تجمع امهات وحوامل مملكة الزين البحرين لشهر جمادي الأولى لعام 1431

nice-girl;12042445:
انا زوجي مايحب المباريات وايد ..يمكن اا اكثر منه اتابع خخخخخخ

هههههه
شتابعين؟؟

عيون حاولت ادور له صورة في النت ماحصلت ان شاءالله بكرة اصوره لكم

يله تصبحون على خير

¨°o.O عيون بن عون O.o°";12042483:
هههههه
شتابعين؟؟

والله ايام الثانوي كنت اتابع وايد كاس اوربا والاندية
في الجامعه قللت شوي بس كاس العالم وكاس اسيا وعقب ماعرست بس اسمع الاخبار من اخواني واشوف النقاط مال اندية اوربا بس كاس اوربا وكاس العالم على طول اتابعهم وهالمرة نبي نسوي حركة حماسية بنخلي مبلغ صغير حق بينا وبين بعض حق اللي يخمن من يفوز في كاس اعالم يعني بس في بيتنا ..اخوي فكر ناخذ من الكل بس هذا يعتبر حرام فقلت حق زوجي انت حط مبلغ بروحك جذيه حلال خخخخخخ وطبعا امن مشجعي ايطاليا والاجنتين ماعرف من اختار ;)

nice-girl;12042577:
والله ايام الثانوي كنت اتابع وايد كاس اوربا والاندية
في الجامعه قللت شوي بس كاس العالم وكاس اسيا وعقب ماعرست بس اسمع الاخبار من اخواني واشوف النقاط مال اندية اوربا بس كاس اوربا وكاس العالم على طول اتابعهم وهالمرة نبي نسوي حركة حماسية بنخلي مبلغ صغير حق بينا وبين بعض حق اللي يخمن من يفوز في كاس اعالم يعني بس في بيتنا ..اخوي فكر ناخذ من الكل بس هذا يعتبر حرام فقلت حق زوجي انت حط مبلغ بروحك جذيه حلال خخخخخخ وطبعا امن مشجعي ايطاليا والاجنتين ماعرف من اختار ;)

ايه الافكار دي ياوااد
;)

وطبعا ايطاليا
:thumbs_up:

¨°o.O عيون بن عون O.o°";12042433:

هذيان
برشالونا
وساعات ريال مدريد ماادري شنو

وعن الاختراع
تحصلين في كليرز

خطيبي انتراوي :worn_out:

بشووف كليرزز ..ماتعرفين شي عن اسعارهم؟

السلام شخباركم؟؟
داخلة عالسريع.. راسي داير من حمود
كل يزن اذا اقعد به ويا بيت عمي.. مايبيني اقعد به على الكرسي.. يبي اقعد في الارض..
وهالايام مايبي يقعد بروحه في الارض لااااازم اكون صوبه.. وشوي ويتملل عشان اشيله وافتر به في البيت
اتعب من الدوارة.. ولما اوقف يزن.. واذا ابطحه عشان يحاول يحبي يجي له ولد عمته ..يطز عينه او يعطيه عضة او يبي يرقع راسه.. عوااار راس .. وامه بعد تنقهر اذا يسوي ولدها جديه..:|
انزين صغير عمره سنة و4 شهور يعني مايفهم.. تنقهر وتقول للشغالة شيليه .. واذا جيت باعدت حمود احسها تتضايق
والله حالة.. صج صج ماينعرف للناس!! يعني وش نسوي؟؟:confused:

وحمودي يمللني في سالفة النوم بعد.. يغمض ومااشوفه الا مرة وحدة يقوم ويبي يتحرك ويلعب.. والحين عطيته تلفوني يسمع اغنية "ياسنور تت" خخخخخخخخ:lol: سمعها لما نام.. واذا ابندها يرد يقعد.. ههههههه ماينقص عليهم

هذيان تحصلين حامل الاكسسوارات وحامل التراجي في بيت التنزيلات.. اني عندي واحد ماخذتنه من سنة وشوي..
والحين سيل روحي جيكي وانتهزي الفرصة
تصبحون على شاي وبغصم.. وتصبحون على خيشة بيزات بس كلهم خردة ههههههه

.. ايي صج على طاري المباريات والفرق
حمودي شكله تأثر بيوم كنت حامل .. كنت اتابع مباريات ويا زوجي
واذا يكون على الزام يسجل المباريات واضطر اطالعها مادام هي تتسجل,,

الحين يحب الكور.. ومن يشوف كرة ونوقفه صوبها يشوووتها فديته
أبوه يبي يشتري له بدلة برشلونا.. من وين نحصل؟؟
هو يبي ياخذ له على قولته شي عدل.. بس اني باخذ له حتى لو رخوووصي.. لأن ماراح يلبسها
واني مااحب البدلات مالت الاندية والفرق

دمـعـة;12042701:
.. ايي صج على طاري المباريات والفرق
حمودي شكله تأثر بيوم كنت حامل .. كنت اتابع مباريات ويا زوجي
واذا يكون على الزام يسجل المباريات واضطر اطالعها مادام هي تتسجل,,

الحين يحب الكور.. ومن يشوف كرة ونوقفه صوبها يشوووتها فديته
أبوه يبي يشتري له بدلة برشلونا.. من وين نحصل؟؟
هو يبي ياخذ له على قولته شي عدل.. بس اني باخذ له حتى لو رخوووصي.. لأن ماراح يلبسها
واني مااحب البدلات مالت الاندية والفرق

اليوم نلعب اني وودع وتوتو بالكرة
الا ودع تقول حمود ولد خالو .... يشووت الكرة عدل :lol:
حتى سوق المنامة فيه هالبدلات
سألي بسمة .. كانت تاخذ لعلاوي من يوم كان صغير

سالتوني من قبل عن الاغراض الي تبيعهم حماتي

عاد امس كانت عندي الساعات
وتذكرتكم وصورتهم لكم

اهي تبيع هاي الشنطه

الي تنحط فيها الساعات

ولو تلاحظون انه في جهه بعد لحفظ الخوااتم

من قبل كان عندها نفس نوعيه الشنط بس عاد كانت كامله للساعات
وفيه مو بس سودا فيه بعد على جلد لماعي وبربريز جنه

سعرها ب10
والساعات كل وحده سعر في الي بو3 وفي الي بو 12
يعني يختلف

دمـعـة;12042689:
هذيان تحصلين حامل الاكسسوارات وحامل التراجي في بيت التنزيلات.. اني عندي واحد ماخذتنه من سنة وشوي..
والحين سيل روحي جيكي وانتهزي الفرصة
تصبحون على شاي وبغصم.. وتصبحون على خيشة بيزات بس كلهم خردة ههههههه

الحين قالو لي في كليرز ولايف ستايل وهوم سنتر او ستور وبيت التنزيلات .. كل مرة بروح مكان ،، :lol:

وين افرع بيت التنزيلات .. ;) .. توني من كم يم ماكله شاهي وبغصم يمي يمي
وانتي من اهل الخير F:

عيون .. عجيبة الشنطة


خطيبي ولا مرة من خذاني لبس ساعة :confused: كلش مايحب

هذيان
مااعرف عن اسعارهم
وشوفي بعد بيت التنزيلات مثل ماقالت دمعه

دمعه الله يعطيج العاافيه
للحين بعد ماشفتي شي توج بالحمد
فتره التسنين كريه تتعب قلب الام قبل الياهل
كل هالي تقولينه شي طبيعي بس يبي له صبرررر


لكن احنا ماعندنا صبرر

هذيــان;12042788:
عيون .. عجيبة الشنطة


خطيبي ولا مرة من خذاني لبس ساعة :confused: كلش مايحب

وي زوجي عشقه
لازم يعني لزوم الكشخه خخخ


هالشنطه للجنسين
بس ذي تصلح اكثر للحريم لانه فيها للخواتم واايد اماكن

صووره قصووودي




قولوا ماااشاااء الله




بزوور خذتهم
ماشاء الله كله تتحرك
وحتى مو واضحين واين
ومن تشوف الكيمرا تسوي جييز بقووة ويتعفس ويها خخخخ










والحين هااي
شريته واستخدمته توني من جم يوم
عجوة الطهاره
من عذاري
اكيد تعرفون موقع عذاري

استخدمته مع الدورة
وصج اشوف انه الله يعزكم الوصخ ينزل مو بس الدم

واهو بعد يصير للنفاس
سعره جنه 8 ماادري 7

اهو طعمه دارسين وعسل وتمر واعشاب
اكله مرتين او مره باليوم
مو كل يوم بس ايام الدورة

لو تلاحظون صور قصايد كله
مندمجه بالتلفزيون هههههه

يلا بيبااااااي

وزااام نهاااار

صباااح الخير

ياوجيه الخيير

رحت وييت

قلت بنزل لكم هالكوبي من موضوعها في منتدى ثاني

تفضلوااا

السلام عليكم ورحمة الله وبركاته



شحالكم خواتي المتزوجات و البنات اللي للحين ماتزوجوا عقبالكم كلكم آمين يارب
فالبداية قبل ما اتطرق للموضوع حبيت أوضح بعض المعاني اللي أكيد أكثر البنات مايعرفونها أو يمكن سمعوا عنها لكن مش بالتفصيل

واايد نسمع عن مشاكل المرأة وفي كلمة دايما يرددونها الا وهي (خربانة) لكن ماهي علامات الخراب؟



علامات الخراب :
خروج سوائل بكثرة طوال اليوم تقريبا
بعض الحالات معها رائحة كريهه
بعض الحالات يخرج منها هواء من منطقة المهبل مع صوت محرج

ان السيده الخربانه لاتعيش حياة طبيعيه سواء تزوجت او لم تتزوج لأسباب وهي
علامات الخراب التي تسبب لها الكثير من الإحراج وخاصة في المراحل المتقدمة
ايضا تكون سبب في عدم السعاده الزوجية للمتزوجين وخاصة الأزواج لذلك تجد الزوجه تشعر بنفور الزوج ولا تدري ما السبب


ولله الحمد بعد الاقبال الكبير على " عجوة الطهارة " ونجاحها راح أعرض لكم فوايدها اللي لاقت استحسان كل زبايني وصارت بالنسبة حق كل بنت وسيدة شي أساسي يطلبونها قبل الدورة وقبل الولادة و مكونات العجوة طبيعية 100% يعني مامنها خووووووف أبدا أنا أستخدمها من فترة والحمدلله النتيجة ممتازة حتى عوااار الدورة خف كثيييييير عن قبل أكيد كلكم تعرفون الآلام والمعاناة اللي تحس بها البنت شهريااا وخصوصا اذا كانت طالبة أو موظفة وفي بداية دورتها بتفيدها هالعجوة واااايد وحتى اللي في النفاس بعد ماتولد بتفيدها هالعجوة والطلب عليها ماشاء الله في تزايد من الحوامل لأنها تنزل كل الأوساخ والافرازات والهواء والمويات اللي ضروري تنزل بعد الولادة وتشد الرحم والبطن وتحافظ عليه وبذلك تكونين على ثقة بعد كل دورة انك عملتي صيانه وتنظيف وفي نفس الوقت تمنع العجوة نفخة البطن و الانسدادات داخل الرحم بسبب الاوساخ اللي تتراكم وانت ماتحسين فيها اللي ممكن تسبب تكيسات مع المستقبل ومنع الحمل لا قدر الله ..



تجارب البنات مع "عجوة الطهارة"



إقتباس:
المشاركة الأصلية بواسطة بنت كيوووت

مابقول الا جزاج الله خير نفعتني العجوة وفعلا طعمها حلوو وطبيعية وبغيت 5 علب من العجوة لي ولخواتي وموفقة







إقتباس:
المشاركة الأصلية بواسطة الفراشة الذهبية

السلام عليكم

حبيبتي الخلطة اللي خذتها من عندج ماعليها كلاااااااام الله يعزج قطع قطع تنزل وين كانت هالبلاووي ههههههه وخفت الكرشة هههه مدري عندج مندوبة بقطر؟؟ بيكون لنا أسهل للطلب أنتظر ردج واذا ماعندج أبي أعرف الشروط >>>>>>>> ممكن أكون مندوبتج ؟






إقتباس:
المشاركة الأصلية بواسطة pink rose

كللللوووووووش

اولا اختي بشكررررررررررج من كل قلبي على تعاملج الراقي والله يوفقج
ثانيا عندي سؤال انا استخدمت العجو للطهارى كلش اووكي وارتحت منها حتى بنت خالي سألتني وعطيتها رقمج لاني قلت لها تجربتي لكن عندي سؤال انا الحين استخدمتها 4 أيام من بداية الدورة أواصل عليها ولا لا ومشكوووورة






إقتباس:
المشاركة الأصلية بواسطة جداوية وكلي فخر

السلام عليكم ورحمة الله وبركاته

كيف الحال اخت عذاري؟
انا بكتب تجربتي بكل أمانة من بداية النفاس وانا آخذ من خلطتك الله يريح بالك مثل ماريحتتيني كل المويات والتكتلات تنزل أفضل من ولاداتي السابقة حتى الغازات الله يعزك تخلصت منها واحس بشد خفيف في البطن والطعم لذيذ جدا وأنا من النوع اللي ماتناسبني التحاميل وتسبب لي حساسية لكن الحمدلله العجو ريحتني لدرجة ماتتصورينها جزاك الله خيرا وبطلب منك قريب لبنت اخوي لأنها حامل









صورة عجوة الطهارة






تذكروا يا أخواتي أن الكلمة الطيبة صدقة
رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت)

ادعووووولي بالتوفيق انا بعد هاااااااااااااا

عيون
عجبتني صورة قصوود الي عليها بجامه
احب الصور العفوية :worn_out:

واما عن هالعجوة هههههههههههههههههههههه الاسم مو صج
اتخيل لو اشربه جان سنتين ما يطب بطني شي :struggle:
اسمه كفايه .. عالعموم اني اشياء جذيه ماحبها
حتى مرقدووش ماحب اشربه :confused: