تجمع امهات وحوامل مملكة الزين البحرين لشهر جمادي الأولى لعام 1431

هلا فديت شخبارج

اللهم صيبا نافعا يارب

بنات ابي اشتري العاب حق روون شنو تقترحون اشتري مو عارفة شنو يناسب عمرها ؟؟

أم يسور خخخخ
قريت مشاركتش ..
ما تشتغلين!!!!!!!!!!!!! يعني خيو تقدرين تنظمين أمورش عدل مدل و المفروض تصرفين على قد المصروف اللي يعطيش رجلش و تحاسبين له أكثر
لأن والله الدنيا غالية و الرجال بروحه يتعب و يأثر على نفسيته

أما عن التلفون دام رجلش أشتراه لش خلاص هالشئ مالش إنتين و إذا هو يبي يآخذ لأخته خل يشتري لها غيره....
لكن صراحة خيو الفزلقة مو زينة .... تلفونين حقوبش ؟؟؟؟؟ الحياة غلا و عندكم أحين إلتزامات أوجب

الله يعين

صباح الخير بنات شخباركم عساكم بخير

صوت خيتي شخبارش F: وحشتيني عمري

أسووووووووووووووووور هلا عيوني
إي أهم شئ الماما الله يخليها لكم و بصحة و عافية

عيون
مت من الضحك .... خخخخخ
شر البلية ما يضحك ....


فراولة بالعافية المشتريات
شكلي بروح بيت التنزيلات عجزت أدور صندل قد رجول بتي كله كبار ... رجولها ما تكبر صغنونة خخخخ

فاتي
للحين عايش البلاج؟
خبري صار وسخ و كله جزاز و بس ال ح ش ا ش ة خخخخخخخخخخخخخ
روحو دوحة عراد مثل ما قالت عيون
او ساحل ابو صبح كلش حليو بعد

للحين ما كملت الواجب عساكم درزن جهال خخخخخ

تسلمين صوتي اي حلو الصندل امس لبستها الصندل كان حلو وكيوت

خخخخخخخ عاد درزن يهال خخخخخخخخخ

هلا والله زهور شخبارج

هذيان و دمعة بالبركة الله يسعدهم إن شاءالله
وين تعدلتين دمعة؟؟

أم يسور
إسمحي لي أختي ما أحب أقول الشئ من وراش و بقولش بصراحة أحس فيش شوي إسراف دام رجلش معصب على المصرف ... خفي شوي !!!!
و حلاوته علاوي بس ضعيفون شوي يمكن لما يبدي يآكل يزيد وزنه

هياوة ما عليها شر البنية

فاتي و لا يهمش بنشر كشة فراولة و بستدعي ولي أمرها خخخ
أناسة ألتقيتين بدمعو ...

روح وليد كشخة المشتريات
البنطلون الجينز الفاتح مثل أيام حملي خخخخ للحين ألبسه

فطومة قمر ما عليها شر الماما
لولو و بس تسلمين خيو ع الكرسي ... حاكر ماكر ما تشوفون الا ضربة ع الراس


أم علي ربي يخليهم لش القمارة و تبلغين فيهم

دمعة مرضعة بيجون اللي تجي حلمتها واسعة وقفت ما أعطي بتي فيها رجعت على المراضعين العاديين بيجون بس عاديين
هادي




فديت
زهورة خيتي
فراولة
أسور

صباحكم قشطة

ما بغيت أخلص هالواجب خخخخخخ

فراولة
حلوة المشتريات و بالعافية خيو و لش نجوم في دفترش :*::*::*::*::*:

بروح البنك بزفهم و بجي

مخلين إن عندي وياهم بطاقة إئتمان ب 900 دينار و أني أصلا حسابي مسكر من 4 سنوات و أساسا ما صار عندي بطاقة وياهم
تشارترد بوايقة

يالله بروح و برجع

http://forums.3roos.com/showthread.php?p=11973188#post11973188

تسلمين صوتي الغاليه

والله بوايقة صج يعني ناس بس تبي الفلوس حسب الله ونعم الوكيل فيهم

حياج حبوبة درب السلامة

صبحكم الله بالخير والنوير

ما كليتها حلوة في هالاجازة بنتي ذبحتني ذباح من الصياح من ايي الليل شغلت الموسيقى مالتها

لين 1 ولا ثنتين

اعطيها بندول ولا له اثر هاذي بعد شاريه بندول الي قوطيه وردي مب مال المستشفى
هلون يسوون الضروس استغفر الله ما يسوى علينا
عورت قلبي ميته تبي تنام مب قادرة تصرخ من الالم وتحك ضروس باصابعها

آه يا قلبي

فراولــــه ملكيــــة;11939298:
في حفظ الرحمن نوري سلمي على شيخة البنات وإجازة سعيده يارب عاد لي شريتي شي لا تنسينا صورية من زمان ما حطيتي صور خخخخخخخخخ

الله يسلمج ام روان، ان شاء الله عندي لكم صور شقد ان شاء الله اذا قدرت بحطها اليوم

¨°o.O عيون بن عون O.o°";11944265:
سموا بسم الله وذكروا ربكم








ماشااء الله




ولد ام يسوور


علاووي

فديته هالقمر الله يخليه لج ام يسور وتشوفينه معرس اد الدنيا

¨°o.O عيون بن عون O.o°";11944406:
اليوم يمعه الاهل صارت في بيتنا

وسويت لهم سويت

اول شي سويت هاي للقهوة

تمر





وولبعد العشا
سويت
حلى النوتيلا




هاي الي نثرته فوقه





تفضوا حبيباااتي

خخخخ

عليكم بالعافيه، عاد وين الطريقه مالتهم ثنينهم

ام يسوور;11945258:
هاااااااااي
شخبااركم
ثنكس دمعه فديتج على الجواب المفيد والصور الله يعطيج العافيه وبالعاااافيه على بوجاسم
وشسمه عيوووووووون ثنكس حبيبتي ع الصوره الله يعطيج العافيه
وبالنسبه للمشكله يابنات الله يسلمكم انا وريلي مافينا شي زينين عاد هالمره مو صح قلت لكم رحنه الستي كارفور طلع البيل اوفر الصراحه علينه لان انا ماطبخ غدا فيعني بس تناتيش يسيطه وطلع البيل 89 عاد استحمق وايد وقال حجي وايد على ان انا اصلا ناكل مع بيت عمي وجي وانا ماحاسب اخذ اشياء واقطهم في الجاري وخبركم قروض ومصروفي وابيال وياهل ومصروف له وغيره عاد قالي ان انا للحين دليعه فيعني علشان اصير سنعه خخخخخخخ بيحرمني من بيت اهلي شهر بس موافق ان اييون لي بس انا ماروح لهم عاد انا مارضيت ومافي وحده ترضى ماتروح بيت اهلها وامي ركبها تعورها ماتقدر تركب لي فوق المهم انا ماقولكم مافيني اغلاط انا فيني واعترف وان شاءالله بصلح من هالشي مثلا الصراحه ماطبخ وايد ولا احب اطبخ وحتى سويتات ماسوي الا بزور وقمصان نوم مالبس الا ساعات زحمة شغل البيت والياهل ووو شنو بعد حاط دوبه ودوب التنظيف مع ان انا انظف وكلشي على راسي وهوه ولا يشيل خوصه من الارض يفصخ ويقط وياكل ويقط هاذي المشكله الاولى الي ابي لها حل لان انا مابي يحرمني من بيتنه شهر وهو مو راضي يتنازل ويعطيني فرصه اتغير واذا رحت بيحرمني من ولدي وانا الي بخسر والناس بتشمت شرايكم
المشكله الثانيه توها صايره ان اخته اول اعدادي تبي تلفون من عندي لان الكل عنده تلفونين الا اهيه انزين وانا شخصني حتى لو عندي 3 تلفونات بس انا مو حابه ان اعطيها لاتقولون عني بخيله بس انا احتاج تلفوني للتصوير لان ماعندي كيمرا بس لان البي بي مابي احط فيه وايد اشياء وعندي سوني حاطه فيه فيفا قام اهوه شنو سوه خذاه غصب وشال البطاقه منه وعطاها غصب وهيه تدري ان غصب ورجعته لي يوم ثاني السلسه الي فيه كله طاحت فصوصها لان اهيه دفشه من الزين وللحين مو راضي يتنازل حتى تخيلوا انا من القهر دشيت الحمام وقام يبي يكسر الباب علشان ابطله والحين انا خاشه تلفوناتي كامل وحياتي زفت
سوووووووووري ع الاطاله سااااااااااااااااااامحوني

سمحيلي اختي شاقول عاد
الي احب اوصله لج ان حتى لو قصرتي نتيجه للمسئوليات الي على راسج، هاذي ما يعطيه الحق انه يسوي جذي
مافيها شي لو طلع البيل بهالمبلغ شنو المشكله لو شلتو بعض الاغراض من السله لما كنتو عند الكيشر عادي بدل ما يسوي هالهولليله على هالشي التافه
والحجي الي قاله كله ما يرزا الي صار بس هاذي مبين انه شايل في قلبه عليج وياته مناسبه وطلع الغل (سمحيلي) الي قلبه
سمحيلي اختي بس لا تعطينه فرصه حق يتحكم فيج
ما في عايله في البحرين غير عنكم
كلنا عندنا قروض والريال ملزوم ثم ملزوم يصرف على بيته وعياله في الي يحتاجون له، ويدفع الابيال والباقي يتم مصروف له.
والعقاب (انج ما تروحين بيت هلج شهر) لا الله ولا رسوله يرضى بهالشي، اكاهو قاعد في بيت هله، ومجابلهم كل يوم، ما يصير الشي الي يحلله لنفسه يحرمه على عليج، وما تلزمين امج وهلج يركبون لج فوق ، اصلن ماعتقد بياخذون راحتهم معاج مثل لو كنتي في بيتهم، دام انه هلون يعاملج وهله هلون حالتهم حاله.
شي ثاني الاغلاط الي فيج (انج ما تطبخين، انج ما تلبسين قمصان نوم) هاذي اعذار واهيه عشان يفش غله فيج، خصه اذا مثل ما انتي تقولين ياكل ويقط ويلبس ويقط ولا يتحمل مسئولية شي ولا يساعد
لا حبيبتي الي قاعد يصير غلط
وعلى فكره شقصده مثلا انج لو رحتي بيت هلج بيحرمج من الياهل ، بيطلقج مثلا؟؟

الياهل في حضانة الام من عمره بو يوم لين سبع سنوات، وبعدين يخيرونه تبي تعيش مع امك او مع ابوك؟ والي يختاره اهو الي ينفذ
والله حاله، صراحه وضعج الحين احس فيه المضحك المبكي
يا حبيبتي لا تعطينه الفرصه انه يلعب فيج لعبة القبة
ترا "من حط عمره سبوس لعبت به الدياي"
وعلى سالفة التنظيف هاذي يأكد وجهة نظري، لأن لو صج يهمه التنظيف جان اهو من نفسه تحرك وقعد ينظف وياج ، بس قاعد حاط ريل على ريل وقاعد لج قعده حق سالفة التنظيف هاذي متسبب

وعلى فكره بعد، ترا المره مب ملزومه تنظف ولا تغسل ولا تطبخ ولا تسوي ولا شي في البيت، واذا تبين الدليل بحطه لج، بس الاعراف والتقاليد الباليه خلت المره من مسئولياتها انها تسوي هالاشياء والريال قاعد ويتأمر

وحتى الرضاعه المفروض وفي القرآن مذكور انها تاخذ اجر مادي على رضاعتها لولدها، واذا ما بغت ترضعه مو مشكله مب غصب، ترضعه وحده ثانيه، سمعتي! لهالدرجه الاسلام عطانا حقنا ، بس احنا ابخسنا انفسنا حقها لين خلينا الرياييل يلعبون بحسبتنا
ولا يهمونج الناس، الناس لو تعطينها عينج يجلعون العين الثانيه لأن مب عاجبهم
المشكله الثانيه الي تأكد وجهة نظري انه متسبب ومب لاقي طريقه يفش غله فيج
انه يعطي اخته تلفونج، ليكون فاتحه جمعيه خيريه وتتصدقين عليهم من حلالج
"الي ما عندوش ما يلزموش"
مب تتفشخر حضرتها على حسابج هاذيلا سمحيلي زطاطوه ومكفخين بعد
عندج 10 لو 100 تلفون ماله حق يلمس شي من اغراضج، هاذي الي قاصر
روحي حق امه وقولي لها هلون ولدج سوا لا تخشين عنها الي يسويه فضحيه بين هله عشان يطيح من عينهم ويهاوشونه يمكن يستحي من الخلق لأن ما يستحي من الخالق

ادعي له الله يهديه ، واقري عليه " وجعلنا من بين ايدهم سدا ومن خلفهم سدا فأغشيناهم فهم لا يبصرون، صم بكم عمي فهم لا يفقهون" والحديث " اللهم اكفنيه بما شئت" كرريهم وايد، وكبري في ويهه وايد

بس شاقول لج الي هاذي اوله ينعاف تاليه سمحيلي بهالكلمه، بس لأن هالشي مرت فيه وحده اعرفها، وفي الاخير انفصلت عن ريلها لانه مب مقدر النعمه الي اهو فيها، بس اذا شفتيه ما اعتدل في معاملته معاج شوفي لج حل غير انج اتمين على هالحاله

انا ما ابي الفراق بس الله يسوي الي فيه الخير واتمنى لج السعاده


(رجاء بنات هاذي وجهة نظري، انا ما تدخلت في وجهة نظر بعض البنات مع انها ما عجبتني فلا احد يعلق عليها الا صاحبة الموضوع، لأن الي صار ما يمشي عندي)

روحي وليد;11947062:
صباح الخير
جمعه مباركه ع الجمييع

بنات بقولكم شنو صادني امس ماله علاقه بالحمل بس اول مره يصيدني وحسيت بخوف صج صج مو طبيعي
الله يسلمكم كنت راجعة من الدوام وتعبانه وع طول نمت وبعدها قريب المغرب جذي بطلت عيني ابي اتحرك ما اقدر كان شي مانعني من الحركه خفت ابي انادي ع زوجي ما اقدر اتكلم وتمييت على هالحاله ثواني معدوده بس حسيتها دهر و خفت خوف مو طبيعي لما شرحت لأمي تقول هذا جاثوم صادكم هالشي من قبل؟ وانا بعد ما اعرف اشرح زين بس مو ان ما تقدريين تتحركيين لان جسمج يالمج او فييج شي لا عاديه ومافيج شي بس كان منشله عن الحركه وثابته ع وضع معين ما تقدريين تغيرينه بسم الله والله تعكر مزاجي كله بسبب هالحاله مع ان اول مره تصيدني وإن شاء الله اخر مره بعد بس وايد خفت

هاذي ياثوم نفس ما وصفتيه الضبط، بوووووووووو انا يا ما ياني وبهدلني بس عقب ما يخف اثره اقري على نفسج ارقي نفسج جم مره قلت لج خاصة قبل ما تنامين

حياة بلا حياة;11947636:

مساء الخير

شخباركم جميعا ان شاءالله بخير؟؟

هلا والله

¨°o.O عيون بن عون O.o°";11948547:
قوه
شخباااركم

جمعه مباركه عليييكم فيدتكم

ياربي الواجب طويييل


بس قريت اخر شي


عن روحي وليد


انا صادني جذي مرة
وبييييييييييه كنت جني مينونه


كنا في مكه

قعدت قبل صلاة الفجر

وكنت اصاارخ واطق امي الي قاعده تهديني وتسمي علي

واختي تيبست مكانها

لانه شكلي مرعب كانت اصارخ ومبطله عيني واحرك يدي جني ابعد احد عن جدامي

وفي نفس الوقت كنت اسمع بس صوتي على خفيف وانا اصارخ

وعقب ثواني اوتعيت وشربوني ماي وقرو علي

وعقب عرفت انه هالشي ياثوم لانه مارجعت فتحت الموضوع مع امي كلللش ولي اليوم ماقالو لي شي

بس اختي سربت لي الاحداث
خخخخخخخخ

وخصوصا انه في اثار تشمخ ع يد امي

بس اهمه عبالهم من الخوف من ذيلين الحبشيين السممممر الي يطرون ومقصصين في مكه

لانه ليلتها في ياهل نط في ويهي ومطلع يده وانا فزعت

ووالله لي اليوم امي توصي الي وياي اذا بروح مكه انه ماروح صوبهم

وانا بعد كله يتهيألي انه بيصيدني واقعد افكر قبل ماارقد وانا في مكه


بس يقولون عادي..


يمــــــــــــــــــــه يخووف الموقف


لا اله الا الله

يمه خرعتيني

أساير الروح;11948712:

حبيت اسلم عليكم

ادري الحين الواجب صار كتب بس الله كريم:cool:

وحشتوني وااااااايد واااايد:adore:

خلصت الاجازة وبرد اخذ اجازة ثانيه لمدة شهر لان امي للحين تعبانه ووولدي محد عنده ايوده شاسوي :( اهم شيء صحتي امي تسوى الدنيا كلها:biggrin:

وبعدها عندي دورة بغيب عنكم بعد شهر :'(

نوري ... ماماتي ...فراولة... عيوني... روحي وليد...مس روز .. مس ديور.... خذيتووووو ....ام علي... دموعه... ام نواف.... هذيان...زهور الحلوة.. بطوه ... فاتي... وحدي احبك...فديت قلبه...غموضه...

كلكم بدون استثناء ان شاء الله مانسيت احد

ان شاء الله يوم الاثنين بداوم نص دوام وباطلع

تسلمون لي وتذكروني :biggrin:

فديتكم حبيباتي عيونكم الحلوة

بالنسبة للوجبة ما عجبتني يمكن لاني ذقت احلى منها في كابتشينو وهذا له فرع في البديع يم سمرقند

هلا والله نوري الغاليه شخبارج ما تشوف شر حصوص ليش ما تشترين لها الجل اللي حطونه في اللثة

ولا حطي فوطة فيها ماي بارد على اللثة يمكن يخفف عنها ذاك اليوم شفت المضوع في برنامج حكمة نساء في ابوظبي

نسيت اصبح عليكم صباحكم عسل

بس لاني مقهورة من الشغل مسويني شغالة لا ويجوفوني طيبة يقومون يزفوني قهرتني وحدة ولا بسامحها

صباح الخير يا حلوات

شخباركم زام نهار وحشتوني اوي اوي

لا الحين اتصل فيها تقول لي هدأتين ولا لا وانا مسكينة خيرة لا اهش ولا انش من جذي مأكول حقي

هلا والله ام علي ما عليج منهم ولا تسوين شي انتي مالج لزمه فيه

روحي الغاليه شخبارج حبوبة وشخبار النونو

يتصفح الموضوع حالياً: 10 (10 من الأعضاء و 0 من الزوار) ‏روحي وليد, ‏فراولــــه ملكيــــة+, ‏WhO @m i, ‏ام حلا البحرينية, ‏صاحبة الظل الخفي, ‏Lolo wo bas



متجمعيين ع الخير دائما يارب

**************
فديتج ام روونه انا بخير الله يسلمج اخبارج انتي واخبار وردتنا