zumerdah;11971413:
هذيان مبرروك لاختج ربي يسعدها ويهنيها وميرسي عالتقرير الوايد حلو ومفصل و عقبال تقرير زواجج ان شاء الله
حصاصي;11973803:
هذيان الله يوفق اختج ويهنيها والفال لج
عسكريمة;11974328:
هذيااااااااااااان الف مبرووووووووووك لأختج والله يهنيهم يارب
وتسلم ايدج الحلوة على هالتقارير الروعه ويعطيج الف الف عافية
بس ميزانج رافض :o
maryoom;11974385:
هذيــــــــــــان
تسلمين على التقرير حبيبتي وألف مبروك لأختي الله يهنيها يارب والفال لج تكتبين تقرير زواجج
أنثى النقآء;11975057:
مشكوورة على التقارير F:
تسلمووون .. والله يسمع منكم يارب :o:)
===
نيغار;11972905:
صباح الخيــــــر
شخباركم؟ شمسوين ويا تجهيزاتكم؟
عسكريمة خخخخ ضحكني الاسم بس عجيبون.. و دبلتج ما شالله روووووعة عليج بالعافية
الحين بخبركم بتجهيزاتي للاستقبال و قولوا لي رايكم:D
حجزت صالة احمد كانو لتاريخ 15- 5
و حجزت المصورة ام عباس و رحت شفت صورها رووووووعة و البوم المجلة حددده حلو... بس انا اخترت تصوير مفتوح و انشالله الشهر الياي بطلع الصور>>>افلاس
و خليت ابوي يكلم رفيجه الي عدل لي القاعة في الزواج عشان يجي يعدل القاعة الحين في الاستقبال
و حجزنا بروجكتر عشان نعرض صور الزواج و الخطوبة على الطوف بدل الالبوم ينتقل من وحدة للثانية بيتشقق:lol:
و بنجيب خفايف عبارة عن ميني حلويات و ميني موالح و شاي و قهوة و عصير و ماي
و بنجيب بنات الضيافة من اوال وحدة للشاي و القهوة و الثانية تضيف الخفايف
و فستاني اوف وايت تفصيل اليوم عندي اول بروفة عند قصر الزفاف و بتحط لي فيه شك و سواروفيسكي:adore: موتي الاشياء الي تتلامع
و خاطري اتحنى احس بيكون يبين اني عروس
و بحط ورد الي ينربط في اليد خخخخ لانه خاطري في باقة بس ما يصير <<<< مصدقة عمرها تبي تصير عروس:o
بس في الصج ابي اصير كأني عروس مرة ثانية بس من غير طرحة:o... و حجزت تصوير لانه بما انه كنت مريضة يوم حفلة الزواج فصوري ما طلعو ذاك الزود و الحين خاطري اصور صور عدله و اطلع حلوة بالصور:cool:
اييييه كنت بسألكم حق الاستقبال ذاك اليوم لما رحت بحجز ام عباس سألتها انتي مصورة استقبال من قبل قالت اي.. فسألتها شلون الطريقة لما يباركون للعروس تكون واقفة على الباب تستقبل الناس او قاعدة داخل .. فقالت لي تكون قاعدة على كوشة ^o)و انا هالشي ما حسبت حسابه الصراحة و بما انه الاستقبال على حساب امي فاستحي اطلب منها شي زود ... بنات بليييز عطوني افكار:(
يلا الحين قولوا رايكم في ترتيباتي و عطوني افكار عن طريقة المبارك او اذا اقدر اسوي شي بسيط مكان الي بقعد و اذا تحسون الاستقبال ناقصنه شي قولوا لي:rolleyes:
حلوووة ودلوووعة;11973261:
السلام عليكم شخباركم شمسوووين إن شاء الله بخير
اليوم بكتب لكم تقرير خطوبتي اللي كانت في تاريخ 9/4/2010
قمت من النوم الساعة 10 جان امر على محل جنة الياسمين لأن اهمه بيسوون لي مسكتي وستاند الشبكة ووصيته شكثر وقالي أهوه بيوصل الستاند القاعة وخطيبي بيمر يأخذ الباقة الساعة 6 (خطوبتي كانت في مرمريز 4 عائلية)
عقب ماخلصت رجعت البيت تسبحت وآنه مبرزة كل اغراضي من اليوم اللي قبله وانطلق مع بنت خالتي لصالون الرونق دشيت الصالون الساعة 1 وهالوقت كان موعدي ويوم احجز وادفع عربون قالت لي انتي العروس رقم 5 بس الحمد لله اول مادشيت جفت فتحية إلا تقولي يله خلهم يسشورون شعرج لأنج عقب هالعروس صار ويهي جذي :D انه ماكنت ابي شعري مرفوع كنت ابيه مفلول وماشاء الله عليها سوت اللي ابيه بالضبط وخذت اكسسوار للشعر من عندهم وكان حلو شعري ككل كان 100% عاجبني بس شنو كان ثقيل من الحشوات والاكسسوار اللي فيه حتى بداية الوقت رقبتي كله على ورى حتى فتحية تقولي عقب شوي بيصير اوكي خخخخخخخ خلصنا من الشعر على الساعة 3 وشيء 4 وأنطلقنا إلى الرفاع صالون شريفة فولاذ كانت امي وخالتي واختي قبلي كملتهم واستلمتني :adore: ابتدت فيني على الساعة 6 وعشر وخذت فيني يمكن ساعة وشوي والصراحة ابدعت فييني كانت باقتي حمرةF: فمكياجي كان احمر بذهبي بأسود بس صج صج طلعتني حلوة وآنه مايطيح علي المكياج الثقيل بس اهيه عرفت شنو تحط لي وفنفس الوقت زاهي يبين زهوتي كعروس :o
موعدي في صحاري البديع الساعة 8 وآنه على 7 وعشر برزت بدلت وحطوا لي بودرة الجسم وكل شيء مر علي خطيبي الصالون وعلى فكرة يا بنات سوو لكم هاي اللي نفس الجلابية المغربية وووايد أحسن من العباية بتتغربلون آنه سويت لي ووايد أرتاحيت نرجع لمحور حديثنا مر علي خطيبي جان اجوفه مو يايني في سيارته يايني في سيارة BMW سبورت جان اتشقق لا وبيضة بعد حدي استانست ولا قالي مسكين خطيبي من جافني اتدوده :lol: والله مو عارف شيسوووي وآنه كنت مستحية :o رحنا صحاري بس كان شارع البديع وايد زحمة بس وصلنا على الوقت الحمد لله. بناااات التصوير وووايد وايد وايد يتعب والله ركبي وريولي تكسروا صرت كاني عيوز ماعبر ههههههه حتى ريلي تعب مسكين بس اشوه اهوه مو من النوع اللي يتملل فالتصوير خلصنا تصوير ومسكين يعابل فيني بالفستان مسكين خطيبي والله احس غربلته هاليوم
على الساعة 10 إلا ربع كنا في السيارة قريب القاعة وصلنا 10 وعشر نزلنا ورحنا الحجرة قعدنا اهني ياتني امي وخالتي وخوات خطيبي وىنه كل وحدة منهم سألتها هالسؤال شكلي اوكي شكلي اوكي والحمد لله كلهم كانوا يقولون ماشاء الله عليج شكلج تمام التمام :thumbs_up: وبعد أستلمتنا المصورة فالحجرة وتصور صارت الساعة 10 وثلث ناديت امي وخوات خطيبي قلنا لهم بس يله نفسيتنا خلاص نبي نطلع ونفتك صج ترى والله النفسية تتعب من الخوف والمحاتاه قالوا لنا بعد نطروا لي 10 ونص جذي
وحانت لحظة الحقيقة اللي اسمع الف الصلاة ولاسلام عليك يا حبيب الله محمد كلللوووش وتشتغل زفتنا جان ريلي مو قاعدة تشيلني وقاعدة بكبري اتنافض من الخوف وخطيبي وعليه ويهه مو احمر إلا صار برتقالي :02: خجول ريلي خخخخ جان يبطلون الباب ونرى العالم الخارجي كلهم واقفون ويطالعوننا وآنه موصيه ريلي إذا هوست على يدك وقف لا تمشي ولا كان قايلة له شيء بس ترى مو منه والله الموقف يخرررررع دشينا والكل كان قاعد يطالعنا والحمد لله كان كل شيء اوكي التنظيم الاكل الكيك احنا حتى معازيمنا ما شاء الله عليهم كل وحدة احلى من الثانية والدي جي كان عجيب آنه ماخذت مال القاعة خذت من برع والكل أستانس والكل رقص سواء كانوا كبار او صغار وطلعت من الخطوبة خلاص الساعة 2 بس كان وايد وناااااسة وهاليوم من بدايته لي نهايته كان حللللووووووو
اي ونسيت اقولكم آنه قبل يومين من الحفلة حنوني رقية وثرية بس ترى حناهم مشاء الله وايد حلو ويصبغ والصورة اللي في الملف وايد ظالمتهم
سامحوني تحجيت وايد ونفخت راسكم
وفالنهاية اتمنى منكم دعوة لي ولزوجي بأن الله يوفقنا ويبعد عنا الحاسدين وشكرااااااا:072:
أنا الشوق;11974463:
تقرير على السريع جداً <<< لحد يصيدني ويطردوني :lol:
يوم الثلاثاء طلعت من الشغل ورحت صالون "يالا" هالصالون يقع في المجمع اللي مادري شسمه اللي يم الفرندا،، صوب عذاري يعني
وأغلب خدماتهم بدينارين :thumbs_up:
فقلت أمر عليه اسوي لي بدكير ومنكير و واكس وخرابيط
دشيت الصالون على الساعه 3 الا جذي
الا صخخخه ومافي أحد تميت ألوي تحت واطقطق بالكعب يمكن أحد يسمعني :lol::lol: بس بعد مافيش حد
فكرت أطخ لي شي من عندهم وأشيل عليه خخخخخ بس عقب سمعت حسس فوق فركبت على دريهم اللي يخرع
وجفت غرفه مفتوحه وفيها وحده منسدحه على السرير،، عاد انا جفت ريولها وماطليت خفت يعني كستمر سادحينها واييها انا اطل خخخخ تخيلوا بس
عاد عقب تشجعت الا طلعت اللي تشتغل هناك راقده وحاطه سماعات
طقيت عليها الباب وقلت لها بدكير ومنكير
سوت لي وتمت تضحك على أظافري المكسرين خخخخ تقول لي شفيهم قلت لها اكسدنت خخخخخخ بس صج يضحكون صبعين مكسورين في كل يد، واثنينهم نفسهم
المهم، شغلهم يعني نص ونص مب ذاك الزود
ماعتقد اكرره مره ثانيه يعني
وبعدين قلت لها ابي مساج حق الظهر لان ظهري كله يعورني
وسوت لي مساج بالزيت بس شوي وأصيح من الألم، مسكينه اكسر الخاطر
وهي حست بظهري ان فيه مشكل
وبس بعدين هونت عن الواكس، قلت عندي المكينه في البيت باشسمه على راحتي
انطباعي عن الصالون
حلو للي تبي تدلع روحها بسعر زين
سويت عندهم بدكير ومنكير و مساج للظهر وطلع كامل ب7 دينار
وانا عادتن اسوي البدكير والمنكير ب7 فيعني حصلت بونس
وعاد وأنا طالعه أجوف ناس وايد يايينهم حق استشوار
يعطيكم العافيه عالتقارير :D
===
مريومه20007;11973794:
بناااااااااااااااااااااااااااااااات الكل معزوووم على ملجتي مو تقولوون ماعزمتنا ولا نستحي ومادري شنو .. بعد مايصير اقعد افتر عليكم بالدوور .. وقوول لكم حيااكم احنا خواات او مابينا مستحى .. والي ان شاء الله حابه تشرفني وتكمل معااي فرحتي بوجودها تراااسلني على الخااص وبطرش لها العنوان.. طبعا يوم الجمعه 7-5-2010 في بيتنا المتواضع الكائن بالمحرق .. وبوجودكم تكتمل الافرااح والمسرااات :D
ألف مبروك مقدماً F:
