الرئيسية ركن العروس تجهيزات و استفسارات العروس {.ْ!●»«●.ْ!}

{.ْ!●»«●.ْ!}

حلمـ ., 14-04-2010 2,926 رد 109,199 مشاهدة
م
مراميرو حبيبة هاني
عروس نشيطة
10-05-2010 | 02:32 AM
يا بنات هو لو حسأل عن البوتاجاز اسأل هنا ولا في قسم الديكور؟
عموما انا بفكر اعمل البوتاجاز الي بيتسقط في الرخامه والفرن منفصل عنه بس بصراحه معرفش اسمه ايه،انا سألت عنه في مركاتو لئيت كزا نوع واسعاره معقوله ،يعني مثلا اليونيفرسال الخمس عيون سعره 1900 بس كنت عايزه اعرف حد جربه ؟وجاب ماركة ايه وبكام ومنين؟ :)
وهل ندمتوا بعد ما جبتوه ولا لا؟
وكفايه عليكوا كده
n
newlife
عروس مبدعة
10-05-2010 | 02:38 AM
rannon;12024912:
[QUOTE=newlife;12024387]طب ليه حتشيلى الصينى التانى حتديه لحد يعنى بصى طقم العشا بيبقى فى الغالب 20 قطعة بس بس انا انصحك انك بردك تخلى الصينى بتاع الاستعمال عشان لو عندك عدد من اهلك القريبين اوى تبقى تستخدميه لان طقم العشا عدده صغير

لا يا قمر مش هديه لحد هيبقى عندى الطقمين الصينى بتاع النيش والاستعمال وبصراحه انا مستخسرة انى استعمل طقم الصينى التانى لانه معدى الاف وشيك وسؤال المخالفه ففكرت اننا اجيب طقم عشاء استعمال او طقم اكروبال عسلى للاستعمال بس انا مش عارفه انى الافضل ؟

طقم العشا افضل عشان اشكالة متنوعة وجديد
D0Nya;12026325:
مبروك للبنوته اللي فراحها النهارده
وعقبال كل العرايس القمرات




للمخالفه

انا لاقيت عندي 15 حاجه صيفي للبيت
منها كاش ممايو - ترنجات - برمودات - بجامات

كفايه كده ؟؟

ولاقيت بس عندي 5 ترنجات شتوي
وطبعا معتش في شتا
وانا جوازي في 9
اعمل ايه ؟؟؟

كده يبقى فاضلك 2 جلابية او عباية شتوى وروب شتوى وكويس كده والشباشب الشتوى طبعا
لولو احمد;12027353:
ميرسى اوى ياجماعه على ردودكم بس محدش قالى برده التلفزيون نوعه حلو وغالى ولالا انا اتسرعت فى شراه بس لانى مش عرفه اجهز ايه جبت شويه حاجات مش بطاله يعتبر اكتر من نص الرفايع وخفت ان الفلوس تتصرف منى ياريت حد يطمنى على نوع التلفزيون واجيب الاحاف الحرارى منين بالظبط لانى خيفه اتغش فيه اما البطاطين خطيبى مسافر وعدنى انه هجيب اتنين وهوه جاى بس يارب يكون صادق وكنت عايزه اجيب المكنسه الكهربيه دلوقتى عايزه اعرف افضل نوع وبكام معلش طولت عليكم

المكنسة الكهربائية احسن نوع الباناسونيك اليابانى وتقريبا بتوصل ل 1500 اما هيتاشى البرميل فتوصل ل 750 ج
seymaa;12027587:
بصى انا معرفش اسم المحل هو جنب حماتى و الله انا كان نفسى فى السيلفر بس مش لقيت ساعتها و مش بقيت اتعب نفسى بقى المانى و لا صينى





بنات انا عايزة اسأل ايه الادوات اللى اخذها معى و انا رايحة اعمل باديكير علشان مش استعمل الادوات اللى هناك
انا عاملة ان شاء الله السفرة مودرن متفرغة من النصف دى هضع عليها مفرش صغير و لا اصل المفرش مش هيبين الحاجات اللى فيها و كمان النيش انا عايزة اللى بسيط جدا و حاسه ان شكله احسن من غير المفارش صح و لا ايه؟؟؟؟؟؟؟؟؟؟؟؟؟؟؟
ربنا يسامحكوا ببقى عايزة اسأل حاجات كتيرة بس عقبال ما بخلص اللى فاتنى بنسى

