تجمع امهات وحوامل مملكة الزين البحرين لشهر جمادي الأولى لعام 1431

مشكوره حبيبتي روحي وليد ماقصرتي والله يتمم لج على خير وتشوفين الكتكوت/ة بحضنج

ام إيمان يا هلا وسهلا فيج حبيبتي والله يخلي لج الاموره
*******
فاتي وعليه عموري كسر خاطري فقير ماعليه شر مساكيين اليهال بلوه مع هالتسنين
والله يخلي لج عموري واكييد اهو اهم من الدنيا ومافيها ربي يحفظه ويهدييه لج يارب:adore:
*******
ام شوق ماعليكم شر ياربي اجر وعافيه
*******
رنين ولو حبيبتي حاضريين لج مشكوره ع الدعوه الحلوه الله يسمع منج يااااااااارب ياكريم
*******
ابي انزل لكم مشترياتي بس مو محصله الكيبل خله لي باجر:p:lol:

يله تصبحون ع حب وسعاده وهناء:D

الااااي ريحة خنينة اجووف في التجمع الا من هالعطوور الحلووة خخخ

رنين خيوو شخبارج وشخبار علاوي؟؟
ارشح لج عطر استيلا البنفسجي صج رهيب وانفيمي بعد حلوو وناعم
اما عن العطور العربية وصال من اجمل وبنفسج من سيدجنيد احبهم وبقووة بعد في عطورات واجد بس حالياً مو على بالي الاسماء خيوو اتمنى افدتج:)

عيون&مونيكا.. الشر مايجيكم تسلموون خواتي:)

هلا روحي شخبارج غناتي وشخبار النونو فديته اتحملي فيه وايد
ناطرين الصوور فديتج,, وانتي من اهل الخيرات والليرات يالحلووة نوم العوافي على قلبج:)

هلا خيو فاتي احنا بخير وعلاوي زايده الشطانه الله يساعدني ويهديه
مشكوره يالغلا على المساعده ماقصرتين

روحي وانتي من اهله واحلام سعيده

لا شكر على واجب حاضرين للحلوين ولوو :)
هههه خيوو الحال من بعضه كل ما كبرووا زادت الحركة وتعتبر من ضمن الشطانة طبعاً
الله يهديهم ويساعدنا في تربيتهم

بنااات والله دار راسييي وباقي شووي وينفجر سامحووني بطلب منكم طلب وان شاء الله اللي تعرف مابتردني ادري فيكم شيومات والله بدون مجامله او مبالغة المهم قاعده احل الاسايمنت ولا عارفة شلون احل هالسؤال اللي تعرف تحله تساعدني وراح يكون من ميزان حسناتها لان آخر يوم يوم الخميس والحين خلاص قرب موعد التسليم يعني وضغط عندي نفسيتي كلش تعبانه افكر في الاسايمنت شلون بخلصه:(:(

وهذا السؤال تفضلوا::

As you are going to provide administrative support for your supervisor at the careers guidance exhibition you want to create a good impression of your knowledge and experience of undertaking various administrative activities demonstrate that you have participated the following administrative support activities for the business event:

1- preparing an agenda to discuss the planning of the event
2- preparing minutes for the meeting
3- preparing appropriate materials for delegates to the career advice and guidance exhibition
4- arranging equipment suitable for the business event
5- checking equipment is in order

هذا نص السؤال وبكرة ان شاء الله بحط الباقي تعبت وظهري انكسر المشكلة ان السؤال يوم ترجمته حسيت انه سهل بس مشكلتي فيني ماعرف أألف انجليزي@@

مرحبا شخباركم ؟؟؟

شسالفه ؟؟؟ محد شارك الصبح بالتجمع لو المنتدى عندي مخرف مافيه ولا مشاركه مال الصبح

يؤسفني أن أنقل لكم خبر وفاة المغفور له بإذن الله تعالى الأخ والوالد والمسؤول محمد جاسم البنكي

وكيل وزارة الإعلام ورئيس تحرير جريدة الوطن سابقا


حيث انتقل إلى الرفيق الأعلى منذ ساعات قليلة

نسأل الله أن يلهم أهله وذويه الصبر والسلوان


الله يرحمك يا بوجاسم ومثواك الجنة أن شاء الله

دعواتكم له بالرحمة والمغفرة

وانا لله وانا إليه راجعون

رنين الوتر;11931200:
مرحبا شخباركم ؟؟؟

شسالفه ؟؟؟ محد شارك الصبح بالتجمع لو المنتدى عندي مخرف مافيه ولا مشاركه مال الصبح

مرحبتين يا هلا ,, الحمدلله بخير:)
نفس الحالة خيوو بس اني حاولت جديه على الساعه 12 والى 2 الظهر ماكان يفتح عندي المنتدى شكله مخرف اليوم!! تطلع لي الصفحة ايرور اسوي رفريش ونفس الشي!!

فراولــــه ملكيــــة;11922888:
هلا دموعية

تروحين وترجعين بالسلامة يبي ثياب حق روون خخخخخخخخ صديقة ولدج :|يضحك هالرمز

..الله يسلمش ام رووون.. :o مااخذت لروون شي.. توني اشوف الرد
وثاني شي مامداني اشتري.. حتى حمود مااخذت له ولا قطعة.. بس شريت لي فستان ولخواتي واخذت تنانتيش>>>جاري التصوير كالعادة هههه :D

صوت الحنان;11922898:
دمعة
ضحكتيني على سالفة البنية ههههههههه
مو طايقة الوجوه كلللللللللش
يوووووو فشلة أمزح وياش خيو لا تعبين روحش و تدورين مشط .... إن شفتين قدامش اوكي بس مو معناه تتعنين أمزح ترا
فديتش

نوري ... وش فيش؟؟

.. اييي شفته هالمشط.. وجيت باخذ لش..
بس اشوة مااخذت;).. قلت يمكن آخذ لها وبتقول لي فشلة ومابتجي له.. او يمكن ردت عليها اللي تبيعه.. اخذته بدينار :thumbs_up:

صوت الحنان;11923041:
اللاااااااااااااااااااي -أرقص- خخخخ
حصلت مشط البف
بت أخوي أحين كلمتها إلا تقول هي أشترت و طلع ما يصلح لشعرها لأنه خفيف فالمشط يبين .... بتعطيني إياه -وينهي الصور اللي يرقصون- خساارة

..زييين يعني ماشتريه :p

روحي وليد;11923288:

انا ابي عويزه والعويزه على حسابج طبعا:p:lol:تروحون وتردون بالسلامه نبي سلامتكم

..الصراحة ماادري يعني ويش العويزة :lol:

زهورحلوه;11923449:
:L: قوه يا حلوين شخباركم كلكم عساكم بخير وعافيه

صوت خيتي شخبارش زينه وشخبار توته القمره بعد جبدتي هالبنيه

اليوم اشوى ما مت طلع واحد عليي في الشارع وخرعني اشوى ما قتلني ويصارخ بعد ثقيل الطينه الحين السيد ليي ويطلع عليي اما ناس

فرواله واساير دمعه مس روز قنوت روحي وليد الكل الكل شخباركم

..اهلا ام نووور.. الحمدلله احنا بخير
شخبارش وشخبار الحلوة؟؟
الحمدلله ماصادش شي.. صج فيه ناس ماعندهم اخلاق يقهرووون:confused:

صوت الحنان;11923998:
يالله بنات أشوفكم على خير
مأجورين بوفاة سيدة نساء العالمين فاطمة الزهراء عليها السلام و نسألكم الدعاء

..مثابين

رنين الوتر;11924863:
مرحبا حبايبي شخباركم وشخبار بيبياتكم ؟؟؟

بطلب منكم طلب كل وحده تدخل تقول لي اسماء عطور فرنسيه تكون ريحتهم حلوه وياريت مع الصور لان ابغي اشتري وبوصي يجيبون لي من جدي ابغيكم تنصحوني شنو اشتري انتظركم حبايبي وادري مابتقصرون

.. اني احب عطر بلاك اكس..يذكرني بيوم زواجي وبشهر العسل :o
النسائي والرجالي عجييب..وعطر بوس فيمي>>اللي حطت صورته ميس روز

*فاتي*;11925120:



هلا دمووعة بعدجبدي شخبارج خيوو وشخبار حمادة
الاااااااااااي بتروحين السعوودية درب السلامة ان شاء الله تروحين وترجعين بالسلامة فلدناش الدعاء والزيارة خخخ:p




امس كان زوجي اول ليل والعصر عموور كانت فيه صخونه بس على خفيف عقب زادت عليه واتصلت في اختي وقلت لها تبرز روحها وتجي ويايي رحنا المركز اقرب لنا عن زحمة الجسر وتعطيلة الطوارئ وبروحي ماحب اروح بدون زوجي المهم قاست حرارته 38 وقالت لي من التسنين وفيه احتقان في بلاعيمه واذونه اليمين وعطته ادويته مضاد وتحاميل ومذيب للبلغم رحت دايركت بيت ابوي حق امي ربي يخليها اخذته وسبحته ومسحت بزيت زيتون على جسمه كله وحطت له تحميلة ومنها خرج تكرمون مرتين لكن الحمدلله هدأته شووي خفت لصخوونه عقب رجع زوجي من الدوام وقالي خلنا نقوم نروح رامز نتشرى حاجيات البيت قلت له ولدي مريض ومادري شنوو امي قالت لا عادي ماعليه شر صار احسن خلووه عندي وروحوا رحنا عقب ساعة ونص اتصلت فيني امي الا تقول تعالي لولدش لا تتأخرين ترى زادت لصخونه واكو قاعد يأن ويصيح المسكين مو ساكت سيدة دفعنا ورجعنا خديت ولدي من بيت ابوي وطيران على الطوارئ عطوه بروفين وسبحته هناك عقب ربع ساعه الحمدلله خفت لصخونه يوم اروح الساعه 12 وشي ويوم نطلع 2 ونص تقريباً واليوم مارحت الدوام لاني مايصير اخلى ولدي بصخونته وامشي مالي قلب ولدي اهم عندي في هالحياة كلها الله يفرج عنه وماعليه ولا على عيالكم شر ان شاء الله>> مسامحة سوويت لكم تقرير مطوول بالتفاصيل يلا اقرووه:hysterical::lol:

..اهلا ام عمار.. مايشوف شر البطل.. الله يساعدهم مساكين على هالاسنان
هههه اش دعوة الدعاء والزيارة:lol: الدعاء بس..

m!ss rose;11927730:
شخباركم جميعاً

انا الحمدلله صرت أحسن بس اليوم بلاعيمي

وشوق من الليل لي 7 الصبح صياح مانامت خير شر تعبت وياها

اليوم وديتها المستشفى قالوا بلاعيمها وإذنها وزكام

مادري اشفينا انخلص من شي ونبتدي في شي :091:


رنين بحط لج عطوري وإن شاء الله تعجبج

lacoste touch of pink




boss femme





versace Bright Crystal



my Givenchy dream

Miss Dior Cherie

..ام شوق مثل ذوقي في العطوار.. اني من العطور اللي جربتها وحبيتها فيرساجي وبوس فيمي>>>عطر خطوبتي
كل عطر يكون له ذكرى حلوة عندي احبه بزيادة.. بوس فيمي عطر الخطوبة ..وبلاك اكس عطر الزواج :adore:

¨°o.O عيون بن عون O.o°";11931434:
يؤسفني أن أنقل لكم خبر وفاة المغفور له بإذن الله تعالى الأخ والوالد والمسؤول محمد جاسم البنكي

وكيل وزارة الإعلام ورئيس تحرير جريدة الوطن سابقا


حيث انتقل إلى الرفيق الأعلى منذ ساعات قليلة

نسأل الله أن يلهم أهله وذويه الصبر والسلوان


الله يرحمك يا بوجاسم ومثواك الجنة أن شاء الله

دعواتكم له بالرحمة والمغفرة

وانا لله وانا إليه راجعون

الله يرحمه ويغفر اليه ويصبر اهله ومحبيه,,

nice-girl;11931577:

مرحبا بنات ماحبيت ادخل بدون ماسلم عليكم ..انا بخير والحمدلله للي يسال عني وباذن الله زوجي بكرة بيسافر ومن جذيه مشغولة حبتين وانتوا شخباركم عساكم بخير ان شاءالله وعسى اعيالكم بخير ان شاءالله .. بحاول اقرى اللي اقدر عليه ..احس سوالفكم حلوة وخصوصا في ناس جدد معاكم ..ونااااااسة

