أمـ الساده;11839665:خيوتي عذبه يعني ما تنصحيني اروح السعوديه لفستان الملجه...؟
في بالي لان بس ارجع البحرين ان شاء الله:091:
أمـ الساده;11839665:خيوتي عذبه يعني ما تنصحيني اروح السعوديه لفستان الملجه...؟
في بالي لان بس ارجع البحرين ان شاء الله:091:
أنا الشوق;11831099:
هلووو
رديت لكم بتقرير حفلة زواجي اللي كان في يوم الجمعه 26-3-2010 :032: في قاعة عايشة المؤيد في مدينة عيسى
الحفلة كانت بسيطه وعائليه لحوالي 200-250 شخص فقط
أول شي خلني أقول لكم وش صار في هاليوم :036::036::036::036:
قعدت من النوم الساعه 9 وربع يمكن او تسع ونص وأنا موعدي للشعر الساعه 10 عند نوال في أشرقت، ولأن عماتي وبناتهم بيروحون نفس الصالون فقالوا لي تعالي قبلهم عشان مايشوفونج
فقعدت متخرعه وقمت بسرعه بسرعه تسبحت وسيده رحنا الصالون أنا واختي، الا نوال ما يات وتمينا ننتظر للساعه 11 :058:
وبعدين يات وغسلت شعر اختي واعتقد استشورته بعد
المهم، الحين يات بتسوي شعري وتميت اشرح لها شنو أبي وشنو مابي ومادري شنو وقلت لها عن طرحتي الا تقول أبي اجوفها،، عاد أنا مايبتها :047: كلش كلش مايات على بالي اني اوديها معاي
محد قال لي :085::085:
المهم، قالت الا اجوفها ماقدر اسوي شعرج بدونها، فخذت السياره ورجعت البيت :043: وهي ابتدت في شعر اختي فرجعت البيت وصليت الظهر وشلت طرحتي ورديت الصالون،، قعدت دقايق الا هي مخلصه من شعر اختي وكانت الساعه 12 تقريبا
والصالون اللي حق المكياج، اللي هو صالون صفاء، يفتح الساعه 1 ونظامهم بالأرقام، بس هي قالت لي بتخلص مني في ساعه اذا ما أذيتها خخخخخخخ المهم، تمت تشتغل في شعري وسوته كامل مرفع وحسيته كلش غلط على ويهي وقلت لها تنزل ومني ومناك
مع انها مسكينه راوتني صوره للتسريحه من قبل وقلت لها اوكي بس علي صارت كلش مب شي :02:
وعماتي ابتدأن بالتوافد وتمت تشتغل على شعري ساعتين وشوي تقريبا لأن ماكان عاجبني وحطت لي اكسسوار بعد ماكان عاجبني وايد بس مشيتها يعني
وخلصنا بسرعه ورحنا صالون صفاء :056:
عاد وأنا اسوي شعري قبل جان يطرشون لي مسج ان تلفوني انقطع :039: :039::039::039: ياربي كلش مب حزته واليوم اليمعه مافي محلات فاتحه لو باطرش لي أحد يدفع البيل، مافي الا فرع المطار ومادري من متفرغ لي يروح المطار :037:
لا وبعد اختي ناسيه تلفونها في البيت يعني منقطعين عن الاتصال بالعالم الخارجي :096:
وفي هالوقت كانت أمي واختي االكبيره في الصاله يشرفون على البوفيه والطاولات والمسرح وغيره
وقلت حق خطيبي يستلم الباقه من الريفيرا الساعه 4 ونص :025:
انزين عاد صفاء كانت عندها 3 وحدات اعتقد حق مكياج قبلنا أنا واختي،، و عاد أنا ماوديت الرصيد معاي مادري وين حذفته وضاع خخخخخخخ بس يعني كان اوكي وتميت أركب لي أظافر :049:
وعقب يه دوري مادري الساعه جم يمكن جريب ال5 ، دشيت الحجره وأول شي سوته عدلت لي شعري وشلت الاكسسوار اللي كنت حاطته واخترت لي تاج من عندهم،، لأن كنت جايفتهم من قبل وعاجبيني، فضبطت لي شعري وثبتت لي طرحتي
وبعدين قلت لها المكياج اللي أبيه وراويتها صورة مكياج خطوبتي عشان تسوي لي شي غير
هي كان في بالها انها تسوي لي ماروني وألوان كلاسيك بس قلت لها أبي روج فوشي، والشدو يكون سموكي وأبي اللون صاير على برونز جذي الا تقول لي باسوي لج بني محروق واستانست عدل لأن كنت ابيه بس مب عارفه شلون أشرح ههههههههههه
فسوت لي شدو بني محروق فيه لمعه خفيفه والأطراف وردي وتحت العين شدو أزرق،، وهاذي بعد كنت أبيه بس مادري استحيت أقول
بس هي قرت أفكاري
وسوت لي لون الفاونديشن نفس لوني يعني مافتحتني كلش كلش تقول وايد أحلى تصيرين جنج برونز ومادري شنو وأنا خفت أصير سوده لأن شعري فاتح بس بعدين اقتنعت بالموضوع
خلصت مني الساعه 6 الا،، وموعدي للتصوير في الاستوديو "سكوب" الساعه 7
وهم اتصلوا فيني الصبح وقلت لهم باييكم الساعه 6 خخخخخخ :041:
وكانت حزة صلاة المغرب وخطيبي اتصل فيني وقلت له يتصل بأبوي ويقول له يمر علي الصالون لأن اختي للحين ماتمكيجت وابوي مر علي وقال لي تبين تمرين الصاله؟؟ لأن هو مادري شعنده شغله هناك
فطبعا ماقلت لا خخخخخ ورحت دشيت وطالعت على السريع وانصدمت ان الطاولات كان لونهم ماروني ومب اوف وايت مع اني قايله حق مال البوفيه اني ابيهم لونهم اوف وايت وهو قال اوكي فحسيت شكلهم صاير مادري شلون، بس يعني ماضايقت روحي
بس يعني أول مره أجوف طاولات مارونيه خخخخخخ
وبس رحت البيت وبسرعه بسرعه خذت فستاني وخطيبي ياني ورحنا الاستوديو ووصلنا الساعه 7 الا دقيقتين ويوم وصلت تذكرت اني نسيت باقتي وقلت حق خطيبي مسكين يرجع البيت ياخذها
وركبت فوق، طبعا كنت بروحي مسكينه أكسر الخاطر،، ولبست الفستان وخليت الفلبينيه تساعدني ويه خطيبي وابتدينا التصوير وأنا لأني ماخذه تصوير مجله + ألبوم عادي فتمت تصورنا ساعتين تقريبا وتعبت حدي وخلصنا على الساعه 9
رجعت البيت وتميت قاعده ويا خطيبي و ولد اختي وقعدت آكل بستوق خخخخخ لأن ماكلت شي من الصبح
وتمينا ننتظر مالت الدي جي توصل القاعه عشان أروح
وأنا الله يسلمكم يبت نسوان يطقون والدي جي حق لين بيدش المعرس على آخر الوقت لأن النسوان مايغنون جدام رياييل
فقلنا للدي جي تيي في وقت متأخر شوي
المهم، اتصلنا براعي الدي جي وقال لنا انها وصلت ورحنا عند القاعه وتمينا واقفين طلع ان مافي آوت لت حق الكهربا :081:
ففصلوا مال الطقاقات أعتقد عشان يركبونها، وأنا قاعده على أعصابي في السياره واختي يات قعدت وياي وبعدين قالوا اوكي ويات الفلبينيه صورتني وانا في السياره قبل لا انزل ونزلت ووقفت عند باب القاعه وقلبي يرقع يرقع
بسسسس
ويتبع بعدين
:095:
أنا الشوق;11833053:
نكمل
نزلت من السياره واختي شايله الفستان وقفت عند الباب وشغلوا الزفه واختي الثانيه بطلت الباب شوي وانا أقول لها صكييه وهي تقول لي بعيييدعلي خخخخ عبالها تصك الزفه وأنا قصدي تصك الباب لين أعدل شكلي وطرحتي والعفسه
وبعدين نزلت الطرحه على ويهي و دشيت ويمي ولد أختي يمشي معاي
الليتات صكوهم وخلوا الثريات يشتغلون
أول مادخلت جفت الترجيه :086: بس قلت يمكن مشبهه :085: ترجيو،، ؟؟ هاذي انتي ولا أنا صج مضيعه؟ :041:
وأنا أمشي وأحس اني مادري بالدنيا وساعات أمشي سريع وأمشي بطئ خخخخخ وطبعا كل جم خطوه أوقف حق الكاميرا
والممر صاير بين الطاولات وأنا أمشي وأطالع الناس اللي أعرفهم والابتسامه عرييضه:094:
ويوم وصلت جريب المسرح الكشاف مال التصوير ضرب في عيني وحسيت اني ماجوف قمت أطالع الأرض عشان أدل الطريج لأن ماجوف جدامي كلش :060:
وقبل لا أوصل الكرسي بجمن ثانيه خلصت الزفه وركبت ويه ولد اختي وشال الطرحه من على ويهي وابتدى التصوير
تميت جذي يمكن ساعة وربع وبعدين نزلت حق الجلوه يازعم
كانوا يايبين لي كرسي ملبس بقطعه خضرا ومطرزه بزري ذهبي بس يوم جفته خفت اني اتقلقص فيه لأن الفستان عود وهو صاير له يد
فقلت لهم أخاف أقعد وماقدر أقوم :085: فحطوا لي كرسي عادي وقعدت عليه >>>> حلفي
وحطوا علي المشمر مادري البشار الخضر والبنات سووا دائرة ويودوه وتموا يغنون أمينه في أمانيها، وهي تقول شوي والبنات يردون عليها صاروا ويا الفرقه خخخخخخ
وبعدين حطوا لي الأحمر وغنوا مادري شنو ماتذكر خخخخخخخخ وبعدين خلصنا ورديت على المسرح
الساعه 11 ونص او 12 الا ربع دش المعرس
وزفوه خواته، وأنا وقفت ونزلت الطرحه على ويهي وهو يه ورفعها وبس تمينا يصورونا وعقب مشينا مع ان ماكنا نبي نطلع خخخخخخخخخ
من المواقف اللي صارت ولا تنسى:
وأنا قاعده على الكوشه جفت الكشافات طفوا وليتات المسرح بعد، قلت وي شصاير جان .... تطفي الكهربا
الليتات صكوا من صوب والصفقه والتصفر قامت من صوب ثاني وصقله بالطيران وأنا مت من الضحك بس جم دقيقه وردت تبطلت خخخخخخخخخ حتى يقولون لي أحلى مقطع ذي خخخخخ
وعقب ردينا البيت عشان آخذ شنطتي للفندق، وتوجهنا الى اليت ريزورت اللي في المحرق يم النوفوتيل،، وصلنا هناك الساعه 2 ونص يمكن او 3 الا
المكان حلو و وايد عجبني حتى أقول حق ريلي بس خل نعيش هني خخخخخخ وتمينا هناك ليلتين
وبعدين ردينا البيت ليله وحده وعقبها شدينا الرحال الى تايلند، وان شالله الرحله بيكون لها تقرير مصور بروحها
والحين اترككم مع الصور، في بعض الأشيا ماتصورت لأن اختي نست الكاميرا في البيت، فوصيت الفلبينيه هناك انها تصور الأشيا، بس طبعا ماصورت كل شي ومنها توزيعات الأكل من معجنات وحلاوه وغيرها
وبنات ذكروا الله
حتى لو ماعجبكم
ماشاء الله، تبارك الله، لا حول ولاقوة الا بالله
أول شي الكوشه
وهاذي باقتي، صورتها عقب بيوم، ومن كاميرا الموبايل
وهاذي الصورة اللي وديتها للمحل، وطبعا الألوان مختلفه
وهاذي البوفيه، وكان من سمرقند، هو والطاولات والكراسي، ماذكر شنو طلبنا من الأكل ولا جان قلت لكم خخخخ
هاذي ستاند الكيك، ويمه سلال التوزيعات ودفتر المعازيم، لفت به بنت خالتي على الطاولات، وتحت بعد محطوطين سلال للتوزيعات
وهاذي هي التوزيعات،،
أول توزيع كان عباره عن ورود وغصون بداخلها ملبس "بيض الصعو"
صوره أوضح
التوزيع الثاني كان عباره عن قفاش "ملاعق" شاي فضيه وفيها بيضة صعو وعليها حبتين لولو ومربوط فيها شريطه ورديه
وماعندي صوره أوضح غير هاذي، مع اختلاف الألوان
وباين في الصوره السنتربيس، اللي هو فازه مربعه وفيها كور فوشيه وغصن فضي، وبعض الطاولات كانت فضي وأبيض وبعضها كامل فضي.. وتحتها منظره وشموع على شكل ورد
هاذي التوزيع عباره عن علب فيها بخور، وهم كذا لون
ماعندي الا هاذي الصوره المقربه،، توني مصورتها اليوم خخخ لأن باقي الصور في لاب توبي وهو مب عندي حاليا،، ومابي اتأخر أكثر عليكم :040:
وذي التوزيع عباره عن ظروف فيها كوفي وشاي
وهاذي عطورات
وفي بعد توزيعات ورد كورنيشن ومهفات من خوص مع جوكلت بس ماصورناه
باقي الأشيا كانت خفايف (معجنات، جوكلت، كيك، بقلاوه على شكل أقماع فيها مكسرات، وميني خبز رقاق وبعد مادري اذا كان في شي زود خخخخخ :02: )
وبس خلصت القصه :037:
ودعواتكم لي ان الله يوفقني ويسخر لي زوجي
والله يرزق كل بناتنا هني بالأزواج الصالحه
واذا شسمه لا تنسون التقييم:040:
أمـ الساده;11838576::065:مسائكم ورد:065:
محد عطاني رقم حسين الشجاااااااااار...
انزين سؤال...الحين لازم احجز صالون للملجه بعد او مولازم..يعني اطب عليهم يوم الملجه؟؟:01:
واذا بحجز عندي اي صالون تنصحوني,,في بالي الرونق لان حجزت سلوى للخطوبه بس ما ادري ...
شغاف القلب;11839403:
سلام عرايس رجعت بعد غيبة ذبحتني الدراسة والشغل
المهم باعطيكم تقريري
حجزت في الاماكن التالية:
1.عرسي بيكون في زينة الافراح دفعت العربون 200 باقي 800 من المبلغ لان خذينه يوم عادي مو ويك اند
2. فستاني منارس دفعت التأمين 50 او اهوه سعره 250 اجار لبسه اولى بس حددده حلو
3. المكياج في صالون سلوى عند لمياء والشعر نورية او دفعت عربون 25 سألت كم اييب معاي قالت لي 50 قلت لها لا قولي لي كم اييب ما ابي اتورط قالت لي ييبي 100 يمكن اذا حطوا لج وايد اشياء ايصير هل قد قلت لهه معلى
4. حجزت دي جي الرياش 100 عربون باقي له بقاية السعر 200
اوووووو بث
مابقى الا تناتيش اللي اهيه الجزمة وانتو اب كرامه والاكسسوارات حج الشعر هاي طبعا من السعودية بس مب عارفه امته اروح مزحووومه بالامتحانات
اي والحناية بعد باتصل او باحجزهه
نازييلا;11837023
اشدعوة ام يقين اسعارها فوق الخيال ما ابغي اهينها ..
تعطيج البومها تراويج وبعدين تسوي شي غييير صح لقطات وحركات عفوائي بس بعض اللقطات مب شي وبعض اللقطات ما يبونها تدخل البوم والله عن تجربة اخذتها بنت خالي 800 دينار 20 صفحة و40 صورة ... ولحد الان متحسفة وتذمها على افلوس الي قطت عليها والالبوم ما يسوي هالسعر والورق مب شي لا تغيير ولا شي مجرد فلتر تقول على الطبيعة احلى انزين دافعين لج مبلغ عود يعني مقدم لسيارة ايكو .
وفي يدها البومها وتدور على المعازيم حركات فشله ... شخصيا استغربت من بعض التصرفات من اشخاص .
والله اعظيم الي جفت عند المصورة ام عباس نفس حجم البوم
بنت خالي وفي بوكس وحلو البوكس كمنظر وكعلبة البوم ب 400 دينار 40 صفحة وعدد الصور 80 صورة والورق متين .
عن استديو المستقبل في الحورة اني وايد اروح اصور يعجبنيي بشكل فظيع تصويرهم داخل اما للعروس ما قط جربتة علما جايفة البوم صور
لصديقتي العروس كانو حاجزين بصالة طيران الخليج الصور عادي بدون ديزان وبحجم واحد فقط والفيديو ما انصحكم الي شفته ضباب وبدون منتاج مجرد اسم العروسين وتاريخ ومكان الحفلة
[/QUOTE:
اختي تونا جايفين صور صديقة اختي اعتقد ب 400 وكانوا وايد حلوين :02:
بس عموما ناس تمدح الرونق وناس سلوى !
وناس سكوب وناس صحارى !
وناس ام يقين وناس ام عباس !
يعني الاذواق تختلف فالاحسن الواحد يجوف الشغل بعيونة وبعدين يحجز احنا هني نرشح ويثثثثثثثثثثث :014:
[QUOTE=زهرة الاحزان;11838158]خواتى تعرفون صالة ينيابيع الخير؟؟؟
Sugar..!!;11839221:
هااي
انا عضوة يديده بس كنت اتجسس عليكم من قبل :041:
هل من ترحيب؟؟
mayoom;11839287:
قوة صبــايا
شخبــاركم؟؟؟
صار لي يومين مريضــــــــــة << واليوم اشوة شوي
بغيت مشورتكم بالنسبة للبالطوا تبـــعي ..
ابغي اعرف محل يسوي لي تطريز راقي ومرتب وحلو والمبلغ 40 دينار مو اكثر ..
لأني بحط فيها سوارفسكي .. وهذا من عندي .. لون عسلي و تركوازي ..
أبغي موديل حلو بس في جدعلي ولا محل ضرب بـ مزاجي .. والمحرق وااااايد بعيد عني ..
محل خلخال في جدعلي حلوة موديلاته
فـ شرايكم؟؟؟
الحنان الآفل;11839320:
بنات بليييييز تساعدوني وخصوصاً بنات المنامه بغيت صالون نظيف وزينين الحفافه اللي فيه
لأن اروح صالون بس بعيد ساعات اكون مضطره ابي اروح الصالون بس ما اقدر اروح الصالون اللي
ع طول اتعامل وياه لأن بعيد واخاف اروح صالون وبس يعني مو لازم في المنامه اي مكان قريب من المنامه
الحنان الآفل;11839330:
وش رايكم بصالون الوزان ومن احسن حفافه عندهم
الله يهنيني فيك;11839966:
ام السادة تدرسين في الاردن؟ وين اربد ولا عمان
الله يهنيني فيك;11839966:
اني ادرس في الاردن من سكان اربد؟
هذيــان;11838872:
متى زواجش تقريباً ؟
اذا في بالش تاريخ معين جيكي هل هي ليلة صالحة للزواج او لا !
البعض يقولون عادي تزوجين في ليلة عادية وتدفعين صدقة
بعدها روحي شوفي لش صالة
اذا خلصتين من تحددين التاريخ وحجز الصالة احجزي ( الاستوديو - الصالون - الحناية )
اما الباقة والفستان فـ عالاقل قبل شهر من الزواج
وابتدي في تشري اغراضش الشخصية من ( ثياب - عطور - مكياج - نعل - شنط )
موفقة :083:
[/CENTER]
