلينها علشان ما تخترب فقلت اليها اوكي بآخذه وقالت الي اوكي بس ساعه ويجهز قلت اليها مو مشكله بنتظر وبعدين تذكرت اني مو حامله كاش وايد في بوكي فقلت مو مشكله اكو على باب المحل يأخذون الكرديت كارد وبدفع فيها وزين سألتها بعد وقلت اليها تأخذون بالكرديت كارد زيادة احتياط الا اتقولي قبل نأخذ الحين ما عندنا لان كنا مسويين صيانة في المحل وشلنا كل شي فيه قلت اليه اوكي عجل بروح اسحب وبرجع وطلعت بالفعل ورحت في الاجهزة مالت الصراف الآلي كلها مالت بوكوارة وكلها ما تشتغل وكلها يطلع الي الرصيد لا يمكن تنفيذ عمليتك لوجود خلل في الجهاز فاضطريت اني ارجع اليها واقول اليها خلاص ما بأخذه لان الاجهزة ما %

الرد محرر
وانا شفت ردج بالردود المقتبسه
واقولج تراها مو صديقه وما تستاهل الصداقه
وخلج عنها في الف غيرها :)

الامورة شجن;12055112:

بنات بقولكم تجربتي في صالون لطيفة

الحفاف والواكس والبديكير والمانيكير ...

الحفاف رحت الفرع اللي في مدينة حمد وكانت اهناك وحده هندية اسمها ورده وما شاء الله تبارك الرحمن يدها خفيفة وسريعه ونظيفة واتسوي لج الرسمه اللي تبينها وترسم الحواجب صح ..

والواكس بعد اهي سوت لي وكان مكانهم حده نظيف وما شاء الله عليها سريعه ونظيفة وعقب ما اتخلص من الواكس ترجع عليه بالخيط وعقبها اتحط لج زيت وبعدها اتحط لج نفس اللوشن اللي يبرد المكان علشان ما يطلع لج حبوب ولا ايصير أحمر

المانيكير والبديكير الصراحه كان حده عجيب ويقعدونج على الكرسي الخاص في البديكير والمانيكير ويسووون لج عناية من الالف الى الياء آنا طلع علي كامل ب 9 دينار لان استخدموا الموس وبعد حطت لي نيل بولش وبعدين حطوا لي الملح وحطت لي آخر شي كريم الترطيب والحماية وكان ما شاء الله وايد حلو

بكم طلع عليج :)
انا ادا اروح واكس كله يتم الشعر الصغار كريييييه 8o|
وما يدورون عليه بخيط :cool:

المزيووووونة;12057539:
بالنسبه ليي مكياج ابتساااااام روعه صراحه فنانه ومبدعه وانا حجزتها شهر 7 حق خطوبتي


والشعر انا كنت نفسج حاجزه وحيده ومتحيره معظمهم قالو ليي فتحيه تفوقت على وحيده وصج شفت البوم وحده تصير لي في الخطوبه وحيده كان حلو في العرس فتحيه واااااااااااااو خيال صراحه مبدعه


واليوم اتصلت الصالون وغيرت حجزي من وحيده وسويته فتحيه:adore:

هلا أختي
خلاص بسوي نفسج
بغير حجزي الى فتحية
مشكورة وما قصرتي

بس انا احزب للمسافة
من بيتنا الى النويدرات - صالون الرونق
وارد ارجع البسيتين ابتسام
وارد اروح الاستديو - سكوب على شارع البديع

اتصلت لابتسام وحجزت
قالت لي اذا اروح عندها 70
واذا اهيا تيي بيتنا 140 يعني دبل السعر ..

انتي دفعتي العربون او لا؟؟

M0Z00N;12057312:
اتصلي واحجزي حبيتي لاتتأخرين

وان شاء الله تلقين

حجز بالتاريخ الي تبينه

تبين رقم ابتسام او عندج ؟

هلا الغالية
عندي رقم ابتسام
فديتج ما تقصرين مشكورة
وترى اتصلت وحجزت
قالت اذا اروح لها 70
اذا اتيي البيت 140