{.ْ!●»«●.ْ!}

banoota_7elwa;12045097:
مرحبـــــــــا :D

فديتج أم السادة مشكورة على دعوتج والحمدلله بدت الأمور تستقر نسبياً :lol:
الله يوفقج ويتمم أمورج على خير وكل البنات ان شالله


عندي كذا تقرير ان شالله احطهم هني ويمكن البنات يستفيدون :)

........

يوم الجمعة اللي راح رحت السعودية عشان الفستان

طبعاً انا عرسي باقي بعد عليه وقت

بس بما اني من النوع اللي يحاتي وياكل في عمره قلت اخلص اموري من احين واريح بالي شوي

انطلقت للسعودية الظهر فماكان زحمة الجسر

وصلنا بالضبط سويكت الساعة 4 فالمحلات الحمدلله كانت فاتحة :thumbs_up:

خذينا لفة طويلة عريضة على محلات الفساتين ودار راسي من الزين :|

آخر شي كنت محتارة بين 2

واحد كنت حاطته في بالي من فترة وهو يكون لوو وست ونعوووم

والثاني كان من اختيار خبيرة الاعراس في العايلة ... بنت عمتي :hysterical:

بس وعقب محاولاتها بالاقناع رضيت بختيارها ....

أذن المغرب بعدين وصكوا المحلات فمافي مجال اروح المشغل حق القياس فطلب منا نودي له فستان بما ان اليوم الثاني بنت عمتي رايحة السعودية مع اهلها

عطيتها فستان ملجتي بما انه اخر فستان لبسته ومقاسه للحين اوكي

بس خايفة مايضبطونه ^o)

المشكلة اللي صارت شنو ،،، قلتو شنو صح :p ،،، ان ماتذكرت ان الفستان عاري ويبيله تعديل الا يوم رجعت البحرين :|

المفروض اجوفه اول مرة عقب شهرين واقوله شنو ابي تعديلات وان شالله وقتها يصير يعدلونه من تبطين منطقة البطن و تركيب السيور :woo:

المحل اللي سويت عنده اسمه (( الخليجية )) بس ان شالله يكون شغله زين




بعد ذي الحوسة صلينا بمجمع الخبر بلازا وخذينا دورة على الجلابيات

كانت عندهم اشيا وايد حلوة بس ماكنت حاطة في بالي اجوف شي غير الفستان :worn_out: فأجلتهم لي الزيارة الياية ان شالله ....


:L: هذي تقريري الأول وان شالله انزل تقرير لفتي على محلات الكوشات بالبحرين و تقرير ملجتي جريب ،،، اذا اعجبكم التقرير لاتنسون التقييم ودعوة صادقة من القلب بالتوفيق للجميع F:

قمر فاضل;12046348:

مسـآء الفـــل :)

اليوم واني ادرس قلت باخذ بريك وبنزل لكم بعض تجهيزات عرسي مشترياتي

بعضهم من السعودية وفيه شوي من البحرين واممممم طبعا ما كملت أغراض باقي لي تنانير وجم قميص وابي لقنزات شريت لي 2 وبعد على الاقل ابي 4 لأني احبهم في اللبس خفاف احسن من الجينزات للسفر

تفضلو مشترياتي

وان شاء الله يعجبكم ذوقي

هذي دبلتي

وهذي من جهة ثانية حدها جميلة الدبللة على الإيد وطبعا هذي مو من مشترياتي الجدد :o بس قلت للي بينخطبون ياخذون فكرة اذا عجبتهم يشترون لهم مثلها ا

الدبلة انيقة جداااااا وكشخة على الإيد بس اممممم انا ناوية اشتري لي غيرها لأنها نوعا ما مو عملية يعني ابي اخليها بس للمناسبات

هذا شير من ريفر آيلند شريته بالتخفيض بـ 5 دينار وشوي أظن :thumbs_up: أنيق جدا تقدرين تلبسينه فوق قميص ناعم او بدي طويل بعد ناعم

هذي ساعتي هدية من أبو الشباب جدا عملية اممم قلت من تجهيزات العرس ما بشتري ساعه لأن عندي ساعات شقدد << من مدمنين الساعات بس مادري بعد يمكن اجوف شي يعجبني وآخذ :thumbs_up:

هذي شنطة من محل في سيتي سنتر اسم المحل على ما اظن Wali شي جدي والصورة ظالمة الشنطة لأن ما فيها شي بس هي انيقة .. كانت بـ 20 صارت بـ، 10 طبعا من جفتها دخلت خاطري وخذيتها

امممممم هذي فانيلة طويلة من ريفر آيلند جدا ناعمة ومثل ما قلت لكم السير أقدر ألبسة عليها تصير انيقة

هذا مثل الجاكيت الخفيف أبسة على اشياء خفيفة وجينز جفت لونه عجبني ما عندي شي هاللون :) وهذا طبعا موصية خطيبي يجيبة لي لأن صديقة يجيب ثياب من برى ويبيع فجفته في الكتلوج وعجبني

هذا الشي خوقااااااااااااق :adore: في اللبس اقدر البسة على انه فستان قصير او البسس تحته لقنز شي جميل وناعم من new look عجبتني حركته من فوق

هذي أوضح لحركته من فوق

هذي دواليغ طوالل ينلبسون على فساتين قصار عندي واجد فساتين قصار وكل مرة اقول بشتري ليي ما احصل الالوان الا ابيها وهذلين جفتهم في كتلوج صديق زوجي او وصيت عليهم الواحد بـ 3 دينار

هذي شنطة ثانية من ريفر آيلند حركتها جميلة لها سيرين سير طويل وسير قصير < انيقة في اللبس . بعد من ريفر آيلند كانت بـ 30 صارت بـ 15 < كنت اقلب فيها اني مو مقتنعه اشتريها او لا جا خطيبي وجافها في ايدي وعجبته وقال لي اخذيهاا :adore:

هذا شبشب بيت شريته من محل بجامات نوم وملابس داخلية في السعودية مجمع الظهران اسمة flower بـ 29 ريال يعني دينارين وتسع مئة وشريت من عندهم بجامه نوم كشخة عند الصدر كلها شك بـ 19 دينار وشوي بس طلعت ضيقة اذا رحت يوم السبت بوديها ويايي وان شاء الله يرضون يرجعونها وضربت في مخي هناك بجامة هي بالروب مالها بـ 36 دينار بس جميلللة الروب كله شك وقلت هالمرة باخذها او اممممممم ضحكتني امي اليوم يوم جافت البجامة تقول ليي ليش ماخذة ليش طويلة محد ياخذ طوال الحين العجايز يلبسون قصار :lol: قلت ليها ماعرف اشتري هالسوالف قالت خليها عليي ;) بس ويش عليي منها لازم باخذ ليي طوال لو 2

هذا فستان من نيو لوك بعد أنيق في اللبس يعني اذا جوني ربعي الشقة او الى حفلة بنات عيد ميلاد او شي للأن رجلي ما يرضى البس قصير في اعراس 8o|

هذا شك الفستان جاي على الكتف من الجهتين الفستان انيق وراقي

وفي اشياء بعد بس ما صورتها

وادعو ليي يوم السبت اقدر اكمل اغراضي من جواتي وثياب وعطور

:clock: طولت عليكم

اذا عجبكم الرد قيموني < مع اني ما ادري ويش سسالفة التقيم بس يالله :lol:

مها البحرين;12045476:




هذيان عشان خاطر عيونج يالغالية ...

من ماركس اند سبنسر بتحصلينهم ..

أنا الشوق;12045246:

الصينيه او هاذي السله تلاقينها في وايد أماكن
حتى الأنوار ودايسو عندهم، و رامز كأن بعد عاد عنده اللي يصير داخلهم خلق
قلت باخذ لي منهم حق الاكسسوارات والخرابيط اللي عندي

واذكر من جم سنه خذنا صواني صايرين جلد حق توزيعات عرس اختي من هوم سنتر

يختج وايد لويه عندي في الحجره،، مب عارفه ارتب مكياجي وكريماتي :confused:

انتوا شلون ترتبون أغراضكم؟؟؟؟