{.ْ!●»«●.ْ!}

بنات انا اسئلتي بايخة شوية بس اهو الي يجي في بالي انقوله و نطلعه لكن طول ازعمك انحصل عشاء يوم الزفة او لا عشان اندير احتياطتي و انتعشي قبل ما نمشي للصالة عاد يوم طويل حتي هو و يصير منه العشاء او لا و العشاء شنو ايكون الي موتينه لنا و زعمك انتعشو قبل

نرجس


حبيبتي انتي وكل العرايس زي ما خبرتكم لازم تاكلو ف الكوافيره


هوا يوم طويل وسهره ف ليل وو لبس الفيلو تقيل واالكعب وشعر مرفوع ومشدود

كله يبي جهد عشان هك انتبهووو

الي متوتره وبلا نيه لازم تاكل


حتي الوجه ما يكونش شاحب زي الصايمه ومنصفره




بس يعني لما قلت تاكلو قصدي حاجه صحيه وماتخليش ف جسم غازات


ولا تكترو من سوئل واجد لانكم تبدن مزنوئات تبن الحمام


الاعتدال باااهي

خوذن تمر وموزتين واى حاجه اخرى تحبنها

العروس اخر سبوع قبل الفرح تبتعد عن المشورب الغازي والحليب لانهم يديرو نفخه وغازات


وتكتر من شرب شاهي الاخضر او نعناع او البابنوج

وعاااااااااااد الي تبي الجمال من الاعماق ويقلل ريحه العرق

هووو الساحر الزنجبيل رررررهيب


بخصوص العشاء هو بيعبا بيكي وراهو تبدي فر حانه ومربكه ومشاعر حلوة وجديده راح تاكلي

بحشم بس بتاكلي


العشاء خلي هلك يقصولك منه عادي وصي حد منهم يكون شوره يديريلك صونيه الزر الكبيره الفلوكه هادي البيضاويه

يحطلك من كل شي من الصاله وويمدوه لسياره العريس وانتم طالعين


والحوش بيكون فيه العصاير والجو التاني ثلاجه بتكون مليانه

بس لو الحلويات عليكم

خلي ماما اديرلك حافظه صغيره تنوعلك فيها تحطيها معاك ف مطبخك اهو تحلو بيها حتي مع القهوة



ووالي يفضل تقدري تخليه ف تلاجه مغطا تاني يوم تسخني لو جاء ف خاطرك