{.ْ!●»«●.ْ!}

ياعسل انا اعرف وحده فصلت فاليمامه خربو فستانها

ماني عارفه ايش اسوي

اليمامه تفصيل وبيع ولا ايجار؟؟؟؟؟؟

على حسسب غلاي ,,
انـآإ عمتي فصلت عند اليمآمة ومـآإ شآء الله طلع حلو .. =) !

اليمامه تفصيل وبيع ولا ايجار؟؟؟؟؟؟

مــآإ ادري ,,
بسس اتوقع انو تفصيل وبيع وعلى حسب المحلات كمآإن كل محل يختلف عن الثاني ..ْ

دعـوآإتكم لأمي ,,
رأآحت المستشفى ,,( تولد )

الله يقومــهآإ بالسسلامة :032::032:

الف مبروك لكل العرايس
بالنسبة لليمامة اللي في جدة
ممكن يفصلك الموديل اللي تبغيه وياجره لكي ده في بعض المحلات
بس بصفة عامة اسعاره ارخص من بره
الا من العمارة الزرقا ارخص شي
لكن بصراحة ياطتهم مش اوي
خصوصا الكلف والخرز ممكن يلصقوه ليكي بالغرا يعني شغل اي كلام
فمرة ماينفع بصراحة المغامرة خصوصا لفستان عروسة

الله يقوم والدتك بالسلامة ياااااااااااااااااااااارب
ويحفظها لكم ويحفظلكم النونو يارب
بشرينا ايش جابت
وايش هيكون الاسم
عشان استفيد واجمع اسماء ^_^

سمو الكون
شعورك طبيعي حبيبتي .. بس تو الناس عليك .. ترى بيزيد على اخر شهر واخر سبوع .. لاتخلين هالشعور يتمكن منك ويحرمك الفرحة .. انا ندمت .. انو مافرحت بتجهيزي وضيعته نكد ووساوس


عجبني
الله يسهل على امك وتولد بالسلامة يارب

دلوعة
عندي لستة اسماء برسلها لك بس افضى شوية

:013::013::013: ,,
ابششركم امي جـآإبت ولد ,,
والحمدلله قــآإمت بالسسلامة :032::032::032:

يمكن نسميه يوسف :037:





دلوعة 85 :f: فلورينآ :f: .. تسسلمون حبــآإيبي :032:

دورني اشوف موضوعكم ياحلوين

فاتني كثير شكلو ههههه

ربنا يسعدكم ويسعدني يارب ونا فرحي قرب مرة مرة

بقولكم كيف جهزت :

فستان فرحي من اليمامة موديل فرنسي ناعم مرة ومافيه حركات كثير وزبط ولله الحمد وعملته اوف وايت والطرحة تل سادة بدون اي شي وماكلفني الحمد لله

الجزم = سنتر بوينت للطلعات تعيش معاكي وفيه جزم ناعمة واخذت كمان من استبس للخرجات حق كل يوم

أهم شي الفضي والذهبي مع شنطهم والباقي تطقميه على الشنط تشوفي اش الالوان اللي كتير عندك وركزو لما تشترو مو كل سادة حسب اللبس اللي يكون شي مو سادة يبغاله شي مقلم نمري منقط اي شي بس يكون العكس ,,ونوعو بالشنط شي كبير وشي صغير

انا اشتريت ابيض سادة واسود لماع ( عندي احساس ان اللمعة تخلي الحاجات ابو كلب خخخخخ) وفيها بروش اخذتهم من لايف ستايل

اشتريت تقليد ماركة فرزاتشي ازرق بابيض ولها حبل ذهبي سلسلة ووحدة مدري ايش من ماركة خخخخ نمريه رصاصي منقطة بأسود طبعا تقليد الماركات من عمارة الملكة في البلد بأسعار رخيصة عن الأماكن الثانية وشنطة ذهبي وفضي طبعا ..من الدو ووحدة من سنتر بوينت

نيجي للمكياج : المكياج جزء من مجمع الشرق من العيسائي وجزء من مركز الكورنيش الدور الخامس ..مارحت اجمع في المكياجات زي بعض البنات مايسوو كانهم اول مرة يشترو مكياج لا طبعا اشتريت شي انا متأكدة اني راح استخدمه

الاساس لازم يكون للمناسبات ماركة ممتازة ومو مشكلة السعر وتآخذي واحد تاني للبيت يكون ماركة طبية هذا اهم شي والباقي حسب ميزانيتك

بالنسبة للعطور اخذت جتني هدايا( ستيلا - نارسيسو الاسود - باسنجر ) وجزء اشتريته ورحت للمحل وشميت واشتريت ماأخذت بكلام احد بس فهمت ان فيه عطور للخرجات الرسمية وفيه عطور للبيت لاني قبل الخطوبة احب العطور الباردة او العطور الرجالية لول ..

اشتريت عطرين من الكورنيش( بلجر - مون نايت زي عطر الين البرتقالي بس مركز اكثر ) وعطرين(مس اليت - ارماند باسي ان ريد) من المصباح في عزيز مول مدري الصيرفي مول ناسية وين مكانه و3 عطور من سيد جنيد واثنين عطور جامدة وعود مبخر من اجمل وبودرة سكرفايس وبودرة راين دروبس مع العطر وبودرة العود من اجمل وطبعا عندي بخور من الأاصلي هدية من عزيز وغالي رحمة الله عليه ودهن عود ..