بلاش تحطى مفرش على السفرة عشان التفريغات اللى فيها يبان والنيش بردك بلاش او تحطى تل جليتر وبس
لولو احمد;12027617:
انا هقولكم على شويه الحاجات اللى انا جبتها وقولولى اجيب اكتر ولالا انا جبت 5 حلل تيفال زهران 4 سلستين زهران باحجام مختلفه وجبت طقم المونيوم عبور سينا وجبت طقم ملامين تحفه بس سعودىوجبت طقم بيركس فرنساوى عسلى بس طلع نوع جديد ملون شكله تحفه هجيبه برده وجبت شنطه معالق دورين علبتها جلد مش خشب وجبت علبه سكاكين وجبت مجموعه سكاكين فى علبه شفافه علشان مااستعملش العلبه اللى هحطها فى النيش وجبت طقم فنجاين شاى على حامل وجبت طقم صاج وجبت طقم حافظ الطعام وجبت طقم الفلافل الفخار وجبت ترمس وسخان للشاى وجبت الميكرويف وجبت طبق سلستين ماما قالتلى ممكن تستخدميه فى اى شئ هوه اسمه عجانه وانا اساسا مش بعرف اعجا بس مش مهم وجبت مقص السمك وجبت فرش وجبت فرش الدهان وجبت تلاته منخل باحجام مختلفه بس انا كنت عايزه اجيب منخل بسوسته صاحب المحل قالى مش عمالى بيبوظ من اول استعمال وجبت 3 صوانى المونيوم على شكل ورده وجبت طقم تلاجه استيل وجبت صينيه مدوره تيفال وجبت قلا يتين وحده كبيره والتانيه صغيره تيفال وجبت 2 كورى بس ناس كتيره بتشكر فى القلايات الكورى دى حتى صاحب المحل بيستعملها فى بيته وجبت التلفزيون الجى 29 بوصه وجبت شويه بالكهربه والمهم انى عماله الخبط كل مااشوف حاجه اجبها حتى لو كانت متكرره بسال صاحب المحل النوع ده حلو يقولى اى اروح جيباه لانى مليش حد يساعدنى فى معرفه المركات ولا امته اجيب ده ومش امته اجيبه المهم برده جبت شويه لبس هبقى اقولكم جبت ايه بس هوه بيتى

ما شاء الله تتهنى بحاجتك انتى طالما جبتى طقم بيركس غيرى بقى وجيبى طقم عشا عشرين قطعة وخلاص حددى انتى عاوزة تشترى ايه كمان من المطبخ والبنات حيفيدوكى

مشمشة تامر;12027641:
احم احم احم اليكم تقرير دعوة كتب كتابي بالصور و ينقل لكم الخبر الانسة مشمشة








انا روحت يا قمرات امبارح تيفال زهران لاقيت عنده حاجات تحححححححححفة و اسعارها حلوة اوى لانى روحت المصنع فعندهم هناك معرض بيبيع بسعر الجملة غير برة لو حد عايز العنوان يقولى و ابعته على الخاص و جبت من هناك مجين ليا استخدمهم دلواتى و ان شاء الله هبقى انزل تانى مع ماما عشان اشتري شوية حاجات هبقى اصورها لكم باذن الله ..

ما شاء الله الدعوة جميلة وشيك وازيك كده اخبارك

ghadghoda;12028815:
اشرى ميرسى على ردك عليا جدااااااااااااااااااااااااااااااا وربنا يسعدك يارب بحاجتك

دكتور دوبى الرفايع جميلة مشاء الله جيباهم منين وياريت لو فى اسعار


ولو سمحتم يا بنات ممكن اعرف احسن مكان اجيب منة الرفايع منين وكمان هو حد راح المعرض الايام اللى فاتت ولو حد راح فى ايه هناك وجاب ايه وبكام ؟؟؟؟؟؟؟؟؟؟


الرفايع من حمام التلات ومن مركاتو ومن هوم تاتش بتاع ش مصدق ده اللى سمسم بتروحه عشان الرفايع
ميويا;12030535:
يا بناااااات انا مضايقه اوى اوى:mad::mad:
انا كنت شاريه طقم الاستنلس ومكنتش فاهمه حاجه :(المهم جبت طقم تركى اكسبريس
وببص دلوقتى على ظهر الحله لقيت مكتوب 18/8 :!!:
انا زعلانه اوى هو كده وحش اعمل ايه؟ وسعره كان 825 جنيه

الطقم ده عباره عن 5 حلل استنلس+طاسه غويطه بغطا+براد صغير+مصفاه
انا هندى كمان تيفال زهران 3 حلل+2طاسه+2صنيه مدوره+2صنيه كيك واحده قلب وواحده اللى اسمها بروشش انتو فاهمين قصدى

وعندى 3صوانى بيركس


قولولى ايه اللى ناقص فى الحلل والصوانى واجيب انواع تانيه ولا ايه؟
واعمل ايه فى الاستنلس ده؟^o)

بصى الاستلنس ده كويس مش وحش انا عندى منه طقم توزيع كويس مش صدى ولا حصله حاجة وانا بقالى سنة وشوية متجوزة
هاتى طاسة الومونيوم غويطة عشان قلى السمك وكده وكمان زودى 2 صينية مدور و2 صينية مستطيل الومونيوم بردك
yoyo butterfly;12031596:
بنات كنت عاوزه اسالكوا فى موضوغ ^o)^o)فستان الفرح بتاعى انا فرحى باذن الله فى شهر 7 وبدات انزل اشوف الفساتين ايه اخبارها انا عاوزه باذن الله ااجر فرست يوز نزلت روكسى الاسعار نوعا ما معقوله حوالى من 900 لحد 1500 دول اللى سالت عليهم ونزلت مدينه نصر شارع عباس العقاد سمعت اسعار مهبله جداااااااااااااااااااا يعنى 3000 وانتى طالعه :-o:-oفانا شايفه انوا حرام جدااا والفساتين رغم كده مش كلها حلوه ومتستاهلش كدا خاالص:thumbs_down: بس المهم بقى ممكن ترشحولى مكان كويس واسعاره مهاوده كدا وانا كمان كنت سمعت ان:I: العتبه والموسكى فيها حاجات كويسه وهما اللى بيوردا الفساتين للمحلات اللى فى مصر الجديده ومدينه نصر وكمان بيتهيقلى هناك فى فرع للعبودى ومالبى (انا كان عاجبنى فستان فى مالبى اللى فى عباس وكان ب2500 شرا ممكن الاقيه فى الفرع اللى فى العتبه بسعر اقل ولا ايه ؟؟) ف هل حد فيكوا جرب يروح قبل كده وفيه حاجات كويسه عندهم لان الوقت عندى مزنوق جداااا لان ماماتى هى اللى بيتنزل معاى واخويا الصغير عندوا امتحانات دلوقتى وهى بتزاكرلوا وكمان بعد الامتحانات هنسافر شويه سورى رغيت كتيييييير :o:oبس عاوزه اعرف اروح للاماكن بتاعت محلات الفساتين دى اروحلها ازاى بالمتروا لو نزلت المشوار ده هيبقى مجزى ولا زى قلته وهضيع وقت على الفاضى خصوصا ان الجو حر جدااااا اليومين دول:badly::badly:

ايوة فى محل ندى فى الموسكى الاسعار هناك معقولة
dr.doby;12031741:
ميرسى كتير لكل القمرات اللى ردوا عليا واللى قيمونى ربنا يخليكو انا بحبكو اوى ويارب اكون فكرت اى حد باى حاجة نقصاه ده كان غرضى من المشاركة
بالنسبة للاسعار انا هقول اسعارالحجات اللى انا اشتريتها والباقى مش هبقى عرفة سعره لان ماما الله يرحمها هى اللى كانت شرياهم وكده
وهم من طنطا على فكرة فيهم من محل مزايا الجديد اللى فى المعتصم وفىمن المحل اللى قدام جومانة ده
الاسعار بقىبتاعة الصابون 10جنيه
كوب المعيار 4جنيه
القمع الواحد 2 جنيه
ازازة المياه 8 جنيه
المضرب السلك 8جنيه
مبشرة جوزة الطيب 2.5 جنيه
هراسه التوم 14 وكان فيه انواع اقل ب6 وكده
معالق المعيار 7.5 جنيه
مسن السكاكين 12
فتاحة العلب اسمها البلدوزر هههههه 15 جنيه بلدوزر بقى
الاورمة الخشب15
الاورمة الازاز 12 وكان فيه الكبيرة ب15
المعالق الخشب ب10
طقم توزيع التيفال 10 برضه ومش عرفة المركة للبنوته اللى كانت بتسال بس مش مشهورة تقريبا من سعره كده ههههههه
الباقى كله معرفش بكام ولا منين
ياريت بقى حد يقولى ناقصنى ايه تانى رفايع





ميرسى يا قمر على التقرير
فى الرفايع طقم تلاجة صاج او بلاستيك وطقم خزين البقوليات والمكرونات وطقم التوابل بردك ومريلة المطبخ بالمسكات لو افتكرت حاجة تانية حقولك
n
newlife
عروس مبدعة
10-05-2010 | 02:41 AM
لولو الوجه النحيف والطويل اعملى لفة الطرحة عادية مش اسبانش
ل
لولو احمد
عروس متألقة
10-05-2010 | 02:49 AM
بصراحه يامشمشه تامر بجد دعوه فرحك بجد تحفه عجبانى موت بس مش هعرف اجيب البرفان اللى انتى حطاه لان ساعتها خطيبى ممكن يطلقنى او يعلن افلاسه وعلى العموم ربنا يوفقك وفكره الدعوه لذيذه جدا اما مياداامياده حاجاتك شيك اوى بس قوليلى جبتى مفرش السفره بكام وانتى منين لانه عجبنى جدا ربنا يتتملكم بخير
ل
لولو احمد
عروس متألقة
10-05-2010 | 02:57 AM
انا وشى مش طويل بس صغير اوى ونحيف وبعدين انا معرفش لفات حلوه فى الزفاف غير السبنش ولو انتى من المنصوره ممكن تعرفنى الاقى فين محلات تاجير فساتين الافراح وباسعاره كويسه وافضل كوافير مين يقدر يساعدنى
p
princess dodi
عروس جديدة
10-05-2010 | 05:24 AM
F:السلام عليكمF:
أولا ميرسي جدا لكل اللي رد عليا شكر خاص لعلوم و baata و sally 2007

ثانيا أنا جبت شوية حاجات وعايزة أعرف إيه اللي ناقصني

هبدأ الأول بحاجة المطبخ:


- طقم حلل وصواني وقوالب كيك وتوزيع تيفال
- طقم استانلس ستيل + 2 صينية فرن
- نص طقم الومنيوم + 3 صواني فرن
- طقم صيني
- طقم اركوبال
- طقم بايركس 12 من كل قطعة
- طقم بايركس 6 من كل قطعة
- طقم صواني فرن بايركس
- شنطة معالق
- معالق استخدام مطبخ وتوزيع
- شنطة سكاكين ومقص للمطبخ
- 3صواني تقديم
- طقم كاسات 12 قطعة للمطبخ
- طقم كاسات 6 للمطبخ
- طقم فروت سلاد 6
- طقم كوبايات مياه 6
- طقم شوبات عصير 12
- طقم كوبايات عصير 12
- طقم كوبايات عصير 6 + الشفشق
- 12 مج زجاج للشاي
- طقم فناجين قهوة
- طقم مجات للهوت شوكليت بالحامل
- طقم مجات شوربة بالحامل
- طقم توابل مش كبير
- 3 صفيات صغيرة مختلفة الاحجام
- مضرب بيض سلك
- بونبونيرة زجاج
- اورمة خشب
- 8 علب زجاج لحفظ الاكل في الثلاجة
- كيتشن ماشين
- مقوار

تاني حاجة المفارش :


- 2 بطانية دبل + 2 بطانية عادي
- لحاف فايبر
- 6 اطقم ملايات غاليين
- 4 بشاكير
- 4 فوط
- طقم برنس للعروسين
- 2 مفرش سرير
- كوفرتة قطن واحدة

يارب مكونش زهقتكو بس اعمل ايه مليش غيركو أسألوا:o
انا جبت الكاسات من حمام التلات بس عايزة اعرف مكان تاني يكون اسعاره كويسة عشان مش لاقية كاسات شيك للنيش
وبالنسبة للبوهيمي اجيبه منين عشان مش عايزة اتخم فيه
m
mhyyyy
عروس نشيطة
10-05-2010 | 05:54 AM
يا بنات حد جرب بوتاجاز يونيون تك سيلفر اديشن الجديد دة وياريت يا بنات اى واحدة تعرف عنة اى معلومة ياريت تقول ضرورى والله ماتنسونى وردوا علية
r
rida86
عروس نشيطة
10-05-2010 | 08:41 AM
السلام عليكم
ازيكم يابنات وحشتونى اوى وكمان المنتدى وحشنى جدا بقالى كتير مش بدخل
المهم بقى اختى عندها سؤال ليكوا
هى عاوزة تعرف ايه الحاجات الى تجيبها لعريسها وايه الحاجات الى هو المفروض يجيبهلها
وكمان نوع مكواة كويسة ومكنسة كمان
M
Meroo012
عروس مبدعة
10-05-2010 | 09:55 AM
F: صـــباح الخير على أجدع بنات F:

الحمدلله كل شى تمام للى عارف مشكلتى ومحدش من عماتى قال اى حاجه اتنيه بس لو مقلتلهومش وانا بفرش هاتبقى كارثة واحتمال ميجوش الفرح :( ربنا بقى يحلها من عندووو

انا نزلت امبارح جبت الحمامات من محجوب اللى فى شارع البحر الأعظم فيه عندو حاجات واو بجد :adore: :adore:


tmatimo tmtm;12033392:
بنات حد راح هايبر وان قبل كدا في حاجات حلوه ؟؟؟؟؟؟؟ومكانه فين بالظبط لو حد يعرف ؟؟؟؟؟


دة فى اول الشيخ زايد وطبعا ملياااااااان حاجات حلوة

قوليلنا انتى ساكنه فين ونقولك تروحيه ازاى ؟؟

سمعت هنا حد بيقول اسواق المرشدى وهوا فى حد هنا من اكتوبر وانا مش واخدة بقالى ؟؟؟ :D :biggrin:

سؤالى : احلى فرع للنساجون فين ؟؟ واجيب ملايات حلوة منين اللى هيا باستك ويبقى ليها مش عارفه ايه من فوق :confused: اصل انا خيبه
م
ميااااااده
عروس ماسية
10-05-2010 | 12:35 PM
tmatimo tmtm;12033392:
بنات حد راح هايبر وان قبل كدا في حاجات حلوه ؟؟؟؟؟؟؟ومكانه فين بالظبط لو حد يعرف ؟؟؟؟؟




بصي ده عنوانه من الموقع هو قريب من ميدان لبنان واليه اعرفه ان في مواصلات من ميدان لبنان لهايبر هو مش بعيد بلنسباله خالص بس عشان انا بروح بلعربيه مش بروح مواصلات بس صحبتى راحت قبل كده مواصلاات وقالت من ميدان لبنان


مميزاته بقي انه كبير جدا في كل حاجه سواء من اكل وشرب ومكياج و مستحضرات عنايه بلبشره والشعر والاسعاااااااااااار ارخص من بره وده عن تجربه وارخص من كارفوووووور
الاجهزه هناك برضه ار خص من كارفور وارخص من اى مكان
يعنى انا جبت البوتجاز من كارفور ب 1219جنيه لقيته في هايبر ب1119جنيه فرق 100جنيه
ومثلا انا بجيب سائل دوف بتاع الايد والبشره بره جبته ب 16 هناك جبته ب 13.50
والشكولاتات ارخص من بره كل حاجه ارخص من اى مكان غير بقي ان هناك في الدور التانى
فيه قاعده وفي محلات دجاج كنتاكى و بيتزا هات تقريبا شامله كل محلات الاكل
المهم هو بلنسبالى فسحه جميله ومش بروح مكاان غيره وافضل من كارفور


بنات محدش يعرف ماركه مضرب بعجانه تكون سعرها مش غالى اوى عشان عايزه اجيب ليا
t
tmatimo tmtm
عروس متألقة
10-05-2010 | 01:35 PM
شكرا اوي لكل اللي ردوا عليا بخصوص هايبر وان ان شاء الله اروحه قريب

يابنات انا كنت مستغربه حاجه انا من فتره جبت طقم عشا من محل فمدينه نصر بس ده 55 قطعه وانتم هنا كلكم بتقولوا العشا 20 قطعه بتاعي 55 قطعه وبيدخل الفرن ده يبقا مش عشا ولا ايه هوا تركي وكنت جيباه غالي مش رخيص ؟؟
إ
إرتقاء
عروس جديدة
10-05-2010 | 01:37 PM
عموما انا بفكر اعمل البوتاجاز الي بيتسقط في الرخامه والفرن منفصل عنه بس بصراحه معرفش اسمه ايه،انا سألت عنه في مركاتو لئيت كزا نوع واسعاره معقوله ،يعني مثلا اليونيفرسال الخمس عيون سعره 1900

تعالى يامراميرو ياحبيبة هانى جنبى ..يمكن حد يدلنا
يابنااااااااات ردوا علينا أرجووكم
انا بجد لازم انجز انا فرحى اخر الشهر والمفروض ان حاجتى تتنقل نقلة واحده علشان شقتى فى 6اكتوبر ومش ناقصلى غير البوتاجاز والفرن والغسالة اجيبهم علشان حاجتى تروح الشقة وكمان خايفة المطبخ يتركب قبل الحاجة أصل ممكن يبقى فى مشكلة فى المقاسات ولاحاجة .. أرجووووكم ردوا عليااااااااااااااااااااااااااااا خايفة ادبس فى حاجة وحشة
ح
حلم العمر 110
عروس متألقة
10-05-2010 | 01:55 PM
بصوا بقى ياحلى عرايس انا عندى سؤال وعايزه الكل يجاوبنى عليه عايزه اعرف احسن نوع شوايه بالكهربا ايه والاقيها فين واسعارها بتبدأمن كام متنسوش علشان عايزه انزل اجيبها بكره ان شاء الله
c
cleo
عروس نشيطة
10-05-2010 | 01:59 PM
mhyyyy;12034818:
يا بنات حد جرب بوتاجاز يونيون تك سيلفر اديشن الجديد دة وياريت يا بنات اى واحدة تعرف عنة اى معلومة ياريت تقول ضرورى والنبى ماتنسونى وردوا علية


بصي انا جبته .. بس صعب تلاقي حد جربه لانه لسة نازل جديد
هو ما شاء الله مواصفاته هايلة
وكمان معاه ضمان 7 سنين
توكلي على الله
R
RAINBOW2000
عروس مبدعة
10-05-2010 | 02:27 PM
وحشتووووونى يا بنات بقالى شوية كتير مش بدخل و محدش يسال عليا كده برضه .... ادعولى لانه كان عندى شويه مشاكل كده


الأُمومة;12023974:
عايزة استشيركم انا مش عايزة أطفال فى فرحى ففكرت أكتب فى الدعوة
إن الفندق بيمنع حضور الأطفال إيه رأيكم ؟؟؟

لأن خطوبتى وكتب كتابى كانوا حضانة الأطفال أكتر من المعازيم كنا بنتكعبل فيهم حتى السى دى بتخنق كل ما أشغله واشوف الوضع كده

إنتوا ايه رأيكم


انا كان عندى نفس مشكلتك دى لان عيلة جوزى فيها شوية عيال قرود بصراحة بس انا هقولك على حل كويس انا عملته يوم فرحى انت تشوفى حد قريب منك حد من اخواتك او بنت خالتك او حاجة كده و تحمليه مسئولية السيطرة على الاطفال يعنى لو العيال بيجروا حواليكى يحوشهم او يقعدهم او كده بالراحة كده و بهدوء لانك لو كتبتى هتلاقى الناس جت بالعيال برضه انا شفت ده فى كذا فرح الناس برضه مش بتلتزم


Meroo012;12011626:
F: يا مساء التماسى عليكم F:


كل البنت تتجمع هنا وتيجيلى :mad:


عايزة اخد رايكو ف موضوع مهم بجد والله يابنات رغم انكو مش هاتخيلو الصورة بس تحاولو معايا :(


دلوقتى انا عفشى جه يوم الاربعاء وكنت انا بابا وماما واخويا


وحماتى واخوات خطيبى الصبيان (مع العلم ان خطيبى مش


موجود) وكمان كام واحد بيشتغلو عندنا عشان يساعدو فى


تطليع الحاجه لغايه كدة اوك ؟؟؟


عماتى بقى ربنا مايوريكم ربنا يهديهم زعلانين عشان انا


مقلتش ان العفش جاى وانهم كان لازم يروحو والاصول بتقول


كدة بالله عليكو انهى اصول بتقول انهم لازم يجو ؟؟؟؟ دة العفش بس اللى راح الشقة مش حاجاتى وولسة مأكدناش على ميعاد فرح يعنى مجرد عفش اتحط ولا حتى شلنا الورق اللى على العفش يعنى حطيبناه ومشينا
بابا


قالهم دة عفش البنت جاى النهاردة وانا لازم اروح طب


زعلانين ليه بقى مع العلم يا بنات ان بابا وماما منفصلين وانو


مدفعش فى عفشى جنيه :'( ايوة زى مابقلكو كدة ورغم كدة


ماما قالت اكبرووو بردو دة مهما كان ابوكى وكلمتو قلتلو تعالا


عشان تشوف شقة البنت وتبقى معانا


يبقى ليهم حق يزعلو انهم مجوش ؟؟ :'( بجد مدايقة اوى اوى


اوى يعنى بدل مايكلمونى يقولولى مبروووك يزعلو ويقولو


احنا زعلانين الاصول مش بتقول كدة مع العلم ان ف فرح بنت


عمى من قريب كنت معاهم ومحدش هان عليه يقولى تعالى


معانا كانو بيقولو للصغير والكبير تعالا معانا نفرش وانا لا


:'( مكنش حقى ازعل :'(:'(


قولولى رايكو واقنعنونى لو كنت غلط ؟؟ :'(


نفسى صعبانه عليا انهم بدل مايفرحو معايا لا مأموصين منى دة


انا بالنسبلهم عايلة:'(



عشان المخالفه ؟؟


اجيب براد احسن ولا كـاتـل ؟؟؟ والشباشب اجيبها منين بالجملة



اولا مبرووووك عليكى العفش تتهنى بيه يا رب ثانيا بقى سيبك من كل ده و متفكريش فيه لان فى ناس بحس بيبقى هدفها تفسد فرحة الواحد انا مريت بحجات كده كتير كنت بحس ان فى ناس هدفها تنكد عليه فقط لاغير انت سيبك من ده كله و بعدين معلش هما ميجبوش الغلط عليكى المفروض باباكى اللى كان قال مش انتى هما مش شايفينك عيلة خلاص سيبك منهم و نصيحة منى ليكى متخديش حد يوم الفرش لا خالاتك و لا عماتك و لا اى حد روحى انتى و مامتك و خلاص على كده لانك لو خدتى حد التانى هيقول اشمعنى و هيبقى فيلم مالوش لازمة و انت مش مجبرة تاخدى حد اصلا و مش من حق حد يزعل و بعدين اللمة لا هتخليكى تعرفى تفرشى و لا تعملى حاجة و كل واحد بكلمة و كل واحد براى و كل واحد يبصلك فى حاجتك ده رايى و ربنا يتمملك بخير

هاتى كاتل اسهل
k
kitty_kity
مشرفة سابقة
10-05-2010 | 03:17 PM
mannosa;12030992:
بطة

كنتي بتسألي على المكاييل دي المعالق والكوبايات بس جمعتهم مع بعض عشان مش يضيعوا

المعالق تقريبا ب7 والكوبايات ب12 وبقالهم سنة معايا ماشاء الله حلوين

http://www.3roos.com/files/ups/2010/257161/01273426157.jpg

مبروك عليكي ياقمر
انا جبت زيهم طقم مع بعضه المعالق الصغيرة والكبايات وشفشق معياري سعته 2 لتر طقم كدا لونه لموني عسول موت
كان ب33
j
jana elfrdos
عروس مبدعة
10-05-2010 | 03:24 PM
R قلبى وعمرى;12013838:
فى واحده اسمها اميرة اعرفها بتعمل شوهات للحنة واسعارها متهيالى بيبدأ من 700 بس بجد رسوماتها تحفة وجت مرة مع دعاء عامر ورسمت حاجات جميلة اوى وهيا ليها جروب عالفيس بوك




ممكن يا جميل تقولي اسم الجروب؟؟:D
t
tota_10
عروس مبدعة
10-05-2010 | 03:34 PM
freska2003;12029796:
[
بنات ماحدش قاللى حد جرب التلاجه شارب ؟؟


طبعا ماشاء الله جميله قوي هي عند مرات اخويا وبجد واسعه وجميله قوي
وانا كمان كنت بسال علشان لسه مش اشتريت فلقيتها هي التوب
حتي اغلي سعر
وبيجي بعدها وايت ويل ودايو وال جي وهيتاشي
اللي هي الحاجات المستورده

سؤال بقي يا قمرات
انا كنت امبارح في محل اجهزه كهربائيه بسال عن البوتاجازات
وبسال الراجل عن يونيفرسال البومبيه ويونيون تك
وانه افضل
قالي اليونيفرسال
هو كان تقريبا ب 1700
واليونيون تك ب1750

فمش عارفه حتي عنده فكره
كلام الراجل ده مضبوط ولا ؟؟؟
ياريت لو حد يعرف حاجه يقولي لاني انشاء الله هشتري الاسبوع الجاي[/QUOTE]


طمنتى قلبى يا قمر على التلاجه .. اصل انا جبتها خلاص .. بس ماكنتش بفكر فيها هى جت بالصدفه كده لما نزلت اجيب الحاجه .. والله فعلا الحاجات دى نصيب
بصى بقا بالنسبه للبوتجاز انا بحب كريازى القديم عن تجربه من ناس كتير حواليا وعن تجربه بردو من صحابى اشتكوا من يونيفرسال
وعلى فكرة انا لما نزلت اشترى الاجهزة طلبت كريازى القديم والراجل فضل يلف ويدور ويحاول يقنعنى بيونيفرسال انه احسن وفيه نظام امان لو الشعله اتطفت وكلام كتير كده وانا اقوله بردو عاوزة كريازى القديم حتى حمايا اعجب بيا اوى وقالى برافو عليكى انك اتمسكتى برأيك:thumbs_up:
والبنات هنا ربنا يكرمهم قالوا من فترة طويله فى موضوع الاجهزة ده ان فيه بياعين كتير مش بيرضوا يطلعوا كريازى القديم عشان كده اللى عاوزاه تصمم عليه
يونيون تك انا مقدرش افيدك فيه لنه لسه نازل جديد ومحدش لحق يجربه
وممكن يكون سبب ان البياعين بيحاولوا يقنعوا الزباين بيه انه لسه جديد ومحدش لسه اشتراه وجربه
شوفى اللى انتى عاوزاه وتمسكى بيه .. وصلى استخارة كده وربنا يوفقك
لولو احمد;12030706:
بصى ياجميل ناس كتيره اوى مش بترجح عمل الاكل فى الاستلس والتيفال
اولا التيفال مع الحراره بيبوظ والاستنلس مش عملى اوى بيغير لونه حتى سمعت ان استنلس زهران اللى هوه يعتبر احسن نوع موجود برده مش حلو فى الطبخ جيبى طقم حلل المونيوم عبور سينا صدقينى هوه دا اللى هتستخدميه ناس كتير قالت ان الالمونيوم حلو اوى فى الطبيخ الحلل كده كفايه بيتهيالى انته كده مش عايزه حلل بس جيبى الالمونيوم زى ماقلتلك


حبيبتى اسمحيلى هختلف معاكى .. مين قال ان التيفال او الاستانلس مش كويسين فى عمل الأكل
ده احسن حاجه التيفال والاستنلس بس الأنواع النضيفه طبعا
يعنى لو جبتى تيفال زهران مثلا هتلاقيه حلو وعمر الاكل مايلزق فيه والاستلنس الانواع النضيفه عمرها مالونها بيتغير ولا بتشيط الاكل ولا حاجه
والالمونيوم بردو كويس بس هما احسن منه .. بس بالأمانه الالومنيوم غلط انك تشيلى الأكل فيه مده طويله او فى التلاجه وكده يعنى اطبخى فيه لكن ماتحفظيش فيه الأكل
وبشكل عام بقا التيفال اول مايتجرح بيبقا خطر لأنه الخدوش دى فيها مركبات كيميائيه معينه ممكن تتفاعل مع انواع معينه من الأكل وتهاجم خلايا فى الجسم وتسبب لها بعد الشر سرطان
والالومنيوم بردو لو نقر كده النقط السودا دى بردو بتبقا خطر عشان بتتفاعل مع انواع فى الاكل وبتأذى خلايا الجسم
بس نسبه حصول الحاجات دى مش عاليه اوى يعنى
بس المفروض يعنى لما نلاقى التيفال اتجرح كده او الالومنيوم نقر وعمل الثقوب السودا دى يترمى فوراااااااااا
والكلام ده والله انا درسته فى الكليه عشان انا خريجه علوم


مشمشة تامر;12030933:
بس على فكرة يا توتة يا قمرة استانلس الاهرام عندنا بقاله اكتر من سنتين زي الفل و متغيرش لونه ولا حاجة و حلو جدا وصحى في الاكل اوى ،، و خدي بالك انا جوزي طبيب و دارس كتير جدا الاكل في الالومنيوم مضر بالصحة جدا جدا دي نصيحة لله ..



هقولك يا مشمشه حاجه بخصوص الالومنيوم
هو غلط تحفظى فيه الأكل فى التلاجه او كده
وخطورته بقا لما ينقر كده النقر السودا الصغيره دى.. يعنى لو الحله نقرت كده ارميها علطول.. لأن النقر دى بتتفاعل مع انواع معينه من الاكل وتكون مركبات كيميائيه بتأذى خلايا الجسم

sally2007;12031175:
بنات حد جرب شرائح فيت الشمعية اللى هى بتزيل الشعر وياريت اللى جربتها تقولى تجربتها
لانى عاوزة اجبها لانى مش قادرة استخدم السويت دلوقتى عشان الحمل

شرين معالق المكاييل دى بتجمعيها انتى ولا بتبقى مجموعه على بعضهاوالاقيها فينظ


انا يا سالى بستعملها علطول عشان مش بعرف اعمل سويت خالص لأنها بتسيح منى وبتعور ايديا كمان
بس عيبها انها زى السويت لازم يكون الشعر مش قصير اوى عشان يتشال وكمان هى بصراحه غاليه العلبه بحاجه واربعين جنيه وفى اماكن بتوصل ل50 جنيه
بس بأمانه يعنى لما بتجيبى علبه بتبقا 10 شرايح كل واحده عبارة عن اتنين ملزوقين فى بعض يعنى عندك 20 شريحه
عارفه عشان اعمل رجلى من عند الساق كده لحد الركبه بحتاج شريحتين بس لأن اصلا ممكن تستخدمى الواحده اكتر من مرة لحد ماتلاقيها مش نافع تلزق تانى
وطبعا سريعه موت ونضيفه اكتر من السويت
وبالنسبه للمنطقه الحساسه فى شرائح صغيرة كده للمنطقه دى واندر ارمز العلبه بحاجه وعشرين جنيه بس مش لازم تشتريها ممكن تستعملى الكبيرة دى بس تقصيها حتت صغيرة عشان مش توجعك
انا جربت اعمل بيها المنطقه الحساسه بس الجزء اللى فوق بس..فاهمانى:o
اكتر من كده هيبقا صعب اوى

miss cat;12032518:
بصى اولا طقم الحمام الفوط دة بيبقى طقم كامل بيقى شيك مووووووووووت وانتى وزوقك بقى هو بيبقى مطرز والوانات زى الفوط بالظبط مكون من بشكير كبير وفوطة كبيرة وفوطة متوسطة بيبقوا كلهم شكل بعض بتفرشيهم فى الحمام طبعا اول يوم لان ناس كتير جدااااااااااااا بتتفرج على الحمام هههههههههههههههههههههههه بس بجد صاحبتى كانت جايباة وكان تحفة وكمان بتجبية الوانة ماشية مع حمامك

اما بالنسبة للكريم بتاع السليلوت اسمة باى باى ساليلوت من نيفيا
اهم حاجة تدلكى باى حاجة مش شرط الليفة المغربى يعنى الليفة البلدى العادية بس من الناحية الخشنة ودلكى على الناشف هيا هتوجع بس استحملى
والكريم ممكن تدهنى كل يوم او 3 مرات فى الاسبوع والتدليك كذلكبس احنا بنقول كل يوم عشان النتيجة تكون اسرع




ميرسى يا حبيبى على ردك .. بس انتى كده لخبطتينى ادلك بالليفه على الناشف ازاى ..؟؟
انتى مش قولتى بعد الشاور اخلى الدش ميه ساقعه وادلك بالليفه؟

يا بنات يا قمرات .. الكاسات وطقم الشربات فيهم انواع ؟؟ انا عارفه طبعا ان فيه كريستال مش ده اللى بتكلم عليه
انا بسأل على العادى .. لما نزلت كل واحد فضل يقولى ده تركى وده تايلاندى وده معرفش ايه فهمونى بقا ايه احسن انواع فى العاديين دول مش الكريستال والحاجات دى

ومعلش سؤال جهل:o
هو ممر دنيا النغم اللى فى وسط البلد غير ممر الكونتيننتال ؟
ا
الأُمومة
عروس رائعة
10-05-2010 | 04:01 PM
ميرسى يابنات على كل الردود

بس أنا عايزة أوضح حاجة أنا إسمى مش متعارض مع اللى بقوله ولا حاجة أنا بحب الأطفال جدا:adore: بس لما هكون فى الكوشه مش هيبقى وقت إستمتاع بالاطفال وهيبوظولى الفرح وخلاص ده غير إن أكيد فيه فرق بين اللى بيمسك ولاده جنبه:034: واللى بيطلقهم وكأنهم رايحين جنينه:013::0100: طبعاً أنا مش دافعة أد كده فى الليله عشان يجوا المعازيم يبوظوها المعروف ان اى سهرة ليلية أو حفلة أو عزومة بتكون بدون أطفال طالما بالليل :019:

وأنا طبعا مستثنية أخواتى وأخواته طبعا دول لازم يحضروا فرح خالتهم أوخالهم أو عمتهم أو عمهم
:04:

على فكرة حلوة العبارة بتاعتك دى يا مشمشة تامر
بس دول مينفعش معاهم غير (متجبوووش ولادكم 8o|)ههههههههههههههههه مبيفهموش غير كده:lol:

ولو على اللى هيزعلوا عشان ولادهم يبقى خير وبركة انا عايزة الفرح كله يبقى كابلز :086:
واللى هيجى بولاده يقعد جنبهم فى البيت:069:

طبعاً أنا مش قاسية ولا غبية والله يابنات انا بقول كده عشان معارفنا سواء من عندى أو من عنده ولادهم صعب جداااااااااااااااااااا:098: ومش بيأدبوهم لو جريوا واللا دلقوا حاجة واللا قطعوا سلك واللا عملوا اى ربكة ولا كأنهم شايفين واحنا اللى هنتدبس فى فلوس تانية بعد الفرح وهما ما عليهم غير جم اتفسحوا واكلوا وبوظولى الفرح وغرمونى ومشيوا :sick:

فهمتوا بقى انا متأزمة لييه متفهمونيش غلط

لأن حتى لو قعدت اى حد من إخواتى بالاطفال مش هيقدروا يسيطروا عليهم لأن اى كلمة هيوجهوهالهم أمهاتهم هتتقمص وهيزعلوا على ولادهم 8o|وساعتها هتبقى مشاكل فعلا

أنا فكرت أنا وهو إننا نكتب:082: إن إدارة الفندق بتمنع حضور الاطفال

لتجنب بوظان الفرح للمره التالتة
وعلى فكرة فيه فعلا فنادق وديار مناسبات بتمنع دخولهم

وربنا يتتملنا كلنا بخير :)




:086:عرايس شهر يونيو :086:
فرح نونا 2010
18-6-2010



على فكرة يانونا احنا هنتجوز فى يوم واحد :)

مبروك لينا ولكل العرايس مقدما
ل
لولو احمد
عروس متألقة
10-05-2010 | 04:03 PM
ياجماعه عايزه اجيب ستاره للبانيو اجبها منين من المنصوره ولو حد اشترى تلفزيون ال جى 29 يقولى اشتراه بكام ومفرمه الحمه دى مع الكتشن ماشين ولالا اشتريها لوحدها ولا هتبقى مع الكاتشن ماشين لانى مش فاهمه حاجه فى اى حاجه
X