فاتي .. لو كنتي كاتبة من قبل جان ساعدتج زوجي تخصصه البزنس وهالسوالف بس الحين مشغول بالسفر وفترة امتحاناته

هلا والله نايس منوووورة خيوو شخبارج وشخبار شوشو؟؟
اهاا الله يوفقه وينجحه وربي يساعدنا:|

هلا والله دموووع الحمدلله على السلامة هاا شنو شريتين يلا صووري خلينا نجووف يا سينيتيا خخخخ:lol:

اهيين فاتي الحمد لله انا والنونو بخير وسامحيني ماعندي خبره بهالمجال ولا جان ساعدتج من عيوني
شخبار عموري اللحين ان شاء الله اشوه؟
****************
إنا لله وإنا إليه راجعون
الله يرحمه برحمته ويجعل مثواه الجنه
***************
رنين اليوم المنتدى مخرف عشان جذي محد قدر يشارك الصبح
لهم وحشه بنات زام الصبح مو متعوديين يغيبون كلهم مره وحده غير في الويك اند
**************
نايس هلا حبوبه حياج الله ويسافر زوجج بالسلامه يارب
*************
دموعه عويزه يعني صوغه والصوغه يعني الهديه اللي اييبها الشخص من السفر للناس اللي يعزون عليه

هلا رووحي عمووري الحين الحمدلله صار احسن بس مايرضى ياكل وامضجرني:(!!

ياربيييييييييييي بكرررة آخر يووم للتسليم وللحين ماسويت هالاسايمنت عليي بس تاسك1 ومو عارفة احله بروحي الا بمساعدة صدييييييييييق الله يغربل هالمعهد:(:( الله كريم

مرحباااااااااا بنات
صج المنتدى اليوووووووم ضيعني وانا في الشغل متملله ولا بالعناد اليوم مافي شغل يعني طول الوقت قاعده بس جذي والوقت مو راضي يمشيييييي

قوة بنات خخخخخ ماصار واجب وايد خخخخخخخخ المهم شخباركم هكو طرشت صورة ولدي علاوي حق عيون وبتحطها قالت الله يعطيها العافيه
وعلاوي ولدي تصخن امس من التطعيم وعطيته بندول كل 6 ساعات وصار زين واليوم ماعطيته عادي ولا لا مسكين امس كلش مايبيني المس ريوله تعوووووره
وعمووري مايشووف شر ان شاءالله
ومبروووك صوت اكمال توته الخمس شهور عقبال السنه فديتها وحلووين ثيابها وثياب الابطال من وين خخخخ فضووول
وشنو بتعطينها اكل عشان نستفيد لين بعطي ولدي وحتى دمعه قولي لي شنو بديتي مع حمودي في البدايه والكميه وجذي وجم كان عمره يوم تبتدين وهل تقبل الاكل بسرعه او لا
وسؤال بعد يسدح نفسه عمري 4 شهور المفروض جم مل يشرب تقريبا مثلا ادري ان كل ياهل غير بس ابي اعرف 130 او 140 او اكثر؟؟؟؟

اي ونسيت اقولكم ان رحت الستي كارفور شريت الماجله هالمره من هناك ورحت ادمز شراله ابوه فانيله سوده حق الوفاة امس خخخخخخخ والله حاله زعطوط ويبي يلبسه اسود وامس شال الشيخ حسين الاكرف والعالم هناك رحت اجوف العزه في السياره بس عجيب شطوووول
ودشيت توب الويا وشريت له جينز وفانيله
وشرايكم في بي اج اس صج الي في السيف اغراضه احلى من الستي ولا ؟؟؟

ايييييي بعد ورحت السلمانيه عشان يشووفون ولدي من عقب العمليه وجذي قالي كلشي تمام بس احتمال 40 في الميه يرجع له الجهه الثانيه وان شاءالله مايرجع له ولا شي

بنات عندي مشكله ابي اقولها لكم والله احس لازم افضفض بس موب الحين علشان علاوي الحين موب مخليني