بالنسبة للملابس >>>> ماكثرت عشان ماأفرصع عيني بالناس وهما يشترو للعيد لول

ملابس العصريات 5 تنانير اسود - بيج - بني - رصاصي - شيفون نيلي على سكري طقمت عليهم بلايز

بناطلين : اسود وبني وبيج ..

اشتريت من عزيز مول والمجمع وسنتر بوينت وابيض واسود ترى ابيض واسود اشياء كشخه من جد وتستاهل

9 فساتين للبيت قطنية احب البسيط والمريح لما اكون بالبيت اخذت فساتين تايلندية من محل بمركز باب شريف وشبرا وستي ماكس

اخذت 3 استرتشات من سنتر بوينت

تنانير قطنية قصيرة وبنطلون جنز واحد

كثرت بجايم وترنك شي طويل وشي قصير وشورتات يمكن 10 بيجامات بس مو كلها غالية شي من شبرا وشي من محل زي شبرا بالمكرونة ماني فاكرة اسمه وشي من ستي ماكس وشي ومحل ناسية اسمو بالجامعة مول اول ماتطلعو بالدرج تلاقوه على يدكم اليسار اخذت اسم المحل فرنسي اخذت منه بجامة شتوية وسروال بجامة من الواسع وطقمت عليهم تي شيرتات من ستي ماكس واشتريت كمان من واحة الجلابية عندهم بجايم روعة وغسيل ولبس

ولزوم الدلع اخذت سليبرس من ستي ماكس والمجمع

قمصان النوم مشكلة طبعا

الاقطان راح تلاقوها بواحة الجلابية وموديلات ناعمة مرة مرة صراحة عفشهم كله حلو حتى اخذت منهم جلابيات برضو روعه ماشاء الله بس اهم شي تيجو في وقت نازلة فيه بضاعة جديدة ..

بالنسبة للحافات اشتريت واحد من كل شي للحمام فخم مرة مرة وقطن بنفس الوقت والعادة انك ماتلاقي الشي هذا كثير بس لقيته عندهم لانه بالاماكن التانية تلاقي الفخم قماشه غير مريح وحرش

اخذت لحاف تاني غيار من اورانج كان اسبوع فيه تخفيضات وربي وفقني بواحد عملي وقطن كان مااحب الستان انتبهو لذي النقطة لاتجيبو شي منظر وبس

اهم شي مريح ..واختارو الوان باردة للحافات عشان تكون مريحة للاعصاب ..

كمان اخذت طقم الحمام محمود سعيد قبال محل كل شي للحمام اشال روعة وارخص ..

اخذت لحاف خفيف من بيتي الصغير من مركز باب شريف الدور الثاني وتلاقوه كمان قبال الصيرفي مدري عزيز >>>مضيعة بالمولات لول

جاني هدية من جارتي واحد قطني كنت ابغا اشتريه بس على سادة وهي جابته بنقشة بسيطة جزاها الله خير

جبت كراتين مغلفة بشكل حلو من الخاسكية وجبت علاقات خشبية وعلاقات مبطنة واكياس اورقنزا ومقسم الادراج كله من الخاسكية وبيت الفستان برضو


وبس

دعواتكم لي بالتوفيق

نسيت اقولكم طقم المناشف تلاقوه بمركز باب شريف اشكال رهيبة وخذولكم واحد غيار يجي وحده واسعار مركز باب شريف ارخص من الاماكن التانية

ولاتنسو تجيبو عطور لأزواجكم او مجموعة عطرية

заJвni;11863311:
:013::013::013: ,,
ابششركم امي جـآإبت ولد ,,
والحمدلله قــآإمت بالسسلامة :032::032::032:

يمكن نسميه يوسف :037:

العروسة فلورينا:032:
ألف مبرووووك تصدقي ان مكانك مبين لما غبتي عن التجمع:037:
خبرينا عن يوم العرس من الصباح لوقت الحفل كيف كان ؟ خوف وارتباك؟ او ريلاكس وهدوء؟
ووووو الخ
و كيف كان شعورك بعد ماتجهزتي و لبستي الفستان ؟ كشخة مو؟:08:

موووووووووفقين

آمين ..

انا لسا ما حجزت الكوفيره ولا المصوره والفستان كمان

باقي على فرحي شهرين و 28 يوم مررره شايله هم

وخلاص الاجازه خلصت

احس ضيعت الوقت وانا اقضي ملابس وعطور ومكياج ومو راضيه تخلص الاغراض

الكوفيره محتاره بين ريما ومنه سنتر

ريما وحده قالت حتتوسط لي عنده صحبتها هناك تشتغل وواثقه فشغلها بس المشكله انو ريما العرايس مع الناس وانا ماابغى كذا ماابغى اتوتر يوم الفرح مع الزحمه والقلق ومافي حجز بس يومها اجي اخذ رقم

منه سنتر يقولو حجز من ذحين احجز بس مااعرف شغلهم كيف

فين تنصحوووني اسوي؟؟؟؟؟؟؟؟؟؟؟؟؟؟


والمصوره ابغى المتنبي مين تعرف رقمهم او اسعارهم ؟؟؟؟؟؟؟


والفستان رحت اليمامه ماعجبتني الفساتين ومحتاره مني عارفه فين اروح؟؟؟؟؟؟؟

:091::091::091::091::091::091::091::091::091::091::091::091::091::091::091: