شلون تنظمون طريقة تلبيس عيالكم؟

والله مدري بس لولدي بصراحه اشتري كميه وقت التخفيضات واصير ابدل بين البناطيل وتيشيرتات معاه مثلا من اول او تيشرت جديد مع بنطلون من اول واخلي له بالخزانه بدلتين فخممممممممه للزيارات ووقت الصيف اقضي له جديد عشان نزلتي عند اهلي وبالشتاء بعد اقضي له كم بدله
وفي الاعياد وبس ياقلبي اتمنى اكون افدتك ويارب يخلي لك اميرتك ويحفضها

حبيبتي انا ما اعاني هالمشكلة لان ملابس كتاكيتي تضل جديدة من قله الطلعات

بس بالنسبة الك استغلي وقت التخفيضات و اخذي منه مجموعة

و مثلا نسقي كل بنطرون معاه بلوزتين عشان تقللين من كثرة الملابس

و اشتريلك بدلتين او 3 من الماركات الكشخة للاطفال و خليهم للمناسبات الكشخة

بالتوفيق

بالنسبه لي اشتري لبنوتتي وولدي كم بدله وقت التخفيض ويكونو انيقين وارفع منهم للمناسبات الكبيرة
لأن احنا عندنا اجتماع عائلي كبير كل شهرين .. المناسبه فلما تجي المناسبه مااضغظ على نفسي لأني
اكون مجهزه من قبل وحتى لو ماعندنا شي لابد يكون فيه لبس احتياط ...والطلعات العاديه اشتريهم لبس
عادي كم بدله واخذبنطلون وانسق معه كم تي شيرت عشاان الزحمه ...وعاااااادي اذا كرر الطفل الللبسه
احسه حرام اللبس ينلبس مرتين ولا ثلاث بعدين نرميه ونشتري جديد

روحي أبوي وأم عمار وهايدي فتاة الألب:032:
ألف شكر لكم حبيباتي ع الرد وأتمنى أشوف ردود أكثر:065:

حبيبتي اشتري بلوزه تناسب التنورة والبنطلون وممكن تنلبس تحت فستان لو بغيتي وكذلك بالنسبه للبنطلون والتنورة تكون تناسب كذا بلوزة
ونفس الشي للجزم أخخخخخ من حوستها
والألوان خذي ألوان مختلفه يعني ماتركزي على كذا لون عددي في الألوان والأكمام
شيلي لها لبستين وابعديها من قدام عينك عشان مايجي على بالك كل شويه تلبسيها اياها
غيري تسريحة شعرها وزينته
مو لازم لبس جديد كل شويه من كثر الملابس الحمد لله تجننا زياده ههههههههههه
أتمنى أكون أفدتك والله يطرح فيها البركة ويصلحها

اتكري على الاقل اربع او خمس بدلات للطعات

والباقي خليهم بسيطين للطعات المعتادة

ومثل ماقالوا البنات صيري ذكية في تنسيق الملابس
مثلا حلي مثل البانطلون يناسب اكثر من قميص لو بلوزة

مثلش ما عرف اخش فساتين أو بدلات على طول من اشتري ألبسهم

بس لازم يكون عندها جينز برمودا وبنطلون مع بلوزات بألوان حلوة

او شورت ولا برمودا لونها أبيض أو وردي ويكون يناسب كذا بلوزة

والفساتين الاحسن ما تاخذين فساتين شكلها للمناسبات ما بتستفيدين منهم وايد

الا اذا فيه مناسبة اوكي ..

حبيبتي يعتمد عليج انتي اطلعين وايد مجمعات او طلعات عادية او تجمع مع الاهل فكل مكان له لبسة معينة يعني اذا بطلعين طلعة مجمع العاب وجذي مو حلو اتلبسينها فستان انا احب لطلعات المجمع كله برمودات او هافات واحيانا بنطلونات وانا دايما اشتري الوانهم عادية ان تركب معاهم كذا فانيلة مثلا عندي هافات لونها ابيض وازرق وجينزات اسود وكحلي وبرمودات جينز الازرق الفاتح والغامق وجينز وردي وسكيني اسود فهاي الالوان يناسبها اغلب الوان الفانيلات عشان ما تشترين وتتوهقين بالوان الفانيلات فعندي فانيلات اقدر اركبهم معاهم عندي اصفر واحمروابيض ووردي وابيض واصفر فكل الالوان وانا احب انوع في لبسات بناتي اشتري لهم الفساتين والهافات والبرمودات وبدلات كاملة واحب انوع يعني في امهات يقولولج احب الفساتين بس في امهات كله تنانير انا عني احب كل شي احب التنويع وعشان يتعودون يلبسون كل شي تناسبهم شوفي انا مقسمة ملابس بناتي على النحو التالي :
عندي بدلات جديدة لطلعات الثقيلة وتجمع بيت اهل زوجي يكون كل جمعة وطلعات المجمعات مو كل اسبوع بطلعين انتي على حسب
عندي بدلات خفيفة لطلعات البسيطة للايام العادية
وعندي بدلات عادية كلش الي يصيرون وقصار او صغار او متوسخين شوي ومايطير او شي من هاذي الامور ودايما يكونون فساتين اخليهم للتجمع اهلي في بيتنا لان بيكونون في البيت فهاذي الشي عادي يكون كل خميس
وعندي ملابس للبيت للوساخة والدمار
ويكون لهم بيجامات خاصة للنوم للصيف اكيد بيكونون اياديهم قصيرة واشتري لهم للشتا ايادي طويلة واذا عندي بيجامات ايادي قصيرة البسهم تحتها فانيلة يد طويلة وبعد استفيد منها للصيف والشتا
فكل ام اتعرف اشلون اتنظم ملابس اطفالها على حسب ظروفها وانا عن بعد الصنادل احب اشتري كذا وحدة وكل وحدة لونها غير انا دايما اخذ اسود وفضي وابيض ووردي فاتح وغامق يعني تقريبا 4 الى 5 صنادل وعشان ما اتوهق واشتري لهم نعال صيفية خفيفة للطلعات الخفيفة اتكون حلوة وبان ارجل بناتي صغيرة بالنسبة لعمرهم بعد عندهم صنادل مال الصيف الماضي اخليهم للطلعات العادية وانا اشتري لهم حق الصيف والشتا بدلات من 4 الى 5بدلات كاملة او مركبة وفساتين وفانيلات خالية فاللاعياد ما اشتري وايد لهم لعيد الفطر اشتري بدلة للصبحية وبيجامة للغدا وبدلة فالليل وبيجامة بعد وبدلة للثاني يوم وبدلة لثالث وبس واشتري جوتي عادي لونه اسود لكل البدلات هاي يوم عيد الفطر وعيد الاضحى نفس الشي ععد البدلات وبيجامات وماشتري وايد لان استفيد من الي عندي من قبل بس في الشتا اشتري جوتي بوت بعد يكون لونه اسود ليناسب البدلات كلهم واشتري جواتي رياضة ولازم اشتري تركسوتات للشتاء احسهم يدفيهم فجذي اشتري جواتي رياضة وعندي بدلات مثل برمادات احب البسهم جواتي رياضة احسهم ارتب ودايما اخذ لونه وردي ليناسب كلهم وهاي الي انا اسويه واي استفسار تفضلي وحبيبتي حرام نشتري لهم كذا لبسة ومانلبسهم الا مرة او مرتين انا ما احب هاي الشي انا استغل وايد في الثياب مثلا اصدقين عندي بدلات مال الصيف الي طاف امخيلتهم مثل حق الطلعات الخفيفة كلش ليش انقطهم حرام ومثلا عندي كان فانيلات مال الصيف الي طاف خليتهم للشتاء الماضي كنت البسهم تحتهم فانيلات ام رقبة تناسبها واستفدت منه وايد وانا اشتري كذا فانيلة احين عشان نفس ما قتلج استفيد منها بعدين وانا بعد اذا شفت بنطلون ما بناتي صار صغير اوديه الخياط واسويه هاف او برمودا ويستفاد منه للطلعات البسيطة من كم يوم وديت بنطلونين جينز سويتهم هافات بسيطة وعندي سكيني سويته بعد هاف وطلع حلو في اللبس لان بيكونون قصار مت تحت واستفدت منهم حبيبتي استفيدي من الي عندج لاتقولين بنتي عندها وبلبسها وبشتري غيرهم ترى مو عيب ان تحافظي على الثياب انا مثل ماقتلج كنت شارية من الصيف الماضي وللحين يلبسونهم جنهم جديدين كل من يسألني ما شاء كل هالمدة ما صار فيهم شي وانتي اتعرفين لازم اشلون اتخلينهم مايتوسخون وترى الغسيل له دور في هاي الشي وانا احب اشتري فانيلات ام رقبة للشتاء الوانها تناسب الفانيلات الي عندي يعني اشتري ابيض واسود ووردي فاتح وغامق واشتري فانيلات يد طويلة خفيفة تحتها الفانيلات ام رقبة تناسبها وما اشتري جاكيتات ثقال لان ما عندنا في البحرين شتا ثقيل فاشتري جاكيتاب الي من قطن الخفيف بس اشتري الجاكيتات الثقال لروحات البر لان وايد انروح وللعلم انا كل مشترياتي من ماكس البحرين للايام العادية ومن السعودية للاعياد والبيجامات بعد من السعودية بس اكثر شي يعجبني لبسات ماكس اذا ما قدرت اروح اشتري من السعودية مشترياتي كلها للعيد والصيف والشتا من ماكس وانا احب اشتري الجواتي من تخفيضات سنتر بوينت لان موحلو تشترين جوتي بسبعة وثمانية يلبسونه شهر او شهرين وبعدين بعد تشترين غيره نا ما حب جذي اشتري وقت التخفيضات للروضة او الاعياد اذا بعد السعر عاجبني بس اكثر شي اشتري الجواتي من السعودية في محل اسمه ستب باي ستب وايد حلوة شوزاته وعن الصنادل هاي الصيف شريتهم من شو اكسبرس الي في الواحة ترى باقواج شي حبيبتي مو مهم كل مشتريات وملابس اطفالنا من الغالي ترى في لبسات حلوة ورخيصة وجني هذرت عليج وايد السموحة

بالنسبة لي ملابس اولادي تقسم 3 اقسام


قسم يومي للبيت ولبيت اهلي
قسم للجمعات المتوسطة الاسبوعية(( بيت جدي وجمعات العمات والخلات))
قسم للمناسبات الثقيلة عزايم زواجات



أنوع ومثل احب البس جديد بس احط لي حد في الجديد
يعني يون معي قرابة العشرين بدلة جديدة
البسها كل شهر 5 حد أقصى

بالنسبة لي لاني اشتغل ويوما علوي في بيت ابوي عند امي
وبيت ابوي ما يصير اتشوفينه خالي
عشان جذي يوميا ثياب مو غاليه ولا رخيصه وسط بس حلوة ومرتبه يعني لو جتني طلعه مفاجأة عادي اروح ابهم مثل من يومين تعب علي ورحت وياه المركز الصحي

غير اني احيانا احسب حسابي واخلي في السيارة بدلة عدله
والشوز يوميا في شنطته عشان يتعود رجوله ما اتصير حافيه

وعندي الثياب اللي شوي غاليه تقريبا الجماعي البسه بعدين بيصغرون عليه بعد وغير الطلعات

شكراً حبيباتي استفدت من تجاربكم وإن شاء الله أطبقها في الأيام الجاااية :083: